انا بحب شخص عرفنى معنى الحب ويعنى كلمت حب وعرفنى ان الحب دة مش مجرد كلمه انا بجد حبيته جدا وهو بيحبنى بس هو متجوز وانا هكون الزوجه التانيه انا موافقه وبضغط على اهلى عشان بحبه بس مش دى المشكله انا فى ناس كتير قاله ان هتعب لانه متجوز وانا بقولهم لا بس بكدب على نفسى انا بكون واحده تانى لما اعرف او احس انه بيكلم مراته بتعب اوى وبغير جدا جدا بس انا بحبه وانا متاكده انه بيحبنى اوى بس مش عارفه اعمل اية انا مش عارفه افكر لانى معاه بفكر بقلبى بس مش عارفه اتعايش مع الموقف اعمل اية اعمل نفسى عبيطه ولا ارضى بالامر الواقع ياريت حد يرد عليه بعقل مش كلام نت ياريت وبصراحه
فتاة مجهولة
نفسي أعرف ازاي أنتي تحبي وأحد متجوز،،ازاي ترضيها لنفسك إنك تكلمي وأحد خاين لزوجته بيكون نايم جنب زوجته وهو بكلمك ،،،،،اعتبري نفسك مكان هذه الزوجه وزوجك بيكلم وحده تاني إزاي إحساسك رايح يكون في وقتها ،،،،،حرام عليكم انتوا بتضيعوا معني الحب الطاهر بالاشياء إللي بتعملوها ده وبعدين الوحده وتيجي وتقولي أصله أنا بحبه أعمل إيه طيب ،،،بلاش منه الحب الفارغ ده وبصي علي أمك وابوكي واحساسهم لما يعرفوا أنه بنتهم بتحب وأحد متجوز،،،،انتي عارفه هم رايحين يفكروا إزاي أقولك أنا هم هيفكروا أنهم ما عملوشي بنتهم الأخلاق لما تحب رجل متجوز
أنا عارفه أنه كلامي جارح باس هي ده الحقيقه
انا بحب واحد متجوز وعنده ولد بس مراته بنت عمو هو مش بيحبها بس مش هينفع يطلقها عشان ميحصلش مشاكل بين أبو وعمو وهو بيحبني وبيتمنالي الرضا ارضي وانا موافقه عليه بس خايفه اخويا ميرداش
بس عاوزه اقول حاجه اي يضمنلك أن الي انتي اول بختو ميرحش يتجوز عليكي واحده هي هي كل الرجاله زي بعض خدي الي يريحك وسيبك من كلام الناس
السلام عليكم ورحمة الله وبركاتة
والله انا اتجوزت واحد كان مطلق وكان في بدايته عسل ومحترم وصورلنا ان زوجتة ظلمته بعد اقل من سنتين اتجوز عليا وخذته خالص جاب منها اولاد وانا لا واتحولت حياته وفلوسة ومشاعرة كلة ليها وبنت بيت معاه صح وانا تركني كدا مجرد معلقة باكل وبشرب وبنام محروق قلبي واعصابي مطلبطش الطلاق ليه وخلصت منه دي ليها ظروف خاصة يطول شرحها لكن العبرة ان مش كل زوجة تانية جوزها هيسيبها بقى ويحن للأولى ويعرف قيمتها والهري ده ده في الافلام بس 😂😂 المهم حاجتين انه يكون انسان محترم وعنده قدرة يعدد ويعدل والشئ التاني انك تبعدي تمام البعد عن بيته الاولاني شغل طلقها وتدوري تخربي بيته مش حتشوفي معاه خير ثانية واحده اتقي ربك وادخلي حياته بما يرضي الله واهو طالما بتحبيه بقى قولي لنفسك نص العمى ولا العمل كلة وغير كل ده ياجماعة افهموا يعني ايه حب لو انتي بتحبيه وشيفاه ملك والله هتفرحي لسعادته بالعكس حسسيه وهو رايح لزوجته الاولي انه يستاهل يبقى له زوجتين وان ربنا يهنيك ويسعدك على اد تعبة في فتح بيتين وستر وليتين بس بأكد بأكد انه يكون محترم ويكون شارى بيته الاول وشاريكي ثانياً وده شرع الله لا هو عيب ولا حرام عيشوا واتبسطوا ومتحرموش مااحل الله لا ليكم ولا لغيركم بس اهم حاجة اتقوا الله في ابسط الامور ،، تحياتي للجميع
