انا آنسه و حصل من فترة ان شطاف المية على اوى و بعدها لقيت نقطة دم فى الاندر وقتها اترعبت جدا و رحت لدكتور كشف عليا و قالى انتى تمام بس عندك التهابات لما روحت البيت لقيت نقطتين دم تانى كلمت الدكتور قالى انا ملمستكيش الكشف كله كان خارجى مع انى حسيت بوجع فظيع اثناء الكشف رحت لدكتورة تانيه شبه مفادتنيش نهائيا و قالتلى لازم طب شرعى عشان يتأكد ان الجوانب سليمه و كشفت عليا بس حسيت اثناء الكشف زى ميكون حاجه بتدخل جوه لكن منزلش دم و قالتلى ان فتحة المهبل ضيقه المهم عشان انا موسوسة جدا رحت لدكتور تانى و كشف عليا كشف بسيط جدا من بره خالص و مفيش اى وجع يذكر و قالى انى تمام المصيبة بقا انى رحت لدكتور تانى امبارح قالى ايه ده الغشاء مفتوح و قالى ده معرج من الجناب و لما بتحزءي بشوف كل حاجه من جوه طبعا خرجت من عنده منهارة رحت لدكتورة النهاردة قالتلى انتى بخير هو الدكتور ده عايز الغشاء يكون مقفول خالص امال دم البيريود هينزل منين و لما حست منى كأنى مش مصدقاها قالتلى انا معرفكيش عشان اجاملك انتى لو عاملة مصيبة انا كنت هزقتك و ضربتك كمان
مشكلتى الاساسيه انى بقا عندى وسواس فظيع من الغشاء و تانى حاجه ساعات بحس كلام الدكاترة متضارب شويه يقولوا ان هو اللحم الوردى اللى من بره و شويه يقولوا ان الغشاء هو اللحم الاحمر اللى تحت الفتحة انا مستغربة جدا و مش عارفه اعمل ايه هل ممكن دكتورين يختلفوا على وجود الغشاء؟
العذرية وغشاء البكارة
عندى وسواس قهرى بسبب غشاء البكارة
اضيف بتاريخ: Thursday, January 12th, 2012 في 18:57
كلمات مشاكل وحلول: العذريه, غشاء البكارة, مشاكل العذرية
يا اختي انتي بخير والحمدلله لا تخافي
لاتخافين انت سليمة والله يحميك ويحفضك ولاتروحي دكاترة كتير
سليمه 100%
الغشاء مش ع الوش لكن جوة شويه
وشرف البنت مش فى الغشاء
لكن فى سلوكها ونهجها
بصي انا حصلتلي قبل كده بس وقعت جامد ورحت لدكتوره وطمنتنى انا عايزة اقولك حاجه طول مانتى مشيك سليم ربنا معاكى ومتخافيشى انا ماما قالتلى حاجه ذى دى مبتجيش بالساهل وبينزل دم كتير وحافظى على نفسك لحد متتجوزى انشاء الله
متخافيش …لان غشاء البكاره يحتوى على كميه هائله من الدم ما يلزم ليغطى فوطه حمام صغيره مش نقطه او نقطتين فحتى لو كان خدش فاكيد اتلئم مع بعضه تانى والا كان نزل دم كتير عليكى وبالتالى كنتى هتعرفى فمتخافيش يااختى …واطمنى ومتروحيش لدكاتره وممكن الدكتور اللى كان قالك انه مفتوح يكون نيته غير شريفه واكيد انتى فاهمه قصدى
انتي مفكيش حاجه وكلام الدكتوره اللي هوا من فين حينزل الدم ميه بالميه سليم ولو مثلا نقطة الدم اللي نزلت نزلت من البكاره اوكي ممكن بس ده ميعنيش انو الغشاء كلو راح ممكن حته بسيطه منو وده ممكن كمان انتبهي على نفسك مره تانيه وحولي تخففي وبس والله اعلم ..