انا بحب واحد اكبر منى ب3 سنين هو صاحب اخويا قوى من زمان واخويا كان دايما بيتكلم عليه وانا كنت عادى مش بحبه كان زى اخويا بس من سنة عمل غية يربى فيها حمام على سطح بيته اللى هو فى وش شقتنا ومن هنا ابتديت احبه ولما كنت بشوفه من الشباك وهو فى الشارع مكنتش بقدر ادخل من الشباك كنت بفضل بصاله لحد ما يمشى وفضل حبى يزيد لحد ما بقيت مش بقدر يعدى يوم من غير ما اشوفه . فى رمضان اللى فات كان قاعد الصبح على الغية فانا دخلت قعدت فى البلكونة لقيته شغل اغانى رومانسية شوية بعد كده لما دخلت هو نزل وبعد الموضوع ده بشهر شال الغية . المشكله انى لما بشوفوا فى الشارع مش بقدر ابصله عشان بخاف يقول عليا مش محترمة لان اخويا الحمد لله مشهور ومحدش بيقدر يكلمنا او يعاكسنا عشان احنا اخواته فانا مش عارفة هو بيحبنى ولا لا بس هو سعات يبصلى وسعات لا . انا بحبه اوى . انا سعات كتير بشوفه بيتكلم فى الموبايل وسعات كان يبقى بيتكلم ولما اعدى من قدامه وامشى شوية يخلص المكالمة . انا مش عارفة اعمل ايه . انا زى ما قولت مينفعش اكلمه او ابصله لان مفيش ولد بيحب بنت كلمته بسهوله عشان بيقولوا زى ما كلمتنى بسهولة اكيد كلمت غيرى وبردو مش بقدر ابصله لانى بخاف على سمعتى جدا. انا لما والده توفى لبست اسود وهو شافنى وكنت بعدى مع صحابى من قدامه مش بهزر ولا بضحك يعنى اكيد حس بحبى ليه صح؟.ياريت تقولولى على حل كويس وياريت محدش يقولى انسيه لانى حاولت قبل كده ومعرفتش ياريت تقولولى اعمل ايه؟؟؟؟؟؟؟؟
