المشكلة لاختى تزوجت من 12 سنة من زوج بخيل جدا تزوجها تعمل حتى تنفق معه على المنزل وبالرغم من انه يعمل بوظيفتين كلا منهم يدر عليه دخلا كبيرا الا انه دائما يدعى الفقر وانه لا يملك شىء حتى حدثت احداث كثيرة علمنا من خلالها مدى كدبه المشكلة الاكبر انه انجبت منه ثلاثة اطفال بيذلها ليترك لهم مصروف او حتى عندما يمرضوا لا يدفع ابدا سواء للكشف او العلاج حتى وان حدثت المعجزة واتى بكيلو فاكهة بيكون فاسد واردء الانواع وياكلوا لواحده وكل ما تحتاج منه فلوس للبيت او للاولاد يقولها انتى بتشتغلى ووقت شغلك من حقنا يبقى مرتبك من حقنا المهم ان مرتبها بسيط لا يكفى احتياجات اولادها وانتوا عارفين يعنى ايه اطفال ومصاريف يعطيها مصروف شهرى بعد تدخل منا لا يكفى شىء ويرفض ان يزيد عنه كثيرا من سيقول ان البخل شىء نسبى فممكن نكون شايفينه بخيل لكن من وجهة نظرنا فقط طيب لو قلتلكوانه زعقلها عشان اشترت علبة زبادى لابنها الرضيع وقالها انتى هتاكيه زبادى ليه هو ابن وزير وقيسوا بئة كل حاجة على كدهالولد يبقى تعبان جدا ولما تتطلب منه تكشف عليه يقولها لما يموت هبقى انا اشيل ذنبه المشكله الاخرى انهمش بس بخيل وكداب لا كمان قليل الادب دايما يشتمها ادام عيالها ويتحين الفرص عشان يزعق وفضايح طبعا ادام الجيران ولما بابا يدخل يعيط ادامه ويذل فى نفسه علشان يبان انه مسكين واهلى من اول ما اختى تزوجت استحملت منه كتير من غير ما تقول لحد لما فتحلها دماغها وجت قعدت عندنا كتير وكانت مصرة على الطلاق ولدرجة ان بابا رفض يخله بيتنا بعد اللى حصل وبعد ما تذللنا كتير وجاب لينا امة لا اله الا الله رجعت لكن المشكلة انه لم يجع عن افعاله اختى جامعيه واحنا ناس محترمة وانا مش عارفة هى ازاى قادرة تستحمله المشكله انها بتاخد راى عشان عاوزة تخلعه وانا بصبرها وبقولها ان انت عندك بنات وده هيبقى وحش فى حقهم لما يكبروا لما يكون ابوهم معاهم حتى ولو كان وحش افضل من صورتهم ان امهم مطلقة ويمكن لما يكبروا ما يسامحوكيش لانك ما استحملتيش عشانهم المشكلة ان اولادها بالرغم من صغر سنهم انما حالتهم النفسية تعبانة بسبب المشاكل المستمرة واهانات ابوهم واسلوبه وبخله عليهم قولولى على حل غير الطلاق ارجوكم
مشاكل اجتماعية
مشكلة الزوج البخيل
اضيف بتاريخ: Thursday, December 30th, 2010 في 07:25
كلمات مشاكل وحلول: الزوج البخيل, بخيل, زوج, زوجة, مشاكل, مشاكل الازواج
طبعا تسيبة دة انسان مش بيتقى الله فيها ولا فى اولا دها واللى تخافى منة اكتر ان اولادها لما يكبروا هيسالوها هى لية خليتهم يستحملوا اب زى دة وانهم يعيشوا عيشة كدة مش انهم هيتقال ان والدتهم مطلقة بس تعرف ازاى تجيب لهم مصروف شهرى منه ان شاء الله بالمحكمة لان دة حقهم قريبتى كانت فى نفس المشكلة ودلوقتى اولادها فى حال احسن بعد الطلاق لانهم كانو وصلو لدرجة بيقوموا من النوم مسروعين انه فتح عليهم الباب خايفين يضرب امهم وهى نايمة جنبهم واخد فلوسها كمان بتاعة ابوها لما ابوها مات مش بس مرتبها كل شهر ويا دوب كان بيسبلوهم كيس الرز كل كام يوم ياكلوة خليها تصلى استخارة وتختار هى بارادتها علشان هى اللى هتتحمل مسئولية اختيارها مش انتى
