انا كنت مجتهدة جدا فى المرحلة الاعدادية ومتفوقة وبجيب درجات عالية جدا وكنت من الاوائل دائمًا.
بس من بعد ما دخلت الثانوى بدات مذاكرتى تقل واهتمامى بالدراسة يقل وانا حاليا فى ثانية ثانوى ومتاثرة جدا بالروايات بقت عندى شبه ادمان.
واهلى مفكرنى بذاكر فى اوضتى وانا بجد حزينة لانى بخون ثقتهم فيا، وكل ما بقول لنفسى كدا غلط ولازم اركز فى دراستى بس، ارجع بعدها بيوم ولا اتنين زى الاول.
غير انى لاحظت انى لما بكون بقرا الروايات بقصر فى صلاتى وممكن تعدى ايام من غير ما اصلى ودايما حاسة بتانيب الضمير، بس بقول لنفسى دى اخر واحدة هقراها بس مبعملش كدا.
انا تعبت من نفسى جدا وكل مبرجع واصلى واستغفر ربنا برجع تانى سواء للروايات او اى حاجة بتضيع وقتى واحيانا بقضى وقت على النت حتى لو ببحث عن حاجات مفيدة بس الوقت بيتسرق منى والاقى نفسى اليوم ضاع منى وانا داخلة على امتحانات بعد ٢٠ يوم او اقل ولسه مذاكرتش حاجة من موادى كلهم بسبب الانترنت والروايات.
ارجوكم ساعدون انى اواظب على الصلاة واركز فى دراستى
انا كمان زيكم بجد نفسى حد يساعدنى انا مخنوقة أوى من نفسى
اناا زيك بظبط ونفسى في حل يساعدنى انا تانبه ثانوى برده والانترنت هيجننى اناا برده بتعدى عليا ايام مبصليش بسبب الروايات والقراءة عن الممثلين