بحبه وهو بيحب بنت عمه

انا مشكلتى انى كنت مخطوبه لواحد بس مكنتش بحبه واتخطبت ليه عشان هو طيب وكان ليا قريب وكان بيحبنى لحد دلوقت كلمنى وانا مخطوبه وحاول يتقرب منى عشان يعرف انى بحب خطيبى ولا لأ بس طبعا مقدرتش اقوله اى حاجه لانى ممكن اجرح خطيبى وفى نفس الوقت انا كنت حباه ومش كنت عاوزه ابينله عشان دى تعتبر خيانه فى حد ذاتها وحصلت ظروف وسبت خطيبى بسببها وبقيت ملهوفه عليه لدرجة انى كنت هموت لو مكلمتوش وسمعت صوته حتى ولو كلمه على فكره اللى بحبه ده قريبى ومتربى معايا وحصل واتصلت عليه بحجة انى عاوزاه يجى يسلم علينا قبل مايسافر السعوديه وحاولت اتقرب منه وقالى انه بيحب واحده وعايز يخطبها وانا حاسه ان ده مش حقيقى حسيت انو بيختبرنى وانا بحبه قوى ومش عارفه اعمل ايه ونفسى يكلمنى قوى قوى واعرف منه اذا كان بيحبنى ولا لأ هو قالى من ضمن كلامه ليا فى المكالمه انو اللى بيحبها دى بنت عمو يعنى لا ينفع يضحك عليها ولا عليا لأننا غير اى حد انا وهيه قرايبه انا اسفه لانى طولت عليكوا كلامى بس كان لازم اوضح كل حاجه لسيادتكوا عارفه انكوا ممكن تحسوا بتفاهة الموضوع بس انا بتعذب والله وعايزه حد ينصحنى عايزه ابينله انى بحبه بس مش قادره لأن ده مش من طبعى قلولى اعمل ايه انا محتاجه حل وهوه ما بيبينش من ناحيته حاجه ليا

مشاكل وحلول ذات صلة

• لسه بحبها وبتكلم معاها بعد جوازها
• بحب خطيبي ومش قادره ابعد ولا قادرة اكمل
• انهاء علاقتي مع خطيبي المؤذي
• خطيبتي عنادية وعصبية واحس عندها جفاف عاطفي
• هل المواقف دي بتدل انه بيحبني و لا عادي
• اعلم انى شاذه بما لا يخالف شرع الله
• مخطوبة واحب رجل متزوج