انا احب اعرف رايكم فى مشكلتى انا مخطوبة لابن خالتى وكان قبله عندى حب من طرف واحد ومش عارفة انساه وانا كمان ابن خالتى بعيد عنى ومسافر فرنسا بس مش عارفة احس تجاهه باحساس الحب او ممكن تقولوا بييجى ويروح مش ثابت ومش عارفة احبه زى ما انا عاوزة احبه بس هو نسان كويس جدا وهو برج الميزان وخايفة اسيبه اندم انى سيبته وخايفة اكمل مقدرش احبه عاوزة اعرف احبه ازاى وكمان الشخص اللى كنت بحبه بيكلمنى وبيسال عليه بس فى حدود الاخوة هل اكلمه عادى كاخوات ولا انا كدة بغلط فى حق الانسان اللى خطبنى
انا عارفة ان فى حاجات انا غلطانة فيها بس انا كنت فاكرة خطوبتى لابن خالتى وانى احاول احبه دة هيحصل زهقدر احبه لكن للاسف انه بعيد عنى هل استنى لحد ما يرجع بالسلامة واختبر مشاعرى عن قرب ولا مفيش امل وانا خايفة اظلمه واظلم نفسى لو كملت او لو انفصلت
انا محتارة جدا وخايفة وهو مش مهتم بيا بالقدر اللى انا عاوزاة ويمكن الشخص اللى انا بحبه من طرف واحد بيهتم بيا اكتر هو خطيبى بيهتم بيا ودة من وجهة نظره لكن انا حاسة ان الاهتمام دة مش كافى بالقدر اللى انا عاوزاة ياريت اللى يقراْ كلامى ينصثحنى باخلاص لوجه الله ويعاتبنى ويوبخنى على غلطى بس فى حدود الاحترام او الاخوة
والله انا هقولك ع حاجة اولا من طريقة كلامك كدا انك انتى اللى اخترتى ابن خالتك محدش غصبك عليه ثانيا انتى بتقولى انو مش مهتم بيكى هو راجل مسافر فرنسا يعنى بيشتغل او بكمل تعليمه يعنى فى كلا الحالتين هو مش فاضى يعنى انتى المفروض اللى تبقى مهتمة بيه ثالثا لو انتى تقبلى انو يصاحب واحدة ولو ع سبيل الاخوة فخليكى مع الحب القديم اللى عيب عليكى اصلا انك تفكرى فيه مش تكلمية سلام وخلى بالك من ابن خالتك
انا هقولك على حاجة ايه رايك لو تستخيرى ربنا فى مشروع اتمام زواجك بابن خالتك ادخلى على النت واعرفى ازاى صلاة الأستخارة بتتم واعمليها و ربنا باذن الله هو اللى هيختر لك اللى فى الخير عن طريق حلم او نك تقومى من نومك مرتاحة او مضطربة او اى علامة من خطبيبك بتوحى بان الخطوبة تتميها او تفسخيها ونفس الكلام مع حبيبك التانى وانا بجد عايزك ترتاحى
كوني مخلصة مع نفسك اولا وسالي نفسك سؤال انتي عايزه ايه
يا يا اختى انا اقول لك ان مجرد احساسك بحب شخص غير خطيبك يعتبر خيانه له لهذا انا اتمنى ان تنسى الشخص الاخر وتجعلى كل هذا الحب فى قلبك لخطبك وفكرى فيه كثيرا لانه هو احق بهذا الحب
السلام عليكم ورحمة الله وبركاتة
انا عندى نفسى المشكلة كنت بحب واحدة وعمرى ما كلمتها ولكن عرفتها وكانت بتتبادل لية النظرات وحسيت ان عندها نفس الشعور لمدة 4 سنوات واتقدمت ليها وجدن ان ابن خالتها عايزها وهى رافضة والمهم بعد3 شهور وجدت انها اتخطبت لابن خالتها رغم رفضها فى الاول وماماتها قالت لية لما تخلص كليتها ومش عارف اعمل اية رغم حبى الشديد لسة وانا الان فى ازمة المهم عليكى بالصبر ومش تكلمى اللى كنت بتحبية رغم كان مفيش حاجة اسمها اخوة اعزرينى رغم انى مجرب وعايش نفس التجربة الان
انا هقولك المفيد ده معتبرك اخته يعنى مش هتوصالى لحبيبه نهائى اخته محرمه عاليه انتى فهمه قصادى لو جه وتجوك مش هيحس معاكى باى مشاعر بس انتى كده ظلمه قريبك ده عشان انتى اخدهي عشان تنسى حبيبك ده كده انتى لا بتحبى ده ولا بتحبى ده انفصالى عن ده و انسى ده و عيشى حياتك بحريه و عيشى و انسى همومك و جروحك دى و دورى على حبك جديد بس اختبريه شفيه يستاهل حبك ده ولا لا و جربى ابن خالتك يستاهل حبك ده ولا لا و هوا بيحبك ولا لاعشان لا تظلمى نفسك ولا تظلميه معاكى
على فكرة انتى قلتى الحل وانتى بتعرضى مشكلتك اللى هى انك تنتظرى انه يجى وتختبرى مشاعرك اكتر وهو جنبك وباذن الله حتحبيه اكتر من التانى كمان لانه هو بيحبك ومتغرب علشان يكون نفسه اما التانى حبمن طرف واحد وعلشان خطيبك بعيد عنك انتى حاسه انك مش حباه بس صدقينى لو بعدتىعنه حتندمى لانك مشوفتيش منه حاجة وحشه وعلى راى المثل بعيد عن العين بعيد عن القلب اما يبقا قصاد عينك حتقدرى تحددى مشاعرك وحتحبيه
طبعا انتى غلطانه انك بتكلمى التانى حتى لو اخويا قلبك هيضعف وهيتجه لى انتى مش مديه فرصة لابن خالتك حاولى متكلميش التانى وتنسى الحب دا لان مفيش نصيب حاولى حب ابن خالتك وقربى لى اما ان هو مش مهتم بيكى حاولى قدرى شغله وسفره واكيد هو بيحبك بطرقتك