مشاكل العنوسة

امه فرقت بيننا وخليتنا نفسخ الخطوبة بعد العيد

انا هدخل في الموضوع لاني تاني مره اكتب المشكله ومش عارفه مش بتتعرض ليه
انا اتعرفت علي شاب مطلق وعنده بنت لا مش دي المشكله المشكله ارتباط مامته واخته به الشديد واتسببوا في طلاقه واعتبروني عدوتهم الاول ومامته حاولت علي قد ماتقدر انها تبعده عني ولما ماعرفتش جات للبيت عندي واتقدمت بس بصراحه عاملتني وحش جدا واخته هي انسان خبيثه جدا وحاولت تبين انها مبسوطه مني بس ماعرفتش المهم انا قطعت علاقتي بيهم ودا بطلب من ابنها نفسه قالي مالكيش دعوي باهلي ولا هما لهم دعوه بيكي لانه حدد ميعاد لقراءه الفاتحه مع بابا ومامته مارضيتش تيجي ولا خله بابه واخته يوا وكان شكله وحش جدا قدمنا وجاء قال لبابا دا موقف امي من اول ماتعرف اني ارتبط حتي الفرح اللي فات ماحضرتهوش ولا دخلت بيتي اديني فرصه اثبتلك اني جدير ببنتك وبالفعل بابا وافق علي الخطوبه بس لمده شهور يكون اقنع اهله يحضروا معه وجهز نفسه ومامته عرفت وفضلت تدور علي مين ممكن يكون قريب مني صدفه ان اقرب جاره لنا و صاحبه مامه كان فرح بنت اختها الصدفه بق صحابه مامه العروسه حماتي راحت الفرح ومن غير مناسبه طلعت صوره ابنها ومراته وبنته وقالت شوفوا ابني ومراته وبنته بس مطلق واليومين دول اتعرف علي واحده ساكنه في الشارع واسمها فلانه ولها اخت اسمها فلانه وفلانه وعندها ابن اسم فلان وهما قالوا له مش هنقول انك كنت متجوز وابني مش كويس ومش بتاع جواز وطلق مراته ويدوب لسه بصلح بينهم وهيرجع راحت دي ظاهره مغيره كل حاجه واخدوا ابني من غير اهل انا ابني مريض وعنده السكر ومايقدرش يخلف تاني وكويس انه خلف البنت دي وعليه ديون للبنك ومش بيشتغل وانا وبنتي رحنا قلنا لهم ابني مش كويس وهما قابلينه علي فكره هو فعلا عنده السكر العصبي وطول الفتره اللي عرفني فيها وهو بق هادي السكر عنده شبه متظبط الا بق لما كنت بعمل زوجه مصريه واعكنن عليه وهو قالي اعملي حسابك قبل الجواز هننزل نعمل تحاليل الجواز عشان اهلك يطمنوا يعني موضوع السكر ماقلقنيش وهو بيشتغل مدير تسويق وانا عارفه مكان شغله وروحت عنده في الشغل
ومش قادره اقولكم علي الشماته الكلام الفظيع اللي اتقال علي والجيران عملوا اوصيا علينا لاننا غلطنا وان انا نصيبي متشلي وازاي اخرب بيت واخد راجل من مراته وبنته مع العلم في بدايه الموضوع اتعرفت علي اخته وكنا بنتكلم في التليفون وفي مره  من ورااه كانت بتكلمني طلبت منها تقولي اذا كان في احتمال رجوعه لمراته ولو 1% قالتلي استحاله لان الاصلح للبنت انهم مايعيشوش تاني مع بعض لانهم غلطوا في بعض كتير انا طبعا سمعت التعليقات وهو اتصل بيا وبيقولي استني هعمل تليفون واكلمك تكون ماما نزلت بصراحه ماقدرتش امسك نفسي قلت له قول لها حسبي لله ونعم الوكيل قلت له في ناس قالوا ان مامتك قالت اني خطفتك من بنتك ومراتك قالي مين قالك مارضتش اقوله لان اللي قال طلب مني ماقلش عليه خوفا من المشاكل مع ام العروسه قالي مش هتقولي قلت لا قالي سلام قلت له علي فكره الموضوع اتعقد جدا هنا ومش عارفه اقولك ايه سلام وقفلنا علي كده وهو اختفي وانا مش بكلمه اتصل به بعدها ب10 ايام بابا وقاله عايزك قاله حاضر انا جاي وبابا قاله الموضوع اتعقد وانا شايف حياتك كلها مشاكل وانا مش هقدر اعيش بنتي فيها قاله عارف وهي قالتلي الموضوع انتهي ودا حقكم بس انا مش عارف اعمل ايه هي امي ولا ينفع اتخلي عنها ولا اضربها وهي نفسها عارفه عاملت ايه ومستغربه حالتي وفي حاله ترقب لي وانا اتصلت باختي قلت لها امك مش عايزه تسبني في حالي قالتله انت عرفت هي اتصلت بيا وقالتلي انا عكت الدنيا وروحت الفرح وقلت كذا كذا وحكوا له كل الكلام اللي اتقال ومامته مسكت المصحف وقالتله خلاص شوف حياتك وانا مش هدخل في حياتك تاني وبابا بيرجع له الشبكه رفض ياخدها وقاله بستئذنك انها تكون هديه لها مني بابا رفض وهو رفض وقاله خلي الحاجه عندك عشان لو ربنا اكرمني اقدر ارجع تاني بعد ما هحل مشاكلي وبابا رفض وقاله لو بنتي اتقدم لها حد هوافق قاله ربنا يبارك لها واختفي تاني وفي العيد اتصل عيد علي بابا واستاذنه يعيد علي اخويا وجوز اختي وانا بعتلي رساله قالي مش هتنازل عنك ابدا واختفي تاني لحد من يومين اتصل علي بابا بس بابا مارضيش يرد عليه ومش عارفه ليه ولا اقدر اسال بابا
بحكي لصحبتي اللي عرفتني عليه قالتلي مامته راحت لصحبتي اللي انا عرفته عن طريقها وقالت لها انا ابني مش بتاع جواز وبيتكلم وبس وصحابتي خافت ازعل وقالتلي شكلها غيرانه جدا ومش عايزه ازعلك دا من اول ماعرفت اننا لبسنا الشبكه
انا عارفه انه بيحبني وبيخاف علي صحيح مجنون شويه وساعات ردود فعله غبيه بس هو بيتاقلم معايا عشان مازعلش طلباتي اوامرله لو طلبت حاجه مش بيستريح الا لما يعملها غير اني نفسي اكون ام انا ربيت ابن اختي واحساسي انه هيدخل المدرسه وهتاخده مني وتروح بيخوفني جدا احساس اني ممكن اكون في الدنيا لوحدي وبابا راجل كبير عنده 74 سنه ومش بشتغل وكل واحد يحاول يسيطر علي حياتي اذا كان اجواز اخواتي واخويا ومراته اللي مش بتفق معها ببق نفسي اموت لما الاقي عمري بق 32 سنه وانا احق بكلمه ماما لانها واخده قلبي وعمري وروحي
بس انا زعلانه منه جدا وزعلانه من رد فعله معايا صعبانه علي نفسي عشان البهدله اللي انا فيها بفكر لما يتصل مارجعش تاني بصراحه قلقت منه بس معه هلاقي حد يحبني وهكون ام مش عارفه ايه رايكم
اسفه علي الاطاله بس بجد ساعدوني محتاره وخايفه

