السلام عليكم نفسى حد يساعدنى مش عارفه اعمل ايه انا فتاه قرويه متربيه على عادات وتقاليد صارمه اهمها الاختلاط ممنوووووع دخلت الجامعه وكنت بضايق جامد من مناظر البنات والاولاد والكلام اللى بيسموه حب لحد مافى ولد عدى من قدامى حسيت انى اعرفه من زمان رغم ان دى اول مره اشوفه المهم انه طلع معايا فى نفس القسم والتخصص ومعايا فى السكشن ولجنه الامتحان وكمان اسمه زى اسمى وساكن فى نفس الشارع اللى انا ساكنه فيه لكنه اساسا من بلد تانيه وكمان فؤجئت انه ابن عم صحبتى اتعرفنا عادى جدا زى اى زميل وكان كلامى معاه قليل جدا وعرفت من بنت عمه انه مرتبط وبعد فتره جا قلى انه ساب البنت اللى كان بيحبها استغربت من تصرفه وجرائته معايا انه يكلمنى فى شئ شخصى ليه وبعد فتره قليله جدا قلى انه معجب بيا كان ردى عليه كل شئ قسمه ونصيب وبلاش نتكلم فى الموضوع ده لكنه كان دايما بيبص عليا وبعد فتره قليله اتعرف على اهلى وكلمنى تانى واتعرف على عشان انا كان بيحصل عندى دور اغماء وكان دايما بيروح معايا المستشفى بحكم انه جارى وزميلى وكانو البنات دايما يقولو انى معنديش قلب رغم انى بحبه من اول ماشفته لكن مكنش ينفع انى اتكلم معاه فى حاجه زى دى بس كنت حاسه انه عارف انى بحبه وحدد معاد انه جى فيه كان الترم الاول فى اخر سنه دراسه لكنه مجاش وفؤجئت انه حتى الترم التانى محضرش غير الامتحان وعرفت ان اهله رفضو موضوع ارتباطه بيا عشان هما ميعرفونيش وهو مقدرش ينزل لانه محرج منى وخصوصا بعد مااتسرع وكلم اهلى وانا كان شكلى وحش خالص قدام اهلى وهو دلوقتى خطب واحده تانيه وانا لسه بحبه وهو كمان لسه بيحبنى واحيانا يكلمنى بس كأننا اخوات يسئل عليا وانا اتخطبت فتره ومكملتش لان الشخص اللى اتخطبت له مكنش عايزينى واهله هما اللى كانو عايزينه يرتبط بيا وانا مكنش فى ايدى رد وخصوصا بعد موقف زميلى اللى وعد بالمجى ومجاش فاطريت اوفق لكن الحمد لله الموضوع انتهى وكمان الشخص اللى انا حبيته ارتبط بواحده ماماته غصبته عليه وهو مش عايزها وانا مش عارفه انساه ومش عارفه اعمل ايه انصحونى على العلم انى بحس بيه لمايكون تعبان اواى حاجه وهو كمان بيحس بيا ووصل بينا الارتباط الروحى لدرجه انى والله بسمعه رغم انى فى بلد وهو فى بلد ارجوكم ساعدونى
هموم البنات
اول مره احب ويارتنى ماحبيت
اضيف بتاريخ: Wednesday, January 11th, 2012 في 22:43
كلمات مشاكل وحلول: الجامعة, الحب الاول, فتاة
العلاقة مع الشاب والحب حرام وما راح تلقون الا الهموم والغموم والوقوع في شرك المحبة والامراض النفسية
واللي ما عندها العلاقة المحرمة مع الشاب او الشباب تعيش مرتاحة
الله ارحم من النفس المفروض ما نحتاج ولا نشتكي الا الى الله هو الرحيم
والله بكيت من كلامك حاجه صعبه اوي ربنا يجعلوا من نصيبك
ادعى وانتى بتصلى اللهم اجرنى ف مصيبتى واخلفنى خيرا منها
الله معك ==”””!!!!
ربي يجيب لك واحد غيرة احسن و احسن خاصة ان الحب *محرم*
ياا رب مااا يصير فية لا جامعات و لا مدارس مختلطة !!!
بصي يابنتى لو ليكى نصيب فيه اتأكدى انك هتاخديه لو حتى حصل اية
و ربنا يوفقك يارب و يهديكى لاللى فيه الخير
حبيبتى دنيا دى قسمة ونصيب مثل ما قال اخ لى قبلي ولكان انتى تحلى بايمان واذا كان هو يحبك ونويك للخير راه يجيك لبابا دار كيم نقولو احنا في جزائر اذا يحبنى بابا دار يعرفوا وبتمنلك توفيق في حياتك حبيبتى من اختك حنان
وعسى ان تكروه شيا وهو خير لكم واذا كان من نصيبك حيجي حتى بعد 100 سنه
بصى كل حاجة قسمة ونصيب ونصيحتى انك لازم تصلى استخارةوالله صلاة الاستخارة دى هتريحك نفسيا لو كان ليكى هتحسي انك مرتاحة وهيكون ليكى حتى لو كانت امه مش موافقة اما لو كان مش ليكى هتحسى انك معدتيش بتفكرى تانى
اصلا فيه(عن تجربة) والللى فيه خير ربنا يكتبهولك ان شاءالله