مشاكل الحب

بحب واحد اصغر مني بـ 8 سنين

انا انسه عندى 28 سنه من وقت ما اتخرجت اتقدملى ناس كتير جدا لانى الحمد لله جميلة واخلاقى كل الناس تشهد بيها بس كنت برفض لانى مكنتش بحس انى بميل لحد فيهم ولان عمر ما كان ليا علاقات فكان نفسى اللى اتجوزو احبه لدرجه ان اهلى شكو ان معمولى عمل او معقده وانا كمان شكيت

المهم من فتره اتعرفت على ولد اصغر منى ب 8 سنين على النت كنت بكلمه زى اخويا وهو كمان كان بيحكيلى على كل مشاكله وهو من النوع الخجول ومع الوقت حسيت احساس غريب نحيته مكنتش اعرفه

وهو قالى بحبك ونفسى اتجوزك والغريبه انى وافقت

كلم مامته عنى بس واحنا زى الاخوات ومامته اصرت انها تكلمنى وقالتلى انه اول مره يسمع كلام حد وانصحيه علشان بيسمع كلامك وانتى زى اخته

بس لما كلمهم انه يرتبط بيا اعترضو بشده

وانا لحد دلوقتى بيجيلى عرسان كتير وبرده برفض بشده بس المرات دى انا عارفه برفض ليه علشانه هوه

هو قالى استنى كمان سنتين او 3 وهو هيتقدملى حتى لو اهله موافقوش

انا خايفه الظروف متسمحش انه يقدر يتقدملى حتى لو استنيته علشان هو زى اى واحد بيعتمد على اهله فى الجواز وهما مش موافقين عليا

جربت كذا مره اسيبه وكنت بدمر علشان ده اول حب ليا

انا عارفه انى غريبه ويمكن اكون مريضه بس اعمل ايه لو ارتبطت بغيره هاعيش اتعس حياه وهاتعب اللى هاخده وهو كمان ممكن يحصله حاجه

ولو استنيت مش عارفه هايواجه كل ظروفو ازاى

هو وافق على فكره انه يتعرف على ماما دلوقتى بس قولتلو ما تعرفهاش اى حاجه بينا علشان طبعا مش هاتوافق بسهوله

هو مش بيكذب وانا حاسه ان اللى بعمله ده مش طبيعى انى اسيب كل اللى بيجولى واحب واحد فيه فرق بينا 8 سنين وعنده مشاكله

مشاكل وحلول ذات صلة

اضيف بتاريخ: Saturday, September 18th, 2010 في 22:27

كلمات مشاكل وحلول: , , , , , , , ,

15 رد to “بحب واحد اصغر مني بـ 8 سنين”

  1. sam
    21/02/2014 at 19:26

    في البداية راح أقول انك مجنونة ( أسفة) لكن في الحقيقة انا أجن منك لاني أحب واحد أصغر مني ب 10 سنوات والازفت من هذا انه ابن اخت صديقتي يمكن تقولوا هذا مو حب هذا طيش لكن والله اني احس في اغلب الاحيان انه اعقل مني لكن في النهاية ما حدا يعرف وين نصيبه فلو كان من نصيبك ربي يسعدك وان لم يكن كمان ربي يسعدك علشان ربك دايم يعرف وين هي سعادتنا

  2. ؟
    10/07/2012 at 11:09

    انتي لاتتزوجينه انصحك
    لان اذا خصصل مشاكل بينكم لاافدر الله
    بيقولك انتي اكبر مني خخخخخخخخخخخخخخ

  3. نهى راضي
    24/04/2011 at 20:40

    بصي ما كل الإحترام الشديد لآراء الناس دي كلها بس مسمعتش حد شكك في إحساسك تجاهه أنا بقى هقولك انتي يمكن مشابهه معي في انك عشتي مقفوله محترمه مش بتكلمي حد عشان كده لما كلمتي انسان أسلوبه كويس في وقت بتتمني فيه رفيق لحياتك عن حب وانتي رومانسيه جداً حسيتي انك بتحبيه أوي بل ممكن تحسي ساعات ان نهاية العالم لو تركتيه . لكن ده مش حب لأن الحب لازم يكون معقل وده مش معقل يفتقد حاجات كتيروبعد ما تكبروا كمان شويه تفكيرك هيكون أعلى وهتتخنقي صدقيني الأمان انه يكون أكبر منك وقتها هتحسي بروجلته وانتي برده من النوع اللي متنفعيش تكلمي حد باسم اخوه لان عوطفك زايده. أتمنى لكي السعاده والتوفيق من كل قلبي

  4. نوشا
    14/12/2010 at 18:12

    اول حاجة اتأكدي أنة بيحبك بجد
    واتجوزيه ممكن تكون سعادتك في الشخص ده وسبحانة اللة ممكن تتجوزي اكبر منك سنآ وتكوني تعيسة وفرق السن عادي

