مشاكل الازواج

احب زوجي ولكن اهل زوجي ظلموني

السلام عليكم ورحمه الله وبركاته
ابد الموضوع في حيره من امري فانا جامعيه
تقابلنا انا وزوجي الان صدفه كنا زمايل وتحول الي حب وقصه حب قويه مرت بالكثيييير من المتاعب من اهل زوجي لانهم يريدون ان يزوجوه فتاه من الصعيد لانهم غير متعلمين اهله وكانو فقرااااء في الماضي للغايه فحبهم للماكل والبخل هو كل اهتمامهم طبعا انا لااعرفهم في ذلك الوقت او اعرف طباعهم وكانت امه غبيه جدا وحاده الطباع وجيرانها يكرهونها واسلوبها همجي والفاظها نابيه
المهم زوجي كان فارشلي الارض ورد واننا نتزوج ونبعد عنهم وهو غيرهم والكلام دا طبعا انا صدقتو والصراحه هو كان رهن اشارتي وكل كلامي مطاع بالنسبه له ولكنه يحب يشيت ويكلم بنات ويتعاطف مع النساء انا طبعا كل دا في مرحله الخطوبه ولما كنت اشكي لامه كانت تقولو اعمل مابدالك وماتكدبش وكانت غبيه علياطبعا اتخطبنا بعد حب اربع سنين ولما لقيت ابناها متمسك ومش هيتجوز واخواتو الاصغر سننا مخطوبين المهم اتخطبنا
ودي كانت فرحه حياتي انا وهو وحلمنا طبعا ماعندهاش تفاهم حتي بابا كان بيقول حاضر ونعم لانو مش بيحب المشاكل والسكوت عندو  لدرجه بتدايقني ومضيعه علي طول الخط حقي
المهم انا تزوجتو وحملت علي طول والتدخل زاد في حياتي من اهله ابتعدنافعلا عنهم
وكناااااااااااا اجمل قصه حب بعد الزواج حصلت كل الناس تحسدنا
ولكني عمري ماقصرت مع اهله بروحلهم ونزورهم ونجيب كل حاجه حلوه واحنا رايحين وهو حب اهلي وبقوا احن عليه من اهلوا
جوزي عيوبه انو كسلان وبيشتغل اعمال حره والنوم عندو بالدنيا لو نام اسبوع مش هيزهق متواصل
طبعا امو نفس الطبع كنت واقفه جنبو ومسانداه وياخدني معاه كل مكان حتي شغلو من كتر حبي فيه وحبه فيا كنا مش بنفارق بعض
المهم انا تعبت ورحت قعدت عند ماما قبل الولاده وهو عند اهله فاهلوا احتاجو دهبي شبكتي يعني انا اعترضت لانهم وحشين معايا جدا وكل مااروح امو تشتم فيا وكلام وحش طول مانا قاعده وجوزي انا كنت اقولو معلش وماتردش وكدا فخوفت بس بابا قالي معلش اديلهم الدهب واقفي جنبهم وكلها تلات شهور والجمعيه بتاعتهم اللي وعدوكي بيها انا وافقت واديتهم دهبي عشان ماازعلش جوزي لانو حنيه الدنيا وحب الدنيا كانت فيه احنا لما كنا نتخانق كان يبكي علي بكايا
طبعا خدو دهبي وولدت والجمعيه جات وماراجعوش دهبي وفي الفتره اللي زوجي قعد معاهم غيروه وكرهوه فيا لدرجه انو مد ايدو عليا وروحنا بيتنا وكان يكلم امو يقولها حصل كذا ارد اقولها ايه كانت بتملي عليه ازاي يعاملني في كلام وففعل انا ع8يطت كتير وتعبت لحد ماخليتو 5 من 10 من الحب اللي كان بينا وتدخلهم زاد وبقيت تيجي هي واولادها الصبيان شباب كبار ويباتو يدخلوا عليا وانا برضع طفلي وانا بملابس البيت يتجولو في كل مكان بالبيت يصرفوا علي البيت وجوزي بقي دلدول اهلو ومن ساعتها في حاجز بيني وبين جوزي بقي كل شئ يحط اهلوا قبلي لو غيرت شئ في البيت لازم يستاذن امه وابوه بمعني لو نقلت حاجه مكان حاجه لو حتي بنقل التليفزيون يقولي لا عشان لما ييجو يقعدو هنا وكدا
وعدت شهوووووور واخواته خطبوا وشبكو ودهبي ماجاش واخواته هيتجوزو قريب انا عاوزه دهبي من حقي البس واتمتع بحاجتي زي خطابهم ولما سالت حماتي عن دهبي بهدلتني علي سؤالي عليه ومش من حقك تسالي ولما تفرج من وسع واستحاله هنجيبو دلوقتي وكدا حكيت لجوزي قالي هاخد موقف وبعدين كلمهم جه قالي معلش من حق اخواتي يتمتعو زي مااتمتعنا ويعيشوا وقتهم ماحبكش ونستحمل وخلينا احسن وعاوزني اخدم امو نظافه وبيت وكلووووووووو وهي صحتها تمام وفبيتي لازم اخدم اخواته فطار غدا عشاء اجباري رغم ان سكني بعيد عنهم ولكن ييجو فما العمل وزوجي لايطييييق حرف علي اهله مع انو شايف وعارف ودارك بكل شئ وعارف عمري ماقصرت فشئ ما العمل انا تعبت متزوجه من سنه فقط ونفسيتي زفت زفت زفت وحالتي النفسيه بتسوء عشان انا عمري مارديت علي حد واكتم ومااتكلمش خالص واكل في نفسيتي وهو بقي متفرعن وبقي مافيش حب بقت علاقتنا بس علاقه اعداء مستنيلي لكلمه علي اهله بيني وبينه مش قدام حد ما العمل وبيقوموه عليا في كل شئ والذن علي الودان فهو انسان ضعيف الشخصيه جدا دايما يقول عشان اخش الجنا لازم مااتكلمش ولا يناقش اهله ما العمل ضروووووووري والف شكر انا طولت جدا بس عاوزه حل

