انا في سن 19 حبيت واحد وجة اتقدملي وقرانا الفاتحة وبعد كدا حصل بين الاهل مشاكل فادي ذالك الي الانفصال لكن بعد شوية من الانفصال رجعنا تاني لبعض لكن من وراء الاهل وبعد فترة بدا يكلمني علي الجنس في التليفون ولما بيشوفي بيحاول يلمسني انا في الاول رفضت دا بس هو بعد ما اكدلي انو بيحبني وانو هيجي يتقدملي تاني بقيت انفذلو اللي هو عايزو وعلشان ااكدلو ان انا بحبو ومش هسيبو وكمان علشان محسش ان انا بغضب ربنا اتجوزنا عرفي لحد ما يتم الزواج الرسمي انا واقعة في مشكلة لاني بردو حاسة ان اللي انا بعملو غلط انا بحبو جدا وهو كمان بيحبني ولا انا ولا هو نقدر نسيب بعض انا عايزة حل؟ بعيد عن احنا نسيب بعض …وشكرا
مشاكل الزواج الثاني
لجأنا للزواج العرفي عشان مغضبش ربنا
اضيف بتاريخ: Sunday, October 16th, 2011 في 12:13
كلمات مشاكل وحلول: الزواج, الزواج العرفي
إيه الأستهتار ده واللامبالاة في كل حاجة ضربتي كل القيم والتقاليد
والأسلام وأهلك في عرض الحائط ورحتي تجوزتي عرفي
عشان ترضيه للرجل الي حبتيه وتثبتي له انك بتحبيه وجاي دلوقتي
ادوري على حل !!? مخفتيش ربنا !! مخفتيش من أهلك والفضيحة
الحل هو تروحي معاه وبسرعة تتجوزوا رسمي لأنكم مش قاصرين
وبعدين تعرفوا أهاليكم هو ده أحسن حل وبسرعة
لااله الا الله اي حب دة ؟؟؟؟مفيش شخص يحب حبيبته بلحرام والزنا حبيتي ترضية وتغضبي ربك !!!!!!!!غريبه بجد دة بقتلوكي علي القصة دة الحقي نفسك وبسرعة احكي لمامتك وبسرعة حتي تحل الموضوع وقبل ماتحكي لمامتك صلي ركعتين توبة وادعي لنفسك
الزواج العرفي حرام وهوزناولااساس له من الصحة عجلوبزواج الشرعي ولابدمن اشهاره واهلك نشاءالله يسامحوك وتوبي الى الله انت وهوواستغفروه وربنايهديكم ويصلح حالكم
هذا خطأ فادح لان الحلال بين والحرام بين ويول الله عز وجل لاتعزموا عقده النكاح حتى يبلغ الكتاب اجله لذا هذا حرام ومن الاخر استغفرى ربنا انا بنت ومطلقه واحب اعرفك انك فى الاول والاخر مكيش غير ربنا ومتبعيش اهلك عشان خاطر حد والله والله والله فاول فرصه هيبيعك عشان واحده تانيه وتاكدى دا عن تجربه وهعايرك وهيجرحك باشد الكلمات متنسيش كدا وصلى لربنا وادعيه وهو ارحم واحن عليكى من الدنيا بما فيها
اه هو ده اللى بناخدو من المسلسلات جواز عرفى وحمل وهو يبعد وفضيحه سودا يارب اعيناعلى تربيه اولادنا تربيه صالحه فى ظل ديننا شوفى انتى تلحقى نفسك احسن وانتى على البر كده الموضوع هيتطور بعد كده شوفى هتبقى مش بنت ولابقيتى هو كده كده هيسيبك اتاكدى من كلامى محدش بياخد واحده عمل معاها كده قبل الجواز يابنتى ده من تجارب الحياه اللى واخدين بعض عن حب قبل الجواز بيزهوا وبيشك وبيقرفها بعد الجواز مابالك جواز عرفى وتسلمى نفسك لازم تبينى له انك غايه وحافظه نفسك يابنتى احنا ديينا مكرمنا ليه تهينى نفسك وتهينى اهلك وشرف ابوكى حبيبتى اناعارفه انك لسه صغيره وممكن يضحك عليكى لكن لازم تكونى اعقل من كده هو بس بيستمتع بيكى وهيزه
