مشكلتى انا اللى عملتها لنفسي مش الظروف اللى حطيتنى فيها
فى البدايه طبعا انا حبيت زى اى ما اى بنت بتحب وهو كمان حبنى اوى واكتر ما انا بحبه كمان
حبيته وانا عارفه ان وضعه الاجتماعى والمادى مختلف تمام عن وضعنا مع انه انسان محترم جدا ومتدين جدا بس هيكون مرفوض من اهلى
بس بالرغم من كده قررت انى اتمسك بيه مهما حصل
وفى يوم ما وهو تقريبا سبب كل اللى حصل بعد كده كنت انا فى مشكله عندى ومنهاره تمام وهو جالى لانى كنت تعبانه جدا وهو اتجننن لانه مش عارف يعملى ايه كنت فى البيت طبعا لوحدى طبعا جه وحاول يهدينى باى شكل من الاشكال وانا منهاره ومفيش فايده من محاوله تهدئتى وطبعا نظرا للوضع النفسي اللى انا فيه اغم عليا وبعد مافوقنى اخدنى فى حضنه وفضلت ابكى بعدها محستش باللى حصل طبعا والنتيجه فقدان عذريتى طبعا هو انهار جدا بعد ما شاف دمى قدامه ومعرفش يتصرف ازاى وفضلنا عالحال ده ساعه انا مصدومه ومبلمه وهو باصص فى الارض وساكت
طبعا بعد كده اكتشفت ان الدم فضل مستمر لاكتر من يوم فقلقنا طبعا لعدم خبرتنا بالوضع ده وقلنا يمكن يكون نزيف المهم روحنا لدكتور وعرفنا انه دم دورة شهريه عادى
والدكتور قال انه مش هنقدر نحدد ايه وضع غشاء البكارة الا بعد توقف الدم طبعا صبرنا لحد ما تاكدنه انه مش موجود فعلا وهو قرر انه لازم يكتب كتابنا باسرع وقت ممكن وانه مش هيتخلى عنى
وفعلا كتبنا الكتاب واصبحت مراته بس حاليا انا مش عارفه ايه الوضع وايه الحل لو جه اتقدم اهلى هيرفضوا ولو رفضوا هعمل ايه
وياريت اللى يشوف مشكلتى ميقولش عليا انى بنت وحشه لانى والحمدلله كويسه والله ومتدينه وبحب ربنا جدا بس الغلط فى لحظه دى شيطان
العذرية وغشاء البكارة
فقدت العذرية وكتبنا كتابنا ولكن المشكلة مع اهلي
اضيف بتاريخ: Saturday, September 25th, 2010 في 22:57
كلمات مشاكل وحلول: الحب, العذرية, العذرية وغشاء البكارة, بنت, حب, غشاء البكارة, كتب الكتاب
أنسى الكلام ده كلو وهو جوزك قدام ربنا حاولي متخليهوش يلمسك ولا مرة تاني وحاولي تصارحي على الاقل والدتك بالي حصل وان شاء الله تلاقي حل لمشكلتك واهلك يوافقوا عليه وصدقيني انا من كلامك حاسس انو شخص كويس وهيحافظ عليكي بس حاولي تقربي من ربنا اكتر ومتخليش الشيطان يلعب في دماغك بالندم والكلام ده كلو كلنا بنغلط وكلنا بنقع في مشاكل اكبر واكبر بكتير . . .يا رب اكون قدرت افيدك وزي ما قولتلك حاولي على الاقل والدتك تعرف وتساعدك هي مساعدتها ليكي هتكون افضل مننا كلنا وأفتكري كلام ربن ( في الصدق النجاااة ) صارحيها وان شاء الله خير
الجواز دة يعتبر باطل لان اى واحد او وحدة يتزوج بدون اذن الولى بيتكون الزواج غير شرعى يعنى لازم لو اتقدم يتكتب كتبكم من اول وجديد وطبعا اوعى تعتبرية فى الوقت الحالى زوج ليكى ابدا والله اعلم
عشان تبقي عرفة هو لوبيحبك ماكنش عمل فيكي كدة على الأقل كان خاف يجيلك البيت لاحد يشوفه وهوعندك وهو راح البيت عندك عشان يعمل فيكي فاحشة مش عشان يطمن عليكي بس ماكنش متوقع إنها هتوصل لحد فض غشاء البكارة وربنا يسطرها عليكي ويعينك على الأيام الاجاية
