المهم انا مكتوب كتابي بقالي سنة ونص ومن السنة ونص دول عيشت شهرين بالظبط حلوين وباقي الايام كانت نار بالنسبالي دلوقتي انا طلبت الطلاق علشان خلاص مفيش حل غير دا انا مدام منو بس اهلي عارفين اني بنت بنوت بكر رشيد انا دلوقتي لما اطلق هيتكتب اني بكر رشيد بس انا مدام دي اول مشكلة تاني مشكلة حتا لو خلصت منو هوا بيهددني انو مش هيسكت وهيفضحني ومش هيسبني ف حالي اعمل اية وعايزة اعرف اية كفارة اني مدام ويتكتب بكر رشيد ولا مالهاش كفارة وياترا حلال ولا حرام عايزة حد يفيدني
العذرية وغشاء البكارة
طلبت الطلاق وفضل يهددني لاني مش بنت بنوت
اضيف بتاريخ: Tuesday, January 18th, 2011 في 10:47
كلمات مشاكل وحلول: الطلاق, العذرية, العذرية و غشاء البكارة, بنت, بنت بنوت, حل, غشاء البكارة, مشاكل البنات
شوفي يابنت الناس انت غلطت لما طاوعتيه واقتم علاقة جنسية قبل الدخول بك كتب الكتاب يعنى انك زوجته على سنة الله ورسوله شرعا لكن قدام اهلك والناس مايكون زوجك الا بعد ليلة الدخلة والاشهار لازم تعرفي الشي هذا جيدا هو الان بيهددك انه يفضحك امام اهلك بانك مش بنت بكر بعدما اخذ منك اللي هو عايزه لانه شخص سافل وحقير وواطي من وجهة نظري انك امام امرين لاثالث لهما 1- ان تستمري معه حتى يتم الزواج بينكما ويدخل بك وبعدها تطلب الطلاق منه فورا ولااحد من اهلك او الناس يقولوا شي عنك 2- ان تطلب الطلاق منه وان تخبري اهلك بانه اعتدي عليك بالقوة وصار يهددك بالفضيحة ان اخبرت احد بهذا اما مسالة انه يكتب في قسيمة الطلاق انك بكر رشيد وانت مدام فهذا غش وخداع لايجوز شرعا يكتب في القسيمة الحقيقة انك مدام مطلقة ولست بكر رشيد حتى يعرف الشخص اللي هيتقدم لك للمرة الثانية الحقيقة دون غش وخداع واتمنى من الله عزوجل ان يكرمك بابن الحلال الصالح اللي يستاهلك ويقدرك ويصونك ويسعدك في حياتك الزوجية القادمة
يااختي انت في نظر الشرع والعرف زوجته دام كتب كتابه عليك من حقه يعاشرك ويقضى حاجته وانت تقضي حاجتك منه ولااشكال في هذاالشي ومسالة انك اذاتطلقت منه ماذايكتب في الوثيقة يكتب انك زوجة فلان فلان هذةالحقيقة والا ماذاتريدان يكنبوا بكر هذا غش وخداع ومسالةانه يهددك ويفضحك قتاكدي انه معتوه وسافل وحقير وايضاجبان لايستطع ان يعملك لك شي ابدا وافضلك ان تنفصلي عنه وتحمدي الله انك عرفتي حقيقته وانه مايستاهلك ولايقدرك وربي يكرمك بخيرمنه نشاالله
اختي الافضل انك تكملي الجوازة دي معه حتى تتطلق منو ويعرف الناس انكماكنتو متزوجين وطلقتم ودا شي طبيعي وكل حاجة قسمةونصيب وبعد ماتخلصي العدة من حقك الزواج من اي رجل يتقدم ليك ولاتحاولي الغش انويكتب انك بكر وانت مطلقة وفقك الله
السلام عليكم ورحمه الله وبركاتة اختى العزيزة اولا بالنسبة لموضوع الطلاق فانة ابغض الحلال عندة الله اما اذاا حدث الطلاق وعند زواجكك للمرة الثانية فيجب الزوج يعرف انك ليست بكرة فاذا لم يعلم بذللك فلا يجوز ويعتبر العقد باطلا
توكلي على الله واتركي الأمر لله وحده..
وبإذن الله الأمر سيصل إلى حل وسط يرضى الله قبل كل شيء..
