سلام عليكم ورحمة الله
انا فتاة في العشرين وملتزمة والحمد لله لا اؤمن بالصداقة بين الرجل والمراة.في مرة كنت مخنوقة اوييي ومن عادتي انا مبحكي لحد بس بنت خالتي نصحتني ان ادخل اي موقع شات اون لاين وافرغ كل وشاكلي لاي حد الاقيه قدامي واقفل انا في الاول قلت ان كلامها غير معقول وكدة بس بعدين غرني شيطان وقات اجرب تكلمت مع شاب قاتلو مشكلتي وكنت عايزة اسب يعني مش هدفي اتعرف على حد بس الشب قلي كلام خلاني احس ان مشكلتي قدام مشاكلو ومشاكل ناس تنين ماتسويش حاجة يعني طولنا كدة شويا في كلام بعدين اديتو ايميلي وبقينا نكلم بعض كل يوم بالساعات على الاقل 3 ساعات في اليوم لمدة 7 شهور اكتشفنا ان بنشترك في حجات كثير بقينا نحكي لبعض كل لاي نمر بيه في اليوم لحد مل كل واحد فين بقا يعرف ادق التفاصيل عن التاني بينا نعرف بعض لدرجة ان كل واحد عارف التاني بيفكر في ايه وهو عايز يقول ايه قبل ما يتكلم زي توائم الروح يعني وكل دة بنكلم زي الاصحاب يعني عمرو متجاوز معايا الحدود في الكلام محترم يعني بجد عرفني على اصحابو وافراد من عائلتو زي اخوه وابن عمو المهم تعلقنا ببعض اوي يعني يمكن حسيت في الاول بالاعجاب بيه وكدة يعني لما قلي بحبك وكدة يعني في اول جاوبت بالرفض وفي الاخر جاريت بس اكتشفت ماخرا ان مبحبوش وان بس كان تعلق مش حب المهم تناقشنا في الموضوع وانهينا الكلام في الموضوع دة وطلب مني نفضل اصحاب في الاول رفضت وبعدين وفقفت نفضل اصحاب بس بنكلم زي الاصحاب بس بس انا اكشفت ان الي بعملو دة دحرام وعايزة انهيه بس مبقدرش وعايزة اعرف اذا كانت الصداقة بيني وبينو حرام ولا لا مع العلم ان بجد كلامنا محترم هو بيكلمني زي واحد صحبو بيقلي حتى الحجات الي مبيقلهاش لاصحابو وانا كمان يعني عشان احنا الي تنين بطبعنا نعزليين ومبنعملش اصحاب
انا عايزة اعرف ان كانت الصداقة دي حرام ولا لا
مشاكل البنات مع الشباب
الصداقة بين الرجل والمراة والاحساس بالذنب
اضيف بتاريخ: Friday, March 23rd, 2012 في 17:50
كلمات مشاكل وحلول: بنت, شاب, شات, فتاة, مشاكل البنات
اختي الفاضلة لاتوجد صداقة بين الرجل والمراة والله تعالى نهى عن ذلك في كتابه الكريم حين قال =ولامتخذات اخدان= يعنى ولامتخذات اخلاء والخدن هو الخليل اوالصاحب والصديق والنبي الكريم قال = ماخلارجل باامراة الاكان الشيطان ثالثهما= وخلاصةالقول انه يحرم على المراة اقامةعلاقة اوصداقة مع الرجل الغريب عنها بدون اي رابط شرعي كالزواج كذلك الرجل يحرم عليه الصداقة مع المراة الغربية عنه بدون رابط شرعي فاتقي الله يااختي في نفسك وفي دينك واخلاقك وشرفك وفي اهلك واقطعي علاقةالصداقة مع ذلك الشاب نهائيا وللابد واياك والتمادي معه في العلاقة المحرمة حتى لاتقع في مستنقع الرذيلة والفسق والضلال والله يصلحك ويهديك ويسترعليك
المعلومه مشكلاي اني لما اتكلم بسالفه مارعرف كيف اوصل صح وبعد ماتكلم انفهم غلط ويكون قصدي بنيه طيبه ويفهموني بنيه سيئه
وشكلي ماراح اتكلم بهالدنيا ابد وبنطم واسكت ووفيه اشياء بحياتي ودي افضفضبها والتحرشات من اخوي يوم كنت صغيره واصبحت اطبقها علئ نفسي الحركات الجنسيه بالحمام
وعذريتي والموقف هالي سارلي بالمدرسه من بعدها سرت تفكير دقيق ومواقف
مساء الخير للجميع . انا احترم كل الكلام لكن من استنتاجي هو ان هناك اعجاب كبير
بينها و بينه . يمكن ان تعطي فرصة له لتعرف ماذا يريد . ثم قرري لكي لا تندمي
من اختك كريمة .الله يوفقك
