السلام عليكم ورحمة الله وبركاته اولا انا ست عندي 27 سنة مشكلتي تبتدي من وقت بلوغي قبل البلوغ كان كل شيئ عندي مباح ومتاح والدتي متوفيةوابي كان دائم السفر وزوجة ابي وهي خالتي امرأة في منتهي الحنان بصراحة عمرها مقالتلي متعمليش حاجة وكانت حتي لو اللي بعمله غلط مكانتش تقدر تمنعني لحبها الشديد لية كل دة قبل البلوغ ويوم ما بلغت واتتني علامات البلوغ فهمتني وارشدتني ومنعتني من معرفة اي ولد ولو حتي مجرد الصداقة زي زمان وانا كنت بقتنع بكلامها جدااا وفهمت انه ممنوع اي حد يقرب مني دة بالنسبة لاصدقائي وزملائي بالدراسة وانا الحمد لله كنت ومازلت علي قدر من الجمال وكان دة ملحوظ جدا بالنسبة لكل اللي يعرفوني ومن صغري بدء يتقدملي الخطاب يمكن من بعد بلوغي مباشرة بس كنت برفض كتير وفي ناس من اهل ابي حاولوا يتحرشوا بيا جنسيا بس انا كنت في منتهي القوة معاهم والجرأة ما كنت اخشي شيئا كنت اصفع من احس مجرد الاحساس انه بيفكر بس التحرش بي وبعدها اذهب الي خالتي واحكي لها ما حصل بالتفصيل وكنت الاقي منها التشجيع والفخر بتربيتها لي ولكن الغريب اللي مقدرتش اصارح بيه خالتي (زوجة أبي )هو تحرش خالي بي كان دائما عندما يأتي عندنا يسألها عني فتقول له لسة نايمة فبحكم انه بعمر والدي وانه خالي يدخل يصحيني وافاجأ به وهو يقبلني من فمي فأنتفض من نومي وانظر اليه نظرة في منتهي الاحتقار وهو كان يتقبل مني النظرة بالمزح ويقول (يابت انا خالك عادي لما ابوسك )وكتير كنت ازعقله واقولوا مش بحب حد يصحيني واروح لخالتي واضرخ في وشها واقولها ليه بتدخليه علية وانا نايمة كانت ترد وتقول دة خالك مش حد غريب والخال والد والكلمات دي المتداولة في المجتمع المصري دي فكنت التزم صمتي عندما اتذكر مذا سيحل لو علم احد بالامر والمشاكل التي اتسبب بها من وراء كلامي ومرت الايام والسنين ولم انسا ابدا صورة خالي وهو يقبلني من فمي وتزوجت وبعدت كل البعد عنهم المشكلة انني بعد زواجي لا اطيق ابدا ان يقبلني زوجي عندي نفور فظيع من الموضوع دا ومش قبلاه نهائي كتير سألني(ليه مبتحبنيش ابوسك )كنت اتحجج واقوله شفايفي فيها تشققات وبتألمني وهو يصدق ومع الوقت بقيت حاسة بالذنب وحاسة اني بحرمه من حق من حقوقوا وخصوصا انه بقي ملاحظ نفوري منه بس والله غصب عني انا بتصور كل ما يحاول يقبلني انه خالي منه لله عمل عندي عقدة نفسية ولحد اليوم لا احد يعلم عن عقدتي شيئ سوي رب العالمين وانتم انصحوني ماذا أفعل بدأت أحس ان حياتي بتدمر خايفة جوزي يدور علي غيري بسبب الموضوع دة وحاسة اني لو فتحت الموضوع ولا اتكلمت مع اي مخلوق فيه هيضحك علية ويستهزء باحساسي انا بجد تعبانة كتير فكرت اروح لدكتورة نفسية بس بحكم البلد اللي احنا فيها مينفعش ولو روحت اكيد هيعرف جوزي الموضوع ومش بعيد يصمم ييجي معايه اعمل ايه انا بجد تعبت وبتمني اكون زي اي انسانة عادية تعيش حياتها عادي” أسألكم الدعاء “
مشاكل جنسية
اعاني النفور من الزوج بسبب التحرش الجنسي بي
اضيف بتاريخ: Thursday, October 20th, 2011 في 00:17
كلمات مشاكل وحلول: التحرش الجنسي, الزواج, مشاكل زوجية
السلام: بداية حالتك جد منطقية و مبررة بالنظر للأسباب التي أدت لها و الضروف التي تمت فيها و هي فترو المراهقة و الشخص الذي صدرت منه وهو الخال أنصحك بالعلاج النفسي من الصدمة و الكثير من الفتيات و لست وحدك من تعرض لهذا، و لكن أقول لك لا تسقطي صور خالك على زوجك فذاك شخص و هذا شخص آخر و أن تأذينه بهذا الفعل و تجرحين رجولته و تمنعين نفسك من شيئ مباح تستمتعين به
