مشاكل الشباب مع البنات

بحبها جداً وخايف تروح مني

انا واحد عنده 16 سنة الحكاية بتاعتي بتبدأ من وانا في سنة رابعة تقريباً كنت وقتها عندي 10 سنين يعني طفل يعتبر وكنا بنلعب عادي زي أي طفل في الفترة دي الحكاية بتبدأ من رمضان 2013 كان في مسجد عندنا كبير وكان بجواره حديقة تبعه وكنا بنروح نصلي العصر فيه ونروح نلعب وكانت الحديقة دي مصلى للحريم ساعة صلاة التراويح بس الصبح عاادي مكان للهدوء والإستجمام فكانت والدتي وخالتي بياخدونا انا واخواتي وبنات خالتي ونروح نلعب بعد العصر في الجنينة دي وقعدنا حوالي فترة نروح نلعب لحد مامرة عمة بنت خالتي جات من إسكندرية وقعدوا جنب خالتي في نفس الشارع المهم مرة بنت عمة بنت خالتي جات معانا تلعب هي في نفس سني الباقي كله اصغر مننا ب3-4سنين فالبنات كان بيلعبوا مع بعض واحنا مع بعض فالمهم عدت فترة لحد ما جه وقت وبدأنا نلعب مع بعض كان الأمر تدرييجي لحد ما اتعودنا على بعض جامد ونهزر وكانت اول مرة ليا اكلم بنت وهي اول مرة تكلم ولد برده و قعدنا سنتين نلعب مع بعض على نفس المنوال وكنت اروح عند خالتي وهي هناك ونهزر ونلعب برده المهم كنت انا في سنة 5ابتدائي والمستر كان عاملنا حفلة اخر السنة في مسرح وفقرات وكده وكنت طالع من الأوائل وكل طالب يجيب أهله وييجي وهي كانت من ضمن اللي جايين معايا المقاعد صفين واحنا حاجزين 10مقاعد منهم 8 في صف و2 في صف ال8 أمي وخالتي والباقي أخدوا المقاعد دي وانا هي بس اللي واقفين فقعدنا جنب بعض وكنا مع بعض طول الحفلة مبتسمين ونهزر ونعلق على الفقرات وكده وفِي اخر فترة لينا كانت لما تهزر معايا برد بهدوء ومبقاش بهزر زي زمان لأن كنت ابتديت أتحرج معرفش ليه وهي جات في مرة قالتلي انا حاسة انك مش طايقني قلتلها لا والله وهي كانت مفكره ده تكبر مني بس والله ماكان الا إحراج عشان احنا كبرنا شوية بالنسبة ليا في الوقت ده وكانت اخر مرة أشوفها لأن هي هترجع إسكندرية تاني عدت السنين لحد في سنة تانية إعدادي لقيت ايميلها 2016 تقريباً قلت انا لازم اثبت لها إني مش موضوع كبر وتكلمها وبالفعل كلمتها وسألنا بعض على الدراسة وكده لحد ماقولتلها انا زعلان علشان احنا بعدنا عن بعض حسّيت بالإحراج وخصوصاً عشان هي محترمة وعملتلي بلوك زعلت من نفسي. مع إن ماكنش قصدي حاجة ولكن ذهبت اخر فرصة عشان نكلم بعض عدت 3 سنين كنت عند جدتي وكان عندي امتحان كيمياء وقاعد بذاكر وده يعتبر بيت العيلة الباب دق وفجأة لقيت خالتي داخلة وهي معاها وانا محرج من اخر عملت نفسي بتكلم حد من التليفون اَي حوار منعاً للإحراج انا في الأوضة عالسرير بذاكر وهما بيكلموا بعض في الأوضة التانية كنت فرحان إني شفتها عدى الوقت وأقاموا يمشوا ولكن الصدمة إن هي جات عملتلي bye bye وهي مبتسمة ليا سلمت عليها ومشت كانت أخر مرة بجد أشوفها دخلت على بروفايلها شفت بوستات عن الدين وعن الأخلاق لدرجة إنها غيّرتني بعد ماكنت بعيد عن ربنا شوية المشكلة إن انا بحبها حب نقي خالي من المصالح والشهوات لأن من الصعب يجتمع (التدين -الأخلاق -الذكاء-الجمال -المرح)في واحدة الحب مش حرام ولا عيب لإن دي مشاعر تلقائية ملناش دخل فيها الحرام الفعل اللي ممكن يحصل نتيجة الحب خايف تروح مني خصوصاً إن احنا في سن بعض يعني لو دخلت كلية طب 7سنين مع سنة جيش مثلاً هتكون هي اتجوزت وخصوصاً إن هي جميلة واتقدملها كذا عريس وأمها رفضت عشان هي بتدرس لسه انا عارف إن بالنسبة لكم انا مراهق وبقول أي كلام وهتقولولي اهتم بدراستك أفضل ودي مشكلة تافهة وده شغل مراهقة وفترة وهتعدي لا انا متأكد إني عمري ماهلاقي زيها بس بجد ده من أكتر الحاجات اللي شاغلة بالي خايف اتعشم واتصدم في الآخر

