الرشاقة والجمال

مشكلتي مع الحجاب ولفات الطرح

مشكلتي مع الحجاب ان سني 13 سنة ومتحجبة بقالي سنة وزهقت بجد من كتر اني مستمرة علي لفة طرحة واحدة ومش بغيرها ومش عايزة اعيش سن الاكبر مني ومن فترة اتفرجت علي امينة شلباية كانتجايبة لفات طرح للاطفال بس تجنن وعجبتني جدا وانا من وقتها عايزة اجيب الخامات بس محدش مشجعني وحاسة ان مفيش فرق بينيوبين الكبار عايزة اعيش سني ومايدش نفسي بلفات الكبار وانا لسة صغيرة انا مهما حصل ومهما كان اعتبر طفلة بردو وامي مش بتشجعني خالص علي اني اعيش سني والبس الطرح القطنية الجاهزة اللي فيها خرز وضفاير حلوةوندمانة اندي لبست الحجاب الدرجة اني لما بشوف بنت بشعرها بتمني اني ابقي زيها بس ده حرام بس اعمل ايه محدش محببني في الحجاب ولامشجعني عليها وامي عايزاني كدة علشانهي متدينة بس انا متدايقة اوي ارجوكم حد يحللي مشكلتي انا مش بس في الحجاب انا اهليمش مشجعني علي حاجة خالص خالص لدرجة اني كارهة نفسي بجد ومخنوقة جدا وبقيت ببص لكل اللي عند غيري واتضايق معرفش ليه صحابي لبسهم احلي مني دايما مع اني بشتري من محلات غالية التمن وكويسة واختي شيك اوي وهيا اللي بتنقيلي انا بدات احس اني وحشة واكره نفسي

مشاكل وحلول ذات صلة

اضيف بتاريخ: Thursday, February 24th, 2011 في 15:29

كلمات مشاكل وحلول: , ,

34 رد to “مشكلتي مع الحجاب ولفات الطرح”

  1. دنيا
    17/07/2014 at 13:36

    الحجاب بيعقد

  2. ILINE-LOURA
    25/05/2014 at 17:55

    اختي حجابك هو زينتك وادا بدك تتمتعي بحياتك خلي حجابك هو وسيلة تمتعك واستهدي بالله
    لان الشيطان رح يستغل نقطةضعفك

  3. مروه
    04/12/2013 at 21:21

    بصى يا قمر أنا عندى 16 سنه ولبست الطرحةتقريباً 11سنه وكاانت نفس مشكلتك عندى بدأت أحس إنى مش بغير ف طرحى زى أصحاابى وإنى بقيت محفووظه من طريقتى ف الطرحه وف لبسى لأنى الكبيرة ف أخوااتى ع مش عندى الا بقوولى ع الاستايلات الجديده فبدأت أدخل ع النت وأجيب طرق للف الطرح العااادية والاسبنش وكله وعيشى سنك ياا قمر بجد اليوتيوب هينفعك جااامد أنا بجد اتغيرت وبقيت كل يوووم أعمل طريقة جديده حتى أصحاابى الا كانوا بيقولولى مفيش غير الطريقة دى الا بتعمليها بقوا بيسألونى ازاى بلف الطرحه كماان ممكن تشووفى البناات وأنتىمااشية أو ف الدرووس شكل الطرحه الا بيعلموها وتكون عجبااكى وجربى تعمليها ف البيت هتقدرى بعد كداا تعملى كل الا انتى عايزاااه وأى سؤااال أنتى محتجااه يا قمر أنا تحت أمركـ

  4. رنا
    31/07/2013 at 11:07

    بصي انت اللى تنقى هدومك وتخدى اللى عيزاة ملكيش دعوة بحد اسمعى كلامي و حتنجحى

  5. مها
    13/06/2013 at 08:53

    اعملي الي انتي شيفاه مناسب ليكي مع راي مامتك بردو اكيد هي عايزالك الاحسن واكيد رائيها هايكون صحيح ميه في الميه انا عندي 16 سنه زمان كانت عندي نفس مشكلتك بس الحمد الله .
    كنت باخد راي ماما في كل حاجه لحد عديت المرحله دي وانشاء الله انتي كمان تعدي المشكله دي

