بصراحه دى مشكله بنوته صحبتى بس ياريت بلاش تجريح فى الكلام عليها عشان دى صحبتى جدا .هيه مخطوبه بقالها سنتين وكانت واخده خطيبها عن حب بس بصراحه بعد الخطوبه بدأت المشاكل بينهم وكتير جدا وكانوا فسخوا خطوبتهم مره ورخطيبها رجعلها لانه بيحبها بس هيه مبقتش تحبه زى الاول وهيه قبل ماتتخطب كانت بتحب واحد جارها ومعرفتش تكلمه غير قريب وهى مخطوبه وفعلا بدأوا يتكلموا والموضوع تطور بينهم لحاجات انتوا طبعا فاهمينها بس طبعا هيه لسه بنت بس هيه مخنوقه جدا انهابتخون خطيبها وفى نفس الوقت هيه مش قادره تسيب خطيبها وكل ماتحاول تنهى ارتباطها بخطيبها عشان حسه انها ظلماه متقدرش ومتعرفش هل دا حب ولالا . ياريت تساعدوها بحل كويس وربنايكرمكوا
مشاكل الخطوبة
حاسه انى بخون خطيبى
اضيف بتاريخ: Saturday, October 22nd, 2011 في 19:20
كلمات مشاكل وحلول: الخطوبة, بنت, مشاكل البنات
ايه انتو حكمتو علي جارها انو مش بيحبها ازاي عارفينو قبل كده؟هي مش بتقول لكم انا عيزه اعرف ده بيحبني ولا لا وبعدين محدش معصوم من الغلط الغلط اننا نتمادا فيه مفيش حل غير تصلي صلاه استخاره وتقرب من ربنا اوي وتدعي ربنا يسامحها ويقدملها اللي فيه الخير وبردو انا معاكو هي غلطانه بس مش بلقساوه دي ياجماعه ردكو
ممكن تسموا كل حاجة بمسمياتها الفعلية ولا هنضحك علي بعض
بدون تزييف لامور صاحبتك بتمارس علاقة جنسية مع حد مفيس اي ارتباط بينهم وفي نفس الوقت بتضحك علي خطيبها الاولاني بلاش كدب انا اللي صعبان علي الانسان الطيب اللي هي مستغفلاه ومعيشاه في وهم انه خطيبها
راي انها تسيب خطيبها فورا لان لسبب بسيط جدا جدا هي ما تستهلهوش لانها انسانة ملوثة وبلاش تلطخ سمعة انسان نظيف او هكذا يبدولابسمعتها اللي مش كويسة وسوري علي القسوة في كلامي
للاسف بعد الكلام اللى انتى قولتى دة انا حزين جدا انى كتبت فى الموضوع دة قبل كدة علشان اكتشفت ان صحبتك هية اللة مش كويسة واخلاقها مش كويسة وهية عايزة كدة وانصحك نصيحة انتى كمان حولى تبعدى عنها علشان اللى تعرف واحد وهية مخطوبة وكمان مش معرفه انها مخطوبة يبقى هو مالوش ذنب بصراحة وهية عايزة كدة عايزة تمسك العصاية من النص من الاخر تشوف مين اللى هيكمل معاها ياخسارة بجد على البنات والله خايف اتجوز من اللى بشوفه مش لاقى لحد دلوقتى واحدة مودبة ومحترمة مش لاقى اللى تصونى فى غبيتى
اولا هقولك حاجه مهمه اوى ان خطيبها ده انسان محترم جدا ومقدر علاقه الحب الى بينهم بدليل انو رجعلها تانى ومرضاش يتخلى عنها المشكل انو خاطبها من سنتين ودى مده طويله طبعا و الاكيد انو مش قادر ياسس عش الزوجيه بسهوله فى الحاله دى ظهر ابن الجيران المسافر والى معو مال وممكن ينفز مهمه الزواج بسرعه وميسور الحال بخلاف الحبيب صديقتك بقى حكمت عقلها كويس فى الاختيار ياربى اختار الحبيب واعيش الفقر ولا الجار والحاجه الى احتاجها هيجيبهالى طبعا كانت فى حيره من امرها والدليل على كلامى انك قلتى كل ماتحاول تنهى ارتباطها بخطيبها عشان حسه انها ظلماه متقدرش ومتعرفش هل دا حب ولا لا لاكن هي فى الوقت الحالى بتفكر انها تضرب عصفورين بحجر طيب لو سابت خطيبها ياترى الشخص الميسور ده هيخطبها ولا لا طيب لو مخطبهاش هتكون فقدت الحبيب والخطيب والشخص الى كان مسافر — انتى عايزه تقوليلها على حل تستمر مع خطيبها وتنسى تماما ان فيه شخص تانى لانها بكده انانيه وبتحب نفسها وبس ومتعرفش حاجه عن الحب ولا العاطفه لانو الحبيب الحقيقي هو خطيبها الى مرضاش يتخلى عنها ورجعلها تانى علشان يتوج قصه الحب ده بالزواج وشكرا