صغيرتي ارجوا ان تكتبي لنا في هذه الصفحة تطورات زواجكما لنتمكن من مساعدتك , و الزواج العرفي ليس للبكر و ان لم تكتمل فيه الشروط الشرعية للزواج فليس بزواج و انما الاسلام احل المتعة في القرآن للثيب فقط اما الزواجات الحديثة العرفي و المسيار و غيرها كلها بدع , طمنينا عليك و جميعنا معك
المفروض تعرفى امك بكل الموضوع وحاولى تخليها تلين الامخاخ الى تسببت فى الانفصال وترجعو لبعض فى وسط الناس وتخليه يتقدملك تانى وتخلصى من المصيبه الى انتى عاملتيها
صباح الخير الا بتعمليه ده غلط واكبر غلط حرام شرعا ودينا مين يقول ان االاهل مش موافيقين اتزوج من وراهم عرفى تربيتنا فين ودينا فين وعاداتنا وتقاليدنا فين اتقى الله فى نفسك وفى سمعتك واهلك لو جيرانك ولا اهلك والا حواليك عرفو هيقولو عليك ايه ؟ وهتردى عليهم ازاى ده غير غضب ربنا عليك وعدم توفيقه ليك فى اى شئ بتعمليه اتصرفو وباسرع وقت ولابد من اتمام الزواج وعن طريق الاهل حتى لو عرفتوهم بلا انتو فيه وانكم متزوجين عرفى ولمو الموضوع لربما يكون فيه حمل وتبقى ايامك سودا على راسك انتى وهوه وصلى وادعى ربنا يغفرلكو وقربو من دينكم قربو وبطلو نسو ربنا والدين / المحامى
يعنى انتى بتحبية اكتر من اهلك ومن ربنا دة سؤالى ليكى وانتى وضميرك بئة لان اهلك دول ملهومش زنب انك تحطى راسهم فى التراب
ب ابصي يستي خلينا نتكلم وحدة وحدة
ا اولا . ربنا يسترها عليكي وحبيبك يطلع عند حسن ظنك ويتمم موضوع الجواز لان غير كدا هتكون كارثة بكل المقاييس
ثانيا- للاسف انتي اغضبت ربنا وصغرتي بنفسك وباهلك تحت اسم الحب ( ملعون ابو الحب ال بالشكل ده)
حبيبك لو كان بيخاف عليكي مكنش وافق او اوحالك انك تعملي كدا واساليه بينك وبينو ترضي اختك تعمل كدا – ومظنش ان عمرو هيوافق
يارب يسترها ربنا عليكي – وباذن الله يتم ارتباطكو علي خير
نصيحة اخيرة – كفايه اتصال جنسي لحد كدا- ممكن اوي يحصل حمل- ونتي عارفة الباقي
ربنا يحفظك ويرعاكي – ويهديكي ويهدينا جميعا
يارب استرها علي بناتنا وبنات المسلمين جميعا- اللهم أمين
نا شايف كده من كلمك انو خلاص اختلط الحابل بالنابل ومفيش اى حل غير الزواج لان اصلا مينفعش تفترقو بعد ما اخد منك اعز شي بتمتلكو اى بنت اولا انتى عندك حلول كتير اولها تقوليو انو لازم نتجوز فى العلن وتتقدملى فورا فى غضون اسبوع ولو بتحبنى بجد يقى لازم تضحى وتستحمل اهلى وان هكون جنبك وهساعدك علشان نكون فى النور 000 الحل الثانى لو الاول متمش انو انتى تعرفى مامتك بالى حصل بالضبط انتى فى الاصل عملتى الغلط يقى بقى