السلام عليكم انا متشكرة جدااا لجميع الاخوة اللي نصحوني واتجاوبوا معايا ومنكرش انكم خففتم عني كتير بس بالنسبة للموضع اغلب الردود شايفين انها مجرد بوسة عادية من خالي هي مكانتش مجرد بوسة ابوية للااسف دا كان تحرش بكل مافي الكلمة من معني وكان معاها بعض نظرات الشهوة طول الوقت والله وحده اعلم كان بيعمل فيا ايه وانا نايمة ومش حاسة حسبي الله ونعم الوكيل كل اللي في ايدي اعمله هو الصبر وان ادعي ان ربنا يهدي جوزي ويصبره عليا اسألكم الدعاءولكم جزيل الشكر
على فكره انتى معندكيش اى حاجه تستدعى طبيب نفسى لان فى الاصل جواكى حافز كبير انك تسعدى زوجك الى عرفتو من رسالتك ان زوجك يحبك جدا وبيمارس معك الجنس كاملا ما عدا لمس الشفاه مع انو جنس بلا مداعبه لا يلبى اشباع رغبه للطرفين لذا لابد من مبارده منك انتى اولا حتى تستعيدى ثقتك بنفسك وتقليلو خلينى انا الى ابوسك وروحى شويه صغيرين على شفاهو مره على رقبتو ومره على صدرو بعدها خليه هو يروح على رقبتك وبعد صدرك وبعد قليلو متطولش على شفاهى اتحاملى شويه على نفسك بعدها انتى الى هتطلبى منه لانو حلالك وبكده انتى الى هتعالجى نفسك بنفسك العلاج الحقيقي هو الثقه بالنفس اقولك على سر لما هيبتدى زوجك يبوسك على شفايفك هتندمى على الايام الى راحت بدون تقبيل شفاه ثم ده دلوقتى فارس احلامك الى ربنا اوهبهولك باتمنالك التوفيق وشكرا
ربنا يسعدك وينجيك ارجو ان تأخذى كلامى على محمل الجد .. اولا احمدى ربنا ان رنا سبحانه وتعالى عصمك من الوقوع فى يد اى فريسه من هؤلاء حتى لو كان خالك والعياز بالله .. ويجب ان تعرفى انك انسانه محترمه ورقيقة المشاعر وحساسه جدا ولابعد حد لهذا يؤثر فيك هذا الامر وانا متأكد امور كثيره فى حياتك وبسيطه وانت تقيمى لها الدنيا وتقعديها … هنا المشكله الحقيقيه بمعنى ان الطبيب النفسى الذى ستذهبين اليه ماذا سيقول غير انك انسانه مرهفة الاحساس وهنا المشكله الحقيقيه … وانا هنا لا استثنى ما حدث لا والله بل اجده فقط امر لا يستحق منك كل هذا الخوف والانزعاج .. خاصة وانه رحل وانتهى ومات بمجرد ان كبرت وتزوجت واصبح لك حبيب وزوج يحبك وليس له زنب فى هذا بل وانت ليس لك اى زنب فيما حدث .. وبعين هو حصل اه بس انت كنت صغيره وهذه قبله ارجو ان تعتبريها عاديه جدا وخذيها بمحمل اخر لانك جميله وفاتنه ولهذا لا احد يمكن له ان يمنع نفسه من تقيبلك مثلا هل لو كان احد غير خالك كان الامر يختلف ولا يهمك ما حدث … خذى الامر بهذا المعنى مجرد شخص سفيه واهبل لا يهمك امره وليس له اى قيمه فى نفسك حتى لا تحملى زاتك ونفسك اكثر من طاقتها .. وفعلا انت من كبرت الامر وجسمتيه فى خيالك واحساسك خالى يادى المصيبه .. يا ستى بوسه تفوت ولا حد يموت خلصت خلاص انتهى الامر انت الان ناضجه متعلمه مثقفه متزوجه كل هذا من الماضى وعودى نفسك ان الماضى السخيف يموت وينتهى فى خيالك … واعندى فى نفسك بدون ان تتذكرى الهبل اللى انت معيشى نفسك فيهده ابدأى فى تقبيل زوجك وحلالك الذى كتبه الله لك على كتاب الله وسنة رسوله هو الان زوجك حلالك وليس احد اخر والعياز بالله .. يجب المحاوله واذا نجحت استمرى فاهمه استمرى حتى تنسى ما حدث لانه لم يحث شىء خطير يستدعى منك كل هذا العبط والهبل اللى انت عملاه فى نفسك .. الله يسامحك ظلمت نفسك وزوجك ارجو ان تسمعى كلام الاصدقاء الاعزاء المخلصين جميعا بالحديث معك .. وارجو ان تدعى لنا انت ايضا لانك انسانه طاهره ومحترمه جداااااااااااااااا لك كل الاحترام والسعاده فى حياتك الزوجيه اميت
لن يكون الامر صعبا عند اختيارك للوقت المناسب. فأحسن وقت تجده المراءه قربا لزوجها هي في لحضات الممارسه الجنسيه بين الزوجين, اجعلي نفسك الامبادره الى تقبيله اللحضات التي تصلين فيها الى ذروة المتعه, فعناقك له وتقبيله يشعره بالرضا بعمله لارضائك وانت للخروج من الصوره النمطيه التي تكونت معك منذ الصغر والنفور من القبله الفمويه. ستجدين ترددا في بداية الامر, واضمن لك بأذن الله بعد يسستب الامر بأنك من سيكثر من طلبها والاستمتاع كلما كانت ذات عمق وتطويل.
