السلام عليكم، أنا كنت متجوزة وانفصلت وتعبت فى جوازى جدا لدرجة انى معدش عندى ثقة فى أى راجل وحاسة انهم كلهم كدابين.
وكل لما حد يقرب منى أو يحب يرتبط أترعب من الفكرة كلها واترعب وقلبى يوجعنى جدا وكل اللى حصلى فى زواجى الأول يعدى أمامى زى الشريط.
مع ان الموضوع ده عدى عليه فترة بس كل لما افتكر هو ازاى كان كويس معايا جدا قبل الزواج، وازاى اتغير بعد الزواج لدرجة انه اتخلى عنى وأنا تعبانة وما وقفشى جمبى.
كل ده بيخلينى أحس ان ما فيش راجل كويس، وانهم كلهم غدارين وبيمثلوا الطيبة لحد الجواز، وبعد كده يتحولوا.
بجد أنا تعبت ومعدتش عارفة ايه الصح أو مين الصح ادعولى ربنا يريح قلبى وينورلى طريقي لانى بجد تعبت ونفسى افرح من قلبى بس خايفة.
وجزاكم الله خيرا
