انا بحب واحد كان معايا ف الجامعة وقعدنا ٤ سنين سوا، وجيه اتقدملي الشهر اللي فات المقابلة كانت تمام واهله تمام بدا المشاكل لما هو قال انه هيبجيب الشقة ايجار جديد وكمان الصيدلية (هو صيدلي) ايجار جديد برده يعني مافيش استقرار.
الكلام دا والدته قالته في التليفون لوالدتي، المهم بابا عرف واضايق وقال هو شغله حر فيه مادام هيكفي بيته بس الشقه دي حقك انتي ولازم تبقي تمليك عشان يبقى في استقرار.
المهم ان هو لما كلم بابا عشان يحاول يقنعه شدوا مع بعض وهو كمان قال كلام مكنش ينفع يتقال انه قل ذوقه مع والدي وصوتهم علي وبابا اتقفل منه بس مانهاش الموضوع.
اللي بحبه هو اللي اتكلم معايا وقالي ازاي والدك يتكلم كدا معايا وانا مش صغير، وانا قعدت اتصل عليه كتير مايردش لحد ماكلمتش من رقم غريب عشان يرد، وطبعا عيطت لاني عاوزاه.
وقعدت اقنعه انه يكلم والدي تاني عشان الموضوع يتحسن قالي اوك بس لو زعقلي انا همشي المهم انا بلغت والدي ووالدي ماقالش حاجه وبابا عارف انه كان جاي بنفس الكلام فاللي بحبه اتكلم معاه ان لو يكلم اهله والموضوع يتحل خصوصا ان اهله مبسوطين وانا برده اهلي مبسوطين وكويسين جدا والله وانا اصلا دكتوره اسنان لكن والدي يهمه برده اني ابقي مستقره ومبسوطة.
المهم بعد ماكان المفروض اللي بحبه يتصل على والدي ويحدد معاد يجي فيه ويتفاهموا لاقيته لغى دا ولا اتصل ولا جيه، كمان ببعتله مايردش ع كلامي ويشوفه وراح عملي بلوك ع الرقم بتاعي والواتس وسايب الفيس عادي مفتوح مابنا.
وانا مش فاهمه في ايه انا عمري مكنت وحشه معاه، وهو اللي جالي ف الاول خالص وقالي عاوزك معايا وكل تصرفاته معايا خلال ال٤ سنين كويسه وانا برده معرفش ليه عمل كدا.
وكل شويه اعيط وادعي ربنا واهدي وارجع اعيط تاتي وكل مادعي ربنا القي اشارات عالفيس زي رسالتك النهارده والحاجات دي بتقولي ابشري استجاب وربنا هيحلها وحاجات من دي وانا مش عارفه اعمل ايه اسلم للامر الواقع ولا ادعي ربنا يجمعنا تاني.
وهو هيدخل الجيش بعد كم يوم وعندي امل يكلم اهلي قبل مايدخل ويحاول يصلح الموضوع بس مش عاوزة احط امل عالفاضي واتعب تاني.
ممكن تقولولي اعمل ايه ورايكم ايه في اللي حصل