مشاكل وحلول ذات صلة

اضيف بتاريخ: Thursday, February 23rd, 2012 في 10:35

كلمات مشاكل وحلول: , , , , ,

9 رد to “احب زوجي ولكن اهل زوجي ظلموني”

  1. اسماء الجزائر
    01/12/2013 at 23:04

    السلام عليكم يا جماعة اولا يا اختي الغالية انا كمان عم يحصل معي مشاكل مع امو واخواتة رجالة مو نسوان ومشكلتي انو زوجي ما بيدافع عني ابدا بيسكت عا غلط وراجل لو ما بيدافع عن مراتو خلاص ما يقدر يحميها من اي شي لازم تكلمي اهلك يكلمو زوجك واهلو يحسينو التصرف او من افضل لك ان تحملي حالك وتروحي من البيت انتي وزوجك عا شقة تناسبكم وتناسب عيشتك وانشالله يحل جميع مشاكل الناس مين بينهم انا وانتي وصديقاتنا الكرام كوني قوية ولا تضعفي الله لا يحب الضعفاء

  2. ابواميرة
    10/03/2013 at 17:21

    اختي المعذبة السلام عليكم انامش عارف انت عايشه ازاي اين كرامتك كزوجةوربةبيت وايه اللي مصبرك على الحياةالتعيسة دي ذل ومهانةانت اللي جبتيهالحالك لماتزوجت واحد للاسف مش راجل ولافيه ذرةمن الرجولة سلبي الارادةوضعيف الشخصية وجبان لايقدرحماية نفسه فكيف يحمى اسرةويكن مسوول عنها اطلبي الطلاق ارحم لك من عيشة الذل دي وتاكدي ان الله راضي عنك وبيكرمك برجل احسن منه قادريسعدك ويقدرك كزوجةويستاهلك

