انا طالبه في الفنى بس للاسف ان خلصت الدبلوم ومستنيه نتيجة الدبلومات الفنية عالعموم انا كنت نفسى اول لما دخلت المدرسه اتعلم حاجه ولاكن للاسف ولا اهميه انا كنت في قسم ملابس جاهزه وكنت نفسى يخلونا نجلس على ماكينات ونتعلم ولاكن للاسف احنا متعلمناش حتى مسك الابره حنى لما وصلنا ثالثه اقولنا ان احنا هنتعلم ولاكن هما مائكديين بس على النظرى وليس العملى المهم عادت سنين وسنين ومرت الايام ومتعلمناش اى شئ حتى حدث لنا مشاكل قبل الثوره وبعدها الكتب الى احنا اخدناها لسه قبل الامتحانات بجمس اسابيع وقالونا فى اسطوانات ومخدنهاش عدينا الامتحانات بقلق ودموع حتى امتحان الفيزياء جه ملغى عالعموم اتقوا الله من اللى بتجربوه فينا حتى الرسم الفنى جه قصات ملغيه وكتير وكتير من الامتحانات ارجوكم اتقوا الله فينا وفي الاجيال اللى جيه اعمل اه وانا متعلمتش حاجه اعمل اه لايوجد اهميه لنا
مشاكل التعليم الفني
لايوجد اهميه لطلبة الدبلومات الفنية
اضيف بتاريخ: Sunday, June 19th, 2011 في 21:31
كلمات مشاكل وحلول: التعليم الفني, الدبلومات الفنية, مشاكل التعليم, مشاكل التعليم الفني
اختي انتي وكثيرمن زميلاتك تعانون من الوضع المشين وهوعدم الاهتمام من قبل المسؤليين عن التعليم الفنى في مصر كلها وكان الاولى بكم ان ترفعواشكوى عاجلة الى الوزارة والتربية وتشرحوالهم تفاصيل معاناتكم والظلم اللي تعرضتم اليه ولكن للاسف انتن اهملتم الموضوع من البداية واحسن الحلول لاسترجاع مافاتكم من ضياع في التعليم الفنى تشوفي معهدخاص تكملي فيه وتحصلي على شهادتك منه والمعاهد الخاصة بكثرة في مصر ومستقبلهامضمون وناجح احسن من الحكومي وربنايوفقك انت وكل اخواتنا اللي معك
واللهي حرام البيتعمل معانا كدا احنا مظلومين اوي لازم نحقق طموحنا انتو بتهدونا لازم يبقي لينا مستقبل انا السنه حاصل علي 86.750% اعمل ايه في حياتي
ولكل مجتهد نصيب كل واحد يعمل اللى عليه ريسيب الباقى على ربنا والمهم يحط هدفه امام عينه دائما والله الموفق
بالنسبه لاخت اللى بتقول انها خدت معهد سنتين بسوهاج وبقت ضابط لاسلكى ولا معهد معتمد بسوهاج من اول طما الى البلينا سنتين ويمنحن خريجهه شعبه ضباط لاسلكى او حاسب الى او ى شئ اخر انما الثلاث معاهد الوحدين المعتمدين ويقبلون الدبلومات الفنيه المعهد الفنى الصحى بحى الكوثر بسوهاج المعهد الفنى الصناعى بحى الكوثر بسوهاج المعهد المتوسط للخدمه الاجتماعيه بحى الكوثر بسوهاج
اتفق معكى فى بلدتنا هذا لا يوجد اهميه لتعليم الفنى بمصر فى اخر مرا كان لى صديق والله كان جايب 81 من مجموع المواد التحريريه غاب سنه ومدخلش التنسيق نظرا لضغوط عمليه وشخصيه فى حياته وبعد ذالك عاد لينس عام 2013 فرفض التنسيق الكترونى ان يقبله وبعد ذالك دخل معهد خاص بالعافيه كمان وبمصروفات 7000 ثانويه على ان يمنحه المعهد بكالريوس فى شعبه النظم والمعلومات
أنادعاء كنت قسم ملابس جاهزة دفعة 2011 والحمدلله دخلت كلية التربية والتقدير فى السنة دى الفرقة الأولى جيد جداوعقبال كل من يتمناهايااااااااااااارب واتمنى لكم التوفيق جميعا لكن أحب أنصحكم نصيحة تفءلوا ولاتشاءموا واجتهدواوحولوا بقدر المستطاع تعملوا شئ يفيدكم والله الموفق
