مشاكل الخطوبة

اهل خطيبي منكدين عليا

انا مخطوبه والحمد لله عن حب وخطيبى شاب محترم ومركز كويس ومالهوش فى السجاير ولا اى حاجه من الحاجات دى المهم مشكلتى بدات من يوم خطوبتى بسبب خالته كانت عايزاه لبنتها وهو رافضها لانه مش بيحبها وغير كدا هى لسه فى صغيرة بس خالته كانت عايزاه طمعا فيه لان خالته مستواها قليل جدا وهو الشاب الوحبد فى العائله االمهم يوم فرحى كنت بتعامل معاها عادى جدا وبسلامه نيه والله وبرقص معاها واكتشفنت واحنا خارجين من القاعه انهم كانوا بيتكلموا عليا وحش وانى مش بعرف ارقص بس انافعلا مش بعرف ارقص لانى خجوله جدا وطبيعى ان العروسه تكون هاديه المهم كبرت دماغى واحنا مروحين كانت مصممه تقعد بينتها جنبى فى العربيه اللى وطبعا انا رفضت راحت الفت كلام لحماتى وهى ومامتى شدوا مع بعض وبسببها فضلوا اهلى واهله 3 شهور مش بيتكلموا وكنا فى نكد انا وهو دلوقتى انا قربت اتجوز واكيد هشوفها تانى انا خايفه جدا وبفكر فى حاجات غريبه ممكن انها تعملها عشان تضايقنى ومش عايزاها تدخلى بيت ولا اشوفها تانى بس مش عارفه اعمل كدا وخطيبى نفسه فى كدا كمان بس مش عايز يعمل مشاكل مع مامته بجد انا زهقت وبقيت كارهه الجواز ومش حاسه باى فرحه بسببها قولولى اعمل بالله عليكم انا كل ماافكر فيها احس انى مش طايقه خطيبى ومش عايز ة الجوازة دى اسفه للاطاله بس ياريت تساعدونى

مشاكل وحلول ذات صلة

اضيف بتاريخ: Monday, November 7th, 2011 في 00:26

كلمات مشاكل وحلول: , , ,

12 رد to “اهل خطيبي منكدين عليا”

  1. ابواميرة
    17/10/2013 at 14:52

    طنيشها خالص ولاتعبريها ليلة الزواج واهتم في نفسك ياعروسة ياقمرالبنات انت دي الولية حشريةونكديةوعاوزه تفسدعليك فرحك اخصريهاولاتفكري فيهاوربي يتتم لك بالخير وتتهني مع عريسك وربي يسعدكم ياحلوه

  2. ابواميرة
    05/01/2013 at 12:56

    شوفي يابنتي مالك دعوةباحد غيرزوجك وبس هوجنتك ونارك وهوكل حاجةلك في الدنيا ولاتسمحي لاي احد يدخل في حياتكم وخالتو سيبك منهاماتشغليش بالك بهالاتعبريهاوربي يهديها ويسعدك مع زوجك

  3. mena
    28/09/2012 at 11:08

    ماتشيليش فى نفسك انتى عروسة بس هقولك تعملى اى انتى بتقولى انا خايفة اقابلها تانى لأ انتى هاتقابليها تانى اكيد بس فين بقى أكيد مش فى بيتها ماتعاتبيش بيتهاالا لو فى حالة وفاه او مرض وبرضو دة بعد ماتتجوزى انما فى الخطوبة زياراتك محدودة لحماتك وبس انما لا نروح فرح قرايبوا ولا خروجة مع اهلوا لا صدرى ساعتها بابكى يتكلم بطريقة كويسة ويقول انوا ماينفعش كدة قبل الجواز ولو خطيبك كلمك لى مابتجيش ف اى زيارة ومش عارف اى ماتاخوديهاش بقفش ارفضى بطريقة كويسة من غير كلام كتيروغيرى الموضوع بعد الجواز بقى اعملى حدود وماتخطاليتيش يعنى حماتك وحماكى فوق راسك يجوليك تجيلهم عادى أوى انما الست دى لا تروحى ولا تجيلك وطبيعى بعد الجواز هتزوريك ساعتها تيجى مع بقيت اهلوا ماتجيش لوحدها وزيها زى الناس ترحبى الترحيب العادى دة وماتشيليش ف نفسك واهو يوم وهيعدى غير كدة ماتعمليش

  4. نورالمصرى
    18/11/2011 at 18:03

    متفكريش ف اى شىء غير نفسك وفرحك وشيلى اى خوف من بالك سيبيها ع الله وربنا يدى كل واحد ع اد نيته والف مبروك

  5. HanyMoh
    15/11/2011 at 11:58

    مفيش بيت مبيحصلش فيه مشاكل

    بس العاقلة والعاقل هما اللي بيقدروا يسيطروا على الموقف ويمنعوا المشكلة تكبر..

