السلام عليكم يا اخواتى انا هدخل ف الموضوع على طول انا من 6 سنين كنت بحب ابن خالتى بس كنت مع نفسى مكنتش مبيناله ولا هو كان مبينلى وف يوم لقيتو كلم جوز اختى انه عايز يرتبط بيا جوز اختى نصحه انه يستنى شويه لما يكون نفسه خاللللص عشان اهلى ميرفضوش المهم اتكلمنا وحبيته اوى لانى شوفت فيه حاجات مكنش شيفاها فيه كفايا انه بيخاف عليا من نفسه وقالى بلاش نقول كلام حب عشان اولا ربنا يسهلنا وثانيا عشان متعبكيش وانتو طبعا فاهمين ليه بس المشكله ف امى لما جه اتقدملي ماما رفضت بشده لانه اقل منى ف التعليم والمستوى الاقتصادى وقالتلى اخواته سواقين ولما تجيبى عيال هتقوللهم عمكم سواق ولما كلمها قالتلو كلا يجرح قالتلو شوف انت فين وهى فين بص على قدك وبعديها ضغتط عليا عشان اسيبو بكل الطرق وفعلا سبته لفتره الفتره دى امه كلمتنى وقالتلى انه بيموت ودخل المستشفى عشان قطع الاكل ورحتله المستشفى لقيته عضم نايم على السرير المهم بعديها بفتره وبعد الحاحه اننا نرجع انا برضه مكنتش قادره على البعد رجعنا بس واتفقنا انه يخش اى كليه ويكون نفسه عشان ماما ميبقاش ليها حجه بس انا عارفه انها مش هتوافق لانها عيزانى لواحد ف كليه هندسه ومش عارفه اعمل ايه ومحدش يقولى اتكلمى معاها ماما صعبه جدا معايا ومعندهاش حاجه اسمها تفاهم فكرت انى اهرب واروحله بس منتجوزش الا لما ماما تقول خلاص انا موافقه بس هو مرضاش قالى لا انا مرضهلكيش انا عيزك وعايز فرحك الناس كلها جمبك بيباركولك مش عارفه اسيبه ولا اكمل طب هعمل ايه مع ماما
مشاكل الحب
امى حكمت علينا ان نموت
اضيف بتاريخ: Thursday, September 9th, 2010 في 02:38
كلمات مشاكل وحلول: ابن الخالة, الام, الاهل, الحب
هو دخل كليه اصول دين ولمحت لامى وجت منها رفض شديد والاهانه لى وله وكمان العريس اللى عايزه تجبهولى هيتقدم اخر السنه ومش عارفه اعمل ايه خايفه تضغط عليا زى المره اللى فاتت وتخلينى اسيبه عشان هى عارفه انى بقلق على بابا عشان هو عنده امراض وبتهددنى ان الموضوع هتوصلهوله وانا بخاف على زعله وكمان انا عارفه ان مستحيل بابا يوافق ادام ماما مش موافقه ياريت تسعدونى
من فهمي لكلامك الذي قرأته
يتضح لي أنه شخص غاية في الاحترام وبالطبع أمك على ضلال إن تركته يذهب من يدك،،، حتى أني أحببته من كلامك عليه “أنا شاب حتى لا تغاري عليه” هههههه
طالما أنك متمسكة به وهو كذلك فلن تكونا إلا لبعض إلا أن يشاء الله،،، ولو شاء الله فلا راد لقدره،،، وعليك بالرضا بما قسمه لك وله….
ولكني أرى أنه سيكون لك وستكونين له بإذنه تبارك وتعالى…
ولكن هل لك جد أو خال أو عم،،، ومن المستحيل أن تتزوجي من الشخص الذي تريده أمك،،، حتى لو كانت مع الاعتذار ستقتل نفسها لأنها حياتك أنت والشاب به مواصفات قياسية،،، أنادي بها دائما لأن الشاب الذب يحب خطيبته لا يقبل عليها أي كلام أو علاقة غير شرعية حتى لو كانت منه،،، وهنيئا لكما،،، ولكن أخبريه أن يكون أقوى مما هو عليه،،، فكيف يترك الطعام من أجل رفض والدتك،،، ليس حلالا أن يفعل ذلك فإنه ارتكب خطيئة كبيرة بذلك،،، ولكن سامحه الله…..
أما الحل في المشكلة عندك فهي…
قبل الحل اعلمي أنه لا يجوز للمرأة أن تتزوج بدون ولي….
