ابنتى ذكية اوى ولكن هى ضعيفة الشخصية وعندها عدم تركيز ولكن ذكائها دا بتستغله فى حاجات غريبة وهى بتحبنى اوى وقريبه ليا ولكنها مش بتسمع الكلام وبتنسي بسرعه اللى بقولة لو بعتها تشترى اى حاجه ممكن ترجع تسالنى كذا مره وبتحب اللعب جدا جدا عكس اخوها خالص عنده تركيز مش عارفه اعمل ايه فى شقاوتها دى وبتتكلم كتير اوى اوى اوى لدرجة لا توصف وممكن تالف حكايات من خيالها وتقولى الابلة قالتلى والابلة عادتلى ولما اروح المدرسه علشان اتاكد الابلة تقولى محصلش انا مقولتش حاجه خالص وبتنسي حاجتها ومهملة جدا فى حاجاتها وبترمى ملابسها فى الارض مش عارفه حل معاها ارجوكم افيدونى اتعامل ازاى رغم ان من وهى صغير بضربه بشده ولما بشتكى لابوها بيقولى اضربيها ورغم ذلك انه هو بيضربها لكن بتسمع كلامه من اول كله يقولها وانا مش بحب اضربها دلوقتى خالص وحنينه عليها فوالدها بيقولى علشان انتى مدلعها بتعمل كده فيكى فهل الضرب الحل اعمل ايه عايزاها تبقي كويسه وتركز شوية فى الاهم
تربية الاولاد
ابنتى وعدم التركيز
اضيف بتاريخ: Friday, November 8th, 2013 في 22:52
كلمات مشاكل وحلول: المدرسة, بنت, تربية الاولاد
اختي انتي ماقلت كم عمربنتك علشان نتاكدمن عمرهاونحكم على تصرفاتهاوكل مرحلة عمريةالاولاد تختلف المعاملة معهم حسب السن والتركيب العقلي لهذةالسن وعموما الاطفال من 3 -10سنوات يكونوابحاجةلمزيدمن العطف والحنان من قبل الوالدين والاهتمام بهماوتوجيهمابالكلام الطيب واللين دون الشدةاوالضرب وعدم الدلال الزايد لانه بيبوز ويفسد الولداوالبنت وبيخليهم غير معتمدين على انفسهم لمايكبروا وتبقى اخلاقهم وحشةمع الاهل والناس الاخرين فخيرالامورالوسط يكون فيه حزم ولكن بدون ضرب اواهانة اوتعمد حرمانهم في المصروف اليومي اوالاشياء اللي يريدوها عوديهم على النظافةوترتيب غرفتهم وكتبهم وملابسهم وشجعيهم على كده وخليك قريبه منهم ومن مذاكرتهم لدروسهم والسوال عليهم في المدرسةومتابعة تحصيلهم الدراسي كذلك عوديهم على التحلي بالاخلاق الفضيلةكالصدق والامانةوالسمع والطاعةللوالدين ولمن هم اكبرمنهم سنا والاحترام والتقدير للاخرين وعدم الخصام والتشاجرفيمابينهم وربي يحفظ لناولكم ويبارك لكم وللجميع