حبيبتى
زواجك باطل ..لانه لا نكاح بدون اذ وليك ..ابوك
اوعى تعطي له اى مطلب زوجى لانه ليس بزوجك بعد
وانا باقول لكل بنت
اوعى تحبى الا بعد الزواج…الحب الحلاااااااااااااال
عشان دا حرام وبيعمل مشاكل كتير مشاكل اسريه وعاطفية ووجع فى قلوب البنات الرقيقة
وفرى على نفسك دا كله
ربنا ما حرمش شيء الا و كان فى تحريم الشيء ده مصلحة كبرى لنا ..هو عارف تركيبنا الجسمانى والعاطفى وعارف اللى هيحصل لنا ولما يقول بلاش ده يبقى بلاش
فهمتوا يا غاليات؟؟؟؟؟؟؟
انا عشان بحبكن باقول لكن هذا لانى مش عاوزة تقعوا فيما وقعت فيه انا سابقا
اللهم استرنا فوق الارض وتحت الارض ويوم العرض
معلش ارد على ( مقدر ومكتوب ) لو بتتكلم على التدين والايام بحق يبقى لازم تعرف ان الكدب ملوش اخر ولا لية حجة وان دين الاسلام مبحيثش على الكدب ولو عرفوا منه مش منها يبقوا هيفهموا انة بيزلهم بكدا وغير كدا ثقتهم فى بنتهم عمرها ما هترجع
لازم البنت الى تقول لاهلها وتقول انها فقدت عذريتها بنفسها لامها وا بوها وتتحمل شوية فى الاخر هما احن الناس عليها وبأذن الله خير وكلام جميل اوى كتر الصلاة والاستغفار ودة الصح بس كمان فكرى فى حل عملى زى ما قولتلك ولازم اهلك يعرفوا وادعى ربنا ان ربنا يقوكى وانتى بتصارحيهم على الاقل يعرفوا انهم بالنسبة ليكى حاجة غالية مش هتقدرى على خسارتها عشان كدا بتصارحيهم خوفأ على نفسك من الفضيحة وخوفأ عليهم من الفضيحة وكلام الناس وربنا يعينك ويصبرك يوقويكى
الي عرفته من القصة انك انت متدينة وهو متدين .. نعم ولكن ليس بالشكل المطلوب الدين ليس بالصلاة فقط وليس مظهري او بالكلام وانما من داخل الانسان ان تكون نفسك طاهرة …
انتم عملتوا الفاحشة بسبب دخول الشيطان وهذا اكيد ما اجتمع رجل وامرأة الا وكان الشيطان ثالثهما … حل مشكلتك انه يجي يطلبك من اهلك ولو رفضوا يقلهم انك مراته وكاتب كتابه عليكي لكن بدون ما يقول انه افقدك عذريتك …
والله ولي التوفيق لنا ولكم
اولا توبى لله توبه نصوحه واكثرى من الاستغفار فمن اكثر من الاستغفار جعل الله له من كل ضيق مخرجا وعليكى بالثلث الاخير من الليل اشكى فيه حزنك الى الله فلن تجدى احن عليكى منه سبحانه وابداى بالندم الشديد والبكاء على ما فعلتى ثم اكثرى من الدعاء والالحاح فى قبول التوبه ثم الالحاح فى ان يهدى لكى الله اهلك ويوافقوا على زواجك من زوجك واكثرى من الانكسار والتوسلات لله سبحانه وتعالى وان شاء الله سيفرج الله همك ويحقق لكى مرادك فهو سبحانه ملاذ المكروبين وان استطعتى توجهى كل يوم الى الله بالدعاء فى الثلث الاخير من الليل فليس لكى غيره سبحانه وربنا معاكى
الرد الاول صح مية فى المية وبعد كام سنة لو اهلك رموكى فعلا وجبتى اول طفل هما اول ناس هتفرح وتجرى عليكى وتاخدك فى حضنهم ودة اكيد بنسبة مية فى المية دة اولا
ثانيا مش واخدة بالك ان اهلك لو وافقوا بأذن الله وربنا كرم هيجى وقت الكتاب يبقى لازم يطلقك وكمان المئذون الى بيعقد بيقول فى العقد على حسب كلام الوالد ( البنت البكر الرشيد ) يعنى جوازك منه تانى او رجوعك لية هيبقى باطل شرعا ولو دخل عليكى هتبقى مصيبة يبقى لازم تعرفى اهلك وتقوليى انك غلطتى ومفيش انسان معصوم من الخطى والى بيحب بيسامح ومفيش اهل بتكرة