والولي هو رجل وليس امرأة…..
يبدأ الولاية الأب… فإذا جاء من ترضين به خلقا ودينا وهو ذلك الشاب،،، فعلى الأب أن يوافق،،، وإن لم يوافق فإن الولاية تنتقل إلى الجد،،، وإن لم يوافق تنتقل إلى أحد اخواتك ولإن لم يوافق الجميع فإن الولاية تنتقل إلى القاضي،،، ورأيي الشخصي أنه لو كان لا يوجد حل خلاف القاضي فعليك به،،، لأني أرى هذا الشاب رائع لك وخاصة أنه قريب لكم فأنتم تعرفون أخلاقه ولن تحتاجوا للسؤال عنه،،، ولن يكون مخادع لكم…
فالحل الأخير هو المحكمة الشرعية “محكمة الأسرة”….. لأن أمك تقف في طريق سعادتك ولكن حتى لو حسمت الزواج على خير بالمحكمة فلا تقاطعي أمك حتى لو قاطعتك هي،،، ولا تنسي قوله تعالى “وصاحبهما في الدنيا معروفا”….. ننتظر الخبر السعيد بإذن الله عما قريب….
هو اكبر منى بخمس سنين بس هو قبل منقرب لبعض كان بيسقط كتير عشان مكنش حد بيقوله ذاكر ولا كان لما تطلع النتيجه كانو بيسالوه عملت ايه عشان مامتو منفصله عن باباه وباباه اتجوز وحده تانيه ف بلد تانيه وبعد عنه بس بعد ماعرفنى قالى انه مش هينفع ارتبط بيه وانا اعلى منه ف التعليم فقرر انه يخش كليه بس هو لسه التنسيق متطلعش لسه بس ان شاء الله هيخش كليه اسلاميه انا كنت اكبر منه بسنه ف التعليم بس انا سقط سنه اولى ف الكليه عشان يبقى قدى ف التعليم بس طبعا هو ميعرفش كده هو فاكر ان انا سقط عادى ولو عرف ممكن يزعل منى اوى بس والله هى جت كده بس انا كنت نفسى اسقط عشان كده فربنا قدرلى انى اسقط وعلى فكره هو يكون ابن خاله امى مش ابن خالتى بس احنا ف علتنا بنقول عليه ابن خالتى وعلى فكره مامته لما اتقدمت لامى وهى خالتها اتكلمت معاها بطريقه وحشه جدا ولما هو خد منها السماعه عشان امه اترجت وقال عشان مامتك متغلطش اكتر من كده امى قفلت ف وشه السماعه يا جماعه انا عايزه حل اعمله عشان نرتبط ببعض رسمى بقى بصو احنا دعينا كتير اوى ومفيش حد واقف جمبى غير ربنا معايا باذن الله سبحانه وتعالى فلازم الاقى حل اعمله عشان ماما توافق معلش دوشتكو معايا بس اعزرونى انا بقالى 3 سنين مشاكل مع ماما
اتحدث بمظور اسلامىحيث انا خريجة جامعة تخصص دراسات اسلامية تعريف عقد الزواج هوايجاب وقبول من كلا الطرفين ما في زواج فى الاسلام غصب يعتبر باطل اما امك لازم انتى تصلى قيام ليل وتدعى الله يهديهاويفهمها الصواب والام مهما كانت صعبة التعامل مع الزمن بتلين ادا انت مصممة على حبك وكمان لازم تلتزمى بقرائة سورة ياسين بنية الله يسهل امرك للخير وهدا ممكن يدخل احد الاقارب الى عزيز على على امك يتكلم معهاوالله على ما اقول شهيد
اختى الفاضله ازاى ابن خالتك اقولك حاجه اقعدى مع مامتك واحكى شويه معاها وقولها ليه رفضه وشوفى وع فكره اكيد ف حاجه تانيه غير موضوع انه يكمل كليه اكيد فى حاجه وهى مش عاوزه تقولها وحاجه تانيه مفيش ام تشوف بنتها متعذبه وتسكت وفى الاخر هى عاوزه مصلحتك و صلى صلاه استخاره وربنا اكيد هيهديكى لطريق الصحيح
