انا انسة فوق التلاتين و ما بيتقدمليش عرسان خالص بسبب سنى و شكل مش حيتقدم لى حد خالص لحد ما اموت و لا حتى بأف كبير سبق له الجواز و الخلفة لان الرجال حاصرين اختيارهم فى فئة الاطفال و الرضع و ال بتتم 30 س بينظروا لها انها بره اطار الجواز و الرجل عنده يتجوز طفلة بترضع و يبقى فرق السن بينهم ما يقلش عن 15 س انشله تكون سبق لها الجواز و معاها عيل كمان حتى لو كان هو ما سبقلوش الجواز و انشله حتى حد يكون ضحك عليها قبل الجواز,عنده كل ده ارحم ما ياخد واحدة 30 س فما فوق حتى لو كانت بكر.ما علينا:انا بحب زميل لى اصغر منى ب 10 س و هو عارف و رافض الزواج بى (علما بأن اهله عارفين سنى و مرحبين بالجوازة عشان مش حيدفعوا لى لا ابيض و لا اسود و لان زميلى عنده مشكلة صحية بس ما تمنعوش من الجواز و الخلفة فعايزين واحدة تخلى بالها منه و تستحمله لما المرض يشتد عليه و يبقى عاجز و والدته كذا مرة تكلمنى و تقول لى انا عايزاكى بس خليها للظروف)فاعمل ايه عشان احرك مشاعره تجاهى و ازاى اخليه يغير رأيه و يقتنع ان سنى ده مجرد رقم مكتوب فى البطاقة و مش حيأثر على علاقتنا.انا نفسى اتجوز زميلى ده عشان اعيش جوه سنه و احس انى برجع لورا و اعمل ديليت ل 10 س من عمرى و لانه عود اخضر لا لف و لا دار و خجول و عمره ما مسك ايد بنت حتى و الله اعلم و لو اتجوزته حبقى انا القائد فى البيت و هو و ولادنا حياخدوا رأيى فى كل حاجة و حدير حياتى و حربى ولادى بطريقتى,و هو شعره فى راسه و ماعندوش و لا شعرة بيضا و جلده مشدود و جسمه سمارت و ماعندوش لا كرش و لا ترهلات و لا دوالى.ما حدش يقول لى هى الدنيا وقفت عليه,اه وقفت عليه لان ما بيتقدمليش حد خالص و لا حيتقدم لى,ده انا حتى لما بروح فرح فالبؤف كلهم ال فى الفرح بيتقدموا للاطفال الرضع ال فى الفرح و ماحدش بيعبرنى خالص برغم ان البؤف دول ادى فى السن ان ماكانوش اكبر كمان و برغم ان الاطفال ال بترضع دول لا شقر و لا عنيهم زرقا و لا شعرهم اصفر,و كمان انا بقيت اقرف من ال ادى فى السن لان اختيارهم مش على اساس الجوهر و هما ما يستحقوش كده خالص و لانهم فاقدين الاهلية تماما لان لما بأف كبير يتجوز طفلة بترضع فبكده تاريخ صلاحيته حتنتهى قبلها بكتير و يبقى عاجز و فاقد الرغبة تماما و ممكن ما يعملش معاها حتى جماع ناقص و هى يا اما حتخلعه و ترمى له العيال كمان يا اما حتخونه يا اما حتذله و شكله حيحمض قبلها و يقرع و يكرمش و يطلع له كرش و عضلاته حترتخى و هى مش حتقدر تغض بصرها عن الرجال الوسماء و حتبقى فريسة سهلة ليهم لانها جعانة.فانا بقيت بنجذب بس لال فى سن من 18 : 23 س بالكتير لانهم يستحقوا التقدير و للاسباب ال انا لسه قايلاها فى سبب اختيارى لزميلى.و حتى لو الموضوع مستحيل مع زميلى فانا نفسى اتجوز برضو واحد اصغر منى ب 10 س على الاقل,بس ليه المجتمع متأصل فيه فكرة ان الرجل يتقدم لواحدة اصغر منه ب 10 س و العكس لا,يعنى اى رجل فكرة مستبعدة عن ذهنه ان يتجوزه واحدة اده حتى مش اكبر منه ب 10 س و البنات حاطين فى دماغهم ان دى القاعدة ان اى واحدة لازم تاخد واحد اكبر منها.حتقولوا لى ما كده الست شكلها حيحمض قبل جوزها و مش حتملى عينه و حيبص لغيرها,حقول لكم ما الست لو شعرها ابيض حتصبغه انما الرجل لو شعره اقرع حيجيب شعر منين,و لو كرمشت ممكن تشد نفسها من قورتها لقعر رجلىها انما الراجل لو بقى عاجز حيجيب صحة منين,و حتقولوا لى كده الست حتهنك قبل جوزها,حقول لكم و ايه يعنى ما هى حتى لو جه لى كل الامراض و شلل رباعى فعمرها ما حتبقى عاجزة لانها ست و حتى لو بقيت باردة فممكن تجامع زوجها و خلاص انما الراجل ما يقدرش يجامع واحدة من غير رغبة او ممكن تسمح لزوجها فى الحالة دى انه يتجوز عليها انما الرجل لو بقى عاجز فالحل يا الطلاق يا الخلع.