  3. ام محمد
    28/05/2012 at 12:39

    السلام عليكم حبيبتى انا كنت مثلك لكن زوجى وقف جنبى كانوا ديمن ظالمنى ويفتيرو عليه لكن زوجى اخزنى انا واولادى وقعدنا فى شقه وحدنا بس المشكله انها فى نفس البيت وكنت بسمع الشتاءم من اخته كان عنده اربع اخوات بنات مطلعين عينى والان فضل اثنين واثنين ازوجو بس نفس المشاكل وكانت امه فى صف البنات مع العلم انها عارفه انهم هما الغلطنين ومع زاك كنت بكلمها وانزل اقعد معاها علشان زوجى والاولاد كنت بخدهم معايا وعلى فكره هما اخزو ذهبى علشان يجوزو اخوه من فطره ومش عارفه هما هايرجعو الذهب ولا لا مع العلم انى عارفه انهم بيكرهونى بس علشان زوجى يهون كل شىء والبنت اصغر منى وهانتنى اخته وتبلت علياوقالت كلام والله ما حصل منى وصدقوها وخامونى هما كلهم حتى اخواته الصبيان علشان كده بقولك ماتزعليش من امه وكليميها بااحترام وماتشكيش من اهله عمال على بطال علشان ميزهكش منك ودا ها يكون فى صالح اهلهوالله يكون فى عونك لاانى جرابت الزعل وخراب البيوت وان شاء الله ربنا معاكى وحاولى تكسبى رضا حماتك وزوجك والله الموفق والمستعان

  4. رائفة
    18/03/2012 at 18:13

    السلام عليكم.اختى انا مع الاخ نادر لانى عن تجربة شخصية قريبة الشبة بتجربتك لازم تتكلمى وتاخدى موقف لانهم هيتعاملوا معاكى ومع اهلك انكوا ضعاف وهيتمادوا اكثر فاهلى مثل اهلك وكانت ام زوجى تهيننى كثيرا ولم اكن احكى شئ لزوجى لانى كنت اقول انها امة لكنها تمادت لدرجة انها اهانت امى كثيرا وزوجى اعتاد انة يفعل ما يريد وانا لا شئ .اختى الحقى نفسك لان محدش هينفعك انا الان مطلقة بدون اى سبب لمجرد ان امة قالت لة هذا ولم يفكر فى عشرتى لة ولا فى ابنة وسريعا بدأ يبحث عن زوجة وانا الى الان لم ارى ذهبى ولن احصل علية مرة اخرى فهو من السهل ان يرميكى وحينها سيعتب عليك الناس ويقولوا لك انتى اللى غلطانة انتى موقفتيش لهم لية وانتى اللى ضيعتى حقك واهلك كمان مش هيعملوا لك حاجة.الحقى نفسك ودافعى عن حياة ابنك

  5. Amany
    18/03/2012 at 11:12

    ممكن تسمعينى كويس … انتى دلوقتى في مفترق الطرق … قدامك حل واحد دلوقتى معاهم … ابتسمى .. انا بتكلم جد كل ما يعملوا حاجه تضايقك ابتسمى و زوجك يتنرفز و تقولى و لا يهمك … امه تشتكى منك و تقولى حصل خير … انا مش بقول اتنزلى عن حقك بس عاوزاكى تهدى الدنيا و يظهر مين الوحش و مين المتربى … هما بيستغلو انفعالك و بيعرفو يخلوكى تغلطى و كده بيسخنو زوجك عليكى و انتى مش واخده بالك من ده .. ابعدى عنهم اى فرصه انهم يمسكو عليكى غلطه .. و هما هيزهقوا لانهم مش هيلاقو حاجه يقلوها .. و ساعتها هتعرفى تاخدى حقك .. ساعتها هتكون كل الامور في صالحك .. و زوجك شاف قد ايه انتى صابره و متربية .. و هيحاول يرضيكى و يرجع معاكى زى الاول … اوعى تشتكى من اهله سبيه هو الى يشتكى و انتى تقوليلو عيب دول برضو اهلك … اسمعى منى انا عاوزاكى تشترى حياتك و سعادتك بشويه صبر بسيط .. و ربنا يعينك

  6. رانيا
    29/02/2012 at 20:29

    انا زيك تعبانه في حياتي مع زوجي واهله واخوه معرفش من يوم ما دخلت بيتهم وهو بيكرهني وبيحاول يغلطني وعايز زوجي يفضل معاهم وميقعتش معايا ولو غاب معايا شويه الترياه تبدا ومش عارفه ايه الحل وجوزي بيخاف منه اوي وبيحاول يرضيه بكل الطرق مع ان اخوه اصغر منه يارب يوفقني انا وانتي