السلام عليكم * هاذى أم مريضة نفسانيا قالت اخوانه سواقين وهو ابن خالتك يعنى امك اخت امه وقولى لامك وانتى ابناء اختكى سواقين عيرينها بأختها هاكذا الناس صارت تقيس موازين الناس فى هاذا الزمن الأغبر ؟؟ لا حولة ولا قوة الا بالله حتى المهن صارت الناس تعاير بها ليش هم شحاتين ؟؟ سيدنا علي تزوج السيدة فاطمة الزهراء وكان مهرها خاتم من حديد النظر الى الناس بعين الاستحقار حرام ** ويقول الرسول عليه الصلاة والسلام من تواضع لله رفعه ** والله هاذا الشاب خلوق وابن ناس ماحب يضحك على عقلك ويلعب بشرفك مثل مايفعل الكثير من الشباب التافه وانا منهم والعياذ بالله اراد ان يحافظ عليكى احرصى على هاذا الشاب وارمى كلامك امك المتكبرة فى الزبالة هاذى ام مو شايفة نفسها ومتكبرة على الناس والله ثم والله امكى لا تسوى اقل من جناح بعوضة عند الله سبحان وتعالى ** ناس كانت تسكن قصور وفى يوم وليلة صاروا يسكنون فى الحفر من تكبرهم على خلق الله ** الرزق يمنحه الله لمن يشاء ويأخذه ممن يشاء صبرى ابن خالتك وحاولى لا تفرطين فيه والله صعب تجدى شاب مثله فى هاذا العصر والله العظيم حتى انا لست مثله ** لا تنسى لا تسمعى لامكى لان من راح ينام معاكى فى غرفة واحدة ليست امك ولا احد الا زوجك المهم يكون خلوق وابن ناس ** الرسول كان فقير ويتيم وتزوج امنا خديجة ذات الجاه والمال وكانت هية اغنى منه ** المهم الهناء والسعادة ** السلام عليكم وتقبلى تحيات أخ تونسى مغترب
السلام عليكم ورحمة الله وبركاته
اختى العزيزة انا عارف جيدا النوع اللى زى والدتك ربنا يهديها
هذا النوع من النساء مفيش حاجة بترضيهم ابدا ولهم رأى دائما محخالف لمن حولهم ويستميتوا من اجل رأيهم ولو كان خطأ وعادة لا يتراجعون ابدا ربنا يهديها
حتى لو دخل كلية الهندسة حتى ولو كان متفوق فستجد عيبا آخر ولن تهدأ
انا رأيى شوفى حد ينفع ولى شرعى لكى غير امك مثلا عمك او اخيك الكبير وان كان والدك موجود فهو افضل واحد
وحاولى ان تقنعيه بهذا الشاب الصالح
ونصيحة منى لا تتركى هذا الشاب وتمسكى به حتى الموت فقليلا ما ستجدين من مثله وايضا لو تزوجك فسيكون بعد عناء وتعب ولن يتخلى عنك ابدا وسيكون نعم الزوج ان شاء الله
وارجو ان توافينا بالتطورات ان شاء الله لنتعلم جميعا من جامعة الحياه
سبحان الله وفيها ايه الازهر هو الازهر بقى عيب ولا الكليات الاسلامية بقت جريمة بالعكس ده اشرف علم هو العلم الشرعى
بس على فكرة انا حاسس او والدتك فى حاجة تانية فى دماغها
طيب هو ليه ما دخلش كليه لحد دلوقتى ؟ ولا هو اصغر منك ولسة هيدخل كليه ؟؟؟
وهو بيشتغل ايه دلوقتى ؟؟
وعلى فكرة مش شرط انه عشان ازهرى يبقى انسان متدين .. انا عارف انا بقولك ايه لانى ازهرى بردو وعارف الكلام دة
ياجماعه اختى وجوزها كانو واقفين جمبى ف الاول بس بعد كده ماما زعلت منهم فوقفو ضدى عشان يكسبو رضا امى لانهم مش عايزين مشاكل كل الناس واقفه ضدى انا حاسه انها معركه مش مشكله جواز وهو والله شيفاه بيعمل المستحيل عشانى هيدخل كليه بس اقل منى مش كتير يعنى عشان انا ف تربيه وهو هيخش كليه اسلاميه من بتوع الازهر عشان هو ازهرى والله متدين جدا وطول الوقت يقولى انا عارف ان اللى بنعمله غلط وربنا زعلان منى مع اننا مش بنكلم كلام حب يادوبك بنطمن على بعض ونقفل وبسم الله ماشاء الله بيصلى ف المسجد على طول وعلى طول بيعد ينصحنى فالدين عشان كده انا مطمناله اوىعشان متاكده انه عمره ماهيزعلنى باذن الله ولو زعلنى هكون انا الغلطانه ادعولى بس ياجماعه اننا نتجوز
