انا بنت عندي 16سنة ومعجبة بواحد وهو عنده 28 سنة وانا متعلقه بيه اوي وبفكر فيه كتير وهو ليه ما خطبش وهو بيشتغل سواق، وانا بركب معاه وانا بحس انو هو مهتم بيا شويه.
وانا في أولى تمريض وانا بزعل اوي لما انا مش بشوفو وعايزه انساه بس هو مش مأثر على مذاكرتي وعايزه حل
معلش علي كل الردود الكتير اللي زي بعضها لان كنت كل مره بكتب و ارسل يظهر ليه حاجه بالانجلش فا افكر أني كتبت كتير فا اقوم اقلل عشان يبعت طلع كل الوقت ده كان بيبعت 🙂🤝
اولا لو بتحبيه بجد فعلا من كل قلبك مع اني مش مقتنعه بحب المراهقه بس ماشي لو بتحبيه فعلا دايما و انتي بتصلي و انتي ساجده لله عز و جل ادعي و قولي اللهم إن كان فيه خيرا ليه قربه مني و أن كان شرا لي ابعده عني و اختر لي شخصا تعرف أن مميزاته كلها تعجبني و عيوبه كلها انت تعرف انني استطيع تحملها و بس و بعدها صدقيني اقسم بالله العلي العظيم اللذي لم يلد و لم يولد و لم يكن له كفوا احد هو هيجي و يتقدملك مع طبعا حاجه و هي انك اوعي تكلميه و انتي راكبه معاه و اوعي تبصليه غض البصر مش للولاد بس كمان للبنات هو في حاجه هو شغله سواق انا عارفه و الله أن الشغل مش عيب بس انتي لازم تفكري برده و تقعدي مع نفسك و تقرري هل ده فعلا فتي احلامك و لا انتي نفسك في مهندس او دكتور و لو عادي تمام اكيد بتقولي الوقتي
طيب لو مجاش ليه لو مجاش يبقي هو مش خير ليكي و ربنا هيعوضك بالاحسن منه و الله و يمكن لما تكبري يتغير تفكيرك و مواصفات فتي احلامك انا مثلا كان حلمي و انا صغيره اشتغل في الشرطه بس لما كبرت تغير رايي و حاجات كتير جدا غيرت رايي فيها لما كبرت + اوعي تروحي اعترفي ليه ابدا بأي حاجه و الله هتندمي + نصيحه مني بدل حوار انك تغضي البصر و متكلميهوش ده عشان نخلص خالص احسن حاجه تعمليها انك تسبيه و تجيبه غيره يوصلك و هو لو بيحبك هيجي يتقدم مش بيحبك خلاص عادي و برده مترجعيش تجبيه تاني و افتكري ي قمر أن من ترك شيئا لله عوضه الله خيرا منه و اسفه اني طولت عليكي ♥️