انا بعانى م مشكله انا انهردا امتحنت رسم فنى قسمى ملابس جاهزة وكان جيلى لافف ومش كنا عارفين حاجة مفيش اهتمام خالص ف مدرسة نجع حمادى الصناعية للبنات ارجو الاهتمام بيها شوية وبعدين انا خلاص يعتبر طالعة منها بس عشان خاطر الاجيال الا ورانا
بس المشكله انو علية 100 درجة وخايفة انزل فيه عشان عايزة اكمل اتقوا الله فينا ابئا حالة ف كل المواد وتيجى مادة واحدة زى دى تنقصنا ف الموجوع طيب ليه مش حرام بردوا ارجو انكم تهتموا شوية بالتعليم دا وارجوا بالا يعلم يعلم ويدينا درجات تمام
انامخلصة دبلوم صنايع من4سنين وكنت دورثانى ومفيش اى معهدقبلنى غير معهدسنتين خاص طبعا طول الفترة دى كنت مدمرة نفسين زيكم
بس الحمدلله عرفت اصنع من فشل والظلم الى شفتوــــــــــ بختصارياجماعة انا دلوقتى بقيت ظابط لاسلكى فى المطار ولية هبتى الحمدلله وحالين باخدكورسات فى جميع الغات عشان انمى قدراتى ويبقة معاية لغات ـــــــ انااستحملت الى مفيش بشريستحملو من تريقة من صحابى واهلى بئنى فشلة حلفت انى لازم الكل يحلف بحياتى واخدعهدعلى نفسى انى ابقة حاجة كبيرة فى المجتمع وبفضل ربى انادلوقتى احسن من كل صحابى الى فى كليات عالية لانى باخد مرتب حلواوى وهمة لسة بيعانو واغلبهم على القهاوى ـــ نصيحة من اختكم الى داقت انواع التريقة والقهر ان لازم تقووومتخلوش حاجة تقف قصدكم وربنا معاكم
ارجو منكم الاهتمام بمدرسة الثانوية الصناعية بنات بمحافظة الدقهلية الجمالية انا عاوزة اعرف اى الفرق بين الثانوى العام والثانوى الصناعى مش دة تعليم وده تعليم انتم ديما بتقولة ان الثانوى العام اعلى من الثانوى الصناعى بس فى اى انا عاوزة مدرستى تساوى بجميع المدارس عاوزه تعليم حقيقى مش تعليم فوضه واحنا كمان بعد الثورة يعنى فى تعديل شامل من جميع النواحى عاوزة اعرف بقا فين التعديلات دى انا عاوزة رد لانكم ديما مهتمين بالثانوى العام وسيبن الدبلوم الصناعى ليه يبقى من الاول بقا مكنتوش عملتم مدرسة ثانوى صناعى
انا خلصت دبلوم تجاره وانا دلوقتى خارج مصر بس فى مشكلة ان انا دلوقتى مبعرفش اقراء ولا اكتب كويس فى كلام كتير مبعرفش اكتبة ممكن حد يفدنى اعمل ايه
والله وحشتونى اوى اوى الله يخرب بيت الدبلوم اللى جابنى ورا ده انا خريج دبلوم صناعى وحاليا ملتحقتش باى معهد اوى اى كلية بسبب الظلم الباسط ده وادينى شغال فى الغردقة وبرجع انا من المنيا
اختى الفاضله انا طالب فى الصف الثانى الثانوى الصناعى وفى سنه اولى طلعت المركز الاول على قسم نجاره الاثاث لكن فعلن مفيش اهميه بس انا قررت اعمل حاجه اقعد مع المدير ولتكلم معاه بكل صراحه عشان مفيش اهتمام وتشجيع لطلبه الصنايع وحعمل مذكره يعنى شكوه للاداره عشان التعليم الصناعى يتقدم وان شاء الله يتقدم
السلامو عليكوم جمياعن احنا امتحنا وخلاص ولكن المهم ان احنا نشوف كليه حلوه او معهد ولكن جميع معاهد خاصه واحنا لزم نعمل مضاهرة عشان احنا مظلموين شوفوا امتى واتصلوا بينا على الموقع
والله التعليم الفنى ازبل تعليم انا فى قسم الكترونات ومفيش ولا كليه ليه بعد ما قالوا ان لينا هندسه وتربيه كل اللى اقدر اقوله حسبنا الله ونعم الوكيل فى وزير التربيه والتعليم