والحمد لله انة راجل ومش هيتخلى عنك وعلى فكرة هيبقى كيبر او فى نظر اهلك لما يعترف انة غلط ومستعد يصلح غلطتة وصدقينى هتقى جميلة كيبرة اوى لابوكى وهيشوفة راجل يقدر يسترك ويحافظ عليكى ويكون دافع للموافقة الاكيد بأذن الله رب العالمين
على فكرة انا وقعت نفس المشكلة والحمد لله والدها وافق والحمد لله الموضوع لسة فى السر بينى وبينها وربنا الثالث وربنا يسامحنى ويسامحها انا دلوقتى خاطبها ويارب يتمها على خير مش من حبى فيها لا فى انى استرها حتى لو يكون موتى بعد دخلتها ولو بدقيقة واحدة ومن سترة المؤمنين فى الدنيا سترة الله فى الاخرة
اولا السلام عليكم — ربنا يكون معاكي
انتي قدام مشكلة فعلا صعبة ولكن مفيش مشكلة في الدنيا ملهاش حل
بس لازم تنالي جزاءك طبعا لانك غلطتي مش ضروري من البشر ممكن من الله عز وجل
بس في شيئ اسمو الامر الواقع اللي انتي قدامو دلوقتي
ضروري جدا تستعيني بالله عز وجل هو قادر يحل اكبر مشكلة بس انتي استغفري وهو هيكون معاكي لان ربنا مابيكسفش عبيده بس انتي كمان لازم مخك ميوقفش عن التفكير
والنقاش ممكن يحل اكبر مشكلة في الدنيا حاولي تتناقشي مع اهلك اكيد في واحد منهم انتي بترتاحيلو وهو ده اللي ممكن يساعدك وفي حاجة جد مهمة اللي هي الزوج اللي كان سبب في نص المشكلة دي لازم يعمل حاجة لازم هو كمان يتصرف لانو راجل والحلول لاازم تكون موجودة عندو اكتر منك بس المهم انك متنسيش ربنا اللي قادر على كل شيئ اتمنى ان ربنا يهدي اهلك ويستوعبو الموضوع وتنحل مشكلتك باقرب وقت يارب
ولا تنسي ذكر الله
يعني مش تقعدي وتقولي يا رب ومتعمليش اي حاجة
طبعا الاول هنقول الحمدلله انة ستر عليكي وانا راي من راي الاخوات انك تدعي ربناوتكثري الدعاء وتحاولي تفهمي اهلك بالهداوة مدام كل شئ اتصلح وبقيتي مراتة علي سنة الله ورسولة هما اكيد في الاول هيثوروا بس بعد كدة هيلاقوا انة امر واقع وانة خلاص بقي زوجك
وان شاء الله ربنا يوفقك ولا زم طبعا تعملي فرح عشان الناس كلها تعرف وتروحي تعيشي مع زوجك في سلام وامان وربنا معاكي يارب
من اخطاء وتاب توبة نصوحة سامحه الله عز وجل مادامت نيته خالصة صادقة والله اعلم ورسوله
اما بنالنسبة لموضوع الزواج فلا بد وان تعلمى اهلك بالواقع مهما كانت النتائج وتعالى نحسبها سوى
اهلك مش حيرموكى فى الشارع
اهلك مش حيموتوكى ولا انتى ولا هو
وحتى لو غضبوا وكانت النتيجة انك تذهبى بيت زوجك وهو يتولى الاستقرار والصرف ويكون زوج بحق وليس بورقة او الجنس
الزواج معاشرة وعشرة – مسؤلية من صرف وحماية وحب وحنان وتقوى
وفى نفس الوقت حتى لو اهلك سبوكى تروحى بيت جوزك شوية وامك وابوكى حيرجعوكى
وعلى راى المثل :- لا يشفق عليك غير اثنان من خلقك ومن ولدك
وارجوا متكدبيش لحسن تطورطى وتقعي فى ورطة ليس لها حل
عزيزتي استعيني بالله ورمي حملك علي الله وكوني قريبه من ربك انتي وهوه وكثري من الدعاء ان الله يسخر اهلك ويوافقو عليه