عندي مشكله وانا صغيره كنت بلعب علي السور بتاع البيت وكنت قاعده زي الحصان وبعد لعب كتير وتنطيط لقيت نقط دم ف ملابسي بس ما كانش في جرح ما كانش الموضوع في دماغي ولما دخلت الكليه عرفت ان ممكن غشاء البكارة يتفض بالطريقه دي قلت لاصحابي اروح لدكتور علشان الكشف على العذرية لقيت كلهك قالو لا وخافوا من الدكتور مش عارفه اعمل ايه طب لو فعلا الغشاء ده اتفض هتصرف ازاي حد يساعدني انا من بلد ريفي وصعب اوي يصدقوا
العذرية وغشاء البكارة
هل اقوم بالكشف على العذرية
اضيف بتاريخ: Friday, July 20th, 2012 في 16:43
كلمات مشاكل وحلول: العذرية, غشاء البكارة
بس خلاص متخفيش واتجوزى ولو منزلش دم ليله الدخله وسالك قوليله ع الموقف ده وان شاء الله خير
حبيبتى مفيش داعى لدكتور ولا حاجة غشاء البكارة لا ينفض الا اذا دخل جسم صلب يعنى بالطريقة اللى انتى بتوصفيها دى مستبعد تماما ان بالشكل دا يكون انفض – لو كان بسهولة كدا غشاء البكارة بينفض كنتى هتلاقى نص بنات البلد عندهم نص المشكلة
دا مجرد هوس وعلى فكرة معظم البنات عندها نفس الهوس دا ومكدبش عليكى كلهم
لا لازم تكشفى عند دكتور متخصص وتتاكدى ولو فيه حاجةممكن تتصرفى ده بحكم عملى
ياحبيبتى انا مقدرة موقفك ان مامتك من ارياف لكن ممكن تقوليلها وتفهميها انك معملتيش اى حاجة غير اللى انتى قولتية ده واطلبى ربك قبل ما تقوليلها وتصلى وربنا هيساعدك وهي مامتك هتتفهمك وتروحى تكشفى عند الدكتورة وتتطمنى على نفسيكى علشان تبقى مستريحة
اولا لو كان الموضوع بسب تانى كانت قالت وطلبت المساعدة بصى يابنتى روحى لدكتورة بس لبس عليه الوقار وروحى اشتكى من الافرازات الزايدة وقوليلهابعد متكشف عليكى اسأليها انتى كويسة ولا لا على سبيل الاطمئنان يعنى ومش عيب انك تروحى تسالى وتطمنى على نفسك بس متحسسيهاش انك راحة عشان الموضوع ده انتى راحة عشان الافرازات الكتير جدا وهيه هتكشف عليكى وهتشوف كل حاجة وهتقولك لو لقتكم مش انسة وانتى قايلة فى البيانات انك انسة وهتتكلم معاكى عادى ولكن لو فى سبب تانى اطلبى المساعدة وتوبى وادعى ربنا وربنا يسترنا جميعا
طيب اذا كان اول واحد رد عليكي مكدب كلامك او شاكك فيه …. شوفي متقوليش لمامتك الا لو كانت ست اسبور وحسب كلامك انك من مكان ريفي وصعب هتكون كدة انتي تقولي لاختك او احد اقاربك البنات الاكبر ومن رايي تروحي عند دكتورة في مكان بعيد لو رايحة زيارة او اى حاجة وتكشفي وتشوفي وبعد كدة تعملي ترتيبك على الناتج
حبيبتي نصيحه مني قولي لمامتك الكدب ملهوش رجلين قولي لمامتك بس لو ده من السور فعلا لاكن ما اعتقضتش انو السور يعمل كده