بسم الله الرحمن الرحيم انا بنت ٢١ سنه بعيش في عيلة مترابطة قوي يعني في عمارة واحدة و دايما خيلاني و خالاتي و بابا و ماما في بيت جدتي و طبعا عيالهم خصوصا اولاد خالتي الكبيرة .
كنت بلعب معاهم كتير اوي و كنا صحاب جدا. انا و اختي كنا معجبين جدا بابن خالتي الكبير بس هو أصغر مني بسنتين و اكبر من اختي بسنة
اعتبرت الحب ده لحد اعدادي هبل عيال بس فضلت احبه و ازداد حبي ليه و اختي برضو فضلت تحبه الي خلى علاقتي بأختي وحشة اوي من كتر الخناقات بسببه
و هو كان عارف حبنا ليه بس مقالش حاجة خالص عشان ميزعلش واحده فينا شويه شويه حسينا انا و اختي ان هو منجذب ليا اكتر و دايما بيبصلي خصوصا ان احنا في نفس البيت معظم الوقت و ده خلى اختي تكرهني اكتر
و حسيت مع الوقت أنها مش بتحبه اصلا و بتحاول تغيظني بس المشكلة بقى ان هو الاسبوع اللي فات اتقدملها هي و طبعا وافقت عشان تغيظي و انا بقيت متأكدة من طريقتها أنها مش بتحبه اصلا بس مش عارفه اعمل ايه اقوله أنها بتغيظيني بس ولا اسيبه يتصرف ممكن تحبه بعد شوية و يتهنوا مع بعض و كلامي يكون سبب في ان ده ميحصلش غير ان انا بحبه فعلا و مستعدة اعمل اي حاجه عشانه و هو شاب مؤدب و لطيف
يا ريت مكونش طولت عليكوا ❤
الحب بين الاقارب
بحب ابن خالتي بس هو بيحب اختي
اضيف بتاريخ: Sunday, June 6th, 2021 في 19:16
كلمات مشاكل وحلول: ابن الخالة, الاخت, الاقارب, الحب, اولاد الخالة, بنت, بنت الخالة
يجب عليك مصارحة أختك بعيداً عن المشاكل بأسلوب لائق وتتأكدي إذا كانت تحبه أم لا ، ومصارحة ولد خالتك اذا كان يحب أختك فعلا ، اذا كان الجواب نعم للطرفين ، يفضل عدم التدخل الموضوع قد يكون مؤلم بالنسبة لقلبك ولكن يجب أن يكون عقلك هو من يتحكم في قراراتك لا قلبك