مشاكل الخيانة الزوجية

سفر زوجي وشعوري بالوحدة

السلام عليكم اطرح عليكم مصيبتى لانها فعلا مصيبة ويعلم الله اننى احاول واجاهد بكل الطرق للخروج منها والتوبة عنها انا عمرى 25متزوجه من سنتين ولدى طفله الحمد لله متزوجة من ابن عمى وهو مؤهله متوسط ويعمل ف احد دول الخليج وانا جامعيه واعمل اتخطبنا قبل ما يسافر بشهر هو بيحبنى جدا ولكن انا كنت عادى قولت اهو عريس وابن عمى وخلاص وبعد سفره كنت بكلم ابن خالتى وهو جارنا وتطورت الامور بيننا وظل الوضع لمده عامين ونزل من السفر واتجوزنا وسافر تانى كنت حامل طلبت منو انه يرجع بس ظروف شغله وحالتنا الماديه لا تسمح نقعد مع بع بالساعات ع النت ومفيش اى حوار بحس انى مش عايزة اكلمو كل تفكيرى كان فى الجنس وانى محتجاله جدا المهم اتعرفت على شاب فى التليفون وهو لا يعرف انى متزوجه ومن ومحافظه غير محافظتنا اتكلمنا كتير وانجذبنا لبعض بصراحه انا كنت بضيع وقت وبحس ان اليوم بيخلص وخلاص وده كله مع الحاحى الشديد على زوجى انه يرجعلى ورغبتى الشديدة فيه ونزل الاجازة التانيه قعد شهرين ومشى هو بقالو دلوقتى 3 شهور بس انا تعبانه جدا ومش قادرة استحمل بعده بمارس العاده من فترة عشان احاول انسى بدات اهمل بنتى ونفسى واقعد لوحدى كتير وبرضو رجعت اتكلم مع الشاب ف التليفون وهو فاهم انى واحده مش انا خاالص وبحس انى بخرج من حالتى دى انا عارفه انه ده مش مبرر بس انا بطلب منه انو يرجع ويصونى ويبعدنى عن الحاجات دى علشان زهقت وقرفت منها ومن نفسى نفسى احس بالاستقرار مع انى عايشه مع اهلى بس تعبانه جدا عايزة جوزى يرجع عشان اعرف اعيش فى نضافه بقى تعبت انا كده غلطانه ولا اصبر زى ما ناس كتير بتقول جربت الصبر مش قادرة هى دى طاقتى اسيبو ف الغربة واضيع انا ولا اجبرو انو يرجع ورب هنا رب هناك بس ينقذنى من الضياع والقرف ده

مشاكل وحلول ذات صلة

اضيف بتاريخ: Saturday, February 16th, 2013 في 14:27

كلمات مشاكل وحلول: , , ,

11 رد to “سفر زوجي وشعوري بالوحدة”

  1. حسام
    03/08/2013 at 06:15

    بداية اتفق معك انه مع التلفزيون والنت والموبايل وصغر سنك وغياب زوجك وسغرة فى بداية

    الزواج ،، قهر جنسى وعدم اشباع لحاجة اساسية ،،،

    ولكن مع استعمالك الموبايل فى التحدث الى احد الشباب بداية للوقوع فى المعصية وكلمة معصية

    هنا كلمة مؤدبة للغاية ،، ولكن الامر لن يقتصر على ذلك ستقعين لا محالة فى الحرام و تتعودين

    عليه مدام الامر كما هو فى غياب زوجك ،، بل قد يتعدى الى هذا ان تتحولى من انسانة محترمة

    الى امرأة تتلذذ بمعاشرة الرجال ،،، وصدقينى هى مراحل وسلالم درجة ـ،، درجة بدئت تخطوها بحذر

    فى الاول ،، طيب ايه الحل ،

    1- انا مش هقول لك الرجوع الى الله ،، لان اعتقد ان انت انسانة عادية وعلى درجة عادية من

