بصوا ياجماعة انا بنت عندى 18 سنة كان فى واحد ساكن قصدنا كان يحبنى وبعيدن الموضوع قلب انى حبتو جدا هو كان مهتم بية الاول خالص وبعد كدة طنشنى وبعد كدة لقيت صاحبوا جاي يقولى انوا بيحبنى وبعدين جاة يخطبنى بس انا مش وافقت عشان انا بحب صاحبه اوى وبعدين انا مش قادرة انساة خالص بقعد استناة اما يرجع البيت واطمن علية هو كل اما اطلع البلكونة اشوفة يكون موجود يشوفنى واقفة يروح قافل البلكونة وداخل طيب حد يقولى هو عمل كدة لية من الاول علقنى فية لية مش قادرة افكر فى حد تانى خالص
إيه اللي انتي بتحكيه ده..ما هو لو بيحبك كان عمل المستحيل عشانك إنتي عايشه في حب من طرف واحد وتلاقيه هو بيحب واحده ومتفقين على كل حاجه وانتي عايشه في الطراوه..بدليل إنه بيقفل البلكونه لما بتطلعي..ناقص بقي تروحي تخبطي عليه وتقوليله والنبي تعالى اخطبني..شغلي دماغك واحسبيها بالعقل اكيد صاحبه عرفه إنه هيتقدملك واكيد برضوا قاله إنك رفضتي.. وهو ولا في دماغه.. كبري دماغك وبكره يجيلك الإنسان اللي يستاهلك وشاريكي.مشكلتك إنك ما عرفتيش غيره بكره لما تعرفي شخص تاني هتنسيه وتقعدي تضحكي على اللي كنتي فيه.وبالتوفيق .