انا كمان زيك بس انا مكنتش اعرف ان هو متجوز ولما عرفت بعد بس هو كان بيحبني وحاول كتير يرجع كنت برفض واخر مره مقدرتش لان فعلا بحبه اوووي ومش قادره ابعد والله انا نصحته كتير يرجع لمراته بس هو عايزني ف الحلال وف انا عمري ماقلتله طلقها وعارفه ان الموضوع صعب اوووي بس ادعولي ان اقدر اقنع اهلي واتجوز ومن باب العلم انا منفصله وكنت متجوزه 15يوم بس وفعلا معاه انا نسيت كل اللي شفته ف حياتي ومش عارفه اعمل اي وعارفه ان أهلي مش هيوافقه بس احنا عايزين بعض
يارب حبيبك يكون من نصيبك لانى بحب من غير امل ومتاكده انى مش هتجوزه بس بدعيلك تتجوزى حبيبك لانى بحب بجد ومش متخيله حياتى من غيره ربنا يصبرنا
بصى انا هقولك على حاجة مفيش مشكلة موجودة وربنا محطلهاش حل الشرع حلل الراحل أربعة بس هو زى ما حب على مراته ممكن يتجوزك وبعد ما تتجوزوا يعرف عليكى زى ما عرفك على مراتو و ان حتى كمان هتتعذبى معاه لان ان انتى هتبقى عيزاه ليكى انتى بس بس هو لازم يحكم بينك وبين مراته بالعدل وانتى هتبقى عيزاه معاكى انتى بس ومش هتبقى مرتاحة معاه هيبقى مثلا يوم معاكى ويوم معاها او أسبوع واسبوع وانتى اكيد مش هتستحملى وهتندمى وهتتطلبى منه الطلاق ولو فى نصيب ما بينكم ربنا كتبوا هيحصل لن يصيبنا الا ما كتبه الله لنا
انت تريد
وانا اريد
والله يفعل ما يريد
انا شخصيا اتعرضت لهذه المشكلة وما زالت موجودة انى مازلت بحبه هو متزوج بس ربنا بعدنى عن الموضوع كله وده حصل علشان مكنش خير بجد لان اول ما زوجته اكتشفت انه بيكلم واحده تانية ثارت وطلبت الطلاق وهو طبعا فضل انه يحافظ على بيته بعد ما فضحته وقرر يبعد عنى تماما وميتكلمش معايا ده غير انه اتهمنى انى خربت بيته وطلع نفسه مش غلطان ولا عمل اى حاجة لان انا اساسا من اول يوم عرفته فيه وانا قلتله انى مينفعش اتزوج شخص متزوج لانى مش قليلة
بوصوا يا جماعه هو الموضوع ده بيبقى باختيار الى هتتجوز بس بجد الموضوع ده صعب انا برده وقعه فى نفس المشكله بس هو بجد بيحبنى يمكن اكتر من روحه بس انا قولتله لو عاوز يتجوزنى يبقى لازم يطلقها ولو هى هطيق ان جوزها يبقى فى حضن واحده تانيه غيرها انا بقى مش هقبل ده سؤال بقى هوده صح ولا لا
الصراحة انا كمان زيكم بالظبط ومش عارفه اعمل ايه, انا كمان بحب واحد متجوز وعندو ولد, وسعات بنتكلم عن مراتو وابنو وبيتكلم عليها بكل حب, ونه النار قايده جوايا, بس هو بيقول بيحبني, بس بصراحه مفيش راجل بيحب اتنين, ونصيحتي للبنات هنا اننا نبعد عنهم مهما كانت العواقب, الجرح بعد فراقهم صعب بس مش بيموت حد, عمركم سمعتو عن واحده قتلها الفراق والجرح؟ طبعا لاعشان كده نبعد بشويش ويوم ورا يوم هنلاقي نفسنا بعدنا عنو خالص, وبتمني تقيمو على موضوعي وشكرا ليكم