    التدين ،،، والواعظ والزاجر الدينى قد لايفلح فى مرحلتك ( لانه يحتاج الى تدرج ) بس كل يوم

    التزمى وقت وليكن نصف ساعة ثم بعد اسبوع ساعة و هكذا ،، ( قراءة اقران وحفظة والصلاة به )

    2- مصاحبة الصالحات واحترسى من المكوث منفردة او امام اشاشات وخاصةالنت

    3- الرياضة اشاقة حتى تهلكى بدنك فلا تفكرين فيما لا ترضين عنه

    4- العمل ثم العمل ثم العمل ،، سوف يقتل وقتك ، طبعا مش مختلط مع الرجال عشان هيزيد

    الطينة بلة

    5- الصيام

    6- اخيرا سيدتى ،،، لم تفلحى اما تامرى زوجك ان يعود او تذهبى اليه حتى تصعدى الامر الى

    الطلاق ،،، نعم فالا فضل ان تطلقى وتجدى زوج غيره ،، على ان تقعى فى الزنا او

  2. ؟؟؟؟؟
    25/02/2013 at 19:06

    مش انتى لوحدك فى المشكله دى انا قلبى بيوجعنى اوى

  3. محمد
    21/02/2013 at 15:43

    السلام عليكم ورحمه الله وبركاته. اناشايف ان حضرتك تجبريه عالنزول والعمل هنا وربنا رزاق كريم. او تحاولى تسافرى تقعدى معاه هناك. اما عن اوقات الفراغ فارجوا منك شغل هذه الاوقات بالتقرب الى الله والعباده.وكذلك بالقراءه او ممارسه هوايتك المفضله. واسف جدا انى اقولك انك ياريت تغيرى رقم فونك. وماتدهوش لحد ابدا.

  4. ابو ياسر
    18/02/2013 at 23:03

    انته شايفه حال البلد واقف هو شايف الحال مظبوط كان قعدمعاك واصبري يمكن ربنا يصلح حاله ويعملك زياره وتبقي معاهوصلي وادعي ربنا يصلح حالك والله الموفق

  5. ش م
    18/02/2013 at 19:11

    السلام عليكم ايا كانت الاسباب والاعذار فى لاتكن مبررا للخيانه
    وعموما واضح فى كلامك انك انسانه كويسه ومؤدبه ومش راضيه على اللى بتعمليه بدليل بحثك عن حل لمشكلتك….
    ودى ضريبة الغربه للاسف كثير جدا بيدفعوا تمنها بالشكل ده وفى كتير بيمشى وراى هواه والنتيجه بتكون مصائب وكتير زيك بيدور على حل
    معلش انا طولت عليكى لانى مرت قدام عينى تجارب بالشكل ده كتير
    انت اخطاتى بانك ارتبطتى بابن عمك كزوج وخلاص زى مبتقولى حتى لو مش بتحبيه خليكى مخلصه لحبه ليكى
    خلى بالك الكدب ملهوش رجلين زى مبيقولوا ممكن لقدر الله تتكشفى عن طريق الصدفه شكلك هيكون ايه قدام زوجك وقدام اهلك هتكسريهم ومحدش هيعزرك ومحدش هيفهمك وهيقدر اللى كنتى محتجاه
    حاولى مع جوزك مش عيب خالص لما تصارحى زوجك باللى انت محتجاه
    حاولى بكل الطرق ومتتكسفيش
    معلش فى اللفظ بجاحتك فى الموضوع ده مع زوجك اهون بكتييييييييييييير من اللى بتعمليه
    حاولى تقنعيه انك تسافرى معاه لو مينفعش لانه فعلن احيانا مبينفعش فى بعض الدول بيكون مكلف جدا
    اعرضى عليه انك تبيعى شبكتك اسحبوا قرض استلفو مبلغ واعملوا اى مشروع صغير وعيشوا على كدكم وربنا يوفقكم ان شاء الله وربنا يصبرك انا اعرف ستات كتير كانت كده منهم اللى ربنا هداه ومنهم اللى اتفضح رغم السريه اللى بتتعاملوا بيها خلى بالك على نفسك وغيرى رقم تلفونك وربنا يسترك ويستر كل النساء والله لما بلاقى موضوع زى ده قلبى بيتقطع