والله حرام على اى حد يجبر الاخت دى تعيش مع راجل زى ده لانه ليس لديه من صفات الرجوله الا شئ واحد والله اعلم ان كانت موجوده عنده وهى الذكوره والخيبه لو طلع فيها بخيل كمان وكلامى ده بناءا على الاسباب الاتيه 1 ده شخص بخيل على زوجته 2 بخيل على ضناه وهم االاطفال الابرياء لدرجه انه بيستخسر علبه زبادى لطفل رضيع ومريض حسبنا الله ونعم الوكيل 3 تعدى على زوجته بالضرب المبرح وعمل اصابه بالراس 4 يقوم يالشتائم والالفاظ البزيئه امام الجيران 5 شخص طماع فى مرتب الاخت التى تكدح من اجله وتربى له الاولاد 6 وجود الاطفال فى جو اسرى مثل هذا يجعلهم منفصمين الشخصيه فى المستقبل 7 سوف يؤثر على حياتهم الدراسيه 8 ان كان هناك اطفال مازالت ترضع من سدى الام يتالمون كثيرا من لبن الام لانه ممزوج بالزعل 9 الاخت مع هذا الرجل لاتعيش او حتى تحس بانوثتها ومجرده من المشاعر بسبب بخله 10 لاتحيز على الاحترام بين الجيران ومعارفها والاصدقاء لانهه تسبب لها فى ضعف شخصيتها نتيجه الايذاء البدنى والمعنوى الى جانب البخل فبالله عليكم اذكرولى سبب واحد ان تصبر له الاخت على هذا الشخص المجرد من المشاعر والاحاسيس والانسانيه والاخلاق
ما دام هو جبان قدام والدك خليه يشوف شغله معاه بس بالعقل ومش حرام انك تاخدي فلوس من جيبه وممكن تجربي تاخدي اجازه بدون مرتب 6-12 شهر وتشوفي النتيجه حكموا عقلكوا وربنا معاكو
البخيل هيفضل طول عمره بخيل ابعدى احسن هى ناقصة ارف
البخيل بيفضل طول عمره بخيل وبالعكس بيزيد أكتر وأكتر كل لما الزمن بيمر وبيكبر وكل ما فلوسه تزيد يبقا بخيل أكتر ياساتر يا رب
فعلا فيه أياء كتيرة بتتكلم حتى عن الأكل والشرب والمرض
وكمان ده مش بخيل بس ده معندوش دم وإستغلالي هي الست بتشتغل علشان تصرف عليه أومال هو سموه راجل ليه
الراجل إللي يستغل مراته وتعبها كده يبقا إستغلالي و أناني
بصي يا ستي هو دلوقتي بياخد فلوس شغلك او يعني بيخليكي تصرفيها ع البيت وباصصلها خلاص والله أقعدي من الشغل هو غصب عنه حيصرف كده كده علي البيت أنتي تشتغلي وتتعبي وهو في الاخر يقولك الفولوس من حقنا علشان ده من وقتنا خلاص اديله وقتك وهو يصرف مادام كده كده بيقولك الفلوس من حقنا
الله يكون فى عونها البخل ده اوحش حاجة فى الدنياهي كانت تعرف انه كده ولا ايه وضحى
والله لوسبته احسن ماتخسر صحتهاوابغض الحلال عند الله الطلاق امال ليه ربنا عمل الطلاق
علشان لو حد مش قادر يكمل مع الشخص ده
أختي على أختك أن تصبر وتحتسب للسبب الذي ذكرتيه من أجل بناتها
وكوني أنتي ليها عون على ذلك اسمعي مشاكلها وصبريها وذكريها بأجر الصبر على ذلك
وأكثري الدعاء لها وهي كذلك.
وأسأل الله أن يهدي زوجها