  7. نادر
    24/02/2012 at 02:41

    بسم الله الرحمن الرحيم .. اولا ودا ضرورى ضرورى لازم تعرفى حد كبير من اهلك سواء والدك او اخوكى الكبير ويستحسن الاتنين اللى بيتعمل دا يا حبيبتى لازم اهلك يعرفوا بيه وياخدوا موقف مع جوزك ويتفقوا مع بعض بالحل المناسب يا اما تشوفوا شقه بعيده او اى حاجه بعيده عن الناس دى .. ثانيا لازم تاخدى موقف معاه هو كمان مينفعش تسكتى كده .. هتقلى من نظرة كتييير اوى لما يحس انك انسانه ضعيفه ووحدانيه لازم تتدخلى اهلك وتعرفيهم اللى حصل .. وبعدين انا مش عارف ازاى يدخلوا عليكى وانتى بترضعى او لابسه ملابس البيت هو جوزك دا ايه .. لو كان بيحبك مكنش اكيد سمح لاخوه انه يعمل حاجه زى كده وكان لازم يتكلم معاه ويعرفه ان كده غلط طبعا
    الخقى نفسك علشان مكانتك متتهزش اكتر من كده عنده وربنا يوفقك ويصلحلك الحال ياااااارب

  8. hanna
    23/02/2012 at 19:45

    عزيزتى الزوجة الذكية جدا اذا كان زوجك فى بداية زواجكم مطيع محب ناعم معكى مثل القطط فكل الرجال هكذا و لكن يجب ان تعلمى ان بداجل كل قط جميل حبوب ناعم وحش اسد بيخربش واذا كانت مشكلتك معه بتنحصر فعلاقته بأمه و اهله فأعلمى انها امه حتى اذا كانت متوحشة ولا تطاق و بها العبر فهى امه و اذا كان زوجك يخشى عقاب ربنا اذا عصى امه فساعدية على ذلك ولا تلوميه و لا تذكرى اهله بالسوء لا امامه ولا خلفه و ضعى نفسك مكانه ماذا لو ان زوجك بغض النظر عن مميزات والدتك لا يطيق والدتك ولا يحبها ولا يحترمها و يتحدث عن اهلك بطريقة غير جيده هل ستحبيه كما كنتى تحبينه فى البداية زوجك شايف و عارف اهله و لكن هيحبك لو بلعتى لهم الزلط و حاولتى تمثلى انكى بتحبى انه يمكن لما تمثلى انك بتحبيه ربنا يضع حبها فقلبك و حتى لو ما حصلش فهى ام جوزك و جدة اولادك و لو على ذهبك فاعتبرى ان جوزك اتزنق و انتى وقفتى جمبه و قوليله انت اهم عندى من كل الفلوس و الدهب و الأهم ان انت معاياو انا عارفه انك هتجبيلى غيرها خليه يفكر بينه و بينه نفسه ازاى يرضيكى و ما تزنيش على دهبك كتير علشان الرجالة بطبعها عنيدة و تكره الست اللى بتهتم بالدهب و الفلوس و تذكرى ان زوجك مترسخ فى عقله انه من هذه الأسرة التى انتى تنبذيها حافظى على جوزك و اعرفى ان زوجك مش ضعيف الشخصية و لكنه يلجأ الى رضا امه و تحدثى عنهم بما يرضية ولو بالكذب و ستوضع فى ميزان حسناتك

  9. متزوج بمزاجي
    23/02/2012 at 13:00

    انتي غريبه جدا يا اختي . انتي من البدايه وفي فترة الخطوبه اللي استمرت 4 سنين عارفه ان اهله مش كويسين ورغم كده اتزوجتيه بحجة انه حنين وكويس معاكي وزي الخاتم في صباعك ونسيتي ان البيئه اللي الانسان اتربى فيها ليها تأثير قوي عليه . انتي خلاص اتزوجتيه وخلفتي منه استحملي بقه نتيجة سوء تقديرك للامور وأنا من رايي انك متكلميش في موضوع الدهب ده حاليا قبل ما تقدري تسيطري على زوجك تاني بعد فترة ولادتك وبعدين استغلي اسلحتك الانثويه واساليب الكيد النسائيه في السيطره مره اخرى على زوجك وانك تقدري تبعديه عن تأثير اهله عليه مره اخرى بعدها هتلاقي الدهب رجعلك مره تانيه وبعدين نصيحه مهمه بلاش تنقضي اهل زوجك امامه علشان اكيد بتضايق منك وبحقد عليكي ساعتها وياسلام لو تحاولي تحسني علاقتك معاهم اكيد ده افضل كتير . وربنا يسترك ويوفقك

اترك رداً أو حلاً لهذه المشكلة