  6. سمسومةسمية
    01/06/2013 at 04:39

    بصى ياعسل اول حاجة اتقربىمن اختكوممتك وانتى لوشايفة اختك عكباكى قلديهاوانتى شكلك بنوتة عسولةوانتى بجد اعملى بانصحتى ونصايح غيرىوادخلى على النت وشوفى اصحابك الى عابينكواعملى زيهم واقفى اقدام المرايا وجربىوعلى فكرة انتى لما حتيطى الموضوع التعايقات اللى اتعملت فادنى وفادتكوعلى فكرة اناعندى 13سنة

  7. ليانا
    18/08/2012 at 05:51

    أن أنصحك أن تطيعي أمك لأن الجنة تحت أقدام الأمهات

  8. ليانا
    18/08/2012 at 05:50

    إذا كنت تريدين أحدا يشجعكي فهو قلبك تريدن أن تنوري وجهكي بلحجاب فهذا أروع ما يكون لا تحتاجين أحدا يشجعكي في هذا الموضوع ما دام أمك لا تشجعك فشجعي نفسك قولي أنا ألبس الحجاب لنيل مرضاة الله وأنت تعرفين أن الحجاب مذكور في القرأن أنا أقول الحجاب سترة للمرأة وشكرا وأتمنى لك التوفيق

  9. اية
    14/06/2012 at 18:06

    طب مانا بردو مستمرة على لفة طرحة واحد وعايزة اغيرها بس اعمل ايه مش مهم المهم اضبطها وتكون الوانها لاقية مع الوان الملابس وانا عندى 15 يعنى لابساها بقالى 3 سنين وبحاول اغير اللفة بس مش عارفة وعلى فكرة سنك كويس للبس الطرحة مثلى

  10. بنت محجبة
    09/06/2012 at 19:43

    بصى يا قمر انامحجبة من 5 سنين وانا عندى دلوقتى 16 سنة يعنى فى ثانوى برده بختلف مع ماما و كدةوده فى الاول اما دلوقتى اما اتعودت بقيت بعما لفات حلوة و رقيقة و الاسبنش بعمله فى المناسبات تكونى فاضية و تجيبى طرحك وتجربى كل واحدة بتتلف ازاى لان ف طرح ينفع تتلف لفات معينة و طرح تانية لا و تشوفى اللى يناسب و شك و لون بشرتك يعنى مثلا متكونيش مسمرة و تلبس اسود و لازم تكونى و اثقة من نفسك لان ثقتك دى هتعطى للى قدامك انطباع بجمال اللى انتى لابسه و اسمعى كلام مامتك لانى بعم زىك و برجع الاقى انى رايه هو اللى بيطلع صح ف الاخر و اوعى تبينى قصة شعرك زى ما بعض البنات ما بتعمل لان الرسول صلى الله عليه و سلم قال ان اللى تبين منبت شعرهاتبقى متبرجة ما بالك بقى باللى بتحسى انها حطة الطرحة ع الكحكة و بقيت شعرها باين و لازم تاخدى راى مامتك و اللى اكبر منك
    والبسى طرحة مشجرة مع طقم سادة و العكس و مينفعش يبقى الطقم و الطرح و كل حاجة لون واحد لازم تتدخلى لون يريق عليهم

  11. لولو
    15/03/2012 at 03:36

    مشكلتي في ا لحجاب اني وجهي بيضاوي ومدور وجبهتي صغيره والمشكله بقي في الجبهه اني مش عارف الف الطرحه غليها ازاااي وشوفت كل لفات الطرح مش لقيت اللي انا عايزاها وساعات الف الطرح حلو وساعات يبقي شكلها فلاح واقغد بالساعات الفها لحد ما زهقت بجد ههههههه ومش عارفه اعنل ايه فا ياريت اللي يعرف صور طبقا علي كلامي يبعتهالي او يقولي طريقا تليق غلي طول علي شكلي وتبقي شيك

  12. اسماء
    05/02/2012 at 04:44

    بصي يا حبيبتى انا اصغر منك بسنه عندى 12 سنه مش لازم تجيبي اللفات جاهزه اتعلمى من حد تعرفيه يكون بيعرف يلف الطرح بشكل متغير انا لابسه الحجاب من سنه وبعرف الف طرح اسبنج وعادى من غير ما اتعلمها من حد بس مرة على مرة اتفرجى على امينه شلبايه وركزى على فترة لفات الطرح هتعرفى تلفيها لنفسك وعادى ومتشتريش جاهز عادى يعنى