نفسى اعيش اول سنين جوازى مع راجل يشبعنى انما مش عايزة ابدأ حياتى مع واحد مهنك و شكله حامض و يعد يبص لى على انى واحدة واقعة من عليها و انتشلها من العنوسة و اتجوزها.حتقولوا لى اشغلى نفسك بحاجات تانية و اتجوزتى اتجوزتى ما اتجوزتيش مش مهم,ما انا اهو بدرس و بشغل وقتى,و بعدين انا مش تافهة و لا مستعجلة بس انا فعلا وصلت لسن الجواز و امتى حتجوز و اخلف و انا عندى 80 س,و بعد عمر طويل اهلى حيتوفوا و ابقى لوحدى و عندى كل امراض الشيخوخة و تيجى لى كريزة اى مرض و ما الاقيش ال يلحقنى.صحيح انا مش بشد فى شعرى و لا بقرقض ضوافرى عشان ما اتجوزتش بس برضو مش مستبعدة فكرة الجواز من دماغى.فممكن ال يقرأ مشكلتى يقول لى ازاى الفت نظر زميلى او اى واحد اصغر منى لو موضوع زميلى ما نفعش.
انا حتى لدرجة انى وصلت لمرحلة انى سمعت ان واحدة لها قريب متخلف عقليا و مش مكمل تعليمه بسبب اعاقته( مع احترامى الشديد له)و اهله بيدوروا له على عروسة فلدرجة انى عرضت نفسى على الانسانة دى و قلت لها انى موافقة بيه و كلمى لى اهله,فهى بلغتنى ان اهله رافضينك لانك اكبر منه ب 3 س و هما عايزين له طفلة فى حدود 21 او 22 س و لقم اطفال رضيم به و خريجين جامعة كمان,مع ان المفروض كانوا ياخدونى له بدل ما ياخدوا له طفلة لان نفرض اهله ماتوا فالطفلة دى هى و هو حيواجهوا الحياة لوحدهم مع بعض ازاى.خلاص مرض الزواج من الاطفال بقى متأصل تماما فى المجتمع.
الحب وفارق السن
أنسة فوق الثلاثين و بحب واحد اصغر منى
اضيف بتاريخ: Friday, December 15th, 2017 في 14:23
كلمات مشاكل وحلول: الحب, الزواج, بنت, حب, زواج, شاب
طريقه كلامك مثقفه وانا معاكي اريد الزوج كيف اتواصل معاكي
تحياتي الى كاتبة المقال ..
اولاً : النصيب اختي الكريمة لم يطرق بابك بعد .. واتفق انه قد يكون العرف لديكم ان يتزوج الرجل من صبية اصغر منه وذلك لان السائد ان شيخوخة الرجل بطيئة بينما شيخوخة المرأة اسرع لانها تمر بمتغيرات كثيرة تطرأ على جسد المرأة من حمل وولادة ودورة شهرية كل ذلك تعتبر عوامل تعجل بشيخوخة المراة بعكس الرجل فان اصيب بعجز كما اسلفتي فهو يكون بسن متأخرة جدا جداً بحسب الاحصائيات وهي ليست حالة سائدة لكل الرجال فحينما يعتني الرجل بنفسه وصحته بامكانه الانجاب في الثمانين بعكس المراة اخر حد للانجاب 45 سنة .
ثانياً : انا رجل في ال33 من العمر وبنيتي رياضية وذلك لعنايتي التامة بنفسي في مجال الرياضة ومشدود اكثر من ابناء 18 تبارك الرحمن وهذا ان دل فهو يدل ان العمر للرجل .. للرجل .. للرجل .. مجرد فارق رقمي لايعتد به ان اهتم الرجل بحاله فقد نصادف شاب بالعشرين مصاب بكل امراض الدنيا او مدمن او صحته على قده لذا العمر ليس معيار انما الفئات المحيطة بك هي العلة .
ثالثاً : ذكرتي انك “صحيح انا مش بشد فى شعرى و لا بقرقض ضوافرى عشان ما اتجوزتش ” لا اختي الكريمة انتي عملتي الادهى من كل ذلك بدليل انك قبلتي الزواج بمعاق ومن هم بسنك لاتتخلى عن مبادئها لاجل الزواج فأما تعيش كما تريد و اما تبقى على حالها وكده كده هي عايشة ومش ناقصة ولا الجواز حيرفعها أنما انتي ميتة جدااا على الزواج وهذا الذي يجعل العرسان يفرون منك .
