بصوا يا جماعه انا عندي 16 سنة بحب ابن خالتي من زمان و هو اكبر مني بسنة و انا هحكيلكوا عن مشكلتي بس معلش هطول عليكوا ياريت تكملوا للنهاية♡♡
انا مبدئيا بنت محترمة جدا و خجولة و متدينة و عارفه ربنا و الحلال و الحرام و بابا شديد شوية ف موضوع التعامل مع الولاد بصفه عامة و كدة و كمان مع ولاد خالتي مع اني كا الي بيني و بينهم ازيك الله يسلمك و بس او ممكن نكلم عن الدراسة و كدة ف هو بيخاف من بابا جدا و مبيكلمنيش ولا يسلم عليا حتي قدام بابا و انا كذلك المهم خليني احكيلكوا عن المواقف الي بحسه فيها بيحبني و ساعات لأ
1/ مرة كنت ف اولي اعدادي و كنا بنبني الارض بتاعتنا و كنت بروح مع بابا و كدة اعمل شاي و لأني بحب الحاجات دي المهم انا رحت مع بابا يومين و هو كان ف اليومين دول اول م نروح يجي و يفضل قاعد معايا يكلمني و كدة لحد م نمشي و بابا كان بيبقي قاعد مع البني قصادنا بس بعيد شوية ف حسيت انه مهتم و عايز يكون معايا و ف اليوم ده و احنا مروحين كان يقف يتكلم معايا و اول م يشوف بابا يروح جاري بالعجلة و اول م بابا يمشي يعمل حاجه يروح راجع تاني علشان بيخاف منه
2/ و مرة كان موجود عندنا اول م نزلنا من السعودية كان سبوع اخويا كنت ف ٢ اعدادي وراني محادثته مع بنت ع الفيس بس انا مركزتش ف الكلام من كتر م كنت مضايقه و مصدومة و معرفش ليه وراني المحادثة ياريت لو حد عنده تفسير يقولي المهم شفت المحادثة و بعدها خرجت اجيب حاجات بابا قاله روح معاها علشان متخرجش لوحدها اصل بابا بحالات بصراحه مرة يزعقله و مرة يقولة روح معاها 🤣🤣المهم و احنا برة قالي انا معرفش عمتك دي عاملة كدة ليه بقوله ليه قالي علشان اما كنتي مسافرة لقين ايميل ع الفيس اسمه بإيسمك ف بعت طلب و قلتلك ازيك و كدة ف عمتك قالتلي ده ايميلي مش ايميل ندي قولتلها طب عايز ايميلها ف فضحتني و قالت للناس و كدة مع العلم ان ولاد خالتي عندهم عادي يكلموا بعض ع الفيس و كدة انما بابا لأ و انا ضد ده برضه ف فرحت انه كان عايز يكلمني و كدة و و احنا راجعين و طالعين السلم قولتله مينفعش تكلم بنات حرام و مش هقولك ترضاها لأختك و كدة انما ترضالي اكلم ولاد راح قايلي دانا ادبحك و راح طالع 😍
3/ و مرة كنا ف خطوبة اخته و انا ف ٣ اعدادي ف ماما وبابا قالولي امشي حصلي تيتا روحي معاها ف انا خرجت من بيتهم و ماشيه علي اني هحصل تيتا ف ملقتهاش ف هو كان واقف ع بابا الشارع بتاعهم مع اصحابه ف شافني ماشيه لوحدي ف قالي راحه فين قولتله مروحة قالي و هو انتي شايفاني بقرون علشان تمشي لوحدك و راح موصلني مع العلم ان كان في مسافه بيني و بينه كبيرة جدا جدا و كأننا مش ماشين مع بعض و مكلمناش لحد م وصلني قولتله شكرا و مشي
4/ و مرة كنت ف ٢ اعدادي و كنت لسة نازلة من السعودية و اول مرة اروح الدرس و كنت لوحدي و معرفش حد ف و انا ف الشارع بتاع الدرس كان هو لسة خارج من الدرس ف قال لصحابه اوعي يا عم اما نوصل الدكتورة و قال اسمي و طلع وصلني لحد فوق و وصي عليا الاساتذة و كنت قلعت الجزمة بره راح بعد م خرج دخل و جابهالي لحد عندي
5/ و مرة اول م نزلنا من السعودية برضه ماما كانت جايه من عند تيتا مامتها و هو كان جاي معاها موصلها ف اما دخلوا لقيتوا اداني بونبوناية و قالي خدي دي الي عرفت اجيبهالك من عند تيتا لما وزعوا هناك ف دي حاجه قد تكون تافهه بس ايه الي يخليه يفمر فيا و يجيبلي بونبوني انا الوحيدة