  13. totyloveforever
    08/01/2012 at 04:30

    بصى يا حبيبتى انا عندى 12 سنة واصغر منك ولابسه الحجاب قريب وبعمل لفات طرح حلوة اوووووى وبجرب وبشوف نفسى فيها هى على قد سنى ولا لا لو كبرة طبعا مش هاعملها والكلام اللى مامتك بتقلهولك كلو صح مثلا انتى عملتى طرحة ومكنتش لايقة فعلا عليكى وهى بتقولك الصح من الغلط ; حاولى تقربى من امك شوية هى خايفة على مصلحتك وانتى بتقولى عايزة حد يشجعك طب هيشجعوكى فى ايه يا حبيبتى دة اسمه حجاب يعنى انتى اللى تشجعى نفسك بنفسك وتجربى انتى ومامتك واختك وقربى منهم ومتغيريش من حد وحبى اختك اوك هى حلوة لكن انتى احلى لاكن انتى مش بتشوفى نفسك وتحبى نفسك اتعلى من عالنتوجربى لاقيتها حلوة والكل موافق عليها اوك البسيها لاقيتيها وحشوة ومكبراااااااكى اوى خدى رايهم هما اكبر منك وانصح منك ويفهموا اكتر منك متخليش نفسك كبيرة وعارفة كل حاجة وجربى وشوفى متحكميش على حد وعلى نفسك الا لما تقربى منهم وتقربى اول حاجة من نفسك صدقينى واسمعى كلامى انا مبعملش اى حاجة الا لما اخد راى ماما وبابا واختى واخد رايهم حبى حجابك دة نعمة من عند ربنا اوعى تكرهيه واحمدى ربك على نعمة الاسلام ولو محدش بيديكى اى اهتمام خدى راينا احنا بردوا اخواتك ونقدر نفيدك

  14. البنت الشقيه
    10/12/2011 at 21:33

    بصى ياحبيبتى انا كنت زيك بالظبط انا عندى 14سنه لابسه احجاب من سنتين بس لقيت الحل الحمد لله بصى ياقمر انتى زى مقالت اختى ابعدى عن الاسبنش علشان الرقبه خليكى فالربطات العادى خالص وحاولى تقلدى فيها وتبدعى الفى يعنى حاولى تعملى حاجه جديده وانشاء الله هتبقى اجمل بنوته فى العالم واحمدى ربنا على نعمه الاسلام تحياتى ليكى

  15. روني
    15/09/2011 at 11:59

    انا عندي13سنة ومش عارفه ايه اللي يناسبني من لفات الطرح
    في لسن دة

  16. ندى محمد
    08/09/2011 at 02:23

    ابنتى الفاضله شوفى انتى حاسه نفسك وحشه وكارهه نفسك على موضوع ده ربنا اللى فرض وهو الحجاب ازاى لكن ربنا مديلك حجات كتيره تانيه حلوه وانتى مش بتشكريه عليها وبتبصى للبنات اللى هما متبرجات واللى ربنا زعلان منهم طبعا لكن ايه رايك لو قلتلك ان فى بنات عرايس زى الفل والزن لخبط معاهم شويه ابوهم توفى ومفيش حد يصرف عليهم وهما فى الجامعات وشقتهم اللى ساكنين فيها سقف ها كل فتره اقسم بالله مفيش احلى من الحجاب
    بصى انتى زى اختى الصغيره..حطى فى بالك دائما الحجاب ده للى انتى لابساه للستر
    و احلى لما بيكون مفهوش خرز و ضفاير تعرفى ليه لانه مش بيلفت
    انصحك بجد خليكى كداا من الان من و انتى عندك 13 هتتعودى على الحجاب و تصيرى زى امك ربنا يكرمها و يكرمك
    بيتهد منه شويه والبيت ايل للسقوط ومفيش مكان يروحوا فيه ودول بنات وبيشتغلوا وبيصرفوا

  17. توتا
    28/08/2011 at 04:56

    اختى العزيزه اشجعجك على ارتداء الحجاب فى هذا السن الصغير من العمر اولا هى لفطة طرحة على طول احنا بنعملها الللا هى لفه عاديه فى محل اسمه تاى شوب عنده طرح جميله اوى وموجود فى مدينة نصر ومصر الجديدة والمعادى والتجمع الخامس والمهندسين والهرم والرحاب و6اكتوبر والاسكندريه والساحل الشمالى والمنصوره شوفى انى اقرب ليكى ربنا يوفقك