مشاكل وحلول ذات صلة

اضيف بتاريخ: Friday, October 4th, 2019 في 21:38

كلمات مشاكل وحلول: , , , ,

2 رد to “بحبها جداً وخايف تروح مني”

  1. jijiko
    07/10/2019 at 13:16

    انا مريت من هنا أمس مرتين ولم اشارك على مشكلتك لانها عادية وكثيرين كتبو مشاكل مثلها ، لكن رأيت اليوم انها بدون ردود وانت تعبت تكتب وقلت في نفسي يمكن حكايته صحيحة وافيده وانا سبقته بتجربة ما يمر به وعرفت نهايته ، كل ما حصل بينكما انت وهذه البنت من مواقف وذكريات ومشاعر جميلة للحظات او عشتها وشعرت بها طوال هذا الوقت ، جميع ما ذگرته يمر به اي شاب او ولد غيرك مع بنت جيران او بنت عم او خال او خاله او زميله في مدرسة ، اي بنت وولد في اي بلد او مجتمع او بادية او كوكب يجلسو قريب من پعض او يلتقو او يجمعهم اي مناسبة او صدفة لازم كل واحد يفكر بالاخر او ينظر له على اساس اي صفة او ميزة فيه جميله او تعجبه وكل الناس يرونه كما يراه لا يختلفو الا في طريقة تصرفهم وتعاملهم واخلاقهم معه وتفكيرهم ، كلنا مرت بنا هذه التجارب واعجبنا بفتيات يفتنو كل من يرآهم بصفاتهم وتصرفاتهم وتمنيناهم وعشنا اوقات قلوبنا تتعذب اذا ابتعدو او ذهبو لزيارة اقارب لهم او سافرو او تكلمو مع اولاد غيرنا ، وفي اخر حكاياتنا ذهب كل واحد لحياته المكتوبة له ونصيبه وبقيت حسراتنا على تدخلنا فيما لا يعنينا ، اذا وافق اهلك على ان يخطبوها لك الان ووافق اهلها هذأ هو الحل الوحيد، او اذا اقتربت من التخرج وحصلت على فرصة عمل تستعجل وتتقدم لخطبتها او اذا بلغت سن الزواج وانتهيت من دراستك وهي ما تزال لم تتزوج تجرب التقدم لها ليس هناك حل اخر واذا كانت من نصيبك لن تذهب الى غيرك واذا كانت لغيرك لن تتزوجها ، يعني لا تتعب قلبك عيش يومك واهتم باي اعمال او دروس تفيد مستقبلك حتى تتوفر فيك الشروط والامكانيات لتتزوج وتبني حياتك ومستقبلك ،

  2. البرنس
    06/10/2019 at 20:51

    شوف ياابني دام البنت ابنة خالتك وعارف اخلاقها وتربيتها كويس وتحبها كلهذا الحب فتوكل على الله وصارحها بحقيقة مشاعرك ورغبتك في الارتباط بها وكلم اهلها عشان يخطبوها لك ولاتتردد ابدا واللي فيه الخير ربنا يقدمه لك لانو البنت ممكن تنخطب بسرعة واي عريس يجي لها احتمال اهلها يوافقوا عليه اوعك تتردد او تتاخر عشان البنت ماتضيع منك ومسالة ان وراك كلية طب وجيش ودي تاخذها بتاع 6سنين على الاقل انتو تعملوا خطوبة الان و يتم الاتفاق بينكم وبين اهل البنت حتى تخلص دراستك وخدمتك في الجيش ودي ناس كثيرة بتعمل كدا والايام والسنين تعدي بسرعة وتلاقيك خلال تلك السنين جهزت روحك وكونت نفسك وتبقا جاهز للزواج يا باشا وربنا يؤفقك ويسر امورك ان شاء الله

اترك رداً أو حلاً لهذه المشكلة