لماذا لم تستطيعى الانتظار لقد اهنتى نفسك وجعلتى نفسك مذلة لشخص لو كان يحبكى فعلا لم فكر ان يهددك وتمسكه بيكى ليس حب ولكنه ليذلك بقيه حياته وتخضعى لرغباته دون رفض مستخدما خوفك من معرفة اهلك الذى اذا وصل لهم هذا سوف تكون الصدمه الكبره من راى اقبللى بالوقع وتزوجى واذا اردتى بعد الزواج تتطلقى برحتك ولكن سعتها تكونى قد استردى كلامتك ويصبح تهديده بلا معنى اعرف ان ما فعلتيه شرعيا ليس حراو ولعن تبعا للتقاليد عيب ومجتمعنا بقى مهتم بالتقاليد اكثر من الشرع والله معكى ويرحمك منه
ابنتى ان كانت الحياة معه مستحيلة انصحك ان تنفصلى عنه الان قبل ان يكون بينكما اولاد وتزداد المشكلة والمعاناة ولا تلتفتى لتهديداته لك لأنه يضط عليك لكى لا تطلبى الطلاق اما ان كنت تتحملى المعيشة معه فهذا يتوقف عليك انت ومدى تحملك له
إنتي كدا كدا مكتوب كتابك يعني مش حرام أدام ربنا .. بس لو سبتيه قبل الفرح وأهلك عرفوا بإللي حصل هتبقى شكلها وحش أوي وممكن فضيحه .. إتجوزوا وشوفي كدا العيشه لو برضو مش ارتاحتي أطلبي الطلاق وأهو تبقى كنتي متجوزه أدام الناس كلها بدل مايبقى عملتي حاجه في نظر المجتمع غلط
منا مش عارفة اقول لاهلي اية انا ليا اخ انا وهوا اصدقاء وليا اخ تاني لو عرف ممكن يقتلني
مش عارفة اعمل اية وكل يوم بيعدي عليا ببقا ف حيرة اكتر ومش عارفة اعمل اية
يا نوف مشكلتك لها جزءين الاول وهو شق الحلال والحرام في كونك مدام ويكتب عند الطلاق بنت بنوت ودي لازم تسالي فيها اهل الفتوى المتخصصين
الشق الثاني انك لما تنفصلي عنه هاتكون حياتك افضل او اسوء
لازم تضعي كل الامور اما عينيك وتقيمها صح
هو كا شخص ممكن يتصلح حاله ولا لأ
ولو كان سقط من نظرك زي ما قلتي يبقى ما ينفعش تكملي معاه
ولو سيبتيه دلوقت ها ترتبطي تاني باي وضع بنت ولا مدام
وفي حال الإختلاف الشديد لا قدر الله.. بأفضل تحكيم القاضي..
يعطيكم العافية.. وجهات نظر..
والصـــــــــــــــــح..
إزا كتبت كتابها رسمي في المحكمة وجود القاضي الشهود والزوج وأطرافهم أصبحت زوجته.. إزا دخل عليها قبل كتابة الكتاب حرام شرعاً ويعتبر زنا.. وإزا دخل عليها بعد كتابة الكتاب أمام القاضي ووجود الشهود وبالموافقة بين الطرفين كانت زوتجته على كتاب الله وسنة نبيه وهي تعتبر حلالاً شرعاً حتى ولو لم يقام الفرح والعزائم..
وإذا قالها بأفضحك هاد الشيء بيعني أمور كتيرة.. وإنتي أعلم باللي صار وإللي بيصير بناتكم وبين أي شخص أخر..
انا من رايى انك تكملى الجوازة حتى لو فيه ايه معلش انتى اللى حددتى مصيرك فى البدايه وعليكى التحمل اصل الموضوع مش سهل وبعدين واضح انه متمسك بيكى علشان كده بيههدك لو تركتيه هيفضحك وانتى طبعا مش عاوزة اهلك يعرفوا يبقى خلاص استحملى لغايه الزفاف وبعد كده اتخذى قرارك حسب معاملته ليكى ويمكن بعد الزواج ربنا يصلح حاله بس من الصعب انك تطلقى وانتى فى مثل هذه الظروف وخصوصا انك مش عاوزة تقولى لاهلك
شوفى يا ستى انتى تعرفى اهلك انه عمل معاكى كده وهو كده كده زوجك وصدقينى هو الى هيبأه تحت الضغوط مش انتى وساعتها تبأى تقررى تكملى معاه ولا تنفصلى عنه.