حاولى انك تشيلى الموضوع دا من تفكيرك وقت ماجوزك يكون معاكى دا هيكون افضل فكرى ف حبك ليه وانك عايزاه سعيد ومبسوط وانك قبل كل دا بترضى ربك وربنا يوفقك…
الموضوع ما هو الى ايحاء نفسى يدور فى داخلك يظهر تاثيره على واقع حياتك ولكن من السهل التخلص منه وهو ان تبادرى انت تدريجيا بتقبيل زوجك وليس من الضرورى ان يكون التقبيل بشكل مثير للغايه ابدئى كانك تقبليه من خده اولا ثم تقربى من فمه بنسبه تدريجيه ولا تفكرى وقتها فى موضوع خالك وفكرى فقط بان ما تفعليه هو الحفاظ على بيتك وكرامت زوجك لانك باسلوبك معاه اعتقد انو خدش لكرامته او لاحساسه فهل يسعدك ان تجرحى احساس زوجك او كرامته لو كانت الاجابه لا فبدئى من اليوم — الحل فى يدك انتى والله المستعان
اختى العزيزه حاولى ان تتقبلى الموضوع وتندمجى مع زوجك وبادن الله سوف تنسبن الماضى
حبيتي زعلتيني والله ربنا يهده خالك ده استغفر الله العظيم
حاولي تنسى وبعدين واضح ان جوزك بيحبك لانه صابر عليكي بس لحد امته هيفضل صابر
حاولي تنسى او لو قدرتي تقولي له قولي علشان ياحبيتي يعزرك ومايبصش بره
صلي وادعي لربنا انه يساعدك
ربنا معاكي ياحبيتي وهو منه لله وحسبي لله ونعم الوكيل
بسم الله الرحمن الرحيم
اختى الفاضله الشريفه العفيفه
اولا انصحك بعدم الادلاء بهذا الموضوع لاى مخلوق فقد سترك رب العالمين فلا تفضح امر لا يد لك فيه
ثانيا : قد تعتقدين ان زوجك لا يبالى كثيرا او انه يصدق الحجج التى تبدينها بيد ان الامر ليس كما يبدو فقد يكون هو متاكد من وجود مانع غير ما تقولين ولكن يحاول تهدأه نفسه بانه موضوع وقتى ولكن لو استمر فستكون عواقبه وخيمة فالممنوع مرغوب وقد يبحث عن هذه اللذه لدى غيرك استغفرى الله كثيرا وادعى ربك ان يفرج ذلك الهم ويكشف الغم وانت حاولى اللى تبوسيه وحاولى انك تعملى كدا من اجل لذه انتى مفتقداها يمكن لما يتغير الوضع من ان هو من يبدأ بالتقبيل يكون افضل بالنسبة اليك وكمان حاولى تتحملى وتصبرى فان الصبر ليس له جزاء الا الجنه اخوك
انا مش هقلل من احساسك لكن الموضوع بسييييط جدا والمؤكد ان خالك عارف قد اية انتى بتصدى اللى بيحاول يقرب منك فعلشان كدة كان بينغشك انة يستفزك مش زى مانتى فاهمة… عيشى حياتك ودوبى فى حب جوزك واستطعمى منة البوسة واول علاج ليكى انك تقتنعى انك سليمة جدا واحساسك دة نابع من تحزير خالتك البالغ للتعرض لهذة المواقف فبلاش احساسك بالذنب دة لان ذنبك لجوزك اكبر بكتير
بصراحة أنا لا أرد على أي رسالة إلا الرسالة التي تستفذني وتجعلني أكتب بدون أن أدري وفي البداية بصدق اتمنالك كل الخير من رب العالمين وان تنتهي مشكلتك هذه ولكن من وجهة نظري انت بصدق في حالة تستدعي أن تبحثين فيها عن العلاج النفسي لأنك بصدق تعانين من عقدة احدثها لكي المدعو خالك واعتقد ان الحل بسيط حاولي ان تفكري بشكل أكثر وضوحاً فالفارق كبير بين قبلة زوجك وقبلة خالك – الذئب – وأكيد توجد علاقة كاملة بينك وبين زوجك واعتقد ان