اذاكان لابدمن الصداقة فتكون مع البنات اللي زيك وليس مع الاولادالشباب احذري من التهاون اوالتساهل مع الشباب سواءفي الشارع اوعبر النت اوالموبايل كي تحمي نفسك وشرفك وكرامتك وكرامةاهلك وربي يسترعليك ويهديك
اختى العزيزة انا كنت بعانى من نفس المشكلة بس الحمد لله قدرت اتغلب عليهااا اخرجى اقرائي تعرفي انا شغلت نفسي بلعبة شدتنى اوى لقيت نفسي ببعد لوحدى حولى انا ببستهالك اشغلى نفسك بالى حاجة
وربنا يبعد عنك كل شر يارب
للاسف انتي وقعت في المحظور مافيش صداقةبين الرجل والمراة الغربيين عن بعض انت مش حاسة باللي تعملي كالذي يرمي نفسه في النار بدون وعي ولاادراك اتقي الله في نفسك وفي اهلك واقطع العلاقة مع الشاب هذااوغيره وتاكدي ان الله بيفرج كربتك وبيكرمك بالرجل الصالح اللي يستاهلك ويسعدك
بسم الله الرحمن الرحيم انا مؤمنة بمبدئك مفيش نهائي ابدا صداقة بين بنت وولد لان دي فطرة وطبيعة الانسان اللي ربنا خلقها فالصداقة بتتحول من صداقة لاعجاب بعدين من اعجاب لحب وده المتوقع فاالشباب ديما يبدؤا يتكلمو في موضيع عامة يعدين خاصة بعدين المشاعر والاحاسيس تبدا تظهر عندك وعندوا فاا بنصحك الاحسن تبعدي عنة معليش ممكن انت خايفة تزعلية بس والله انت كدة بتحمية وتحمي نفسك
انا فى نفس حالتك بس الشات ده ادمان فعلا اكتر من انه سبيل لامور كتيرة…انا عارف البعد عن الشات صعب لكن مع ايمانك بالله هتعرفى انه وهم وخسارة نضيع عمرنا فيه….خسارة والف خسارة…لكن الحل بسيط وهو انك تشغلى نفسك بأى حاجة تانية وحاولى تبعدى عن الكمبيوتر شوية..والافضل انك لما تحتاجى للشات وتكونى مخنوقة صلى ركتين لله…لان كل ده من عمل الشيطان لانه بيجعل الخطأ طعمه حلو مهما كانت العواقب….وثقى ان محبة الله هى اهم شئ بالكون.والله المستعان
السلامم عليكم….بصى ياحبيبة قلبى أولا انتى ماشاء الله الله أكبر عليكى شكلك محترمة جدا وملتزمة ومية بالمية هتلاقى حد من اصحابك متفاهم ويفهمك وأمين وتقدرى تفضفضيله طبعا أقصد بنت المهم انتى عارف وفاهمة كويس جدا انه ما ينفعش أى كلام أو صداقة أو حوار بين البنت والولد وبعدين هى خطوات معروفة جدا بداية بالصداقة وبعدين حب وبعدين الله اعلم فانتى ياقمر بقا تعملى ايه؟؟؟؟؟؟؟المفروض عليكى تبعدى تماما عنه وحتى هو لو حاول طنشى مش من باب الاستهزاء بمشاعره لاسمح الله لكن صدقينى هو دا الحل الوحيد وبعيد البعيد عن العين بعيد عن القلب واطمنى تماما ان دا خير ليكى وليه بدل ماتتعلقو أكتر ويحصل حاجات هتندمو عليها وربنا يحفظكو ويعوضكو خييييييييييييير لكى منى ودى واحترامى ياغاليتى؟؟؟؟؟؟؟؟؟؟♥♥♥
حبيبتي الشيطان يصغر العمل ، .. النصيحة الي نصحتها بنت خالتك كانت مش كويسة.. انتي ممكن تفضفضي لصديقة وعادي ابتعدي عنة حبيبتي.. والله بيكفيك ويغنيك .. , محبتك
اولا ربنا يبارك فيكى …. ويهديك للصواب دائما يار ب
انا شايف ان بلاش من الكلام على الشات بينكم لانه حتى وان كنتى انتى واخداها صداقة “وان كان برده مينفعش ” فانتى عمرك متضمنى هوا يكن واخدها ايه …خصوصا وانه قالك “بحبك ” ولكلمة دى لما تتقال استحالة بعدها تتحول ل “انا صديقك ”
الاخت الجميلة فى كلماتها “shosho” قالتلك كلمتين فيهم الحل كله …لو مخنوقة فعلا وعايزة تتمكلمى مع حد شوفى بنوته زى العسل زيك تسمع منك ومتفسرش كلامك على غير ما يحتمل فالكلمة اللى انتى بتقوليها وان كانت واحد بتفسره البنت بشئ وبيفسرها الولد بميل مهما كانت الكلمة دى ايه
ربنا يا رب يهديك لخير دائما