    وطالما هو عاقل ومحترم وأمه وأبوه كمان، يبأى مفيش مشكلة خالص

    وبعدين ايه ترقصي معاها دي؟

    مينفعش ترقصي في الفرح أصلا

    سواء بتعرفي أو مبتعرفيش

    أنتِ ملك لزوجك، مش فرجة للناس كلها

    حرام حرام حرام

    اتقي الله وفكري كويس قبل أي حاجة

    وإن رضيتي ربنا، ربنا هيرضيكي حتى لو كان عندك مشاكل توزن بلد..

    عارف إنك قتقولي ده رقص عادي وحركات بس

    هقولك مفيش فرق كبير

    زي اللي بيشرب حشيش أو بيشم بودرة

    الاتنين حرام وبتضعف الصحة وتحيب أمراض

    والرقص حرام سواء فيه عري أو مفيهوش

    فيه حركات إفراء أو مفيهوش

    العروسة تقعد محترمة

    أنا راجل وعمرى ما هعمل كده لو الناس ولعت فيا

    آسف إني أقولك إن الجهل سيطر على حياتنا

    وربنا يهدينا جميعا..

  6. لا اريد
    13/11/2011 at 21:45

    كلمتين وبس
    محدش يهمك غيره

  7. اختك في الله
    10/11/2011 at 08:06

    بصي يا عسل انتي خالتوا دي ملكيش دعوه بيها خالص انتي بتتكلمي زي مايكون والله العظيم بتتكلمي على نفسي انا خالتو برده مش كويسة وكهينة
    حتى هو بيقول عليها عقربة عارفة لما كنت بروح هناك عندها تبين انها بتحبني واعرف بعد كده انها كانت بتسعي علشان ترجعه لمراته الاولانية وكانت متفقة معاها اني افضل على زمته لغاية ما اخلص رضاعة يوسف وبعدين يخدوه كانت متفقة مع الهانم مراته الاولانية وكانت بتروح عندها علشان تساعدها ترجع لجوزي ده كله عرفته بعد ماجيت الامارات وانا بنية طيبة كنت بروح ازورها مع ماما حماتي واتاريني بعد ما امشي واروح كانت الهانم بتيجي عندها وكانت خالتوا فاتحه بيتها وكانت بتحاول كتير تقنعه انه يرجعها بس جوزي قالها انا ماليش غير مراتي وعيالي
    وانا لما عرفت الكلام ده لما جوزي قالي لما جيت الامارات يعني بعد ماروحت من الاجازه بعت لها رسايل مسخرة وهي كمان بس بعد كده صعبت عليه واتصلت عليها ورضيتها وخلاص عرفتها على عيبها وبكلمها عادي خالص بس مش زي الاول
    انتي كمان اعملي زي اتجنبيها خالص وملكيش غير جوزك واهله اهله يعني والده ووالدته واخواته الباقي عامليهم بحياد يعني بادب بس ماتدخليش في علاقة كبيره معاهم
    انا كمان والله العظيم ياما بابا حماي يعني نبهني اني مااروحش عندها بس انا ماكنتش عارفه المهم ان الواحد مش بيتعلم ببلاش
    انتي بس عامليها بما يرضي الله وماتصاحبهاش كفاية عليكي اهل جوزك
    بس وخلاص
    ويارب يوفقك يا قمر ويرزفك بالزرية الصالحة يارب ويبعدك عنك كل شر وتعيشي سعيده ومتهنية مع جوزك
    بالتوفيق يا حبيتي

  8. صاحبه المشكله
    09/11/2011 at 19:32

    اهم حاجه عايزة اقولها ان حماتى وحمايا بيحبونى جدا وانا كمان والله بس انتم عارفين المشاكل لما بتدخل فى الحياه بتقلبها

  9. صاحبه المشكله
    09/11/2011 at 19:28

    والله ياجماعه مش انانيه منى ابدا بالعكس خالته اصلا معروفه فى العائله انها بتاعت مشاكل عشان كدا نا خايفه انها تعكنن عليا فرحتى وخطيبى لو شايف عكس كدا كان اتخانق معايا لكن هو موافقنى انها مش كويسه

