ابنتى عندها 8 سنوات رأت على الموبايل صورة بها علاقة جنسية مش عارفة اعمل اية لم اتحدث معها مش عارفة شافت اية بالضبط
تربية الاولاد
مشكلة طفلتى الصغيرة شاهدت صورة جنسية
اضيف بتاريخ: Sunday, November 21st, 2010 في 19:20
كلمات مشاكل وحلول: الموبايل, تربية الاولاد, صغيرة, صور جنسية, طفلة
يا أختنا … لن اتحدث عن كيف رأت أو ما هو الذى رأته … فالواقعة ثابتة .. أنها رأت مشهد جنسى …
لا تقولى أنها فى الثامنة و لا تفهم شئ … هذا هراء … فهى إن لم يكن لديها خلفية مسبقة من خلال الأفلام العربى أو الأجنبى فإن ما رأته سيوقظ حسها الجنسى فى داخلها … و لا تظنى أنها ستصارحك بأفكارها من أول لحظة لأنى متأكد أنك عندما إكتشفت هذه الواقعة نهرتيها و لو للحظات … و بهذا وصل إلى ذهنها أن هذا شئ خطأ و محظور التكلم فيه … فهى ستلجأ إلى زميلاتها فى المدرسة أو العائلة أو النادى أو ما غيره من تجمعات إجتماعية مثل الأفراح و الحنة و ما شابه لتستفسر عن ما رأته … الخيبة أنها لن تحصل على الإجابة الصحيحة و للأسف سيتطرق الكلام إلى ما هو غير متوقع و قد يصل الأمر إلى التفكير فى التجربة … قد يتطلب هذا الأمر بعض من الوقت و لكنك لا تعلمين كم هو هذا الوقت … لذلك عليك بسرعة التعامل مع إبنتك بصورة طبيعية و عدم سؤالها عن أى شئ مشابه لهذا الأمر و ذلك حتى يمكنك كسب ثقتها و الإحتفاظ بها بنتك و صديقتك الحميمة و إحترسى من إيضاح ما رأته بصورة غير صحيحة فيجب أن تعامليها بصورة طبيعية جداً و بعد أن تحسى أنها أصبحت صديقتك ستجدينها تتحدث معك بحرية أكثر و تفصح عن أمور قد تجد حرج فى التحدث عنها و هنا و هنا فقط يمكنك شرح اللقاء الجنسى بين الرجل و المرأة و لكن بعد أن تكونى قد شرحت أن الله عز و جل قد أتاح زواج الرجل و المرأة بصورة شرعية و لا يجوز القيام بمثل هذه الأمور قبل الزواج حتى لا تكون العواقب وخيمة ثم تبدأى بشرح صورة مبسطة من الجهاز التناسلى فى الذكر و الأنثى و أنه عند التلاقى يحدث أن الرجل يلقى ببعض السوائل من عضوه الذكرى بداخل الأنثى و تكون النتيجة تكوين جنين فى بطن المرأة و بعدها يحضر طفل جديد إلى الدنيا … فإذا لم يكن هناك زواج شرعى حلله الله سيكون هذا الطفل إبن للخطيئة و سيكرهه الناس ثم تكرهه هى … فهى كانت تود أن تكون مكروهه من والديها؟ … أرجوك لا تظنى أن إبنتك صغيرة لدرجة أنها لن تفهم ما تقولين … هى ستفهم كل شئ … و واظبى على الصلاة فهى تقتدر كثيراً مما لا نستطيع نحن البشر عليه … وفقك الله و نج إنتك …
ما تجيبيش سيرة ليها و لا كأنها شافت حاجة . الممنوع مرغوب . كمان سنتين تلاتة ابقى فهميها كل حاجة كل حاجة بتحس بيها و بتسأل عنها .و اوعي تشرحيلها حاجة و لا توريها صور و لا فيديوهات و لا أي حاجة : الفتنة نائمة ، لعن الله من أيقظها .
الصراحة انا حصلي نفس الشي مع بنتي الي كانت في سن المراهقة وشافت الصور الي على موبايلي بل غلط وسالتني وعرفت ان الحل الاصحيح ان علمها وعلمتها انه هذا صور اسمه علاقة الجنسية وفهمتها شو معنته وكيف ومتى تمارسين الجنس حتى اني ورتها فديوهات وصور وقلتها انه كل زوجين بيعملو كده وقالت بنتي انتي وبابا بتعلمي كده وقلت من دون خجل ايه ورتها فديوهات وقلت هذا بس المتزوجين بيعملو كده وبعدين مشا كل شي على حلها وطبعا اني ستفدت اني علمتها شو الجنس مشان متعمل اي حركات من هاذي الحركات
رايى ان الحل الوحيد هو التجاهل التام للموقف دا لإن أى محاولة للتصحيح لازم هاتؤدى للفت النظر للموضوع دا
طبيعى جدا انك تمسحى أى صور على الموبايل و تجنب انها تشوف أى صور تانية زى دى فى أى مكان
الله الموفق
**** … أمسحى كل الصور الخليعة من على الموبايل و حاولى تتعاملى معاها عادى خالص كأن مفيش حاجة حصلت و بلاش تسأليها عن الصورة ال شافتها ….. و ربنا بسامحك
اما لو كانت شافت حاجه وهم بدون ملابس السباحه… ابقى قوليلها ان دا منظر كوميدى وانهم لما كانوا فى حمام السباحه او بيلعبوا كره اليد (معرقش اسمها -اللى بيلعبوها فى حمام السباحه) انهم من غير قصد ملابسهم اتبهدلت وان دى حاجه تضحك بس عيب منظرهم كدا…..طبعا كلامى كله كذب وتاليف …بس عشان الضرر اللى ممكن يسببه المنظر اللى شافته
هى مش فاهمه لكن مش هتنسى …حاولى متخليش الحاجه دى تنطبع فى ذهنها …مثلا خليها تشوف برنامج عن السباحه وانها رياضه جميله جدا و مفيده و قوليلها ان اوقات انتى او الوالد بيصوروا صور عن الابطال العالميين فى السباحه …لان البنات والاولاد فى الزمن ده هيعرفوا كل حاجه وبيسالوا بعض ببراءه طبعا …المهم وصليلها موضوع السباحه ده بطريقه طبيعيه… مثلا يكون عندها صور فى الكتاب عن السباحه او كلمه السباحه باللغه الانجليزيه او تكونى بتقراى خبر فى الجرايد عن السباحه ….ياريت يكون كلامى مفيد…و ياريت بلاش الصور و الحاجات دى فى الموبايل
منين بتقولي شافت صوره فيها علاقه جنسيه و منين بتقولي مش عارفه شافت ايه بالضبط
المهم دي 8 سنوات يعني مش هاتفهم اوي
عدي الموضوع وكأن شيئا لم يكن و امسحي الزفت ده من على الموبايل
هو موبايلك ولا موبايل ابوها؟
لو كان موبايل ابوها تبقى المصيبه مش في البنت دي المصيبه حاتبقى فيكي انتي ليكون ابوها يعرف واحده عليكي و مصورها
ولو كان موبايلك انتي يبقى ربنا يستر على البنت و مستقبلها علشان اقلب القدره على فمها تطلع البنت لامها و الام مدرسه وكده يعني
**** … أمسحى كل الصور الخليعة من على الموبايل و حاولى تتعاملى معاها عادى خالص كأن مفيش حاجة حصلت و بلاش تسأليها عن الصورة ال شافتها ….. و ربنا بسامحك