على فكره المفروض منقعدش نقول كان كان كان خليكم ف دلوقتى احبتى ف الله وفكرمتى ستكون انت؟وابدأمن جديدلان اللى عدى خلاص كااااااان خليك ف دلوقتى ممكن تكملوا معاهدوتاخدوا كورسات ف اى حاجه كنتم عاوزين تتعلموهاواعملوا بيها حاجه تفيدكم اينعم اناكنت ملابس جاهزه لكنى مكنتش بحب الخياطه اصلا ورغم ذلك مقعدتش وحاطه ايدى على خدى بل اخدت كورس ف الحاجه اللى بحبها ومارستها ونجحت فيه وربنا يرزقكم الخيرحيث كان ثم يرضيكم به
انابردوكنت دبلوم فنى ملابس جاهزه وكنت بذاكرعلشان اكمل تعليم صناعى بس للاسف الكليه دى طلبت اقسام معينه ومكانش امامى غيركليه خاصه وكان صعب دخولهابس اخدت كورس نوربيان واشتغلت بيه محفظه قرأن والحمدلله مبسووووووطه جدااااااا وناويه ان شاءالله اخدكورسات تانيه انمى عقلى بيها يعنى الدنياموقفتش علشان مدخلتش كليه بل بالعكس ربنا اختارلى حاجه احسن ونجحت فيها وفعلا عسى ان تكرهواشيئاوهوخيرلكم واناكنت لفتره قريبه اوى كنت مكتئبه بسبب الموضوع ده بس لازم تعملوحاجه جديده ف حياتكم تنسيكم الموضوع ده لانه بجدفى بدايل كتيره
صح احنا الى غلطنا لاننا سكتنا فى وقت كل الناس بطالب بحقها
بسم الله الرحمن الرحيم اولا انا معاكى يا هدير فى كلامك لانى انا دبلوم تجاره زيك وانا حاسه ان اى واحد فى دبلوم اكيد هيحس باللى احنا حاسينه من الظلم والقهر انا جوايا نار من اللى حصلنا لكن لو احنا كنا ثانويه عامه كانوا اكيد هيشيلونا من فوق فوق راسهم وعايزه اقولك يا اخ محمد ان احنا مكناش ساكتين وبنغنى ظلمو بل بالعكس انا كنت باجرى جرى الوحوش والله العظيم وشكرا ليك يا اخ احمد على المعلومات اللى حضرتك قلتهالنا (وحسبى الله ونعم الوكيل)بس ان شاء الله ربنا هيكرمنا خير ويعوضنا باذن الله
انا كنت فى دبلوم تجارة وكنت داخله وكلى حماس انى احقق هدفى وحققت نجاحات كتيره قوى وكنت شاطره جدا وحصلت على لقب الطالبه المثاليه وفى سنه تانيه انا جبت93%وكنت بدخل مسابقات واحصل على شهادات تقدير وحصلت على المركز التالت فى مسابقه للاحصاء ولما رحت تالته كل الموازين اختلت ومكانش فى كتب ولا مناهج وبقيوا يجيبولنا سديهات ويقولولنا روحوا صوروها ومكانش فى اى اهتمام وبعد ما قامت الثوره احنااخدنا فترة طويلهاجازه والمدرسين مكانوش عارفين يشرحولنا ايه علشان المناهج وياريت قالوا اننا اتظلمنا لا بالعكس فوجئنا بان الامتحانات اغلبها مش من المناهج رغم اننا برضو صورنا نماذج للامتحانات ولكن برضواحنا تعبنا وحلنا فى الامتحانات كان بدموع عنينا وبعد كده كمان اتظلمنا فى التصحيح كمان يعنى مفيش اى رحمه ونزلت من 93%ل82% تخيلوا لكن انا بدعى ربنا انه يخلصلى حقى ويكرمنى فى دخول الكليه وكفايه كده بقى
التعليم ده يا جماعه عمره ما هيتصلح ابدا اللوم مش على الطلبه اللوم على الى كانوا حاكمين البلد قبل الثوره انا طالبه من الطلبه كنت داخله سنه اولى وكلى حماس انى اذاكر وادخل كليه لاقيت التعليم فاشل والمدرسين مريحين دماغهم والحكومه متنشه الكتب وفلوس كتابنا مسروقه وروحت على ثالثه ومعظمنا لا يفقه شىء عن الكهرباء حتى مش بنعرف نركب لمبه احنا لازم لو مش وصلنا للى عايزينه نعمل ثوره الثوره دى تكون عشان مستقبلنا احنا بنات ودلوقتى المجتمع ضعيف ماديا حتى لما بنتجوز بيكون متوجب علينا ان احنا نتشارك ماديا يعنى لما ناخد شهاده ونتعين هيبقى فى مرتب بتالى كل عيله هتعيش مرتاحه لاكن الناس دى اغبيه ومش بيفكروا عايزين يبوظوا التعليم وبالتالى هيبوظ الاقتصاد