  18. TOTA
    28/07/2011 at 16:12

    YA BNTY 3ESHY 7AYATK 3ADY ANA KONT BA3ANY MN AL MOSHKLA D BS BL TFAHOM 3RFT A3ML ALI ANA 3AWZA W RBNA YWF2K WANA BARDO S8ERA ZAEK

  19. انا شبهك
    26/07/2011 at 21:38

    بسى انا شبهك بالظبط عندى 13 سنة ومتحجبة من سنة ولكن عمرى ما فكرت اقلع الحجاب بس مشكلتى انا عايزة اغير وكل لما اعمل طرحة جديدة من على النت ماما تقلى مش لايقة عليكى ديه بتاعت كبار فنا حولت استفاد من اصدقائى واشفهم بيعنله الطرحة ازاى والى جت على وشى وعجبتى اعملها فنشاء الله كل مشكلة وليها حل

  20. منى
    24/07/2011 at 22:17

    مفيش حد صغير على الحجاب اولا انا متحجة من سنة تانية ابتدائى يعنى 8 سنين انا دلوقتى عندى 14 سنة
    واكيد مش لازم تكون اللفة على الموضة او زى اصحابك المهم تريحك وتناسب وشك
    ويا رب تفضلى على طول متحجبة

  21. اية
    15/07/2011 at 20:32

    انا بردو زيك بقالى سنة على نفس طريقة لف الطرحة وانا زهقت عايزة اغير هذة اللفة واشوف لفات جديدة وجميلة

  22. ام رقيه
    13/06/2011 at 21:36

    بسم الله الرحمن الرحيم بصى انتى زى اختى فانا هاقولك على حاجه تكونى بيها سعيده وراضيه عن نفسك دايما الشيطان بيبقى قريب من اللى ربنا بيحبه فتاكدى ان الشيطان هو اللى بيحاول يكرهك فى الحجاب ويخليكى كمان تغيرى من اختك فانتى اعرفى وتاكدى ان ربنا موجود وحاولى تعملى الحجاب بالشكل اللى يرضيكى مع مراعاه ان ربنا موجود وانك ماتعمليش حاجه مخالفه للحجاب وربنا يوفقك ويهديكى ويهدى امه لا اله الا الله اجمعين والسلام عليك ورحمه الله وبركاته

  23. توته
    06/06/2011 at 00:04

    بصى انا زيك بالظبت ندمانه واعمل ايه هيا دى القسمه بس انا جربت اروح دار تحفيظ القران علشان يحببونى فى الحجاب وانا مش هاقولك حببونى فيه لا هما اقنعونى بيه وكمان بعد شويه خلونى احبه وحببونى فى الازدال وكمان حبيت النقاب ودى الخطوه الجايه انشاء الله

  24. Dody
    19/03/2011 at 11:33

    مفيش مشكلة حولى تشوفى طريقة لفات جديدة على النت و جربى و إللى هتلاقية لايق عليكى خذيه لفة أساسية ليكى و أنا عن نفسى عندى دلوقتى 15 سنة و محجبة من 4 أو 5 سنين و بلف لفة وحدة بس و عمرى ما زهقت منها و لو حبيت أغيرها بألف لفات جديدة أمام المراية و برجع لها تانى علشان أنا شايفها أكتر لفة بتليق عليا و محترمة جدا بس مشكلتى الكبيرة أوى إنى إتعودت ألبس الطرح العريضة إللى مابقتش أشوفها خالص و مش لاقياها طب حد يعرف مكان بيبيع طرح عريضةعلشان أنا إتجننت من كتر اللف حولين نفسى؟؟؟؟؟

  25. صاحبة المشكلة
    13/03/2011 at 18:15

    أختي الصغيرة صاحبة الموضوع ومش حقول مشكلة إحنا كلنا إخواتك وإن شاء الله قلبك يطمن وتستفيدي من كلامنا وحلولنا ليكي..


