انا مرتبطه بانسان بحبه اوى وهو كمان بيحبنى جدااااا والمفروض خطوبتنا قريبا ان شاء الله بس عندى مشكله انى بغير عليه اوووى فوق الوصف ممكن اغير عليه حتى من اصحابي اغير لو بص على واحدة غيرى هو انا بشوفه وهو بيبص عليها واقوله يقولى انا مبصتش فبدايق اكتر لدرجه انى بقيت حاسه ان الغيرة قلبت شك وخايفه اضيعه منى بسبب تصرفاتى دى ساعات بيستحمل غيرتى وساعات لا لانى بقلبها معاه بمشكله واكيد هيزهق من المشاكل وخايفه اكون انا فيا طبع الشك زى واحدة قريبتى متجوزة وكانت نهايه الشك بتتاعها انها اتطلقت .. انا بحبه اووووى وخايفه اووووي يبعد عنى ممكن تنصحونى اعمل ايه ؟ايه علاج الغيرة والشك ؟
نفس مشكلتى اللى بحاول ادور لها على حل الناس اللى قابلناهم فى حياتنا خلونا نشك فى كل حاجة يااااااااااااااااااااارب رحمتك انا مخنوقة جدا من الموضوع ده
بلاش شك صدقينى الشك بيقتل الحب وبعدين لو واثقة فيه ولو بتحبيه بجد عمرك ماهاتشكى تعرفى انى زيك واكتر بس انا عندى مرض الشك والوسواس وتعبانة اوى بس بحاول اتغير عشان الشك ده مصيبة وقربى من ربنا لان الشك من عند الشيطان وان شاء الله ربنا يقربلك اللى فيه الخير
ياحببتي الغيره مطلوبه في البنت وفي الراجل برضو بس الحادجي لما بتزيد عن حدها بتنالب لضضها بصي غير بس في المعاول الي يخليه يحس انك فعلا بتحبيه بغرتك عليه وفنفس الوات في المعاول علشان الرجاله بيتخناو بصرعي وبيزهاو بصرعي اتمنالك السعاده والتوفيق في حياتك
بصى انا حاسة بيكى اوى لانى تقريبا زيك كده بالظبط بس عمرى ماحسيت بالشك الا لماهو غلط ف حقى الاول واناسامحت ووعدنى انه هيتغير وفعلا الناس كلها شهدت بكده بس برده الشك جوايا بسبب ومن غير سبب والشك ده عذاااااااااااااب فعلا للوحده وحاولت كتير برده انى اثق فيه بس للاسف مش قادرة لدرجة انى بفكر اسيبه من غير سبب بس لقيت احسن حل انى اثق ف نفسى واعرف انه لو عمل حاجة تزعلنى يبقى هو الخسران خليكى انتى كويسة عشان هو لو بقى مش كويس معاكى تسبيه من غير ماتندمى ولا تفكرى وحاولى تثقى ف حبه ليكى وتحطى ف دماغك انه عمره ماهيلاقى زيك وياستى لو بص على وحده متدقيش كلهم بيبصو هنعمل اييييييييييه بس
بصى حبيبتى نصيييحة من اختك مجرربة الموضووع دااا الشك بيداايق اى رااجل فى الدنيااا وبيحسسه بالهانة وانه فى نظرك صغير حتى لو انتى شاكة فيه خلى شكك لنفسك لحد ماتتاكدى بدليل قوى مثلا ولو ملقيتيش يبقى انتى غلطانة وربنا يهيدكى ويهديه انا من كتر الغيرة بتاعتى والشك اتهمت اللى بحبه انه يعرف عليا بنت تانية لما لقيته بيتكلم فى التليفون كتيرر اووى مع انه معروف عنه الاحترام وانه مش بتاع الكلام داا وهو كمان قريبى ومش هيضحك عليا وفضلت ازن علييه جامد واقوله لازم نسيب بعض عشان انت خاين وانت كزا وكزا لحد مافعلا قالى براحتك وسابنى لانى فضلت ازن عليه شهرين وطول علاقتنا اصلا مكنتش واثقة فيه وبحسسه انه هيخونى هو استحمل شكى كتير لحد ماخلاص مبقاش قادر وسابنى ودلوقتى ندمت وهموت وارجعله فنصيحة متمعليش زى
العلاج في ايدك انتى بس بمعنى انك تقدري تثقي فيه اكتر من كدة وخصوصا انك متاكدة من حبوا ليكى طيب يبقي عايزة ايه تانى ,خلي بالك الحاجة لما بتزيد عن حدها بتتقلب لضدها وانتى كدة هتخليه يبص لغيرك بسبب شكك فيه قولي لنفسك انة بيحبك انتى واختارك انتى وهيرتبط بيكى انتى يبقي ايه لزوم الغيرة بقي؟؟ الشك بيخلق المشاكل وعدم الثقه والجفاء وعدم الامان فريحى بالك وبطلي الغيرة دى لانها ممكن تتقلب لمرض ووسواس عندك وربنا يوفقك
الأخت العزيزة…. بصفتي رجل… أكيد موضوع الشك ده هيخنوقني… أنصحك بالثقة و عدم الشك في كل شئ لأن ممكن يأثر علي حياتكم فيما بعد… و يمكنك استخدام ذكاء المرأة في توصيل رسالة معينة له في حالة شفتي حاجة مضايأكي..
طول ما انتى بتحبيه وهو بيحبيك ان شاء الله الموضوع يعدى سهل هى الغيرة شئ جميل وبتحسس الشخص انه حبيبى بيخاف عليه وبيحبه بس زيادة عن الازم بتجيب مشاكل كتتير فا حولى انتى بمعاملتيك معاه تخليه ما يبصش لحد يعنى اهتمى بيه اكتر قوليله كلام حلو اكتر وهو من نفسه لو بيحبيك بجد هيحاول ما يعملش حاجة تضيقك وهيستحمليك اكتر ^_^
انا متلك عندما احب اشك في اصابع يدي و اخاف من نسمات الهوي علي حبيبي و لاكن انا اكتشف انه الشك الكثير فيه غير منطقي و سالت نفسي سؤال اذا هو يحب غيري لماذا اراد الارتباط بي انا بالذات و لماذا اراد ان يكمل حياته معي انا تاكدي يا اختي انك بشكك سوف يمل دعي نفسك بعيده الشك قليلا و اقنعي نفسك بان هوا اختراك انتي و فضلك انتي علي الكثيرين امامه و اعلمي انك الوحيده في قلبه فكوني حذره من غضب الرجل عندما يزداد الشك اتمني لكي كل سعاده