رابعا: ذكرتي انك حينما تتزوجين اصغر منكِ ومعاق او محدود الصحة او الفكر فانك ستديرين البيت لصالحك وبمجمل حوارك انك ستهمشينه وقد يكون ما فيك عقوبة من الله على هذه النوايا فبحسب نياتكم ترزقون لذلك لم تجدي ابن الحلال المناسب لانك بالتأكيد ستكونين علةً في طريقه .
اختي العزيز لست معك في كل ماذكرتيه وعايزك تسمعيني لللاخر اولا الزواج قسمة ونصيب يااختي وماحدش ياخذ غير نصيبو في هذة الحياة فانت امراة مسلمة وتعرفي ان الايمان بالقضاء والقدر من اركان الايمان ولايكتمل ايمان المسلم مالم يؤمن بقضاء الله خيره وشره ثانيا- الزواج هو مودة والفة وتراحم وارتياح وقبول من الطرفين اذا لم يكن هذا متوفر فمصيره الفشل في نهاية المطاف وانت في سن 30 سنة او اكثر لايعنى انك فاتك قطار الزواج وانما التاخير هذا لحكمة ربنا عزوجل ارادها لك فكل تاخيرة فيها خيرة ويمكن ربنا يريد لك الخير وسوف يبعثه لك عماقريب فلا تقنطي من رحمة الخالق عزوجل ولاتايسي ابدا ياما في ستات اكبرمنك بكثيير جدا منهن الدكتورة والمعلمة والاستادة وفيهن كل الصفات الحميدة وعلى قدرا عال من الجمال والتعليم لكنهن لم يتزوجن حتى الان وراضيات بنصيبهن ومومنات بماقدره الله لهن في هذة الحياة وليس مثلما تفعلين انت ناقمة على البنات اللي اصغر منك انهن متزوجات وسعيدات في حياتهن والحقد والكراهية تملا قلبك منهن وتريدين الزواج مهما كان حتى لو من شخص مجنون اومعتوة او صبي مراهق وطائش متهور لايقدر تحمل اعباء الحياة ولامسووليات الزواج المهم انه يكون اصغر منك بمراحل وهذة تفكير خاطئ مليون في المائة ولاتقوله الا وحدة عاقلة وعتدها دين واخلاق وتربية لماذا ترفضين الزواج بالرجال الكبار في السن سوا كان مطلق او ارمل وتتوفر فيه كل الخصال الحميدة من دين واخلاق ومقدرة على تحمل اعباء الحياة تفكيرك كله منصب في الجنس ولاتريدي الزواج الامن الشاب اللي يصغرك في العمر حتى لوكان فاسق الاخلاق وبلادين ولاتربية المهم انه يشيع رغباتك جنسيا وعمرك ماهتلاقي هذا طالما انك لاتبحثين عن الستر والعفاف والحلال ومن قالك ان الرجال الكبار لايقدرون على اشباع رغباتك كاانثى انت وامثالك من البنات المتاخرات في الزواج يكون بعلمك اني واحد منهم تجاوت 55 سنة ولله الحمدلله وعندي طاقة جنسية تفوق عشرات الشباب المراهقين وقد سبق لي الزواج باكثر من امراة وقد عرضت على فتاة 20سنة الزواج منها وانوى الزواج بها وهذا ليس حرام ولاعيب طالما انه حلال وعلى سنةالله ورسوله اتمنى انك تصلح من حالك وتتقي الله في نفسك وتدع عنك الغيرة والحقد والحسد والكراهية للاخرين وتهتم بنفسك وتفكري في الزواج من الشخص اللييتقدم لك ويريد الحلال وجاد في الارتباط بك طالما انو على دين وخلق وعنده القدرة على تحمل اعباء مسوولية الحياة الزوجية ولاتنسي ان العمر يمضي سريعا وقد يفوتك القطار بسبب تعتنتك وعنادك واصرارك على الزواج بمن هو اصغر منك سنا فالمراة مهما طال بها الزمن مصيرها للزواج والمثل يقول -ظل راجل ولاظل حيطة – وسوف تتذكرين كلامي وتقولين ياليتني عملت به
والله كلامك معقول ومنطقى ويوحى بانك مثقفه وحياتك علمتك كتير وزى ما هو حلمك كبير الواقع بتاعك اكبر لو حابه نفس الاسم المستعار بس فيس صورة ورد احمر انتى دمك خفيف كمان بس الموضوع مش بالصوره اللى انتى واخداها الفكره ان اى شب وبنت مجربش الحياه الزوجيه فالمجتمع فرض عليه الفكره بتاعت السن ده