بصوا معلش انا منكن اطول عليكو شوية انا بحب واحد متجوز بس هو ماقليش انا عرفت من برا ولما باقوله انت متزوج يقولي لا والمشكلة اني بمارس معاه الجنس كل مايشوفني وان في ناس عرفت عندنا في الشارع اني بكلمه لانه ساكن قريب مننا
انا كمان ف نفس ظروفك بحبه وهو بيحبنى وهو متجوز بقاله 11 شهر وهو مش بيكدب عليا ف حاجه بالعكس بيقولى انه بيحب مراته وهى مريحاه مش بيقولى زى الباقين انه مش مبسوط ولا عايش ف جحيم بس بيقلى بحبكو انتو الاتنين ولا اقدر استغنى عنكو انتو الاتنين بس دايما يقولى انا بظلمك معايا وخايف عليكى انك توقفى حياتك علشانى
الحب مش بادينا دا بأيد ربنا وغصب عنك انتى بتحبيه مش هنصحك واقولك سيبيه عشان لو كان دا الحل ال نقدر عليه كنت عملته انا وسبته لاكن انا حاسه بيكى وحاسه بكل حاجه انتى حاساها صدقينى
بس مش بقول الا ربنا يقدم ال فيه الخير ..
,انا واقعة في نفس مشكلتك بحب واحد أكبر منى ب15 سنة وعنده أطفال وعارفة إنه مينفعش من كل الإتجاهات بس الحب ياجماعة مش بإيدنا … بس بعد كل الأراء المنطقية دى هحاول وربنا يصبرنى إنى أبعد عنه وربنا يصبرنى …
السلام عليكم بصي ياحبيبتي انا زمان كنت بحب واحد متجوزوهوكمان بيحبني بس لمافكرت بالموضوع بعقل وابعدت عنو لقيت نفسي لوتجوزت هعيش اتعس وحدة في الدنيا علشان بنيت سعادتي على تعاسة انسانة تانيةاما من نحيتو انا كنت متاكدة حبو ليا مش مستمر هيجي يوم يسبني علشان مراتو اولادولماسبتو مكنش سهل علية لكن نسيتو بقى ذكرى جميلة بالنسبة ليا وربنا دلوقتي رزقني بانسان حبيتو وحبني وان شاءالله هنتخط….بس نصيحة مني تلتزمي الصلاة وتدعي ربنا يرزقك بالصبر على فراقو وان شاءالله هتنسي وهتلاقي انسان يستاهلك وربنا يوفقك ويوفق الجميع امين يارب
بصى انا كمان بحب ششخص متجوز بحبهو اواى وهو كمان بيحبنى جدا اكتر من مراتو هو عندو طفل انا بحبو جدا مش عارفه اه\عيش من غيرى اول ماتخطبت قالى لازم اسيبك عشان بحبك مش هينفع ادمر حياتك اتعلقت بيه اكتر لانى حسيت انى بيحبنى بجدبس قلبى مش قادريبعد حولت لكن مش قدرت انسها بس المشكله خطييبى بيحبنى اواى وانا من كترحبى فى المتزوج مش عارفه احس مشاعر خطيبى بجد تعبت اواى انا حاولت ابعد مش قادرة بس باول ولجات لى ربنا مرة وعشرين بس المشكله انى قلبى صعب ينسى اول حب
حد يساعدنى بجد تعبانه اواى مش عايزة جواب يكون صعب ليا لانى مش هتحمل الاجابه
اسفه لو بشركم همومى بس كبر عنى بيوم يعرف عنى بسنه
توقيع .؟؟؟؟؟؟؟؟؟؟؟؟؟؟؟
يا حبيبتى اسمعيها من اختك موضوع الزوجة التانية ده مش سهل و البطلة بس هى اللى تستحمله لانه كله غيرة و الم لازم يكون ليكى لوحدك خصوصا انك بتحبيه جدا و بعدين انتى مش عارفة اذا كان هيكون فى الفة بينك و بينها و لا لاء راجعى نفسك و اصرفى نظر هتتالمى بس معلش
