انا ليه مش باخد حقي زى اختى

السلام عليكم … انا حبيت احكي هنا عشان معنديش صحاب :\
انا عندى 17 سنة و فى سن مراهقة باخد دروس اكيد وكلنا عارفين ان البنات بتحب تكسف بعضها ,, انا فى حالى خالص بس مش حلوة ان واحدة تشوفنى بلبس مش حلو او مقطع .. ايوة لبسي قديم ومقطع
انا عندى اختى اكبر مني ماما مدلعاها من وهى صغيرة و بتجبلها كل اللى هي عايزاه وفى 3 ثانوي عملتلها جمعيات عشان تاخد للدرس فى اليوم 100 جنيه
وانا كل ما اقولها عايزة لبس تخلى اختى تدينى اللبس بتاعها القديم ومع ذلك المفروض انها تعاملنى كويس .. بس لا بتقعد تشتم فيا وتضربنى ومبتعملش اى حاجة لاختى عشان اختى بتزعقلها .. ولما بابا يدينى فلوس اشتريلى بنطلون مثلا تقول اشمعنا مش بيدى اختك ؟
يعنى بزمتكم مش انا كدا مظلومة لما ابقى بلبس حاجات مقطعة و قديمة وداخلة على 3ث و ماما بتقولى معييش فلوس اصرف عليكى حولى تجارة او صنايع طب حتى عايزة تظلمني فى الدراسة
انا بصراحة فكرت كتير اهرب بس مليش مكان اروحه … وفكرت اكتر انتحر و كذا مرة اجيب الموس و اعور ايدي ويلحقونى ,, وياريت بيحسوا
انا معييش فلوس و عايزة اشتغل وبابا مش راضى … يعنى اعمل اييه ؟؟! :\
بالله عليكم ساعدوني .. واسفة جدا جدا لو طولت عليكو بس انا فعلا مليش حد يسمعلي

مشاكل وحلول ذات صلة

• اقول لماما على حبيبي ولا استنى شويه
• عندي مخاوف كثيرة من وانا صغيرة
• في سن المراهقة حاسة ان الكل بيكرهوني
• اختي تكرهني كثيرا وطباعها سيئة
• اختي ترسل صورها وهي عارية
• بكره الحياة خصوصا بعد زواج بابا وموت ماما
• الاكتئاب في سن المراهقة