مشاكل التعليم الجامعي

الرسوب في الامتحان يزعجني

بصراحة مشكلتني هي الرسوب في الامتحان و مش تسبني انام انا طالبة بالجامعة وانا ملتحقة بشعبة صعبة اوي وهي فرع رياضيات وحساب بس مشكلتي اني كل سنة افقد اكتر من تركيزي وكل مرة اسقط تزيد ثقتي بنفسي تنقص مش عارفة الحل وخاصة اني مقبلة علي نهاية دراستي بس بصعوبة جدا من هاذا المشكل معنديش تركيز خالص بالامتحانات رغم اني بدرس واثابر لكن لما ادخل الامتحان معملش حاجة كفاية ونتائجي بتخوفني والله ساعدوني

مشاكل وحلول ذات صلة

اضيف بتاريخ: Sunday, September 25th, 2011 في 06:11

كلمات مشاكل وحلول: ,

4 رد to “الرسوب في الامتحان يزعجني”

  1. zizo ashour
    03/10/2011 at 15:24

    في البداية احب اوضح لك ان الموضوع مثابرة وثقة في قدراتك فقط ويجب ان لا تخشي الإمتحانات نهائيا وان الموضوع تكرار فقط للحلول كتير وتكرار لحل المسائل مرة واتنين وتلاتة لو احتاج الأمر حتى الحصول على الحلول من الزملاء والتدريب عليها كويس.
    على فكرة انا حصل معايا نفس الموضوع وانا بادرس الرياضيات بعلوم القاهرة منذ ١٢ عام وكدت ان اترك الجامعة وانا في الفرقة الثالثة ولكن بفضل الله وبعزيمة واصرار عادت الي ثقتي بنفسي ونجحت في الثالثة والرابعة مباشرة بعد ان توصلت الى ان الدكاترة انفسهم لا يزيدون عني في فهم شئ فهمه انسان مثلي
    عزيمة – اصرار – كفاح – مثابرة – تكرار – تحديد الأجزاء الغير مفهومة – فهمها مع بعض الزملاء – طلب اعادة شرحها من المعيدين – تكرار الحلول – النتيجة مضمونة – نجاح بإذن الله

  2. الزمالك اكيد حبى الوحيد
    29/09/2011 at 23:52

    انا حاسة انك رسوبك بسبب حالة نفسية (يمكن انتى عندك مشاكل فى حياتك او فى البيت هى اللى ماثرة على المذاكرة)..انتى لازم تفكرى مع نفسك وتبصى بشكل عام لحياتك كلها وتحاولى تشوفى اية المشاكل وتفكرى فيها بهدوء وتحليها حل منطقى ..وبعدين تبصى لدراستك وتبدائ من اول وجديد (وبعدين دة مستقبلك انتى يعنى لازم تحافظى علية وتجتهدى انك تكونى احسن وتطورى من نفسك علشان تكونى افضل)..اما بالنسبة انك حاسة انو صعب مفيش حاجة صعبة على عقل الانسان وشوفى ربنا وجد فيكى كم خلية فى مخك علشان التفكير..وعلى فكرة انا حاسة انك بجد ذكية وتقدرى تعملى اى حاجة انتى عايزها سواء فى الدراسة او اى حاجة تانية..اما بالنسبة للتشائم افتكرى الحديث دة (تفائلوا بالخير تجدوة).يعنى متفكريش ع طول انك هتسقطى وانو صعب لالالالا فكرى انو حتى لو صعب ربنا بمذاكرتى ودعائى هيبقى سهل (ان اللة لا يضيع اجر من احسن عملا)..اخر حاجة انا عايزاكى وانتى بتذاكرى تفصلى نفسك عن المشاكل والهموم وحاولى دائما انك تستعدى للامتاحانات من بدرى ..بتمنالك التوفيق من قلبى HaGar

  3. nada
    27/09/2011 at 04:57

    الرياضه عمرها مكانت صعبه انتى الى حاطه ف دماغك كدا مفيش حاجه اسمها صعبه كله سهل بس عايز مجهود شويه مع شويه تركيز الرياضه دى ممكن تغلطى ف اشاره والمسأله كلها تبقى غلط- انتى بس حاولى تركزى شويه ف الامتحان ومتفكريش ف اى حاجه تانيه الا السؤال الى انتى بتحليه وع فكره كتييييير ف الجامعه بيسقطوا ومضينها عادى ولا كأن حاجه حصلت انا قصدى ان ثقتك ف نفسك اهم حاجه اوعى تخلى حاجه تهزها وربنا معاكى يارب وان شاء الله بالتوفيق والنجااااااااح

  4. ايمان
    26/09/2011 at 03:51

    ما تفكريش فى اللى فات افضل
    لانة لو كان اللى فات كويس ممكن يديكى ثقة بنفسك وتوصل احيانا للغرور
    ولو كان سىء ممكن يتسبب فى احباطك
    علشان كدة من رايى انك متفكريش في الى فات وافتحى صفحة جديدة
    كمان حاولى تكتشفى اية اللى بيسقطك
    ممكن تكون اجابتك ناقصة فى الامتحان مثلا
    وربنا معاكى

اترك رداً أو حلاً لهذه المشكلة