الحب شي جميل لكن اهم شي في الحب انك تحبي انسان وتغاري عليه للجنون كيف واحد متزوج وراح يكون مع غيرك وتئدري ع هاد الشي والله اصعب شي في الدنيا الزوجة التانية ولازم تاخدي واحد الك وحدك وبس ملكك انتي والله انا بنصحك تتركيه لحياتو وتشوفي حياتك وراح تلائي حب افضل منو بريئ مع واحد متلك ما اتزوج ئبل كداولا راح يتزوج ويكون ملكك وحدك وبدعيلك وسلامي للجميع
الله يوفئك ويوفئ كل الناسس
انا واقعه فى نفس المشكله بس انا مش عاوزه اتجوزه ولا هو بس احنا من جوانا بنقول يا ريت اتقابلنا من زمان عشان نكون لبعض بس ربنا عاوز كده فاحنا قررنا ننسى بعض والله المستعان
I THINK YOU NMUST LEAVE HIM
أنصحك ياأختي الكريمة إنك لو تزوجتيه هاتعيشي حياتك كلها قلق لأن لما عرفك معنى الحب وهو متزوج أصلاً معنى هذا إنه قال الكلام ده لأكتر من واحده غيرك لأن الغرور أغده وبقى واثق من نفسه زياده عن اللزوم طالما إنتي لسه عازبه حاولي تكوني أول واحده تدخلي حياة إنسان شريك حياتك لم يدخل في تجربة جواز لأنك ما ترديش إن بعد ماتتجوزي زوجك يروح يتزوج عليكي واحده تانية ويكون علمها الحب برضة وتبقى قصه” إنتي لسه صغيره ياأختي ولا تتعلقي بهذا الإنسان الطماع اللي يتكلم مع كل واحده عن الحب وسايب زوجته”
لالالا حرراااااااام و مراته التانيه كمان هتجرحى نفسك و غيرك بلاش احسن
الاخوات الافاضل وأختي الفاضلة بأرجوكي بكل عزيز لديك أن تتركية لبيتة وأبنائة فربما عاد لصوابة …. وأنت ايضا فكري ليس زواجك برجل متزوج أضافة لك علي العكس سوف تندمين حياتك القادمة كلها علي هذة الخطوة تراجعي والوقت مايزال بصفك قبل فوات الاوان
اولا الحب شئ جميل اوى مش هظلمك ولا هظلمه بس هئئولك بلاش تظلمىاولاده ومراته وتهدمى بيت حتىلو هو مشفارق معاه ونفسه يتحدى الدنيا دىكلها علشانك صدئينى بعد الجواز مافيش حاجه اسمها حب فى حاجه اسمها حياه وروتين يعنىالدلع اللى شيفاه دلوئتى واللهفه والاشتياء كل ده بيتغير بلاش تظلمى نفسك ابعدى عنه وخليه ذكرى ف حياتك حلوه وربنا هيعوضط بافضل منها …ربنا يصلحلك الاحوال
انا بحب شخص تجوز ومعاه اولاد ومراته جميله واجمل منى وهو علفكره حب من طرف واحد منى انا وهو اكبر منى بعشرين سنه ارجوك ادعولى اتجوزه ولو يوم واحد فى حلال ربنا وشرعه والن راضيه والله
بصى بقى انا زوجه تانيه وبندم اشد ندم بس كان وعدوه كتير زى حبيبك ده وكان ميسرلى حاجات كتير كلها بقت صعبه جدا بعد الزواج انتى لسه انسه عايزا راجل تعيشى معه السعا ده والله لو تجوزتى واحد متجوز هتندمى بس بعد ما يكون فات الاوان احزرى لو قال انا مش سعيد ومراتى عامله فيا انا مش طيقا اعيش معها بعد كده هيقول العكس علشان يسيبك ويرحلها لاانتى هتبقى مرتاحه ولا هو ولا هى طب ليه سبيه لمواته وانتى ربنا يرزقك بالاحسن منه
الحب يستمر بدون زواج
ارجو السماح من الجميع لكن انتم لستم احسن من رسول الله صلى الله عليه و سلم و لا من الصحابة اللدين عددوا و ادا الله سبحانه تعالى دكر التعدد في القران فدا يعني فيه خير