  5. سعيد
    19/09/2010 at 22:25

    صديقتى العزيزة هذا وهم بالنسبه له فهو وجد فيكى نضج مخالف لسنه بعض الشىءوتاكدى انه اذا حدث زواج فان سعادتك وان استمرت لفترات قد تكون سنين ولكن وهذا احتمال اكيد انه سيتغير ولذلك لان هذا حدث مه اناس كثيرين فاعقلى الامور ولا تتصرقى بعواطفك الجياشه واذا جاءك من هو فى سنك وقدوجدت فيه الانسان المئالى فذلك افضل وساعتها ستنسين اى شى اخر

  6. البرنسيسة
    19/09/2010 at 12:59

    انا انصحك تسمع كلام الناس دى كلها وتفكرى فية كويس لانة كلام معقول جدا وكمان انصك تدى لنفك فرصة وتبعدى شوية وتشوفى اية الى ممكن يحصل منة وعشان كمان تفكرى كويس ومعنتيش ترفضى عرسان ومش هقولك مكنش المفروض تستنى للسن دة وتفضلى ترفضى لانة خلاص معتش ينفع بس ياريت لو جلك عريس حت لو كان فى الفترة الى بتفكرى فيها بهذا الشخص فكرى كويس فى الارتباط من العريس الى جالك مش معنى كدة بقولك اتجوزى وخلاص بس فكرى بشكل عقلى شوية مش بقلبك والحب هيجى بالعشرة زى ما بيقولو دة احسن من انك متجوزيش اصلا وانا اسفة اذا كان كلامى مستفز وربنا يوفقك ان شاء اللة

  7. سيكولوجيه
    19/09/2010 at 00:55

    ك كل راى الاعضاء الكرام صح ومقنع مليون فى الميه
    بس انا بما انى اخصائيه نفسيه فهلفت نظرك لحاجات تانى
    سن العشرين دا بيبقى اخر مرحله المراهقه يعنى دلوقتى مشاعره
    بنسبه كبيره ممكن تكون مش صحيحه.
    الحب اللى من النت بيبقى اسمه ارتياح فى المقام الاول
    وكمان محمل بنسبه ميه ميه بالمجامله هقولك على مثال
    هى جمله مشهوره اوى بتتقال فى الشات دلوقتى لوقتى لو اى طرف
    شكر فى التانى او عرض مساعده من اى نوع على التانى تلاقيها بيقوله(ربنا يخليك ليا)
    وتانى من باب الزوق يردله نفس الجمله بس خلى بالك انا بقولك من باب الزوق مش الحب
    بس انتى عشان مش بتكلمى حد ومرتاحله فممكن جمبه زى كدا تمس فيكى حاجه
    وهو لانه شبه مراهق هيتمدى فى احساس الجمله ديه او اى جمله شبيه ليه
    المهم ان ديه الفكره اللى عايزه اوضحهلك كلام النت محمل بامجامله
    وكمان لازم اللى تتجوزى تكون عارفه كويس طباعه صفاته اسلوبه فى تعامل
    فيه حاجات مش هتبان من مجرد كتابه او حتى صوته.
    ودا بنسبله برضو يعنى لو شاف واحده معا فى الجامعه تتضمنى منين انه مش هيتشدلها
    او قصاده فى اى حته ديه طبيعه ربنا خلقها لكل مرحله فى العمر وليه خصائصها
    ومن ضمن مرحله عمرو دلوقتى انه مشاعره مش مستقره
    وكمان ياحبيبتى البنت كل ام بتعدى ال 30 فرصتها بتصعب فى الخلفه
    طبعا مش كل البنات عشلن مش اقلقك .
    بس صدقنى انتو الاتنين حكمتو غلط انا افضل ان تكون المشاعر اللى بينكو تفضل اخوه زى ماهى

  8. فنون جميلة
    18/09/2010 at 23:40

    ارجو انك تردى وتقولى رايك فى الكلام بتاع الناس كلها ونتناقش وتقدرى توصلى لحل

  9. bosy
    18/09/2010 at 23:38

    عايزه اقول للمصري وبس
    الرسول صلي الله عليه وسلم كان هو اللي اكبر من السيده عائشه وطبعا تفرق

  10. bosy
    18/09/2010 at 23:35

    انتى عقلك شغال بس رافضه تسمعيه
    مينفعش بكل المقاييس صدقيني هتتعبي بعدين وزى منتى قولتى ممكن يعد كل ده
    ميتقدمش
    وانتى برضو مش ضغير انك لسه تستنى
    انا بنت وعارفه وبقولك عن تجربه