دلوقتي هوا حصلو مشكلة وف المشكلة دي صرف كل فلوس الجواز ولو هصبر هصبر سنة كمان او سنة ونص كمان وانا مفيش حاجة حلوة عملها معايا عشان اصبر علية بالعكس بشوف منو كلام يجرحني كتير وانا تعبت معاة وغير كدا اول جوازنا هوا كان بياخد مني فلوس ومن ساعتها نزل من نظري وانا لو اتجوزت وكملت كدا بكتب الموت ع نفسي انا كل ال خايفة منو ربنا ازاى هطلق وانا مدام ويتكتب بكر رشيد ودلوقتي هوا مش بيصرف عليا برغم اني مراتو ولا بيجبلي اى حاجة انا اة ف بيت اهلي بس اى واحدة ست بتحب تحس ان جوزها بيصرف عليها يجبلها هدية يعملها اى حاجة مش ياخد منها فلوس وبس انا عارفة اني غلطانة واتنازلت ع كتير معاة بس والله التنازلات دي كلها علشان كنت عايزة الم الموضوع ويتقفل علينا باب وكل ما اشترية هوا يبعني وضيع كل حاجة حلوة من ايدو ولو سمحتو مش عايزة كلام يجرح فيا اكتر من كدا دا كان جوزي ع سنة الله ورسولة ياريت تحلو معايا مش تجرحوني بنص كلمةودلوقتي انا مش ينفع اقول لاهلي علشان انا عمري اصلا مااتكلمت معاهم وكل واحد ف اهلي مع نفسو ومش عندي حدمن اهلي اعتبرو صديق عشان احكيلو وانا خلاص تعبت
حاولى تكلمى وتتجوزى
ياريت تصارحى اهلك بكل حاجه وبكدا تهديده هيقف
متخلهوش يقرب منك لحد ما تتجوزا علشان يعجل فى الجواز
اديله الوش الناعم لحد الجواز يمكن ربنا يهديه ويتغير
ومتخافيش من التهديد لأنه لو فضحك هيبقى بيفضح نفسه لأنك مراته
بالتوفيق ان شاء الله
عشان خاطر اهلك ميزعلوش ويتصدمو استحملى شويه كمان اتجوزيه والله اتعدل كملى لقيتى نفسك مش قادره تكملى اخلعيه بس المهم يحصل اشهار للدخول لان كتب الكتاب معناه ان لم يتم الدخول بيكى هو حلال ادام ربنا لكن بالنسبه للناس الجواز يعنى ليله الدخله يا حبيبتى استنى معاه لحد ما يشهر الجواز وبعد اعملى اللى تحبيه حتى لو جيتى تتجوزى بعد كده متبقيش بتخدعى حد وربنا يسترك ويسترنا كلنا
بصى يا حبيبتى انتى كملى معاه وعيشى عادى واستحمليه لحد اما تتجوزى وتجيبى اطفال وساعتها مش هيقدر يعمل حاجه ولو هددك تانى انتى ترفعى عليه قضيه انه بيطعنك فى شرفك يعنى قضيه رد شرف وهو الى هيبقى غلطان وتعلميه الادب ولو قال حاجه تثبت انك مكونتيش بنت بردوا هو الى غلط
وبعدين حتى لو اهلك عرفوا فهما هيكونوا احن عليكى من واحد جبان ذى ده وعمرهم ما هيعملوكى ذيه
ياحبيبتى انا بجد معرفش اذا كان حرام او حلال انك تكتبى فى القسيمه بكر اولا اسالى فى النقطه دى شيخ افضلك انا ليه قولت تسيبيه ومتكمليش معاه مهما كانت الدوافع لانه انسان غير مؤتمن عليكى وبعدين مبهدلك ومعيشك فى نار وانتوا لسه متقفلش عليكو باب طب بعدين هيعمل ايه ولو جبتى طفل وده جايز هتعيشى اذاى صدقينى هتتعبى وهيدوس عليكى وهيهينك انا لسا عند رائيي الطلاق هوالحل حرصا عليكى وعلى مستقبلك وكفايه اهانه لنفسك لغايت كده نقسك دى امانه حافظى عليها ومتبهدليهاش
اختي…..لابد من تحمل غلطتك ولا يوجد امامك الا حلين كلاهما مر
الاول ان تصرحي لاهلك بما حدث رغم صعوبه وهول المفاجأة عليهم, ولكن هذا من اجل ان تكسبي حياتك القادمه , والاخر ان تصبري حتي موعد زواجك ثم تفعلي ما تريدين وتصري علي الطلاق حتي ولو بنفس يوم الزواج, لأن الاشهار تحقق والنكاح تحقق…كان الله في عونك.