المشكلة فقط في القبلة حاولي ان تحرري نفسك من هذا الهاجس الذي يسيطر عليكي وعلى كل حياتك برغم انني غير متزوج ولا أملك اي تجربة قبل ذلك وأحمد الله على ذلك ولكني أعتقد بأن القبلة هي علامة مؤكدة من علامات الحب فلا تحرمي نفسك منها وكذلك زوجك لأنة من الممكن يشعر بأنك لا تحبية والحل يا سيدتي بين يديكي وهو مثل ما قولت لكي افصلي بين خالك وبين زوجك وأتمني أن يوفقك الله في ذلك ودعواتي وتمنياتي لكِ بكل الخير
صباح الخير ده زوجكك حلالك مش خالك الا كان بيبوسك وانتى اخدتيها بالتحرش بيك مع انه حقك انك تاخديها كده بس انتى حاليا مع زوجكك حلالك لاوم تطمنى وتؤمنى بكده وحاولى تحافظى عليه متجبريهوش لانه يدور على الحاجه دى من حد تانى بره البيت وصلى واهتدى لله واقرى قراءان بالتوفيق/ المحامى
يا اختى العزيزة لا تكبرى الموضوع انسى ما فاتك لو كان خالك لية اطماع ثانية كان ممكن حسس على مناطق اخرى من جسمك ولكن ممكن يكون بيداعبك .
لاتجعلى الماضى يصارعك وتحرمى نفسك وزجوزك من حقوقه المشروعه وتصنعى لنفسك مشاكل لازنب لكى فيها دعى الامور بشكلها الطبيعى وتقبلى قبلات زوجك المشروعه وفقكى الله لما فيه الخير
اختي في الله اتمنى ما تكون عقدة ولا شي والقصة صارلها سنين وانتي بعيدة عن اهلك هلا انتي كل شي وعيشي حياتك لو فعلا بتحببي زوجك هاد اقل شي ممكن تعمليه والقبلة دليل على الحب انتي لازم تتقربي من الله اكثر وتشكيله همك وهو رح يخفف عنك ورح ينسيكي لانه انعمنا بالنسيان لو ما خلق شي اسمه النسيان ماكان فينا حدا عايش حياته في هناء كثري من الصلاء واقراي قرآن ولا تضايقي زوجك بهيك تصرف لانه حرام ومثل ما قلتي هاد حقه اما خالك الله يسامحه ولا تخافي عقابه ناطرو ورح يتجازا على عملته باذن الله انتي بس كبري عقلك وانسي كثري من الدعاء حتى تنسي والقرآن دواء لكل داء لا دكتور نفسي ولا شي خليه سر بين وبين خالقك واتمنالك تمر ضيقتك وتعيشي حياتك في هناء ان شاء الله والسلام عليكم ورحمة الله تعالى وبركاته
اولا احييكى لانك فكرتى بعقل ومنعتى مشكلة كان ممكن تحصل فى العائلة لو حكيتى لاحد عن خالك ودة دليل انك انسانة متزنة وعاقلة. اما بالنسبة لموضوع زوجك والقبلات انا عارف ان صورة خالك بتظهرلك فى كل مرة زوجك يقرب منك ودة طبيعى لانك مضايقة ومش قادرة تنسى اللى عملة خالك لكن تفتكرى الحل انك تفضلى متخيلة منظر خالك وهو بيبوسك انا عارف ان الموضوع مش سهل لكن حاولى تعرفى ان جوزك ملهوش ذنب فى دة وغير كدة هو حلال ليكى وانتى مش بتعملى حاجة غلط ولازم تنسى اللى حصل من خالك وماتحاوليش تفكرى فية ابدا واستمتعى بزوجك وبعلاقتك معاه دة حقك وحق زوجك. ياما بنات حصلهم اكتر من اللى حصلك وتخطوا الموضوع وقدروا يعيشوا حياه كويسة بعد الزواج وحاولى تفكرى انك بتصرفاتك دى ممكن تخلى جوزك يضايق ويبص برة وهو ملهوش ذنب فى اى حاجة. لا تعاقبى جوزك على خطأ خالك انسى الموضوع وابتدى حياه جديدة مع جوزك. وربنا يهديكى