العنوان فعلا حقيقى لانى بكره الناس جدا لدرجة انى عايز اقتلهم واحد واحد انا شاب بس مش زى اى شاب فى الدنيا دى انا مختلف تماما كان نفسى اكون انسان عادى بس الظروف مسمحتليش انى اكون طبيعى انا الناس بتكرهنى فى كل حتة فى البيت فى الشارع وحتى قاريبى بيكرهونى ويوم ما اعمل حاجة غلط بيمسكوها عليا وكانى عملت اكبر مصيبة فى حياتهم كنت بقول خلاص انا عازرهم بس عمرهم ما بيعذرونى ومش عمللى قيمة ودايما بيعاملونى زى الخدام وحتى شباب العيلة بيحترموهم ومقدرينهم اكتر منى لكن انا دايما الكره والوش المعفن يبقى ليا انا زهقت من حياتى كلها لدرجة زى ماقولت فى اول الموضوع عايز اقتل وهعملها بس مش دلوقت وكل حاجة بتيجى باوانها والناس اللى فى الشارع دايما بيبصو ليا على انى مغرور ومتكبر وان مفيش حد حتى بيضحك فى وشى مع انى طيب وعمرى ما اذيت حد ولا حتى فيا الصفات بتاعة الغرور محدش حاسس بيا وكله مفكرنى انى عايش حياة حلوة ودايما الكره ايضا والبغض ليا وحتى فى البيت ايما مشاكل مع امى واخواتى ومحدش بيضقنى فى البيت انا ياناس مكروه من كل جانب حواليا حد يقولى اعمل اية بدل ماقتل اى حد قدامى
مشاكل الشباب النفسية
انا اكره الناس
اضيف بتاريخ: Sunday, October 7th, 2012 في 10:37
كلمات مشاكل وحلول: شاب, مشاكل الشباب
والله انا بحب ربنا وكل ما احاول اقرب منه المشاكل تكتر قوي وترجع الواحد امر من الاول زي ما يكون الشيطان مش وراه حد غيري ابليس بنفسه بيوسوس احيانا مبيقدرش عليا وبيشتغل علي اللي حوليا اذا كبرت دماغي المشاكل بتتقل واذا واجهت تولع وتخرب اجي افكر انتحر ارجع واقول حرام هيبقي عذاب دنيا واخره وحاسس اني لو عشت اكتر من كده هعمل مصيبه انا عايز اكسب اخرتي بس مش باينلها مكسب انا بقول الناس اللي بره مش مشكله لكن بتيجي من جوه البيت انا هسيب البيت واحاول اعيش لوحدي لحد ما اموت او الناس كلها تموت واعيش في الدنيا لوحدي انا زهقان
والله العظيم انا زيك بالظبط بس الفرق اني مكبر ومهمنيش
حد المهم انت ربنا يكرمك بحسن خلقه
والله نفسي احب واحد زايك بضبط عشان لو هو يكره كل ناس هيحبني انا لوحدي ومش عايز اي حد تاني 🙂 بس لاتخلي ده مشكلة صدقني يوما ما هتلقي الحب اللي تستاهله بجد ولو تقدر سافر وابتعد عن البيئة اللي انت عايش فيها,,,
يمكن بجد انت كدا بس مش شايف بنفسك حاجة لانه الانسان دائما بشوف اخطاء الاخرين وما يشوف خطئو حاول تحلل شخصيتك صح علشان لو فيك الغلط تصححو وكمان الناس لما بتشوفك انت الي بتدحك في وشهم اكيد حيدحكو في وشك
بص اقسملك بالله انى زيك تمااااااام بس الفرق بينى و بينك انى مش بفكر كتير بعمل اللى انا عايزه و العيله تتحرق و كل اللى شايفنى وحش يولع . . بص اكيد فى يوم هتلاقى ناس و اصحاب يفهموك ركز فى دراستك لو بتدرس و لو انتا ثانويه عامه زيي شد حيلك و ادخل كليه كويسه هتلاقى كله بيتلزق فيك لأن الناس دى كده صنف زباله بيموت فى المناظر 🙂
على فكرة انا كنت زيك كده بالظبط بس لما قربت من ربنا حسيت بأختلاف تااااااااااااااااام فى كل حاجه ..