انا مسيحى بجد ومعرفش فى الاسلام بس بجد اننتى غلطانة ولو فعلا مشعيزاة يبقى لازم تسيبية وتعرفى اهلك انة اغتصب حياتك بالغنف وعلى حرام بتهيئلى مفيش دين يسمح بكدة وطلما مفيش ضمير يبقى مفيش دين ولو اتجوذتى شخص تانى لازم تصارحية وتاكدى ان البيحب بيسامح
بصى انتى بتسالى سؤال محدد ممكن تسالى شيخ عشان مينفعش اى حد يفتى فى حاجة زى كدة وعلى العموم \دة مش حرام انتى غلطى انك وثقتى فية وسلمتية نفسك بس معلش روحى لشيخ بيفهم كدة واسالية وربنا معاكى وقربى من ربنا عشان يقف معاكى
اختى الفاضلة هذا الانسان صعب ان تكملى معة مهما كانت ظروفك او الاى ها يحصل لان مش امين وخائن والمشاكل وهو شخص مش كويس الحين بعد الزواج شو ها يساوى فيكى تمسكى بى الطلاق قبل لما يبقا عندك اولدوتكبر المشكلة وكمان حتا لو اهلك فعلوا اى شى اخلصى منة بطلاق ربنا معكى حبيبتى
بسم الله الرحمن الرحيم يا اختى العزيزه انتى الان بتفكرى بالطلاق كيف انتى انانيه فرحتى بمتعه مؤقته وما فكرتى بحدا ما فكرتى فى يوم مثل هذامافكرتى ما سيحدث لاهلك من فعلتك الشنيعه و فضيحتهم وسط اهلهم وجيرانهم بل فكرتى بنفسك فقط والان بتستمرى بانانيتك وبدك تخلصى من الشخص اللى سلمتيه شىء لا تملكيه انتى بل هو ملك لاهلك الى ان يدخل بكى ابن الحلال والان تطلبى المساعده انتى من رميتى بنفسك فى الهاويه واحمدى ربنا انه لم يحدث حمل وتنكشفى امام الجميع وتفضحى ناس كل ذنبهم انك ابنتهم ولكن والله اعلم ان اهلك ناس محترمين لم يرد الله لهم بالفضيحه ولكن للاسف انتى من تريدين لهم الفضيحه يجب عليكى ان لا تطلبى الطلاق وتسترى ناس لم يرد الله ان يفضحهم الا الان من تطلبى منه الطلاق الان كنتى سعيده وانتى بتعطيه شىء ليس ملكك انا اسف انى قاسى عليكى بس احنا فى مجتمع شرقى يا ابنتى ارحمى ابويكى يرحمك الله
السلام عليكم انا من رايي انك تحاولى تستحمليه لغايه ما تتجوزو وتشرو جوتزكم وتبقي مراته قدام الناس واهلك ويمكن بعد كدا ربنا يهديه وينصلح حاله ولو ما انعدلش ساعتها ابقي اطلبي منه الطلاق وكدا كدا هيكو اسمك مطلقه بس بكدا ما يقدرش يفضحك عرفتى ارجوكو حاولى ان تسايرى امورك وتعدى ايامك على خير بدل ما يفضحك وتجيبي لاهلك الاحراج والله ولى التوفيق
هو اولا مش حرام اللي عملتيه لأنك مراته قدام ربنا بس يعتبر خنتي اهلك عشان مش قلتيلهم بس هو مينفعش تكملي معاه بصراحه مهما حصل طالما شايف انك غلطتي انك عملتي كده وانتي مراته يبقى طول عمره هيشوفك واحده مش كويسه وتقريبا كده هو من نظام الرجاله اللي شايفين انهم يحكموا ع بنات الناس بمزاجهم يعني سابت نفسها وكده انتي مراته قوليله انا عاوزه اتطلق بس تكلميه مش بضعف الاول قوليله الحاجه الوحيده اللي كانت حلوة ف حياتي اني حبيتك وكنت مراتك متخلنيش اكره اليوم اللي وثقت فيك