مشاكل وحلول ذات صلة

اضيف بتاريخ: Saturday, April 13th, 2019 في 05:07

كلمات مشاكل وحلول: , , , , ,

2 رد to “امه فرقت بيننا وخليتنا نفسخ الخطوبة بعد العيد”

  1. سنبلة
    15/11/2021 at 17:33

    صديقتي .. مشاكل كثيرة بفترة الخطبة العمر طويل انتي هتقدري تتحملي كل يوم من اخته و امه ؟
    الزواج يجب ان يبنى على الحب و التفاهم و الأدب و الأخلاق
    صدقيني الأفضل تتركيه مهما كان الرجل يحب الفتاة عندما يتزوجها سيزول الحب و يبقى التصنع ..
    تمسكه بك رغم المشاكل ليس حب انما أمر طبيعي يحصل عند الانسان لحظة شعوره بأنه سيفقد شيء
    لكن ما ان يتزوجك ستبدأ المشكلات و سيتم الطلاق لا قدر الله قبل جلب الأولاد لأنه كما قلت لك عندما يتزوجك سيشعر أنه حقق ما يريد و سيسعى عندها لكسب رضا أمه التي ستعمل جاهدة على طلاقك
    و عندها ستبدأ المعاناة و الحزن و الندم
    الحل الصحيح أن ترفضي هذا الشخص حتى و ان وافقت أمه
    نصيحة لأجل الحياة الطويلة القادمة
    أتمنى ان يكرمك الله بواحد أفضل منه و ليس لديه مشاكل
    اصبري …

  2. hema
    14/04/2019 at 07:57

    اختى الجواز هو تلاقى عائلتين وليس فقط شخصين ولو استمريتى انتى اكتر انسانه هتتعذبى الست وبنتها مش هيسيبوكى فى حالك انصحك فك الارتباط وربنا يكرمك بالنصيب الاحسن

اترك رداً أو حلاً لهذه المشكلة