انا وخطيبي حصل بينا علاقة جنسية غير كاملة ودا غصب والله وبسبب حب كبير اوي بيني وبينه فرحنا فاضله شهور بس حاليا فيه مشاكل كبيرة بيني وبينه وامه طلعت سيئه جدا وبتكرهني وبتكره امي جدا وهو طلع بيسمع كلامها و المشكله اتطورت انها لغت دور ابنها وجات كلمت امي وقالتلها كل شئ نصيب وهو حاليا بيحاول يصلح بشتى الطرق بس انا هعيش مع امه دي وانا بقيت بكرهها اوي ومش هبق سعيده دلوقتي انا لو بعدت عنه هينفع اتجوز واحد تاني ؟؟ وهل ذنبي دا ربنا هيغفره لو اتجوزت خطيبي دا حتى لو هتعذب بس هل ربنا هيغفره؟ وهل ربنا هيغفره لو اتجوزت واحد تاني؟؟ ارجو الرد من اي شخص متفقه ف الدين
اتفق مع الأخ محمد -محاسب- في كل ماقاله لك ده هو الراي الصحيح جزاءه الله كل الخير أتمنى انك تعمل بكلامه وتتقربي من ربك عزوجل وتتوب اليه وتستغفريه وتندم على ماحصل منك في لحظات شيطانية وربنا هو الغفور الرحيم يقبل توبة من عباده المذنبين واما مسالة بقاءك مع هذا الشاب فمن الأفضل انك تفسخ خطوبتك منه لانه شخص مايستاهلك ولايقدر على صونك شرفك وكرامتك ولن تكوني سعيدة معه حتى لو تزوجتم لانه سوف يعيرك عند حدوث أي مشكلة تقع بينكما ويكفى ان امه تكرهك وتكره اهلك ودا سبب كافي لاجل تتركيه وربنا يرزقك باحسن منه ان شاء الله تعالى
خطيبك وعلاقة غير كاملة – وغصب وبسبب حب كبير بينك وبينه – احمدي ربنا انك فوقتي لنفسك – ليكي ولغيرك خطيبك غريب عنك لغاية كتب الكتاب ولغاية الدخلة – لو اتربيتي تربية دينية كنتي عرفتي ان خطيبك حرام يشوف وشك وحرام يلمس اديكي وحرام يختلي بيكي التربية الدينسة معناه نشأتك في اسرة دينية تعرف حدود الحلال والحرام – اقل حاجة كان ممكن في لحظة ضعف تفقدي شرفك وسمعتك – يعني كان ممكن تفقدي اغلي ما تملكي يعني تفقدي غشاء بكارتك – وكان ممكن تحملي منه مع مر الايام والحب الكبير اللي بينك وبينه اللي بتقولي عليه – احب اعرفك ان الحب في القرأن الكريم معناه الرغبة المحرمة – مفيش حب بين ولد وبنت – الحب بين الولد والبنت هو رغبة الولد انه يعاشر البنت وينول متعته منها وبعدين يسيبها ويشوف غيرها – احمدي ربنا أنه ستر عليكي وأنقذك منه وانقذ شرفك وسمعتك – هو لو بيحبك كان يحافظ عليكي وعلي شرفك وسمعتك – وانتي لو واعية وناضجة كان لازم تمنعيه من الخلوة بينكوا – الخلوة لاتجوز الا بعد الدخلة – حتي بعد كتب الكتاب كل شيء جائز بين المكتوب كتابهم الا الدخلة لازم بعلم الاهل علشان حفظ حقوق البنت وعلشان لو حصل حمل ميحصلش مشاكل لأن لو حصل حمل حتي بعد كتب الكتاب اول من تشك في شرفك وسمعتك هي حماتك – احمدي ربنا وتوبي اليه والجأئي الي ربك صومي وصلي واقرأي القرأن – ان الله سبحانه وتعالي يتنزل الي السماء الدنيا في الثلث الأخير من الليل ويقول : هل من تائب فاتوب عليه ؟ – هل من مستغفر فاغفر له ؟ – هل من صاحب حاجة فاعطيه ؟ – وذلك كل يوم – الله هو الغفور الرحيم – اللهم اغفر لنا وارحمنا يا أرحم الراحمين – توبي الي الله يبدل سيئاتك الي حسنات – ربنا يهدينا ويهديكي – اللهم أمين – ربنا يوفقك وكل عام وانتم بخير .