بجد ربنا يكرمكوا جميعا على ردكوا على مشكله صحبتى بس المشكله ان جارها ده اصلا انسان كويس جدا لانه جارها من زمان جدا واهله ناس كويسين وهو اول ما كلمها كان مسافر مده وميعرفش انها مخطوبه ولماكلمها مده طويله هيه عرفته وكمان هو دايمابيقولهاانه عارف ان دا غلط وعلى فكره هو عمره ماحاول يكرهها ف خطيبها ودايمابيقولها انه بيخاف يقولها اى كلمه عشان ده مياثرش ع علاقتها بخطيبها
يمكن يكون هو بيعمل كدة متراهن مع حد انه يخلي فلانة دي تسيب خطيبها بسببه
وممكن لو سابته فعلا
جارها دا يبعد عنها
وساعتها هتتصدم صدمة العمر
ولا طالت دا ولا هتطول دا
علي صديقتك أن تخلوا بنفسها في مكان هادئ جميل ومريح , بعيدا عن الضوضاء وكل ما يسبب الإزعاج لها, بعد صلاة ركعتين لله , تجلس ومعها قلم وورقتين , تكتب في الأولى محاسن الخطيب الأول ومعايبه , وفي الثانية محاسن الجار ومعايبه , ليتبن لها أفضلهما , وهذه نصيحة عامة لها ولغيرها , ولكن لي ملاحظة عليها مع جارها : كيف فعل بها ما فعل ولم يكن خطيبها ؟؟, فهذا لا يستأمن جانبه بعد الزواج بها , هي سمحت له وأخطأت فلتتوقف ولتبتعد عنه حتى لا تكرر الخطأ , ولا أنصحها بالإرتباط به لأنه قد يحسب عليها خطأها بعد أن يتزوج بها , لتعد إلى الأول , وتخفي ما حدث مع الجار ولا تذكره لأحد , وحبها للأول وإن شابه ضعف أو فتور فهو موجود في الذاكرة , وسوف يقوى بعد الزواج , بعد تلك الجلسة مباشرة عليها أن تخرج بقرار نهائي حتى لا تتراكم عليها الأيام والأوهام , نسأل الله أن يهديها ويسترها ويغفر لها .
طبعا حرام عليها اولا هى كدة بتزنى تانى حاجة خطبها دة خسارة فيها وبعدين هى ضمنى التانى منين ما جايز معرف حد انة بيعمل كدة وبعدين لو مبعدتش عنة الموضوع دة هيتفضح وهى مش هتستفيد اى حاجة غير فضيحتها وفضيحة اهلها دة واحد عاوز مزاجة منها بس مش اكتر لاكن التانى بيحبها ومرتبط بيها رسمى يبقى لية تطلع خاينة ومتحفظش علية احنا مش بنجرح فيها احنا عاوزين نفوقها عارفيها انها لو بعدت عن خطيبها هتندم اشد الندم علية والتانى دة بدال عمل كدة معاها عمرة ما هيتجوزها لان دة واحد مبيخفش عليها دة واحد سافل
اختي : الحياه لاتعطينا كل شئ في وقت واحد فأحيانا قد تعطينا الحب ولاتعطينا المناخ الجيد لكي يعيش هذا الحب او الامكانيات لكي نتوج هذا الحب بالزواج وانتي قد رزقك الله بشاب اختار اقصر الطرف للوصول اليكي وهو الطريق الصحيح الذي اقره الشرع والدين .. وانتي ترفضين مااقره الشرع والعادات والتقاليد وتجري وراء اوهام مع شاب مستهتر سوف ينظر اليكي بعد ذلك نظره ازدراء واحتقار ايضا لانك قد بعتي الغالي بالرخيص .. واستبدلتي الطريق الصحيح بطريق الشيطان ولن تلومين الا نفسك بعد ذلك ولن يفيد ندمك في شئ .. فأتمني ان تفيقي مما انتي فيه وتعرفي ان هذا الشاب مستهتر يجري وراء شهواته وغرائزه وماهو الا حيوان في صوره انسان … فارجعي الي عقلك ورشدك وتقربي من الله واطلبي منه العفو والمغفره …. وصلي صلاه استخاره للعوده الي خطيبك ولو شعرتي بانك لن تستطيعين ان تتقبلي حياتك معه فلامانع من ذلك فالحياه لن تقف علي ذلك فسوف يبعث الله اليكي باالانسان المناسب وفي الوقت المناسب ولكن كوني جديره باحترامك لنفسك وتوقفي عن هذا الهراء وهذه الحياه العبثيه ……… وتقربي من الله كثيرا لعله يقبل توبتك ويقف معكي علي تجاوز محنتك هذه ……….
