السلام عليكم انا عندى 24 سنة الحمد لله متزنة جدا وطول عمرى انا وكل اللى حواليا شايفين ان تفكيرى اكبر من سنى بكتير المهم علشان مش اطول عليكوا حبيت حبيبى ونور عينى وكل حاجة فى دنيتى من 6 سنين بس هو اكبر منى ب 15 سنة وطبعا اهلى كانوا معارضين بشدة واصحابى وكل اللى حواليا والحمد لله بعد معاناة تمت الخطوبة على خير واهلى دلوقتى بيحبوه اوى وعرفوا انى اخترت صح لانه فعلا انسان محترم وقريب من ربنا والاهم من ده كله بار بأهله ودى اكتر نقطة شدتنى ليه اديله نفسى وانا مغمضة عنيا متفاهين لابعد الحدود حنيته ماشوفتهاش ف حد وكأنه واحد من سنى بالظبط نفس التفكير ونفس العقلية عمرى اصلا من قبل ما اعرفه ماتمنيت انى ارتبط من واحد من سنى او قريب منى ف السن سبحان الله دعيت وربنا استجابلى وكمان اكتر ما اتمنيت الحمد والشكر لله ……….المشكله هنا ف الناس مش سايبانى فى حالى وانا فرحى قرب ومحتاجة الدعا بالتوفيق والسعاده اكتر من التبكيت كلام بأه من اللى انتوا عارفينه هتحسى بالفرق بعدين وانا عارفه اصلا ان بعد خمس سنين هيبقى شكلى انا اكبر منه ماعلينا ازاى بأه لما حد يقولى اكلمه اخرسه خالص اصل انا بصراحه مش بحب احرج حد بس اسمع كلام زى الطوب واتقبله عادى جدا واحنا ياجماعة بشر برده ولينا طاقة وبعدين انا عروسة ياناس .. ارجو الرد ولكم جزيل الشكر
الشئ الأهم ألا تتأثر بكلام الناس بعد مرور فترة من الزواج،لأنه كما قيل الزن على الودان أشدمن السحر،حتى عنوان مشكلتك فرق السن بين الزوجين مشكلة ،هذا يدل أنه عند حدوث أي خلاف بينك وبين زوجك بعد الزواج بتبدأ تفكر في كلام الناس وبتقول كان عندهم حق،،لا خليك واثقة من نفسك ،ده فرق مناسب خاصة انه لا زال شاب يعني لو كان عمرهره خمسة وستين وانت اربعين حينها فقط بتشعر بالفرق،توكل على الله وماتخليش حد يأثر عليك،حتى لو حصل اختلاف في بعض الأشياء بينكم بعدالزواج فماترديش الخلاف للسن،لأن الزواج منظومة متكاملة وليست سن فقط ،،ورسول الله صلى الله عليه وسلم تزوج خديجة رضي الله عنها رغم انه كان في مجتمع يعيب ان يصغر الرجل المرأة ومع ذلك كانت له نعم المرأة
والله يابنتي انا 28 سنة وشكلي كويس بس من المرمطة والشقي ع لقمة العيش شعري ابيض المسالة مش مسالة سن اهم حاجة ف قبول بينكم واهلكم موافقين ومباركين الموضوع سيبك من كلام اي حد بيقنا ف زمن مش عارفين من بيحبن ومين بيكرهنا … اي حد يكلمها كدا ابتسمي وخلاص وقليله عندك حق هيتفقع منك—- علاج الجاهل التجاهل ومتدخليش ف مواضيع علشان تريحي دماغك
الاخت العزيزة انت في سن 24سنة وعريسك في سن 40سنة اهم حاجة انكم متفاهمين وفي قبول وارتياح من كلا الطرفان والراجل محترم وكويس وعلى دين وخلق وهذا هو الاساس في الزواج ربنا يؤفقكم ويسعدكم ويتمم لكم بالخير ان شاء الله تعالى فارق العمر لن يؤثر بينكما طالما انكم تحبوا بعض وفي تفاهم وارتياح منكما للاخر لاتدع كلام الناس ياثر عليك ادعي ربك ان يتمم لكما بالخير ويؤفقكم ويسعدكم في حياتكم القادمة والف مبروك مقدما ياست العرائيس وربنا يسعدك مع الانسان الللي اختريته وعقبال الليلة الكبيرة ان شاء الله