الحب من طرف واحد

كنا نحب بعض واصبح حبى من طرف واحد

معلش قبل ما ابدا الكلام لو حد هيقولى سيبك منة وانسية ولازم تنسية علشان مينفعش كدة انا بقولك شكرا وبلاش ترد لان ردك هيعبنى اكتر
انا حبيبت اوى وبجنون وهو سابنى وارتبط من بعدى وانا عارفة بس دى مش علاقة طيش شباب اهلى واهلة كانوا عارفين هو كان حب من النت وكل واحد من بلد بس شفنا بعض واتكلمنا وشفت اهله واتعرفنا انا بحبة اوى وهموت ويرجعلى مع العلم انه هو اللى سابنى علشان سبب انو لسة صغير وهو مش عايز يرتبط وهو لسة صغير مع العلم اننا فى اول العشرينات واد بعض وفات سنة وانا لسة بحبة ولا يوم بطل حبى ومش قادرة اشوف حد تانى غيرة كل واحد فى عنيا يعنى هو وبس كل يوم عنيا بتبكى زى اول يوم فراق وحاسة انو هيرجعلنى مع ان دة صعب اوى انا شايفة انى كنت مخلصة وكان فيا صفات حلوة كتير هو معترف بيها املى انو يرجع لحاجة واحدة منها بس انا عارفة انو لا وفى نفس الوقت مش قادرة انساه ولا اشيلة من دماغى وبحبة لسة بدرجة حبى بتاع زمان مع انو مواقفة معايا تخلينى مفتكرش حاجة حلوة ولية تعبت من كتر التفكير تعبت من كتر الانتظار مش عارفة اعيش حياتى وهو بعيد عنى عايشة ومش عايشة لو حد عندة حل كويس غير انو يقولى اتخطبى وابدى حياتك من غيرة وكدة انا مش عارفة اعمل دة ولا عايزة واللى هيقولى انتى لازم تنسية انا مش بزارير هدوس على زار هلاقى نفسى ناسياه باقالى سنة ومنستش و اللى هيقولى اشغلى نفسى بحاجة عملت كل دة ومفيش تغير الموضوع بدأ يأثر على طباعى وتصرفاتى انا تعبت اوى