انا عندي ٣١ سنه مطلقه مرتين وعند ٣ أطفال ولدين وبنت الولدين من الزيجه الأولى ولم أراهم من خمس سنين والبنت من الزيجه الثانيه هي بس اللي معايا تعرفت على شاب ٣٣ سنه ولم يتزوج رفضت اني اتعامل معاه تماما وهو أصر على هذا حبينا بعض جدا وبقالنا مع بعض ٤شهور هو خايف يفتح الموضوع مع أمه وانا تركته اكثر من مره ولكنه متمسك بيا جدا حاولت الح عليه اني اقابل والدته واعرض عليها الأمر ولو رفضت انا هوعدها اني هبعد هي بدأت فعلا تعرف اني موجوده في حياه ابنها ودايما تحلم انها بتتخانق معايا وهو رافض تماما اني اقابلها خايف يخسرني. ومش لاقيه حل اتصرف ازاي
مستغرب جدا وحدة في سنك ومطلقة مرتين ممكن نعرف منك أسباب طلاقك الأول والثاني عشان نساعدك في حل المشكلة اللي اعتقد انها سوف تلازمك حتى لو تزوجت للمرة الثالثة عايزك تعرفي ياعزيزتي ان الحياة الزوجية تحتاج للصبر وحسن التفاهم مطلوب بين الزوجين ودا الشئ غير موجود عندك مش عاوز كون قاسي عليك لكن دي الحقيقة ولازم تفكري جيدا قبل الاقدام على الزيجة الثالثة وتحسني الاختيار للزوج من كل النواحي وتغلبي مصلحة اولادك قبل كل شيء واياك والتسرع في الزواج لمجرد الاعجاب بهذا الشخص وصدقيني طالما ان امه رافضه زواجه منك لانك مطلقة فهذا سوف يكون عقبة كبيرة في طريق زواجك منه حتى لو انها وافقت عشان ترضي ابنها فسوف تخلق لكما الكثير من المشاكل ولن تكوني سعيدة معه طوال حياتك أتمنى انك تبعدي عنه وتختاري الزوج المناسب لك وهو الزواج من شخص مطلق مثلك او ارمل عنده أولاد ده هو الأفضل لك