جرب كده تصلى وتقرب من ربنا وانت هتلاقى نفسك مش محتاج ان الناس تحبك هيبقا هما اللى محتاجينك تحبهم ….. واتمنى لك السعاده من كل قلبى
مرحبا انا برايي ابتسم واضحك دايما لان البسمه في وجه اخيك صدقه ولو همه فعلا بيكرهوك لمى بيشوفوك مبتسم وتضحك دائما حيعرفوا انك شخص كويس وطيب وحيندموا على معاملتهم ليك او واجههم في تصرفهم ليك ولكن باسلوب جميل وياسيدي بيكرهوك دول اكيد بيغيروا منك
بص سيبك من كلام غضب الله والكلام ده كله لان رحمة ربنا واسعه جدا والمصاب هو الي ربنا بيحبه
لانه بيخفف من مصابه ده الذنوب اول حاجه تعملها لازم تعرف ان دي وساوس وكيميا مش متظبطه في المخ ده مرض نفسي زي في ناس وانا منهم جتلي احيانا حالات كنت بسب فيها الله في نفسي غصب عني بص انا اتجهلتها وروحت لدكتور وصفلي مهدئات وطنشت الوساوسس دي وراحت لوحدها الحمد لله المهم حافظ على صلاتك وروح لدكتور مش عيبه المرض النفسي زي اي مرض عضوي بل هو اخطر كمان وان شاء الله ربنا يشفيك
دور جوة نفسك – متبعش نفسك – احترم نفسك – متخفش من حد – متططيش لحد
انت اكيييييييييد مش بتصلى…….علشان اللى بيصلى بتقى عنده راحة نفسية من كل حاجة فى الدنيا وغير كده من احبه الله احبته الناس ومن علامات رضا الله على العبد حب الناس ليك …وانا مش مصدق معقولة بتتخانق مع امك دى هى القلب الحنين اللى بيفضفضله الواحد لما الدنيا بضيق عليه اول حاجة تعملها تصلح علاقتك مع ربك وبعدين مع امك واخواتك علشان الواحد ملهوش غير امه واخواته فى الدنيا دى وباقى الناس ملكش دعوة بيهم علشان احنا دلوقتى فى زمن محدش بيحب حد …ومتقوليش حاولت انى اصلح علاقتى معاهم انت اصبر وشوف النتيجة ح تكون ايه وحتى لو هما متغيروشوا معاك من اول فترة اصبر ومتيأس الحاجات دى مش بتيجى بسرعة ..واقاربك اللى بيكرهوك دوله اكيد غيرانين منك يااما هم اصلهم مش طايقين مفسهم فبيطلعوا على اللى حوليهم…وتذكر قول الله عز وجل لا يياس من رحمة الله الا القوم الكافرين …وحاول تشغل وقتك باى حاجة علشان متفكرشى فى الحاجات دى …وفى اى مكان ح تروحه ح تلاقى اللى يحبك واللى يكرهك ويمكن اللى يكرهك اكتر….اهم حاجه انك تصلى تصلى تصلى ..علشان اللى مش بيصلى ربنا بيضيق عليه الدنيا قوى ..وسيبك من الناس يخبطوا راسهم فى الحيط مالك بيهم لما تروح تقتل حد فيهم وتقضى عمرك كله فى السجن وبعدين تاجى تتندم ووقتها مش ح يفيدك الندم بحاجة وح تبقى خسرتك دنيتك واخرتك..واهم حاجة افتكر ربك سبحانة وتعالى
كان ممكن اتكلم معاك باسلوب النصيحة لكن بما ان الموضوع فيه قلت يبقى لازم تعرف انى لا يمكن احترم ابدا اللى ميرضاش بقضاء الله قدره اقل خير ممكن تعمله انك تكف اذاك على الناس مهمتك فى الدنيا انك تعبد الله تحت اى ظروف ملكش دعوة بالناس عاملهم كويس عشان ربنا على الاقل مش عشان نفسك ركز على جمع الحسنات وبس وفكك من الافكار السخيفة دى وفوق ماللى انت فيه وخليك متفائل وقرب من ربك هوا احن عليك من اى حد