تبعد عن الشخص الا بتحبه ده نهائى وتقدر ان فى راجل فى حيتها خطيبها او انها تصارحه وتنهى خطوبتها وتتزوج الا هيه بتحبه ده مع انى مش مصدق ان ده حب البيه بيلعب بيها وبيقضى وقت جميل وهوه متاكد انها على زمه واحد تانى فعايش حياته معاها الحيوان ده تبعد عنه وتلتزم بخطيبها والا تصارحه وتفسخ الخطوبه ايه الحياه الوحشه دى ترضى خطيبها يخونها مع وحده زى ما هيه بتعمل متتلزم وتحترم نفسها وتحترم خطيبها وتصلى وتتقرب من ربنا علشان يسهلها / المحامى
أنا مش عارف أقول ايه أصلا
هي عارفة إنها غلطانة ومتمسكة بغلطها ومش عايزة تبطل
خلاص هي حرة ومسيرها تقع وتبقى فضيحتها بجلاجل ولا هتطول بلح الشام ولا عنب اليمن
…………
لو عايزة رأيي
تبعد عن الشاب الحقير اللي سمح لنفسه يعرف واحدة مخطوبة ويعمل معاها الحرام
وطبعا لو هو غلطان 100% هي غلطانة 1000%
وتفكر في حياتها مع خطيبها بشكل كويس وصريح
ولو خطيبها مش عاجبها وافقت ليه من الأول هو الجواز لعبة
وللعلم ممكن الواد اللي على علاقة بيها يهددها بفضحها لما تسيبه
بس لو فكر في كده خليها تقول له هشتكيك بتهمة ابتزاز في النيابة
وهو هيلم نفسه على طول..
وربنا يهديها ويهدينا
حاجة تنرفز بجد..
بس الستر أولى من الفضيحة
خليها متقولش لخطيبها حاجة لأن دي مش أمانة دي فضيحة وده أمر شرعي مش بطيخ من دماغي..
لا هى مش عايزة تسيب خطبها عشان حاسة انه فرصة كويسة على اساس ان البنات مبقتش لاقية بس جارها ده مش بيحبها وياريت تبعد عنه فورا لانه لو بيحبها مكنش ببصلها وهى مخطوبة وياريت تخلى بالها لان ممكن جارها يكون مش كويس ويمسك اى شئ عليها ويهددها زى ما بنسمع خليها تبدء صفحة جديدة مع خطيبها واضح من كلامك انه شاريها
حب اية الى بتتكلمى عنة هى لو بتحبة فعلا كانت خنتة ازاى اصلا تفكر تكلم جرها دة وهى مخطوبة هتقوليلى عشان المشاكل الى بينهم طب خطبها معملش زيها لية وخنها لو خطيبين حصلت بينهم مشاكل وكل واحد خان التانى يبقى محدش هيتجوز خالص حرام عليها هى مادمهاش غير حلين بس ياما تتوب لربنا من الى عرفتة دة الى هو جرها ومن الى بتعملة وتخليها مع خطبها يا اماتسيب خطبها وتخلية يعيش حياتة ويشوف وحدة غيرها تستهلة ويستهلها لانها كدة بتظلمة اوى وبعدين انتى بتقولى هى لسة بنت ممكن مرة فى مرة الولد دة يخليها تفقد عزريتها وسعتها بقى هتندم وهتقول يا ريت الى جرا مكنش حصل خليها تفوء من الى هى فية دةوربنا يهديها
بصي يا جميل صحبتك كده بتخون خطيبها مش مجرد احساس ده واقع وهيه خاطبها بيحبها وهيه وافقعت عليه يبقي ليه تخونه هو ميستاهلش منها كده مهما كانت بنهم مشاكل فده مش مبرر لخيانتها ليه وعالفكره الراجل اللي يقبل علي نفسه انه يتكلم مع بنت هو عارف انها مخطوبه لغيره يبقي مش راجل وهو بيلعب بيها مش اكثر وصدقيني لو سابت خطيبها حيبقي احسن ليه هو عشان هو يستاهل واحده تحبه بجد وتقدره وتكون امينه ومخلصه ليه مش واحده خاينه لااااااااااااكن لو هيه سابته حتخسره ده اكيد وحتخسر اللي سابت خطيبها علي شانه يعني ولا حتطول ده ولا ده لو انتي فعلا صحبتها وبتخافي عليها خليها تتوب وتتقرب من ربنا اوي وتبعد عن الشخص ده
أية اللعب دة ؟؟
على رأي المثل عين باللحمة وعين بالمرق
لازم تحدد هيا عايزة أية بالزبط يادة يادة بس أنها تمشي مع الأثنين وتلعب على كول الحبال دة بقى مينفعش
لأنها بالآخر مش حطول لا بلح الشام ولاعنب اليمن ..