أنا حالى تقريبا نفس حالك ما بتكلمش مع حد وببقى كتييييييييييير مخنوقة وما بعرفش أكلم مع حدومرة عملت زيك وفتحت شات واتكلمت ولقيت ما لا يحمد عقباه يبدأ الكلام عادى ثم يتقلب لحاجة تانية بس كانت مرة واحدة بس كلمته فيها ومن وقتها قررت الا أتحدث مع أى شخص لا أعرفه وربنا يهدينا أجمعين ويرزقنا أزواج صالحين
السلام عليكم ورحمة الله
اولا “الاراء المطروحه تدور حول نفس الفكره وأؤيد هذه الفكره ”
بس بيتهيألى انك مش هاتقدرى تبعدى عنه بسهوله كده ، لأ دانتى لازم تكونى مجهزه خطوات للابتعاد من رايى ان من ضمن ومن اهم الخطوات دى هى :
1-النيه ” ودى اهم حاجه انك تكون نيتك فى اى حاجه بتعمليها هى مرضاة الله ”
2-تلهى نفسك فى حاجه مفيده فى الوقت اللى هو بيبقى فاتح ايميله فيه وتحاولى تخلى نفسك مشغوله فى الوقت ده ” عشان اللى انتى فيه ده احتمال كبير يكون مجرد تعود مش أكتر ” فهتتعودى على شئ تانى مفيد وهيقل ميلك للكلام معاه تدريجيا مع العزيمه طبعا
3- انك توسعى خيالك شويه كده وتحسنى الظن بالله فمن ترك شئ لوجه الله عوضه الله بخير منه
4- اكيد انتى هتبقى خايفه على مشاعره لكن تأكدى انك كده بتخدميه بانك بتبعديه وبتبعدى نفسك عن الذنوب والدوا طعمه مر مش كده ولا ايه ؟
واخيرا بقى كل ماتيجى تفكرى فيه قولى اعوذ بالله من ان اضل او اضل او اذل او اذل او اظلم او اظلم او اجهل او يجهل على
وربنا يااااااااااااااااااارب يرزقك باللى يرضاه ليكى ويهدينى ويهديكى ويهدى جميع امه الاسلام آمــين
حبيبتي أنا بأيد كلام شوشو فعلا مافيش صداقه بين البنت والولد
وللأسف هذاالمصطلح أخذناه من الغرب اللي بعد كده إكتشف هوه نفسه (الغرب) أن الصداقه لا تستمر بريئه علطول
وسبحان الذي خلقنا ورسم لنا طريقنا للنجاه وهو الأعلم بقلوب عباده حيث قال جلا وعلا في وصف العفيفات (ولا متخذات أخدان) في سوره النساء
وحاولي تقربي لربنا وترجعي أكيد الفتره اللي فاتت بعدتي عن ربنا وقلبك قسي صح ولا غلط؟ أصل ياجميل الإنسان لما بيبقي في الخطأقلبه بيقسي (كلا بل ران علي قلوبهم ما كانوا يكسبون) ربنا يسعد أيامك اشغلي نفسك بأعمال الخير التطزعيه في المجتمع
أختي في الله، كذب من قال أن هناك صداقة بين الرجل والمرأة، فهذه الصداقة تمر بالإعجاب ثم الحب والعشق، وبعد ذلك إما أن يحدث زواج أو يحدث ما يحمد عقباه.. اسمعي إلى قول الله تعالى: (ولا متخذات أخدان} النساء 25 ، ومعنى قوله عز وجل {متخذات أخدان} أى متخذات أخلاء، ومن هذا فلا يجوز للفتاة أن تتخذ رفيق لها أو صاحب لها.
فانهي هذه العلاقة فورا، وصاحبي أختا في الله حتى يأتيك ابن الحلال الذي يسعدك
وفقك الله لما يحبه ويرضاه
السلام عليكم ورحمه الله يا اختى حضرتك باين من كلامك محترمه ومتدينه بس ازاى تسألى سؤال زى ده طبعا يا اختى حرام مفيش حاجه اسمها صداقه بين الرجل والمراة واديكى شفتى بتبتدى بأيه وتوصل لفين ممكن تكونى انتى نيتيك كصداقه بس لاكن هوه ممكن يكون لسه متعلق بيكى اكتر من الاول وده حرام انتى ممكن تتعرفى على بنوته اموره زيك وان شاء الله تفهمو بعض انا مستعده لو تحبى او ممكن ان شاء الله ربنا يكرمك بواحد ابن حلال يخطبك او يتجوزك وتكون حاجه حلال
اختى العزيزة اذا ارتى ان تستمر الصداقة بينكم فيجب ان تكون صداقة فى النور وان يعلم بها اهلك قبل اى شخص اخر وان يكون الكلام بينكم الكلام الذى لا تخجلى ان يسمعة الاخرين وهم جالسون لسماع هذا الحديث اشكرك ايها الاخت الغالية وارجو الله ان يجعل فى امركم رشدا