يا استاذ محمود يا استاذ تامر يا عالم الحقونى انا مابقيتش عارف افكر انا جالى من حوالى اسبوع وشويه رساله ع الايميل بتقول انى كسبت ملايين وحدد المبلغ وقال ان المبلغ ده من شركه جلوبال شل للبترول وهى عامله يانصيب وكسب 12 واحد على مستوى العالم وانا واحد منهم وباعتين ايميل واحد من اندونسيا اسمه محمد مصطفى محامى وموكلينه علشان اطالبه بالجايزه وهو يقولى ايه المطلوب منى
فكلمته وقلتله اعمل ايه علشان استلم الجايزه
رد وقال انت هتيجى اندونسيا بنفسك وتستلم جايزتك من بنك كذا وع العنوان الفلانى
فقلتله انا مش هعرف اجيلك ابعتهم انت
فقال علشان ابعتهم لازم تدفع بريديا 370 جنيه استرلينى كمصاريف اداريه ومعرفش ايه
انا قلت فى نفسى الراجل ده نصاب
وبعتله بعدها رساله بقوله فيها بالانجليزى طبعا انى حاسس ان الحكايه دى نصبايه وان الحكايه لو مش نصب اضمن منين ان الفلوس هتوصل بعد مدفع المبلغ المطلوب
رد وقال ان شغلته انه يوجهنى للمطلوب منى علشان استلم الجايزه وانه مش جابرنى انى ادفع حاجه وكمان انه بينصحنى باسم الله انى احافظ على جايزتى ومتاخرش لان مده انتهاء الجايزه قربت
وبيقول كمان ان جواز سفره محجوز لحين تسليمى الجايزه وبعتلى نسخه من جواز سفره وبيقول لو مش عاوز ادفع حاجه خالص تعالى بنفسك جاكرتا ع العنوان الفلانى استلم الجايزه بنفسك
وتفاصيل كتيييييييييييييييييير جدا
يا جماعه ارجوكم ساعدونى انا مش عارف انام المبلغ كبير جدا
انا عاوز حد يكلمنى وابعتله او حتى واقابله واديله كل الرسايل اللى جاتلى و يساعدنى بحيس انى ماخسرش حاجه واكون فى الامان
انا مرة حصل معي كدا جاني اتصال من رقم مجهول واللي تتكلم وحدة ست عربية الظاهر من لبنان اوفلسطين وتقولي لي اني فائز بجايزة مالية تقدر 10مليون دولار وهي شركة يناصيب ووقع الاختيار على للفوز بالجائزة الكبرى وتريد منى ارسال مبلغ وقدره 100 الف ريال سعودي عشان يرسلوالي الجائزة واعطيهم رقم حسابي المصرفي وعنواني البريدي بالكامل واخذت الرقم تبعهم واتصلت عليهم من خلال خط تاني مجهول كي اتاكدمن حقيقة تلك الشركة الوهمية واتضح انه الرقم لواحد سافل ومنحط نصاب يشتغل هو ومراته في الدعارة والنصب والابتزاز والاختيال على الناس من اجل الحصول على اموالهم بطرق غير شرعية ودي الحقيقة اتمنى ان كل الاخوان يستفيدوا منها ويحذروا من الارقام اوالرسائل المجهولة اللي تاتيهم سوا عبر الموبايل او الانترنت لانها كلها كذب وخداع ونصب واحتيال
اخي لوعاوز تتاكد منهم بالامكان تروح لسفارة اندونيسيا الموجودة في مصر وهتعرف الحقيقة بنفسك انهم جماعة نصابين محترفة وارقامهم مزيفة وغير موجودة وصدقني انهم بكثرة ومنتشرين حول العالم والحذر من التعاطي معهم او تصديق كل مايقولوه فهو خداع وكذب ونصب واحتيال وشعوذة وسحر والله يكفينا شرهم ويرد كيدهم في نحورهم
طيب طالما كل اللى مطلوب منك 370 جنية أسترلينى علشان يحولك الفلوس
أعمل معاه ديل
– يدفع و يخلص الأجراءات و بدل ما يحولك المبلغ كامل أديله نصيبه يعنى يأخذ فلوسه و بالزيادة .
دول نصابين يا برنس
أنا مهندس بشتغل فى الخليج و جالى رسايل كتير زى كدا الخلاصه متصدقش و بالش تعيش فى الوهم
يعنى هيبعتولك ملايين ومحتاجين منك المبلغ البسيط ده؟ يا سلااااااام
نصب في نصب ماتضيعش وقتك عند محامي اوعيره
بص انا زيك والله العظيم بالظبط والحمد لله ان دخلت الموقع ده يا صاحبى وشوفت اللى انت كاتبه واقسملك بالله ان الكلام اللى انت كاتبه ده هو نفس اللى حاصل معايا بالظبط وبرده هو المحامى محمد مصطفى وانا قولتله مش هعرف اسافر ليكم وهو قاللى نفس اللى قالهولك تيبكال وابعت 370 جنيه استرلينى وكده وبص ده ايميلى يا ريت يا نجم تكلمنى عليه ونشوف هنعمل ايه بالظبط
دول شويه نصابين معروفين عالميا عشان تبعت المبلغ ..هوا الحدايه بترمي كتاكيت؟؟؟ جلوبال ايه وبتاع ايه صدقني نصبايه عشان تتصل عليهم وتبعتلهم فلوس وتخسر نفسك علفاضي
اعمل زي ما حبيبة الرحمن قالتلك بس كلنا متأكدين أن دة نصب وكلنا بيجي لينا رسايل زي دي ومش بنعبرها كبر دماغك واعرف ان كلة نصب في نصب والمفروض تكون أزكى منهم لأنهم هما معتقدين ان 90% من الرسايل بيبعتهوا لناس أغبياء
لا تصدق مثل هذه الالاعيب …..
هذه الخدعة تقوم علي اغرائك بارسال حوالة بمبلغ الي عنوان ، وهم يقدمون لك سيناريو مغري جدا
لا اقول لك هذا الكلام من فراغ بل صاحبي مليونير مثلك …
وكاد ان يرسل الفلوس لو لا رحمة ربي.وانه استشار مثلك ..
قالوا له قل لهم ما هي الفلوس معاكم اخصموا ما شئتم من الجائزة و ارسلوا لي الباقي …. وعندها انقطعت الرسائل ….
مش عايزين خطابات ولا رسائل …. عيش واقعك …. انت صح دول نصابين
حرام عليهم والله يلعبوا بالناس
ربنا يغنيك بحلاله عن حرامه وبفضله عن من سواه
خد الورق وانزل عند محامي واساله عن الوضع ايه او انزل السفاره في مصر واسالهم بس اكيد ده نصب والله