يا خطيبها يا الراجل التاني لازم تحدد .. هي دلوقتي بتخون خطيبها ولسى مخطوبة عليه !
تجي الزاي دية ؟
الي بتحب أنسان بتسيب الدنيا كلها عشانة
وبعدين واضح أن خطيبها بيحبها أووي بقى لية تسيبو ؟
لية دائماً أحنا بندور على الأنسان الي بنحبو مش الأنسان الي بيحبنا ؟؟؟؟
هيا ضامنة حب خطيبها .. طب أية ضمنها أن الراجل التاني بيحبها زي ماخطيبها بيحبها ؟
خطيبها دة صار موضوع رمسي والناس كلها عرفت أن فلان لفلانه يعني الراجل جاد بالموضوع وناوي على جوازة
أية ضمنها أن الراجل التاني دة جاد وعايز يتجوز مش بيتسلى وبس ؟؟؟؟؟
لية ندور على عصافير الشجرة والي فأيدنا مانبصلهوش دائماً ؟؟؟؟؟
صحبتك دي أنصحيها وعقليها وخليها تسيب التاني وتخليها بالأول أحسن لها
” حبيبك الأول لايغرك الثاني ”
ولا بعدين هتنددم أوي وهتشوفي
لأن بنت خالتي كانت بنفس الموقف وفسخت من خطيبها الأول واتضح بعد فترة أن الثاني كان بيتسلى بيها بس والله العظيم
ودلوقتي خطيبها أتجوز وبكت بدل الدموع دم عليه فيوم جوازه ..
بقى خليها مع الي ربنا يسر له يخطبها ومع الي الناس كلها شهدت وعرفت بعلاقتها بيه والي باباها ومامتها وافقوا عليه والي حبه قلبها بالأول
أحسن ما تروح مع واحد ماتعرفش اية هيا النهاية معاااه
سبحانك اللهم وبحمدك اشهد أن لا إله إلا أنت استغفرك واتوب إليك
هي تستخير ربها علي خطيبها وابنالجيران ده لو انسان محترم كان راعي ربه في حرمة الجيره وخالي صحبتك تبعد عنه ابنالجيران لانه مافيش حد بيلمس ةيحسس ويتزوج باحد ابدا
انا عايز اقول لصبتك حاجة واحدة بس انا عايزك تختارى بين حاجة من الاتنين
1/ انك تعيشى مع انسان بيحبك وخايف عليك وسابت دة بارتباطه بيكى قدام الناس وواضح من كلامك انه انسان كويس اوى وربنا يكملها بالجواز انشاء الله
2/ انك تعيشى مع انسان مش بيحبك وكل غرضه انك يقبلك علشان يتمتعك منك وطبعا مش بيحبك ولا ناوى يتجوزك عارفة علشان احنا فى مجتمع شرقى لى عادات وتقاليد الراجل مننا مش بيسمح لنفسه انه يتجوز واحدة خاينة انتى عارفة انتى بتعملى اية انتى بتخونى جوزك معاه يعنى لو عمره ما هيفكر يتجوزك علشان هيحط فى دماغه طالما يتحونى خطيبك معاها هتخونى مع حد تانى اللى بيحب حد بيخاف على مش بيذى صدقينى والله اللى بتعملى دة غلط غير انه حرام اقولك على حاجة مش تزعلى منى انتى رخصتى نفسك قدام نفسك قبل اى حد انتى دلوقتى بقيتى رخصية اوى قدمك قبل الناس ولو عايزة تتاكدى من كلامى قوليلو انك قولتى لماما على العلاقة اللى بينكو وانك هتسيبى خطيبك شوفى رد فعله اية معاكى هتعرفى قد اية انه معاكى على حاجة واحدة هى المتعة نصيحة منى سيبى الشخص دة وصونى نفسك وارجعى لخطيبك ومش تقولى لحد عن العلاقة دى ابدا وعيشى حياتك وارجعى شوفى الحاجات الحلوة اللى فى هتبتدى تحبى تانى واستعدى للزواج علشان انتى من جوة انسانة نظيفة محدش بيخلق مش نظيف دورى على الانسانةالنظيفة اللى جوة وارجعى لخطيبك وقبله ارجعى لربنا وصلى واطلبى منه انه يسمحك دى نصيحتى وانتى حرة بس دى نصيحة من شاب لو فى مكان عشيقك مش هيتجوزك علشان هتبقى رخصية اوى اوى اوى واسف لو ضيقتك بكلامى وللاطالة