    بصي يا سكرة كل واحدة فينا من ساعة ماتحجبت سواء من فترة كبيرة او صغيرة وكل فترة بنزهق من لفة معينة وبتغيرها انا عن نفسي فضلت اتفرج علي لفات طرح كتير لحد ماعملت إللي أنا جربته بنفسي وريحني .. طلعي طرحك من الدولاب كلها وإفضلي جربي مرة كده مرة كده لحد ماترتاحي في وحداة وتحسي إنها عجبتك وصدقيني إنتي مش ويحشة ولا حاجة تلاقيكي بنوتة زي القمر علي سنك ده ومحجبة كمان أكيد عسولة خالص ..



    بس يا ريت تبعدي عن اللفة الإسبانش بس علشان رقبتك ماتكونش باينة وده مش حيكون حجاب ساعتها بس جربي وحتلاقي إللي يناسبك ويناسب وشك وسنك وحتعجبك بإذن الله وخدي الامور ببساطة وبدل ماكنتي عايزة مامتك تشجعك إحنا كلنا اخواتك و بنشجعك ع الحجاب و بنقولك كمان ده عين العقل وربنا حيكرمك ويوفقك في حياتك ..


    تحياتـــــ ميسّا ـــي

  26. مساعدة
    27/02/2011 at 19:40

    أن لسة صغيرة ومش لازم دلوقتى خالص أنا فى أولة سنوى السنة دى ولسة أول سنة ألف طرحة

  27. سمورة
    26/02/2011 at 21:11

    اولا انتى لسه صغيرة وماشاء الله عليكى وبعدين احلى حاجة فى البنت عفتها وبعدين انتى مشكلتك دلوقتى فى لفتة الطرحة ادخلى على النت وشوفى الجديد واتعلمى وبعدين انتى لو شايفة ان اختك احلى منك اكيد انتى فيكى حاجات كتير احلى منها وخليكى مع الله واتمنى انك تكونى ملتزمة دائما

  28. مصرية
    26/02/2011 at 11:14

    بصى يا قمر أنا اتحجبت وانا ف 3 ثانوى ولغاية دلوقتى مش بعرف اعمل لفة الايشارب حلو مع انى خلصت الكلية السنة اللى فاتت يعنى بقالى كتير محجبة بس عمرى ما فكرت انى مدايقة من الايشارب او الحجاب بالعكس انا من غيره باحس انى مش جميلة مع انى مش باظبطه كويس
    بس هو فعلا فيه جمال ووقار وبيديلك قيمة قدام نفسك وقدام ربك وقدام الناس كمان بس انا هقلك على حاجة احنا لازم انا وانتى برضه نتعلم نعمل لفات حلوة من الناس اللى بتعمل الايشارب كويس حوالينا بصى انا عرفت حاجة ان لو لبستى ايشارب تحت هيظبط اللى فوق وهيهيبقى أحلى حتى لو مبينتيهوش خالص بس أنا بقلك انك شاطرة انك اتحجبتى بدرى وانا كمان اختى أدك واتحجبت وبتحول تتعلم لفات حلوة زيك بس اوعى تفكرى انك نادمانة على الحجاب لانه فعلا حاجة حلوة اوى

  29. اللي حطت المشكلة
    26/02/2011 at 06:30

    بجد شكرا يا جماعة علي حلولكم وعلي فكرة للي بيقولو ان الخرزوكدةبيلفت النظر انتو فاهمين غلط انا لسةمبلغتش لكن الخرزوالضفاير دي حاجة طفوليةمش زي بنات اليومين دول وانا مش هفكر اقلع الطرحة خالص طبعا

  30. رشا
    25/02/2011 at 15:49

    عزيزتي انا اساسا بحسدك ايجابا مش سلبا على الحجاب وهذه نعمة كبيرة بس ايش رايك لو تكوني مبدعة وتضعي لمساتك الطفولية عليه وانا شايفة مش عشان فيه خرزة راح يتبصلك نظرة مش كويسة لا سامح الله اهم شيء اخلاقك وصوتك المهذب.وبعدين تكلمي مع مامتك واعرفي ازاي تشرحي فكرتك وانت وماما اتفقوا على دزاين الحجاب مع تمنياتي بالموفقية

  31. زائر
    24/02/2011 at 20:45

    الأبنه العزيزه ما شاء الله فتعبيرك عن مشكلتك وكتابتك للألفاظ ممتازه ولكى حق فى اللى قولتيه ولكن لن تجدى أكثر من أمك وأبوكى يخافوا عليكى خاصتا فى هذا الزمان فأنتى جميله بأخلاقك قبل ملابسك وأنتى قادمه على سن حرجه تحتاج الى التزام بالزى الذى لا يلفت النظر وأيضا يكون جميل حاولى تفهمى مامتك بهدوء