فيه ابعد وخلي ليك مكانه كويسة وذكريات عمرها ما هتتعوض عاوز تشوه صورتي قدام اهلي انا معملتش حاجه غلط انا كنت مراتك ولو ترضاها انك تعمل كده فيا وانا كنت مراتك يبقى اعمل اللي انت عاوزه اي حاجه هتحصل اهون من اني اعيش مع واحد ميقدرش يبقى راجل ويتحمل مسئوليه وربنا هو اللي هياخدلي حقي وعمري ما هاسامحك ع حاجه زي ده بس لو الكلام ده مأثرش فيه يبقى خلاص ده مستحيل اصلا تعيشي معاه مهما كان ووالله مهما كان اللي هيحصل من اهلك اهون من انك تعيشي معاه وسبيها ع ربنا وادعي ربنا كتير وصلي صلاة استخاره وقوليله ف نفس اليوم الكلام ده وسيبي الباقي ع ربنا وانتي غلطت انك وثقتي فيه بدري مبقاش في حد يتوثق فيه ف الوقت ده وربنا معاكي
انتي زوجته فاسكتي واستحملي لحد ماتتزوجي وتدخلي بيته ولو عاوزه تاني يوم تطلقي خلاص انما انتي اكده لو تزوجتي حد غيره اكيد هاتغشيه حبيبتي حاولي تتقربي منه وقوليه ليه كلمتين حلوين واكسبيه وقولي انا ماعملتش اكده غير اني حبيتك واتقربة منك ولو اتحدد فرحك بعد سنه انتي خليه بعد شهر واستري علي نفسك ولمي الدور واستغفري ربك وهو لو سابك وانتي اكده واتكلم مع حد وامك وصل ليها الكلام وكشفت عليكي فكري اهلك راح يعمله فيكي ايه استري علي نفسك
بسم الله الرحمن الرحيم
اولا يا سلمى ده حرام شرعا لان كاتب الكتاب يحل له كل شئ ما عدا الايلاج اى العمليه نفسها .ثانيا اعتقد انك تكتبى انك بكر فى قسيمه الطلاق ده حرام لانه نوع من الغش .وبعدين لما يجيلك عريس تانى واهلك يجوزوكى على انك بكر يبقى برضه غش وغشيتى الرجل الاخر.وغشيتى اهلك .بصى امامك خيارين مفيش ثالث اما انك تكملى الجوازه دى او انك تصارحى اهلك وانا عارفه ان الاتنين مش كويسين لكن لاسف مفيش مفر والله اعلى واعلم
ياريت حد يرد ع سؤالي لو انا اطلقت وانا مدام بس اهلي مش عارفين اني مدام واتكتب ف القسيمة اني بكر رشيد دا حرام ولو حرام كفرتها اية
ياسلمي بيهددني انو يقول لاهلي واهلي لو عرفو حاجة زي دي هموت فيها انا هموت من كتر التفكير وتعبانة وعايزة اعرف هوا حرام ان يتكتب ف قسيمة الطلاق اني بكر رشيد وانا مدام ولو حرام كفرتها اية
اولا انتى معملتيش حاجه حرام لان ده حلال شرعا ولكن المجتمع حرمه قبل اشهار الدخول نصحيتى ليكى انك تطلقى منه لانه انسان غير مؤتمن عليكى ومش بيحبك لانه لو كان بيخاف عليكى اولا مكنش خلاكى مدام وكان استنى لما تدخلوا ماانتوا كده كده متجوزين واظن انه حصل الموضوع ده فى خلال الشهر ونص الحلوين وبعد كده خلاص النار بدأت لانه اخد الى عاوزوه وبرضوا فى غلط منك انك طاوعتيه ثانيا الى بيخاف على حد وببيحبه عمرة ما يفكر يفضحه بالعكس ده بيستره جوزك مينفعش تكملى معاه لانك لو استمريتى هتتبهدلى وتتهانى ومش هتقدرى تكلمى فالاحسن الانغصال دلوقتى احسن من بعدين