مشاكل البنات قبل الزواج

تجاوزت الحدود مع شاب وأشعر بالندم

السلام عليكم
انا بقالي ٤ سنين بعاني من مشكلتي ودي اول مره احكيها او اعرضها.

انا بنت عندي ٢٧ سنة عشت حياتي قبل الاربع سنين الحمدلله في احترام ومكلمتش اي ولد حتى.

واول حد اتقدملي كان بعد ماشتغلت، واتفقنا على تأجيل الخطوبة بسبب ظروفه، وقرينا فاتحة.

وللاسف كنا بنختلي ببعض كتير في الشغل، وحصل بينا تجاوزات كبيرة جدا، معرفش عملت كده ازاي، وعقلي كان فين، بس ضعفت والشيطان تمكن مني.

والموضوع ده استمر شهرين، وكنت بندم كل مره بس بضعف تاني، وبعد الشهرين فوقت وكرهت نفسي وحياتي، وندمت ندم شديد، ومكررتهاش تاني وقولتله نبطل، وهو وافق.

واعدت استغفر وفجأة والله حصلت مشاكل بينا، ولقيت نفسي كرهته، ومش طايقاه، مع اني هو كان عايز نكمل.

وبدأت اتغير في معاملتي وحرفيا مبقتش اطيق ابص في وشه، بس كملت طبعا عشان اللي حصل بينا ٨ شهور من اصعب ايام حياتي، كنت بحاول اخلص منه باي شكل.

لقيته شخص تاني واتحول وبدأ يهددني وعاملي مشاكل وتعبت نفسيا وجسديا، بس الحمدلله كل واحد راح لحاله في الاخر وحمدت ربنا واستغفرت وحسيت اني ربنا اداني فرصه تانية.

بس بقالي ٣ سنين كل مافتكر اتعب نفسيا وفي عدم توفيق في حياتي وشغلي، حتى علاقاتي مع اقرب الناس، وعارفه اني استاهل ومكسوفه اطلب من ربنا حاجة، لاني عارفه اني المفروض استغفر على اللي عملته، واشكر ربنا انه نجاني.

بس نفسي اعيش حياة مستقره وابني اسرة، ومؤمنة ان ربنا غفور رحيم وعندي حسن ظن فيه ومؤمنه كمان انه عادل فاكيد مش هتساوى باللي معملتش حاجة.

بس نفسي افرح والدتي بيا لاننا احنا بنات بس ووالدنا متوفي، وانا كبرت بالنسبه للعيله.

الموضوع ده اثر على نفسيتي وصحتي وتراجعت في شغلي حتى ومش عارفه ابدا منين.

واتمنى منكم اي نصيحه لوجه الله، ازاي ابدا من جديد واتخلص من تأنيب الضمير وامتى هاحس ان ربنا غفرلي ذنوبي؟

شكرا اسفه على الاطالة

مشاكل وحلول ذات صلة

اضيف بتاريخ: Thursday, June 10th, 2021 في 05:18

كلمات مشاكل وحلول: , , , ,

ردود to “تجاوزت الحدود مع شاب وأشعر بالندم”

  1. جنتل مان فارس
    10/06/2021 at 08:15

    استغفري آلله كثيرا .. قومي با اداء الصلاه في أوقاتها وباستمرار .. أقرئي قرآن يوميا .. صلي صلاه النافله في جوف الليل .. حاولي أن تتصدقي علي المساكين وابن السبيل وعمل الخير .. هذه روشته العلاج بالنسبه لكي ولكل العاصيين .

اترك رداً أو حلاً لهذه المشكلة