و دي المواقف الي فاكرها بس اليومين دول بقيت بحسه بيتجاهلني جدا مبقاش يسلم عليا حتى بس لأني انا كدة انا بسلم عليه بس ازيك عامل ايه و مفيش بيني و بينة كلام خالص و مبشوفهوش خالص غير ممكن صدفه ف الشارع بس اخر مرة كنا ف كتب كتاب اخته من اسبوعين كدة دخل عليا و مسلمش و لا كلمني خالص و لا بصلي بس بحثت لقيت ان التجاهل ده من علامات الحب بس انا مضايقه من دة و نفسي اعرف بيحبني و لا لأ مع العلم اني بفكر فيه كتيير و بتخليه انه بيعترفلي بحبه و انا طبعا عمري م هقولة ف ياريت تقولولي اعرف انه بيحبني ازاي و هل المواقف دي بتدل انه بيحبني و لا عادي
شوف ياحبيبتي تصرفاته معك دي دلالة على اعجابه بك وربما كان يحبك بس مش قادر يصارحك بحقيقة مشاعره او خجلان ومكسوف هذا بيحصل عند كثير من الشباب اما مسالة انه صار يتجاهلك فده لبعد المسافة بينكما فمش عايزك تتكلمي معه او تسال فيه اوعي تعمل كدا لو فعلا يحبك يصارحك بحقيقة مشاعره وتعاملي معه على انه زي اخوك واهتم بدراستك ومستقبلك وربنا يؤفقك ويسترعليك
بصى اسمعى منى اوعى تصارحيه وخليه هو ال يقولك واوعى تتهورى ي حبيبتى لانك هتندمى والله بعدين بس ساعتها مش هيفيد الندم داااا فهمتينى ولو بيحبك هيجيلك ويقولك انوو هو بيحبك انماا انتى اسكتى واهدى شويه ومتتسرعييش واسمعى منى انا مجربه نفس دا بس انا داا واتسرعت وقولتله رنيت عليه وكلمته وبعدين قولتله على اسمى وعرفنى وانا محرجهه جدا جدا وبفكرت انى انتحر مليون مرة متستعجليش اعتبرينى اختك الكبيرة ومجربه واسمعى منى
ولله انا عندى 15 عام والموقف ال هو عمله ده موقف عادى مش يعنى انه بيحبك وممكن لو كنتى حلوة يكون معجب بيكى مش اكتر كثيرما نعجب بالاشخاص ولاكن قليل ما نكون بنحبهم فالتجاهل يعنى ممكن يكون تهرب او ممكن يكون بيحبك وحب واحدة تانى عشان كدا وراكى الرسالة بيقول لكى انة بيحب واحدة او ممك يكون بيستعرض لكى حتى تفتحو الموضوع دة اناانصحك يا اختى فى الاسلام ان لا تتعلقى باحد ابدا حتى لايضع المتقبل
ولو كان بيحبك وانتى حاسة بكد اكيد اكيد اكيد انك حاسة ببعض المشاعر تهاههة متتقليش ابد واتكلمى عادى ومتبصلهوش باعجاب بصيلة على كانة ولد خالك ولو اتجراء معاكى فى الكلام زى الموقف بتاع الدرس اتكلمى معاه فى الموضوعع واتحكى وقولى له او تكون بتحنى بهزاز قولى لة وعلى فكرة اى احد من الرجالة لو وحدة قلت لة كدا والله هيقول يا بحبك ايو او لاانتى زى اختى بس لو انتى زى اختى بصوت مخفض وباصص فى الارض زى ال مكسوف 100% بيحبك بس لو كتى مش حلو يستحسن متكلميهوش اصل ولو عازيا تسالى عن اى شعو هو حاسة انا ممكن اعرفة
ردي علي ” حلي للمشكلة و ارجو الا يعمل مشكلة ”