و احنا معشر النساء لسن افضل من زوجات النبي عليه السلام و غيرة زوجاته لم تمنعه من التعدد نفس الشيء مع الصحابة
قال جل جلاله : { وما كان لمؤمن ولا لمؤمنه إذا قضى الله ورسوله أمرا أن يكون لهم من أمرهم ،ومن يعص الله ورسوله فقد ضل ضلال مبينا} سورة الأحزاب الآية 36
وإذا كان هذا التعيين من النبي ،بأمر من الله واختيار منه ، وجب على جميع المسلمين ان يعترفوا به ويخضعوا له ، وليست لهم الصلاحية إبداء الرأي في ذلك ،لأنه { ما كان لمؤمن ولا لمؤمنه إذا قضى الله ورسوله أمر أن يكون لهم الخيرة}
ومن {يعص الله } فيما قضى به وفيمن اختاره { ورسوله} فيما أمر وبلغ عنه {فقد ضل ضلالا مبينا} أي : انحراف عن صراط الحق ، وتاه في غياهب الباطل وظلمات الضلال
يتبع
منقول من كتاب “الإمام علي ” خليفة رسول الله “صلى الله عليه وآله وسلم”
للكاتب محمد إبراهيم الموحد القز ويني
السلام عليكم و رحمة الله تعالى و بركاته
الى الفتاه المجهوله اقول لكى خذى موافقه زوجته الاولى اولا لكى تعيشى فى هناء وقد حلل الله للرجل الزواج باربعه نساءومن المتوقع ان يقابل امراه اوفتاه اخرى وتكون هى الزوجه الثالثه
بصى احنا مش عايزين نظلمة ونقول انوا مش بيحبك بس بجد الحب بيموت مع الظروف الصعبة ودة متجوز اكيد مراتو مش هتسيبك تتهنى وغير كدة انتى المفروض تكونى عايزة واحد ليكى لوحدك بجد ممكن يكون دة شي صعب بس فكرى بعقلك واعرفى ان لو اتحداتى اهلك وبعد كدة حصل مشاكل مش هتقدرى تقولى لحد ولو قولتى هيقولوا دة اختيارك اتحملى
انا معاكى ان الحب اجمل شىء بالوجود بشرط انه يكون للشخص المناسب وهنا انت ممكن تفكرى فى سكتين الاولى 1 لو مكان زوجته تحبى ان جوزك يحب غيرك الثانيه 2 ليه تربطى نفسك بشخص متزوج وعمره ما هيحبك لانه متزوج وممكن يكون عنده اولاد حبى حبى بس يكون شخص بتاعك انتى ميكنش واحده استعملته قبلك زى الراجل عمره مايحب واحده حبها شخص قبله وانا عارف ان انتى مش هتقتنعى بكلامى الا لما تنجرحى وبعد الجرح هتفكرى بعقلك مش بقلبك وبعدين ده قلبه اتملىءبحب زوجته يعنى انتى ملكيش مكان حبى واحد قلبه فاضى علشان تمليه بالحب وهو يملاه بحبه ليكى يا عبيطه اسف بس جرح الحب صعب( صديق)
يريت أزا انتى كنتى بتحبه صححيح سبيه لزوجته وأولدة
هما كلمتين فكرى بعقلك قبل قلبك وبلاش تظلمى نفسك
هو مفيش غير الرجالة المتجوزين اللي البنات بتبصلهم اليومين دول ولا ايه ما الشباب في مصر زي الفل وانتي راضية تكوني زوجة تانية مش عارفة ان صاحب بالين كداب وصاحب تلاتة منافق والحياة االي ماشية بسرعة جدا دي هتخليه واقف جنبك مش ممكن تحلى في عينه واحدة تالتة ويعرفها معنى الحب واللي يتجوز التانية يتجوز التالتة والرابعة كمان تضمني منين انه يعدل بينكم ده حتى القرآن الكريم بيقول ” ولن تعدلوا ” راجعي نفسك احسن وبلاش ترمي نفسك للنار برجليكي