لالتنسيق لو نزل عالى لزم نعمل مظاهرات ونوصل صتنا للناس كلها ونقول ان احنا مظلومين مع الثا نويه العامه والوزير ظلمنا
ياجماعة متزعلوش وكمان احنا الا سكتنا وقبلنا دة علي نفسنا لازم منسكوتش عن الحق وكنا نرفض دخول امتحانات ونعمل مظاهرات ورجة
فى البداية عاوز اقول ان والدتى موجهة فى التعليم الفنى التجارى و لما كانت هيا و كتييييير من الموجهين بيجتمعو بالوزير السابق احمد زكى بدر على الفيديو كونفيرنس و يقولوله حرام عليك الطلبة مش لاقيين كتب يذاكرو منها كان بيرد و يقول احنا بصراحة كده ما بنستفدش من التعليم الفنى حاجة و انا كده كده ناوى افور التعليم الفنى كله عشان ده اهدار لاموال الدولة و لما يكلموه و يقولو ايه ذنب الدفعة دى مكنش يعرف يرد و يقول الميزانية متسمحش نطبع كتب ليهم تانى مع ان كل طلاب الثانوى العام محدش فيهم بيذاكر من كتب الوزارة الا يمكن مادة الكيمياء بس (حسبنا الله و نعم الوكيل فى كل من لا يراعى ربنا فى ولاد الناس)بعضكو يقول طب كده كده طلبة الثانوية الفنية بيذاكرو من ملازم قبل الامتحان,,الكارثة ان المناهج كانت متعدلة فى معظم الفروع الفنية و خاصة التجارية و اللى يضحك ان الموجهين لما كانو بيوجهو على المدرسين كانو مبيعرفوش حاجة فى المنهج و الرد(المنهج متعدل و مفيش كتب يا اساتذة) لحاااد ما الموجهين جمعو نفسهم و حرروا شكاوى و ارسلوها لكل الجهات من الوزير الظالم ده لكن بلا جدوى (طبعا ده لما اتأكدوا انه ناوى يسقط الساقطين بدون اعتبار لظروف الكتب و المناهج الجديدة و طبعا لو العيال ثاروا كان هيلبسها للموجهين و الاداريين) انا مريت قولت لازم اوريكو ان الطلبة فى مصر عبارة عن فيران تجارب سواء فى المرحلة الابتدائية او الاعدادية او الثانوية العامة و الفنية و انتو عارفين التفاصيل
كلمكو كلة صح احنا فعلا اتظلمنا وقالوا كلة هينجح ونص البلومات صاءطة وحسبى اللة ونعم الوكيل فى اللى ظلمنا
للأسف ياجماعه احنا بالنسبه للمجتمع شوية العيال الفاشله اللى كانو هايصئطو ف 3 اعدادى بس ربنا كرمهم و مهما عملنا نظرة المجتمع مش هتتغير لينا انا داخل سنه 3 واقسم بالله انا شايف ناس اتظلمت كتييير لو حصلت معايا لأروح الوزاره وياقاتل يامقتول وكده كده بايظه بس الواحد يعمل اللى عليه أدام ضميره وربنا
أقول لكل طالب وطالبة في الدبلومات الفنية : الدولة لا تبدي أي اهتمام بطالب الدبلوم
ولذلك على كل طالب أن يعطي أهمية لنفسه من خلال الاهتمام بالعلم واحترام الذات داخل المدرسة وإعطاء المعلم حقه وعدم الاعتماد على الغش في الامتحانات والنتيجة سيتخرج طالب محترم يقدره المجتمع ويهتم به , أما حال طالب الدبلوم الآن ” ليس الجميع بالطبع ” سيئ ويسوء كل عام عن سابقه و أنا شخصياً أفضل أن يكتفي أبنائي بالإعدادية أفضل من الالتحاق بالمدارس الفنية الحالية في مصر .