  10. اختك في الله
    08/11/2011 at 14:00

    سلام عليكم
    اختي انا مع الاخ قاضي الغرام في كل كلمة قالها
    لاني والحمد لله بعمل بالضبط اللي بيقوله وده جه في مصلحتي لاني والحمد لله محبوبة من اهل جوزي جدا جدا بعد ماكانوا مش مرتاحين للجوازة بسبب معرفتنا عن طريق النت الا انهم الحين بيحبوني جدا وهو بيعمل لكده الف حساب لانهم بيحبوني والله العظيم وقفوا جنبي في مواقف كتير اهلي نفسهم ما عرفوها هم بس عارفينها بصفتهم ابنهم ودايما يوصوه عليه انتي بس استهدي بالله وماتخديهاش حرب وخليكي مرحة معاهم وطيبة ونيتك سليمة حبيهم لله مش كده وكده لاء خلي نيتك خالصة لله وانا اعرف ان الواحده اللي تحب زوجها لازم تحب اللي من ريحته
    وربنا يوفقك يا قمر ومبروك الزفاف

  11. قاضى الغرام
    07/11/2011 at 15:09

    بكل صراحه و كتزعليش الحظ فى رسالتك بالانانيه وحب الذات — انا معك ان كل بنت تحب تكون فى مملكه خاصه بيها لوحدها لاكن مع ذالك لابد تجبر الاخرين على احترامها وعلى تقديرها — من اول يوم خطوبة وحبيتى تعملى لنفسك كيان ووضع انتى بس الى حابه تسايرى الوضع ده اقولك حاجه البنت وهيه مخطوبة لو بتحب خطيبها تحب معو كل ما ينتمى له وكل قرايبو تحترمهم وتجلهم وتقدرهم اقسم بالله وقتها الجميع يعملك تعظيم سلام — يعنى تخيلى لو بنت خالتو قعدت جنبك بالعربيه مكانش هيحصل اى مشكل والمفروض انتى بذكائك كنتى بدل مترفضى انها تجلس جنبك كان تندهيلها تقعد جنبك وقتها كان هتحترمك غصب عنها — لاكن انتى انتابتك الغيره وغلب على طبعك الانانيه طيب ماهو لو عايزها مكانت قدامو ويقدر يتجوزها فى اى وقت لاكن هو فضلك انتى يعنى انتى ليكى الغلبه فى كل شي — انتى بنهاية ؤسالتك قلتى قلولى اعمل ايه انا اقولك تعملى ايه اذا كنتى حابه تعيشى بمملكتك لوحدك لازم تجبرى الاخرين على احترامك ولازم تبادرى انتى بالموده وصلة الرحم لانها اهم علاقه ثم دى بنت خالتو ودى خالتو وانتو ما زلتو بفتره الخطوبة يعنى بعد الزواج هيروحلهم وهييجى من عندهم بحكم القرابه اظن وقتها مش من حقك انك تمنعى زوجك انو يود ارحامو ولو استمريتى على وضعك وعدائك لبعض اقاربو هتكون حياتك جحيم والغيرة هتمتلك كل مكان فيكى واكيد كل انسان وله طاقه انهارده ممكن يسمع كلامك بكره لا خلك عاقله وزكيه واستثمرى كل المواضيع لحسابك الشخصى ومتخسريش حد ولا تخلى حد يكرهك وقتها هتعيشى حياه كريمه فى كنف الزوج والاهل والناس باتمنالك التوفيق ومبرك مسبقا الزفاف وشكرا

  12. just smile
    07/11/2011 at 01:58

    كبري دماغك منها خالص سبيها تعمل اللي هي عايزة كانها مريضةوعمليه باحترام لله وعلشان ترضي زوجك وكل متعمل معكي حاجة قولي حسبي ونعم الوكيل بس مش قدامهاو افتكر حب زوجك واتفقي مع زوجك انه مفيش حد من الاهل يدخل بينكم لكن ماتخليهوش يقطع خالته علشان صلة الرحم والف مبروك وربنا يسعدكم وافرحي وتوكلي علي الله متخليش الشيطان يسيطر عليكي وكل سنة وانتي طيبة ياعروسة

اترك رداً أو حلاً لهذه المشكلة