انا ولد عندى 15 سنة بحب بنت عندها 13 سنة وهى معايا فى الدرس وكنت بشوفها فى الامتحانات اللى كنا بناخدها كل اسبوع فى الدرس وده لأنها بتجمع كل المجاميع من 1 اعدادى و2 و3 اعدادى . كنت كل لما ابصلها الاقى ابتسامتها سابقاها وعينيها فاضحاها وبعدها بشوية اتعلقت بيها وقررت انى اعرفها انى بحبها بس مكنش عندى الجرأة انى اقولها . فكرت ووصلت انى ممكن ابقى اكتبلها على ورقة الامتحان بتاعتها من غير ما المدرس يعرف مين اللى كاتب بالضبط . وفعلا فى يوم دخلت فتشت فى ورق الامتحانات قبل مايتصحح وكتبتلها عليه وعرفتها انى بحبها وكتبت اسمى . بس موصلتش لرد منها ز لحد ماجه ميعاد امتحاناتها وانا بعد كده معدتش هشوفها تانى . وقررت انى لازم اكلمها وفعلا روحت عشان اكلمها بس كانت كل ماتبطأ خطوتها فى المشى كانت صاحبتها تقوللها يالا يالا انتى هتقفى ولا ايه ؟
المهم مشت وسابتنى فى اليوم ده .
ومعدتش بشوفها . لحد ماجه ميعاد امتحاناتى ولقيتها جاية عند المستر اللى كانت بتاخد عنده واستأذنته فى كلمه بره مكان الدرس . بس مش عارف هى كانت قاصدة انها تيجى فى الميعاد ده ولا جت صدفة انها تشوفنى عنده ؟ والمهم انا خلصت الدرس وطلعت ادور عليها عشان اشوفها وكنت ناوى اكلمها . بس للأسف مقدرتش اكلمها . مش عارف ليه ؟ بس هو مش كسوف . هو ممكن يكون كنت خايف على كرامتى وكنت خايف من رد فعلها او ممكن تسيبنى وتمشى زى ماعملت قبل كده وخصوصا ان صاحبتها اللى كانت معاها قبل كده كانت معاها برده المره ديه . المهم ديه كانت اكتر مرة عنيها تيجى فى عينيا بشكل مباشر . والغريبة انها مكانتش بتنزل عينها من عليا خالص . بس برده مقدرتش اكلمها . وعرفت بعد كده انها بتخرج مع اصحابها البنات كل يوم ثلاثاء . وانا عارف رقم تليفون بيتها بس للأسف هتكلم فى بيتها بصفتى ايه وكمان انا محبش اعملها مشاكل فى البيت .
ياريت حد يقولى هى بتحبنى ولا لا ؟ واعمل ايه بعد كده ؟
بص يا عم انتا اهم حاجه تركز في دروسك.
انتا هاتشوف بنات كتير وهي كمان وانتو لسه الطريق طويل
لان
هههه يمكن تحبك بس تخجل ههههه جد القصه مسليه انت كلمها لا تخجل خههههه ويمكن اذ كلمتها تسبك وتشتمك وتمشي كلمها بس هيه صغيررره لسه ونت ههه
بص يا معلم
الموضوع مش محتاج شرح
روح كلمها على طول
ٌقالتلك بحبك يبقى اشطه
قالتلك لا ومش دلوقتى والجو ده يبقى انت برده كسبان ان على الاقل مضيعتهاش من ايدك
اسمعى كلام مجرب كان اهبل ومرحش قالها برده 😀
حاول حاول لحد متنجح علشان متندمش
بوص كلمها على رقمها فى البيت لغاية ماهيا اللى ترد وقولها كل اللى جواك واللى عاوز تقوللها من زمان مضيعهاش من ايدك عشان متندمش بعد كدة عليها انا معاك ان صعب المواجهة فى الوش وانك تقولها بحبك كلمها على رقم البيت لغاية ماتتاكد هيا اللى ردت وصوتها وقولها كل اللى جواك وانتا مين وكدة واديها رقم موبيلك ولو خدتو واتجاوبت معاك يبقا هيا بتحبك وانتا بتقول بتبوصلك يعنى ممكن معجبة بيك بس مكسوفة منك اتكل على الله وكلمها وخليك جرئ ومتكسفش الخوف من رد الفعل بيضيع حاجات كتير مننا وحاجات كتير نفسنا نعملها بس بنفكر فى رد فعل الناس والنتيجة مع ان ممكن تكون نتيجة كويسة مش وحشة زى ماانتا فاكر يعنى وانتا بتتكلم متفكرش هتقولك اية فكر انتا بتحبها قد اية
بص في ناس كتير حتدخل و ترد عليك و تقولك انك سنك صغير و هي كمان صغيرة و الكلام ده لسه بدري عليه و الحوارات ديه لكن خدها مني و انا شاب عندي 18 سنه لو انت حاسس انها بتحبك بجد ما تضيعهاش من ايدك لاني انا حصل معايا اللي حصل معاك و ما كانتش عندي الجرأة اني اكلمها و عملت حوارات كتير لدرجة اني رحتلها البيت مرة عشان اشوفها و حظي الوحش انهم ما كانوش موجودين المهم سيبك مني انا و خليني فيك بص اكيد انت اكتر واحد حتحس هي بتحبك ولا لاء وفي حاجات كتير تعرفك يعني انا اكتر حاجة لحظتها من كلامك هي انك قاري كلام كتير في عينها من نظرتها ليك و شايف انها بتبادلك فس الشعور في حاجة تانية لما انت بعتلها الكلام على ورقة امتحانها هي يمكن ما ردتيش على الكلام ده من كسوفها و لان واضح انها محترمة و طالما قارته و ما ردتش عليك فديه حاجة تأكدلك انها معجبة بيك على الاقل ديه لو ما كانتش بتحبك لان لو هي مش حاباك ما كانتش حتسكت ولا ايه , المهم برده ان هو في تعامل بينك و بينها يعني اتكلمتوا مرة و لو كلام عادي هزرتوا مرة و لو حتى كنتوا مع صحابكوا كده يعني لان لو ده ما حصلش حيكون صعب شوية انك تقولها انا بحبك على طول ممكن تقولها انك معجب بيها و تقربلها اكتر فاهمني طبعا و انت من طريقتك واضح انك راجل بجد و بتخاف عليها و ده ظهر من كلامك انك مش عايز تعملها مشاكل في البيت و كمان ما كلمتهاش مع صاحبتها و ديه كلها حاجات بيبين انك بتخاف عليها يعني من ناحيتك انا شايف انك بتحبها بجد مش مجرد مرحلة و حتعدي و من ناحيتها انا شايف انها معجبة لاني ما اقدرش اقولك بتحبك عشان انا ما اعرفش هي بتفتكر فيك ازاي بس زي ما قولتلك حاول تقربلها اكتر و ربنا يوفقكم يا رب و يا ريت ما يبقاش في بالك انك تتسلى شوية او مجرد ان تبقى مرتبط و السلام لانها لو حبتك بجد يبقى انت محظوظ واللهي صدقني انا واحد مجرب و لو كنت لقيت حد قالي الكلام ده يمكن ما كانتش ضاعت من ايدي يلا ربنا معاك