مشاكل الحب

اهل مراتي بيتجاهلوني ومش بيحترموني

مشاكل مع اهل مراتي

ممكن حد يقول ديه مشكلة متكرره وعادية ولكن مشكلتي من نوع خاص شويه

يقال ان زوج البنت بيكون زي الابن بالضبط

ولكن انا علي يقين انا بتعامل بالعكس

بدات المشكلة في اول الزواج خالص من المعروف لدينا في مصر ان العروسة تجيب خزين ليها وللمطبخ ولكن الحمد لله محدش جاب ليا اى شي ومش لاقيت اى حاجة منهم والي عرفته لما رجعت من شهر العسل ان العريس الي مفروض عليه كل حاجة وصلت ليا من حماي ان محدش بياكل حد في بيته انا صدمت ساعتها لانهم طلعوني انا غلطان ساعتها و مش كويس ومش جدع وكلام من ده

ولكن عدي الموضوع وكبرت دماغي قولت يمكن تختلف من عيله لعيله ،

التجاهل بقه في اى شي حضراتكم

يعني مثلا يجي اخو المدام راح يخطب اعرف قبلها بساعة زمن انهم نازلين وبيتساذنوا ان مراتي تنزل معاهم
يجي مثلا اى مناسبة اخت المدام جاي ليها عريس يتقال ليا بس يتطلب مني بالمفهموية كده امشي علشان مكنش موجود والعريس موجود
كاني هاسبب ليهم العار

مش هاقول انا شغال ايه وكلام من ده لكن الحمد لله انا ساكن في منطقة كويسه ومعلم تعليم عالي وبعمل في احدي ارقي الجهات في مصر والحمد لله

مثلا اعرف ان حماي هيعزل في بيته من دور لدور بالصدفه البحته

عدم الاحترام من جانب اخوها الصغير

يعني حضراتكم مثلا يوم حفله تخرجه المعروف ان الحفله ديه تقام في موعد معين وبيكون معروف الميعاد

اعرف قبلها بساعات وعزومة مركبية طبعا

حاجات كتيره ديما احس ان مهمش انا لا فضولي ولا نيله ولكن اطالب بالاحترام اطالب بمعاملة حسنة اسوه بما اعامل زوج اختي وعائلته

مينفعش اكون معاهم يوم سبت واجي اعرف يوم الاحد انهم رايحيين يخطبوا لابنهم

مش ينفع اكون معاهم وينطلب مني امشي علشان فيه عريس جاي لختها

حاجات كتيره تحرق الدم

وتخلي الواحد يكرههم اكثر واكثر واكثر

مشاكل وحلول ذات صلة

اضيف بتاريخ: Monday, October 2nd, 2017 في 17:20

كلمات مشاكل وحلول: , , , ,

2 رد to “اهل مراتي بيتجاهلوني ومش بيحترموني”

  1. taha
    03/10/2017 at 00:27

    ااولا لا تبالي ثانيا لو ده مزعلك قول اهم طاب هانظم وقتي واجي لو عرفت واحلف بالطلاق الحقيق علي مراتك انه ما تروح الا لما تفضي وتيجي معاها وطبعا ما تفضاش وكل مر كده واكتر من كده هما مش ملزمين يدعوك وانت مش ملزم تسيبك الست وتروح والا تبقي مش راجل ويبقي يحق لهم اكتر

  2. ابوالبتول
    02/10/2017 at 19:55

    اخي الفاضل عاوزك تعرف ان الناس لهم خصوصيات ولايحبوش ان يطلع عليها احد وكونك زوج ابنتهم مايعطيك الحق انك تعرف كل حاجة عن اهل مراتك مثلا بنتهم جاء لها عريس او ابنهم رايح يخطب الفتاة الفلانية او حماك هيعزل في بيته من دور للاخر او امتى يقيموا حفلة لابنهم الصغير كلهذي الحاجات لاتستدعي انك تحرق دمك او تكرهه اهل مراتك او تزعل منهم اسمحلي اقول انك شخص فضولي وحشري وعاوز تعرف كل حاجة عن اهل مراتك وهذا غلط كبير منك لااظن عاقل بيقول هذا الكلام انت بكذا تصغر نفسك امام زوجتك واهلها وتقلل من قيمتك وقدرك هل ترضى ان زوجتك تنقل اسرارك وخصوصياتك لااهلهااو لااهلك وللاخرين طبعا لا فكيف ترضى للاخرين ان يقولولك كل شي مهما كان صغير اوكبير دي امور خاصة بهم ارجو ان تكون الصورة اتضحت لحضرتك ودع عنك الفضول وحب معرفة خصوصيات الاخرين حتى لوكانوا اهلك اواهل مراتك وربنا يصلح حالك ويهديك ويسعدك في حياتك الزوجية

اترك رداً أو حلاً لهذه المشكلة