  32. حنين
    24/02/2011 at 18:58

    اقسم بالله مفيش احلى من الحجاب
    بصى انتى زى اختى الصغيره..حطى فى بالك دائما الحجاب ده للى انتى لابساه للستر
    و احلى لما بيكون مفهوش خرز و ضفاير تعرفى ليه لانه مش بيلفت
    انصحك بجد خليكى كداا من الان من و انتى عندك 13 هتتعودى على الحجاب و تصيرى زى امك ربنا يكرمها و يكرمك
    انتى شجعى نفسك على كول حاجا انتى عايزه تعمليها
    و غلط تفنعى نفسك انك وحشه
    ده فى علم النفس ، انك تقنعى نفسك بحاجا و فعلا تحسيها كدا مثلا تقولى لنفسك انا وحشه و انا مريضه و انا و اناا … لخ
    هاتبقى كده اما اذا قولتى لنفسك انا حلوه انا هاجتهد هجيب اعلى الدرجات انا مش مريضه انا عندى القدره على انى اعمل كدا انا احلى حاجا فيا حجابى و لبسى الساتر صدقينى نفسيتك هترتااح
    كل يوم تصحى فيه قولى فى نفسك ده اليوم يوم الامل و التفاؤل ان شالله يكون من احلى ايام حياتى و هيعدى اليوم بحاجا حلوه ليكى
    الانسان لما يقنع نفسه في حاجا يحسها فعلا
    وغلط انه يقنع نفسه في حاجا سلبيه هادمر حياته كدا باقناعاته
    لازم تكون القناعات بتاعته ايجابيه علشان تبقى حياته حلوه
    اتمنى اكون وصلت الفكره ليكى
    ربنا يوفقك ويبارك لك فى ايامك
    اختك فى لله حنين

  33. توتا
    24/02/2011 at 16:17

    هو عشان الحجاب بس مينفعش تقلعى الحجاب لو كان جالك البريود يبقى حرام تقلعية عشان كدة ربنا بيحاسبك حاولى تغير لفات الطرح وفى لفات كتير حلوة والبنات بتعملها
    ح

  34. لله الامر من قبل ومن بعد
    24/02/2011 at 15:57

    ابنتى الفاضله شوفى انتى حاسه نفسك وحشه وكارهه نفسك على موضوع ده ربنا اللى فرض وهو الحجاب ازاى لكن ربنا مديلك حجات كتيره تانيه حلوه وانتى مش بتشكريه عليها وبتبصى للبنات اللى هما متبرجات واللى ربنا زعلان منهم طبعا لكن ايه رايك لو قلتلك ان فى بنات عرايس زى الفل والزن لخبط معاهم شويه ابوهم توفى ومفيش حد يصرف عليهم وهما فى الجامعات وشقتهم اللى ساكنين فيها سقف ها كل فتره بيتهد منه شويه والبيت ايل للسقوط ومفيش مكان يروحوا فيه ودول بنات وبيشتغلوا وبيصرفوا على نفسهم ونفس الوقت فى الجامعات انا حكيت لكى القصه دى هى حقيقيه ولكن علشان تقارنى نفسك بيهم وتعرفى ان ربنا انعم عليكى بحجات حلوه كتير وانتى مضايقه انك بتلبسى الحجاب اللى امر بيه ربنا تاكدى يا ابنتى انك ربنا كارمك من اجل اهلك بيخافوا ربنا وبيعلموكى من صغرك على لبس الحجاب لانهم خايفين عليكى من عذاب ربنا فى الاخره انا اتمنى لكى يا صغيرتى ان ربنا يحببك فى الحجاب وان تكونى بنت ملتزمه ومش تبصى للبنات المتبرجات لان ممكن يكون اهلهم غير ملتزمين دينيا تبقى احنا مش تبقى زى البنات الوحشين احنا نبص دايما للبنات اللى بتخاف من ربنا وبتراعيه فى السر والعلن علشان ربنا يفضل بيحبنا ومش يحرمنا من اى شئ احنا عايزينه بارك الله فيكى يا صغيرتى

اترك رداً أو حلاً لهذه المشكلة