بصي انا مش بتعامل معاه بمبدأ اني اكون تقيلة او صعبه المنال انا بتعامل بطبيعتي و تربية اهلي ليا انا مع كل ولاد خلاتي بالطريقه دي بس مهما بيشوفوا انها تناكة و تكبر مش احترام و ادب و انتي كلامك فعلا صح هو الاول كنت بحسه مهتم و فيه شوق ف عينة كدة او حب و كان بيحب يكلم معايا بس دلوقتي بقيت احس ف عينه انه فعلا فاقد الامل زي م قولتي يعني انا حسيت نظراته اتغيرت ليا بس مكنتش فاهمه بس اما قولتيلي كدة فهمت فعلا بس المشكلة اني مقدرش اقابلة او اتعامل معاه الا لو شفنا بعض بالصدفة ف ممكن يكون زهق مني او نسيني زي كدة يعني انا مبقتش مهتمة بيه او بفكر فيه كتير من ساعه اما مبقتش اشوفه حسه ان حبي ليه كان حوال ٢ او ٣ من ١٠ انما يوم م شوفته من ٣ اسابيع كدة ف كتب كتاب اخته حسيت اني حنيت و كنت ببص عليا كل شوية من بعيد بس كنت بلاقيه مش مهتم و مش باصصلي لأن انا علشان بحبه كنت ببصله كل شوية ف زعلت و حسيت اني مبقتش افرق معاه بس بصراحه الله يكون ف عونة 😊😊لأن هو معندوش ان الواحدة متتعاملش مع ابن خالتها و هو مش عايز احترامي الي بيخليني بعيدة عنه هو ممكن يحب اي واحدة تانية مش لازم البنت التقيلة عليه بس مش مشكلة اهم حاجه اني افضل ع مبادئي و احترامي حتي لو ده خلاه ميحبنيش و شكرا لردك عجبني جدا 😚😚
كيف نعرف انه يحبك او يخاف عليك او يغار لانك بنت خالته او لان ابوك قال له مره او اثنين روح معاهأ وهو تعود او اهتم بالامر عادي كما يهتم باخته ،انتي اقدر من غيرك على معرفة شعوره ناحيتك لان كل مواقفه معك وكلامه وتعابير وجهه ونظراته تعبر عن اعجابه او عدم اهتمامه ، لم يكن معه احد غيرك ،كيف تسألي من لم يراه او يسمع كلامه ، الحب يسبقه اعجاب، لكن رأيي انه لو اعجب بك لم يبتعد الان ولم يكن كلامه معك على حسب لقاءك صدفة او في فترات متباعدة، الا اان يكون محبط وفاقد الامل او لم يرى منگ انتي ما يشجعه، على العموم لا تظلمية اعطيه فرصة يعبر عن شعوره ناحيتك يبدو انك تعملي بنصيحة من يقول عليك ان تكوني ثقيلة وغير متهورة واذا كلمك لا تستعجلي خليه يشوف انك بعيدة المنال وغالية الى اخر هذا الكلام ،هذا كلام اغبياء انأ لو يتعسر علي شيء اسيبه وطز فيه لا تعملي بهذا الاسلوب بالنهاية يكون يكره هذا الاسلوب ويمل منك ، هو ابن خالتك كوني سهلة معه اذا اراد ان يتقرب لك او يكلمك اسمعيه ، تختصري كل ما يدور في بالك او يريد ان يقوله لك في لقاء بدل ما كل واحد يفكر مع نفسه ويتسائل ربما شهور طويلة او سنوات هل تحبني او هل يحبني او ماذا يعني بتصرفاته او ما قاله ،اذا اراد الكلام او التواصل معك او مراسلتك اعطيه الفرصة واي عنوان او وسيلة يمكن ان يقول كل اللي في نفسه وتعرفي شعوره ناحيتك
بصوا يا جماعه معلش انا نزلت مشكلتي تاني علي #الحب بين الاقارب بعنوان انا بحب ابن خالتي بس هل بيحبني و لا لأ….. لأن مشكلتي مكنتش ظهرت عندي انها نزلت ف فكرت اني منشرتهاش ف نزلتها تاني ف محدش يضايق لو لقي نفس المشكلة تاني و شكرا للناس الي ردت و هترد عليا علشان رأيكوا يهمني😙😙
بوصي المواقف اللي انتي حكيتيها دي كلها من فتره يعني بما انك كنتي في 2 اعدادي ف هو كان في 3 اعدادي يعني كنتو صغيرين لسه ، المواقف دي بتدل علي اهتمام و حب بس ده في وقتها ، وبما أن دلوقتي بيتجاهلك ف اكيد عشان انتي مبتفتحيش معاه كلام ف بيجيله احساس انك تنكه و مستصغراه او يمكن هو بيفكر بعقل و شايف أن المسافه بينكو بعيده ف شال الموضوع من دماغه ،، نصيحتي تركزي في دراستك و كل حاجه هتيجي في وقتها و اتعاملي معاه عادي ببساطه بما انك تعرفوا بعض من زمان وكده ، ممكن تطلبي منه مساعده او نصيحه في الدراسه بحكم انه اكبر بسنه و كده يعني حاولي تتكلمي بشكل طبيعي و طالما في كلام هيبقي فيه حاجات تانيه