  6. ابو محمود
    18/02/2013 at 13:47

    اطلى منة انة ياخدك معاة اويرجع على طول ورب هنا رب هناك ولكن ان لم يعمل استحملى شوية وربنا يسترها عليكى وعلى جميع المسلمات

  7. Van Booker
    17/02/2013 at 04:47

    اطلبى منه انك تسفريلو

  8. احمد
    16/02/2013 at 20:16

    لازم تستحملى علشان البلد هنة وحشة مفيش شغل سبية شوية وان شاء الله يخدك معه مش مبرر انة بعيد علشان تعملى كدة انت قبل الزواج كنت صبرة هتقولى مكتش جربت معلش صلى وابعدى عنك الشيطان انت اقوى من كدة الصبر مفتاح الفرج ربنا معاكى

  9. اخ ليكى فى الله
    16/02/2013 at 18:22

    لا حول ولا قوه الا بالله يا اختى اتقى الله يا اختى فى نفسك هو الراجل مسافر عشان مين مهو عشانكم انا مقدر موقفك جدااا بس اوصيكى بكلام الحيبب صل الله عليه وسلم عليكى بالصيام وشغل وقت فراغك ولو حسيتى انك عايزه تفرغى شهوتك تقدرى جدا تعمل ده مع زوجك بالكلام عن طريق النت واهو حاجه تمشى الامور وحاولى انتى كمان تتكلمى معاه انه يرجع وان انتى محتاجه ليه جدا وتذكرى كويس جدا ان جوزك بيعمل ده عشانك وعشان بنتك وان هو كمان فى غربه ترضى ان هو كمان يشوف واحده ويعمل كده بحجه الغربه لالالا طبعا يبقى عليكى بالخوف من الله والتقرب منه اشغلى نفسك فى حاجات كتيره اخرجى مع صديقات اعدى مع الاهل احفظى قراءن فى دار فى حاجات كتيره اوى اوى بس فكرى بدمغك واتقى الله وتبوى لله قبل فوات الاوان وربنا معاكى

  10. محمد
    16/02/2013 at 18:09

    انا مقدر ظروفك ولكن عليك اولا ان تساعديه وهو متغرب علشانكم وفى ستات كتير ظروفهم زيك وعايشين ومتحملين طبعاوتاكدى انه هو هناك اكيد مش مرتاح لانه لوحده ومتغرب على الاقل انت فى وسط اهلك حاولى تساعديه انك تحافظى على نفسك وتبعدى عن اى شئ يثيرك وما تديش فرصه لحد انه يكلمك ويحاول يقولك كلام من اياه انا عارف ان فيه شباب بيسطاد اللى زيك ما تديش فرصه لحد والجاى لربك وادعيه انه يسهله وياخذكم معاه هناك او يفتج له باب رزق فى بلدنا ويرجع ويعيش معاكم واضح انه مضطر يتغرب علشان يوفر لكم عيشه كريمه واكيد دى فتره مؤقته واذكرك بحديث الرسول الكريم الذى معناه ان الزوجه الصالحه التى اذا نظر اليها زوجها سرته وان امرها اطاعته وان غاب عنها حفظته فى ماله وعرضها.حافظى على نفسك والجاى لربك وداومى على الصلاه وقراءه القران واكثر من الصيام وتجنبى كل ما هو مثير من افلام ومشاهد وجلسات مع احد وانترنت.اسال الله لك العفاف ولزوجك الرزق الحلال ولاسرتك الهدوء والاستقرار .

  11. مي
    16/02/2013 at 15:12

    انت الي عملتيه دا اناعارفه انه غصب عنك لكن لازم تتراجعي فورا علشان خاطر بنتك واعلمي ان سبب سفر زوجك علشانك انت وبنتك

اترك رداً أو حلاً لهذه المشكلة