استحملى العاقبه و العاقبه هتكون اهانه و تهذيئ شويه مش مهم علشان تدارى على الفضيحه الى ممكن تسببيها لاهلك العمر كلو 000 الحل الثالث وده خليه لاخر مرحله انكو انتو الاتنين تحطو اهاليكو انتو الاتنين اهلو واهلك قدام الامر الواقع وياخدلك شقه مستقله وانتى تعرفى اهلك وهو يعرف اهلو 000 الحل الاخير انو لازم تتجوزو زواج شرعى بعقد وشاهدى عدل حتى تضمنى نفسك ومتخسريش كل حاجه لانو بالعرفى هتخسرى اهل وهتخسرى نفسك وهتخسري الناس وفى اى لحظه هير ميكى وقتها مش هيفيد الندم من بكره لازم تاخدو حل فورى وجذرى لانو مينفش تتفصلو لانو خلاص خد منك كل شي ولازم يضحى لازم يعمل المستحيل حتى يردلك كرامتك الى انتى كنتى سبب فى اهدارها ربنا يصبر اهلك على المصيبه الى انتى حطتيهم فيها ويتمم زواجكو على خير وشكرا
انا عايزة اسالك سؤال هو انتى فاكرة انت الجواز العرفي دة اسمة جواز ؟ دة زنى مؤكد والحل انك تستغفري ربنا وتوبي ليه انتى وهو لان الجواز لازم فيه ولي ولازم الاشهار ولازم شهود انما الجواز العرفي مفيش فيه اي حاجة من دى يبقي اسمة جواز ازاااااااااى ؟ الحل الوحيد انكم تتجوزا رسمى وشرعي ولازم تقنعوا اهلكم بالجواز وياريت يتم بسرعه انتى مفكرتيش انك ممكن تحملي ساعتها هتقولي لاهلك ايه ؟ عجلوااااااا بالزواااااااج الشرعى
الزواج اشهار يا اختي ده اولا ، ثانيا لازم تشوفي حل وفي اسرع وقت وتعرفي حد اكبر منك يقدر يتصرف
طبعا الحل إنكم تتجوزو رسمي وبأي طريقة وكل ماطولي في الفترة حتدخلي في مشاكل أكبر وأكتر وحتكوني إنتي يلي بتتعرضي للمشاكل أكتر من الشاب يلي معاكي فكرك حيكون إيه الحل بعد ماتجوزتو عرفي إلا الحل دا …. موش حقولك إنك غلطتي عشان إتجوزتي عرفي عشان أكيد إنتم غلطتم … يلي حصل حصل وموش حنبكي على اللبن المسكوب…وزي ما إنتي إتجرائتي واتجوزتي عورفي وماخوفتيش عشان للأسف ترضو رغباتكم الجنسية للأسف الشديد ونسيتو إن الغلطة دي حتجركم لكوارث بعدين وكانت ليكم القدرة والجرئة إنكم تعملو دا مؤؤؤكد موش حيصعب عاليكم إنكم تلاقو حل إنكم تتجوزو رسمي …الحل انكم تحوطو أهاليكم قدام الأمر الواقع وتعرفوهم إنكم مجوزين عرفي صدقيني حيعملو على إنهم يجوزوكم رسمي وينسو الخلفات يلي بينهم ويبقى كل تفكيرهم إنهم يغطو الفضيحة بمعنى الحل انكم تصرحو للأهاليكم وهوما حيجوزوكم رسمي وبأسرع وقت ممكن
طب اية مشكلتك بقى قصدى ياعنى مجرد انك حاسة بالغلط وخلاص اللى انتى فية دة اسمحيلى مش جواز خااااااااااالص للاسف اول ناس هتدفع التمن هم اهلك اللى مالهمش اى ذنب وعموم اللى حصل حصل واحسن حل انة يتقدملك تانى وتصروا على الجواز بأى تمن وماحدش يعرف موضوع العرفى دة ابدا وتوبى لربنا قبل دة كلة ومتحاوليش تقابلية تانى علشان ربنا يكرمك ويمشيلك موضوعك على خير