بسم الله و الصلاة و السلام على سيدنا محمد رسول الله علية افضل الصلاة و السلام
انا يا جماعة عايز اقول متزعلوش نفسك انت شاء الله ربنا يوفقنا انا اخوكم محمد قسم تبريد و تكييف بس انا رأيى ان اللى عايز يتعلم بيتعلم بطريقة او بأخرى ممكن نشترى كتب من برا تبع التخصص و نذاكر فيها او ناخد قرصان فى نفس التخصص بتاعنا فى اماكن للقرصات بتاعت الصنايع لكن مش نقعد حاطين ايدانا على خدنا و نقعد نغنى ظلمو دا ربنا بيقول (اسعى يا عبد و انا اسعى معاك ان ) ان الله لا يضيع اجر من احسن عملا و ان اللة ربنا يوفق يعنى
انافى دبلوم تجارة ولسة النتيجة ماطلعتش وشوفت ظلم فى الدبلوم مابعده ظلم عمرى ماشوفتو ولا كنت حسة بهذا الظلم الا لما دخلت تجارة وشوفتو بعينى والظلم اكثر فى الامتحانات اللى كانو بيجيبو حاجات مش من المنهج وحاجات ملغية وكنا نجئ من الامتحان نعيط ولا احد كان بيسمعنا و الكتب التى لم نستلمها وسكتنا على ذلك كلو لان لواتكلمنا محديش بيسمعنا لكن لو احنا ثانوية عامة كانو سمعونا وخلونا نختار جدول الامتحانات زيهم لكن لماذا يعملون فينا كدة وليس مهتمين باى شئ تجاهنا والظلم الذى فعلوه معنا عشان احنا سكتنا عن حقنا ام هم ليسو معترفين بالتعليم التجارى خاصة والتعليم الفنى عامة ان عايزة حد يرد عليا انا كل ماافتكر اللى احنا شفناة فى الامتحانات احزن واحس انى احنا اتظلمنا جامد ومع ذلك عارفة ان اللة لا يضيع اجر من احسن عملا ارجو ان حد يرد عليه
انا عايزه اعرف النتيجه بتعتي ضروري انا ثالثه فني ملابس جاهزه وعايزه اعرف النتيجه ورقم جلوسي832016
انا اسمى عصام من الدلنجات خلصت الدبلوم ولا شك فى اى لفظ الى قالتة الاخت انا فى قسم كهرباء وللاسف شاطر بس مفيش فرصة اللا احنا نتعلم حتى ولو توصيلة بسيطة والله ينتقم من الظالم الى خلا التعليم الفنى بلا اى ضرورة والله مع اى طالب نفسة يكمل او يعمل حاجة والله معنا والسلام عليكم ورحمة الله وبركاتة
انا ثانوي تجاره نظام 3 سنوات مستلمتش الكتب برضوا واعتمدنا علي النماذج الي الوزاره بعتتها لينا وقالوا انها مش هتخرج من المنهج وفي حاجات جت خارج المنهج اتمني ننجح لان السنه دي كانت ضايعه في حاجات كتير بمناسبه الثوره والكتب الي ما أستملنهاش وربنا يوفقنا جميعا اللهم امين
الله يخربيت نظام التعليم انا في صنايع ومستلمناش الكتب طول السنة
تخيلم ولا كتاب استلمناه لان البيه الوزير مكنش يعرف احنا مستلمناش الكتب ولا لاء وعديت السنة كلها من غير ما ناخد كتاب واحد ,, وبعد كل دا عايزنا ننجح
طيب ازاى؟
اتقوا الله فينا انتوا متسلموناش كتب وكمان تسقطونا وتخلوا اهلينا تتحسر علينا
اتقوا الله ونجحونا كلنا
لا العيب م فيها هي معاها حق في كل كلمه قالتها وانا معاها فعلبا لا اهتمام بلتعليم الفني انا كمان فني بس قسم زخرفه احنا مش عرفيين ليه مش بيدونه من وقتهم شويه ويشوفو مشكلنا احنا تقريبا لو اتخرجنا مفيش كليات ندخله مفيش غير بنها وحلوان ودوول بعيد اوي علينا
عندك حق بس العيب فيكى انتى . انتى الا قبلتى الوضع دة كان لزم تتكلمى وتقولى وساعته كانتى هتلقى الف واحد جامبك وبيشجعك بس للاسف احنا الشعب المصرى كدة بنسكت ونتلكم بس بعد فوات الاوان ونحالو نعلق مشكالنا على اى شماعة فاضية . لو ليكى اى رد او عايزة تفهمى اكتر دى ايملى ومستعد اعرفك انك غلطانة واقولك كل الا حصل طول السنة وعلى فكرة انا كمان دبلوم صنايع بس متقدمه ومسكتش