انا بحب صاحب اخويا بس انا مش عرفه هو بيحبني وللا بس انا كنت بعرف هو كان بيكون في البلد امتي وكنت اطلع علشان اشوفه وساعات احس انه بيبدلنيي نفسي النظرات ومره تانيه لا بحس انه ممكن مش يفكر فيا علشان انا قلبوظه شويه بس انا بحبه وساعاي اقعد اعيط لما افكر انه ممكن مش يكون ليا عاشان انا بحسه من خلال نظراته وانا بقعد ادعي وانا بصلي ان احنا نكون لبعض انافي اوله كليه وهو خلص من 3سنوات بس اصحاب قالولي احنا ممكن نتصل بيه ونعرف في حد في حياه علشان مش تعلقي نفسك بيه اكتر من كده بس انا مش رضيت وانا كان عندي فرصه انه يكون ليا صديق علي النت بس اخلاقي مش سمحتلي بكده ومش عرفه اعمل ايه لاني حبيته بجد ومش هقدر استغني عنه لاني كل لما افكر في كده بتعب وبيحصلي اكتاب واقعد اعيط ياريت تشوفولي حل بس يكون بعيد اني انساه
الحب من طرف واحد
انا بحب لكن ليس لحبي دليل
اضيف بتاريخ: Monday, September 13th, 2010 في 04:24
كلمات مشاكل وحلول: حب, حب من طرف واحد, صاحب
اترك امرك لله ولا تفعلى شئ انشغلى فى دراستك وكل ما تفكرى فيه شوفى شئ يشغلك واقرئى قران كتير
مفيش حل الا تعملي زي ما صحابك قالولك او اذا كان ليكي كلام معاه ممكن تقوليله ان في واحد عايز يتقدملك و شوفي رد فعلو هيكون ايه او هيبان بطريقه اهتمامه بيكي مسلا لو انتي زعلانه هوه بيحاول يهزر معاكي عشان يطلعك من حاله الحزن او لما تكون في مشكله بيحاول يعرفها و يحلها معاكي و بيكون فرحان في كل مرة بيشوفك فيها و لو قاعتو مده طويلة متشوفوش بعض ايه بيكون تعبيرات وشه لما بيشوفك بيكون سعيد بجد ولا كده مجامله و ربنا يجعله من ناصيبك و هوه فعلا الاحساس ده فوق الفظيع و انا حاسس بيكي عشان انا بمر بنفس المشكله بس العكس انا الشاب و هيه كمان اخت واحد صحبي و تمسكي اكتر من كده عشان ممكن يكون بيحبك زي اخته و حاولي تبعدي عنه شوية عشان تعرفي تشوفي مستفبلك لو كان زي مقلتلك زي اخته و ممكن بيكون بيتقل عليكي و عوزك انتي الي تقوليله او هوه خايف يقلك لاحسن يخسرك او ممكن يكون مستني الوقت المناسب كل ده متوقف على الكلام الي قلتهولك و ربنا يوفقك و يحققلك كل ما تتمنيه
واضح من كلامك انك على خلق ومتدينة. سيبي الموضوع لله وهوا أكيد حيقدر ليكي الخير، بس التزمي الدعاء دائما اللهم قدر لي الخير حيث كان وارضني به. مش يمكن يكون الشخص ده مش خير ليكي، ممكن كمان لو علاقتك قوية باخوكي تلمحي له أو تساليه الشخص ده مرتبط ولا لأ
لازم تكلميه علشان تعرفى هو كمان بيحبك ولا لا لانك كده مش متاكده وده بنسميه حب من طرف واحد من الافضل ليكى انك تكلميه وتعرفى هو كمان بيبادلك نفس المشاعر ولا لا ولو كانت ايجابته ليكى ب لا يبقى من الافضل انك تنسيه الى الابد وانا بقولك الكلام ده عن تجربه والله وفى مثل بيقو اسال مجرب ولا تسال طبيب
وانا اسف على الجرح الى انت هتشوفيه بس هيكون افضل من الى انتى فيه لان انتى كده بتقتلى فى قلبك على الفاضى لانك مش متاكده وانا اسف مره تانى ان مفيش حل غير ده………
تمنياتى ليكى بالسعاده
ممكن تسالى تشوفى ليه اخوات ارايب بنات وتحولى تخطلتى بيهم شويه شويه هتقربى ليه وكده تبى كسبتى حاجتان تكونى قربتى تخلاصى كليتك وتقربى تتعرفى بيه وممكن ربنا مش عايز تتقربى بيه علشان يكون هيضرك