والله حاولي تكلمي مامتك وربنا يكرمك ويشيفيه لان هو عنده حق انتي حتهربي تعملي ايه هو بيخاف عليكي وبيحبك وربنا يهديها ليكي وحاولي اختك تكلمها وهو يدخل كليه كويسه وجوز اختك يكلمها وربنا معاكي يارب ويهنيكي يارب
بصى ياانسة امك عيشة فى زمن السنونو الى انتها من عصور والفرق الاجتماعى والكلام القضا ده ما علينا الولد دة جدع وبيحبك ومسلم وبدال انتى عرضتى انك تهربى معاه ورفض يبقى ولد تمام بس ما تحملهوش اكتر من طاقتوا وكلية وبتاع يعنى الوقت دة يستغلوا يجيب جنهين احسن الناس معها شهدات وبتشحت فىى الشوارع وبنات كتير مش لقيه عرسان انا رئى تكملى معاه وربنا يهدى امك عرفة اكبر زنب يتخدوا الاهالى الايام الى بنعشها دى انهم بيصعبوا الجواز وما بيراعوا الله المفروض فى الاسلام الجواز ميسر وليس معسر ومش لازم كلية تمام علشان كدة الزنا والفتنة بتنتشر بنا بسبب الى زى امك وغرها كتير
ربنا يوفئك بس اوعى تسبية انا استفتحتك اول واحد بيرد على موضوعك ربنا يكرمك ان شاء الله
بصراحة انا مستغرب انتي بتقولي ابن خالتي طيب ازاي ماما مش موافقة المفروض هيا اللي كانت تشجعك . انصحك صلي صلاة الاستخارة. والله الموفق
اختى الكريمة … انا عارف المعاناه اللى انت بتعانيها
اولا انا عايز اسألك سؤال .. هل ابن خالتك انسان متدين يعرف ربنا ان شاء الله هيتقى الله فيكى ؟؟ ولا هو انسان عادى من بتوع الايام دول ؟؟؟
ان بسال السؤال دة لان ردى هيعتمت على اجابتك
لو هو انسان متدين وكويس وعلى خلق يبقى الموضوع اتحل بنسبة 50 فى الميه وال 50 فى المية الباقية هقولك هما ايه
ولو كان لاقدر الله شاي عادى من بتوع الاغانى والنادى والهلس دة يبقى احسنلك تسيبيه وتنسيه
ال 50 فى الميه اللى قصدى بيهم هما الكفاءة فى الزواج .. بعض علماء الفقه اشترط الكفاءه فى الزواج بين الزوجين .. يعنى ما ينفعش هو مثلا يكون بيتشغل فراش او ساعى فى مدرسة وهى معها مؤهل عالى .. والكفاءة بتكون معتبره فى الرجل وليست فى المرأة لان الواحد ممكن يتجوز واحدة اقل منه فى المستوى ..لان الراجل هو اللى بيرفع زوجته مش هى اللى بترفعه
بس والدتك غلطانه فى نقطة .. وهى انها عايزة تجوزك واحد من هندسة .. معناه ايه الكلام دة .. والدتك بتبص للمظاهر .. وانا خايف ان ربنا يعاقبها ويبعتلك عريس فى هندسة بس ميكنش كوبس معاكى
المفروض انها اول حاجة تبص للعريس لدينه .. مش لكليته
طيب انا عايز اعرف .. هل لو لتقدملك واحد خريج كليه تجارة مثلا بس كان انسان متدين واخلاقه وسمعته عاليه هل ممكن ترفض ؟؟؟ لو رفضت يبقى تفكيرها غلط
بصى انتى صلى صلاة استخارة وشوفى ربنا هيقجرلك ايه .. وياريت تسالى فى الموضوع شيخ من الشيوخ .. بس ميكنش شيخ وخلاص .. لا يكون واحد بيعرف ربنا ومعروف عندكم فى المنطقه ان راجل فاضل وعاقل
وان شاء الله ربنا يقدرلك اللى فيه الخير .. ونصيحة تانية ليكى فى مثل هذه الامور فكرى بعقلك مش قلبك لان الجواز عشرة عمر مش لعبه وياما ناس اتجوزا بعد قصة حب طويلة ودلوقتى بيكرهو بعض ومحدش عارف الخير فين غير ربنا