  11. فنون جميلة
    18/09/2010 at 23:33

    بعد بسم الله الرحمن الرحيم والصلاة والسلام على اشرف المرسلين
    دلوقتى انتى بتحبيه على حسب كلامك وهو بردو بيحبك احنا مش هنقول ما كانش ينفع دا من الاول لانه خلاص اللى حصل حصل بس انا هاكلمك من اكتر من ناحية :—
    اولا :- من ناحية الاهل فى حاجة كان اهالينا بيزرعوها فينا من واحنا صغيرين الحاجة دى بتقول ايه ( اللى مالوش خير فى اهله يبقى مالوش خير فى حد ) تمام .
    ثانيا : – من ناحية السن انتى المفروض تتجوزى اللى اكبر منك او ان حكمت اللى فى سنك ليه ؟؟ علشان الراجل هو اللى بيحتوى مش الست ، والراجل هو اللى بيتصدى للازمات والست هى اللى بتبقى الحاجة الحلوة اللى فى حياته اللى بتهون عليه الازمات دى
    ثالاثا : – من ناحية المعاشرة والجنس سورى بس انا باجيبلك الموضوع من نواحيه كلها الراجل دايما بيحب يبص و يتمتع بحلاله وانتى فى فرق 8 سنين ولما يبدا سنك يكبر هتعجزى او هتبقى كبيرة عنه و عن تلبيه احتياجاته تمام فالواحد دايما بيحب اللى اصغر منه علشان تفضل عينه مليانة
    رابعا : – من حيث الثقافة والتعليم والخبرة الحياتية اكيد انتى عندك اللى اكتر منه لانه بردو لسه ما اخدش وادى مع الدنيا فبالتالى ممكن اى صدمة او اى حاجة تحصل فمش يعرف يتصرف وانه المفروض هو اللى بيوفر الامان والحماية
    خامسا : – ممكن يكون معاكى حق فى حبك لان الحب مش بايد حد ربنا اللى بيألف القلوب على بعضها بس كمان ربنا ادانا عقل نفكر بيه ونعقل الظروف و ما نخليش شهواتنا تتحكم فينا ونعرف ازاى نسيطر عليها

  12. المصرى وبس
    18/09/2010 at 23:30

    على فكرة الرسول ((صلى الله علية وسلم)) متزوج وفرق السن بيناة وبين السيد عائشة 10سنين على فكرة المشكلة مش فى السن المشكلة فى اهلوكم انتو الاتنين وانتى لو ينفع او تقدر تشيلى الموضوع دة من دماغك يبقا احسن بس اكيد هيبقا صعب بس لو ليكى نصيب هتخدية..

  13. dolly
    18/09/2010 at 23:24

    علي فكره انتي ممكن نكوني ارتبطي بيه بس مش حبتيه علشان كنتي اول مره تكلمي ولد وحولي تفكري بشكل سليم افرض انتي استنتيه وهو مش عرف يتقدم هتعملي ايه وهتكوني داخلتي علي30 وبتهيالي صعب ان يجيلك عريس وبعدين انتي مش بتصلي صلاه استخاره ليه اكيد هتفيد وربنا هيوجهك للطريق الصحيح

  14. ** البحر الهادئ **
    18/09/2010 at 23:23

    السلام عليكم * الصراحة ف راق العمر عادة يااختى مطلوب لازم يكون الرجل أكبر من المرأة وأكثر عمليات الزواج الناجحة تكون هاكذا لان الرجل هو المسؤول فى مجتمعاتنا ولكن هاذا ليس بالظرورى يعنى ليس كل من تزوج امراة اكبر منه يعنى هاذا راح يفشل فى الزواج * تزوج الرسول عليه الصلاة والسلام أمنا خديجة وهية اكبر منه بحوالى 15 سنة وحبها وحبته رضية الله عنها * بصراحة هاذا يعتمد لشخصية الشاب لو هو من النوع الجاد ومن يحاول الاعتماد على نفسه وواخذ الحياة بجدية لا تخسروا انفسكم وحاولى تقفى جنبه حتى يقف على رجله ثم انصحيه بأن يعتمد على نفسه لأن فى الأخير لا احد سيكون معاكم وراء الباب عندما تتزوجون وليس والدتكى ولا والدته ولا أحد من افراد العائلة * لأن أكثر عمليات الزواج التى نجحت هية التى تم فيه ا الاختيار من طرف الشاب والبنت وليس اختيار العائلة ** ولكن حاليا كونى له الأخت والصديقة وووو وقى جنبه اذا هو جاد ولا تحاولى تدخلينه فى الحرام حتى لا ياخذ عليكى فكرة مو حلوة فى مابعد ** تحيات اخخ تونسى مغترب **والسلام على من اتبع الهدى

  15. كلام من قلبى
    18/09/2010 at 23:01

    من رايى مينفعش تربتطى بيه انتى 28 وهو 20 ده ينع مفيش حاجة اسمعها حب هو ممكن يكون بيعاملك زى اخته لسه طاش صغير مش مدارك كويس لكان لما يوصل مثلا هو30 انتى تبقى داخلىة على 40 سنة ينفع يعنى حيحس بفرق ده نصيحة منى بلاش انا 30 سنة وجالى ناس كتير اصغر منى سنتيتن وتلاتة وبقول لالا كمان مش 8 سنينن بلاش بجد انتى لو ابنك ترضيها له يتجوز حد اكبر منه 8 سنين وشوفى راى الاخوة بردو

اترك رداً أو حلاً لهذه المشكلة