اتقرب من ربنا وصلي كتيييييييييير واستغفره (ومن يتقي الله يجعل له مخرجا ويرزقه من حيث لايحتسب) واستحاله كل البشر تجتمع علي كره انسان واحد الا بسبب قوى دور في طبعك وشخصيتك وشوف انت بتعمل ايه بيدايق الناس دى منك ويخلوهم يكرهوك وحاول تغير من نفسك ومن معاملتك وانسي خالص فكرة القتل دى لان القتل حرام واعرف ان من قتل يقتل ولو بعد حين , واللي يقتل نفس بغير حق عقابه كبير اوى عند ربنا
انت اتخذ قرار من هلا قبل ما تنام وتقرا اية الكرسي ادعي الله يصبحك على يوم جديد بوجه جديد وفكر جديد ولما تصحى وقبل ما تقوم من فراشك تفاؤل انو احسن يوم رح يمر في حياتك اغسل وجك وروح صبح على اهل البيت واحد واحد بوجه بشوش حتى لو حاسس بحقد ناحيتهم امشي بنظام جديد وهو تجاهل كل ما فات ..لما تطلع قلهم السلام عليكم وان شاء الله انتظروني ع الغداء لما تطلع صبح على جيرانك واسال عن احوالهم صحيح رح تلاقيها صعبة بما انك تكره كل الناس ومش متعود ع هيك حركات وهوما رح يستغربو بس لا تفكر كثير انت بس عليك بالابتسامة في وجه الاخرين ولا تنسى تبسمك في وجه اخيك لك صدقة انوي اليوم تجمع اكبر عدد من الصدقات حتى تمحو كل سيئاتك حتى لو مش شايف نفسك مغرور تواضع اكثر واكثر امشي في الطريق وحاول تساعد اي حدا محتاج مثل المسننين واحد اعمى وجهو للطريق رح تلاقي دعوات الخير وراك رح تشوف الحياة ابسط من كل يلي حكيته رح يتغير كل شي بمعجزة صغيرة جدا منك وهي الابتسامة جرب يوم واثنين وثلاثة بعدين رح تلاقي الكل يجون يسالون عنك وشوي شوي رح يروح الحقد يلي بقلبك ناحيتهم وصحيح مش رح تنسى يلي فات بس رح تذكرو ع اساس فترة ومرت ان شاء الله ولا تنسى تكثر من الدعاء في صلاتك في ركوعك ادعو الله يحبب خلقه فيك احب الناس يحبوك تصرفاتك هي يلي تشتري الحب والكره وانا مجربة هالشي كنت في مثل حالتك واكثر لكن الحمدلله رغم ان في ناس يكرهوني بس بتصرفاتي اجبرتهم على احترامي وحتى على مدحي حتى لو في قلبهم ره ليا افهم هذا ولا تندم ولك مني كل دعوات الخير ..والله يملأ قلبك بحب الله ان شاء الله يوم تحب خالقك عن جد رح تحب كل خلقه من شرير و طيب والسلام عليكم ورحمة الله تعالى وبركاته
حاول تسافر وتتعرف على ناس جديده وتتعامل معاهم وتخليهوم يحبوك اعمل لنفسك حياه جديده من الاول وربنا يوفقك لانك لو فكرت فى القتل بردوا مش هتخليهم يحبوك ومش هتحل المشكله والقتل حراااااااااااااااااااااام سواء للنفس او للغير وشكرا
يا هذا هذه علامات غضب الله عليك فتش فى ذنوبك وتب وارجع الى الله سبحانه وتعالى
يقول المصطفى صل الله عليه وسلم اذا احب الله عبدا نادا على جبريل فيقول يا جبريل انى احب فلان فاحبه فيحبه جبريل ثم ينادى جبريل على اهل السماء ويقول يا اهل السماء ان الله يحب فلان فاحبوه فيحبه اهل السماء ويضع له القبول فى الارض ( يعنى الناس تحبه) اما اذا سخط الله على عبد ( يعنى غضب عليه ) ينادى على جبريل فيقول يا جبريل انى ابغض فلان فابغضه فيبغضه جبريل وينادى فى اهل السماء يا اهل السماء ان الله يبغض فلان فابغضوه فيبغضوه اهل السماء ويضع له البغضاء فى الارض ( يعنى تلاقى الناس مش طايقة تبص فى وشه ) توب وارجع الى الله واقسم لك بالله هتلاقى الدنيا اتغيرت معاك بس تكون بتوب عشان خاطر ربنا يرضى عليك مش عشان الناس ربنا يوفقك