ابنى عمره 5سنوات يشتمنى ويرد عليا شقى جدا محدش يستحمله كل يقول الله يكون فى عونك انا بزعل انى عايزه احسن واحد فى الدنيا وساعات يكون كويس واول ما جارتى تيجى عندى يفضا يطنط ويجيب اللعب اخوه عمره3 سنوات اوقات كتير بيضربه ردوا عليا بجد مش عارفه اربيها ولا اتعامل معها وولده بيجى بالليل من الشغل وهو نايم يوم اجازة وبخرجهم فيه
تربية الاولاد
ابن يشتم امه مش عارفة اربيه
اضيف بتاريخ: Thursday, February 13th, 2014 في 07:05
كلمات مشاكل وحلول: اطفال, تربية الاولاد, طفل
انا ابني عنده 3سنين بيشتم وبيقول الفاظ انا دايما بتعصب عليه هو مش بيسمع كلامي وبيخاف مني طول ما والده مش موجوداو جده او اي ح بيحاميله لكن في حضورهم في البيت بيزيد من الحده والشتيمه والده بيدلعه جدا وبيسمحله باي شئ اما انا دايما اقوله لا علي الغلط وعشان كدا دايما واخد مني جنب مع العلم عندي بنت عندها سنه وشهرين دايما بيضربها
السلام عليكم
اختى الطفل لازم يتعلم الاخلاق و الادب و هو ايضا بحاجة للحب و الطف و الحنان احضنيه و احكى معاه بهدوء من غير صوت عال فهميه اخطاءه و ان الناس بتحب الطفل المحترم اللى بيحترم ماما و بابا و اللى اكبر منه و العكس صحيح
و لو اتصرف صح لازم يكون فى ثواب و مدح استخدى النصح و الارشاد و قوليلوا لو حا تغلط حا ايكون ليك عقاب عشان انا عايزه مصلحتك و حا اعاقبك و لو غلط خوديه بحزم لغرفته الخاصة و فهميه ليه حااتعاقبيه و من غير ضرب وقفيه او وجهه للجدار و خليه يرفع ايديه لفوق ل10 دقايق العقاب دا عقاب رادع بس نفذيه من غير ما اتحسسيه بالاهانة حسسيه انك عاوزه مصلحته
و ربيه على الاعتذار عند الخطا و لو كرر الخطا و ما اعتذرش عليه و اصر على قلة الادب عاقبيه نفس العقاب مع زيادة المدة لربع ساعة و قبل استخدام العقاب ده احرميه من لعبة ايحبها او من فسحة لو ما نفعش طبقى عقاب الوقوف على الجدار و عاقبيه لوحدو مش قدام حد
و طولى بالك تربية الاطفال عاوزه صبر و ادعيلوا بالهداية و اياك تدعى عليه و ربنا يصلحلك حالو و يحفظوا يااارب و اكثرى من الاستغفار
اعذريني الحل ليس بيدك
ابوه لازم يربيه زي ما خلفه
الواد لازم يخاف بصراحة كده
و العيب علي ابوه مش عليكي
كل الاطفال في السن دي يكونوااشقياء ولكن عليك بالصبروالنصح والارشادله دون اللجو للضرب اوالعنف حتى لايتعقدالولد خوفيه بالعقاب ان اخطى اوتمادى في الشقاوةمثلا من حرمانه من اللعبةاللي يحبها اوخليه يوقف ووشه للجدار ويديه مرفوعة لمدةربع ساعة اواكثر وعوديه على الادب والاحترام معك ومع ابوه وكل من هواكبرمنه ورغبيه في قراءةالقران ففيه الخيروالهدايةوالصلاح وربنايحفظه ويبارك لكم فيه
ربنا يعينك يا رب ويقدرك ..اصبري
اقرأي في النت عن فن تربية الأولاد
ازاي تتعاملي مع مشاكلهم؟
حاولي تشجعيه .. حفزيه ..
جملة عجبتني جدا علي الفيس كانت بتقول: بدل ما تقول ابنك نام بدري عشان المدرسة .. قل له نام بدري عشان صلاة الفجر
عوديه تكون همومه أخروية
شغلي قرآن عالاطول في البيت .. عوضي انتي الفراغ اللي في البيت وان الأب مشغول وان البيت مش متدين أوي مثلا أو مش باستمرار وشوفي الفرق
قولي يا رب في الأول والآخر .. واستعيني بالله
اختي الفاضلةتربيةالاطفال في السن دي مهمةجدا لان التعلم في الصغركالنقش على الحجر والمثل يقول اكسب لابنك ادب ولاتكسب له ذهب ولازم تخلي الولد يعرف الصح من الغلط ويحترم الكبير قبل الصغير مع شي من الحزم والشدةاذاتطلب الامر ماتسيب له الحبل مفلوت وتقولي ده لسه عيل صغير بكره يكبر ويعقل افهميه انك زعلانةمنه ومش تعطيه حاجةمن اللي نفسه فيها الا اذا اعتذرمنك واستسمح وعرف غلطته وانه مش حيعود عليهاابدا واياكي والضرب المبرح اوالعنف معه اوالتقليل من قيمته اوالدعاءعليه ادعي له بالهدايةوالصلاح والكلام الطيب يلين الحجارةواللعب معه ومشاركته افراحه واحزانه والجلوس معه والتحدث اليه كلهاعوامل ضرورية يحتاجها الاطفال في تربيةوالتعامل معهم وربي يحفظه لك ويبارك فيه ويهديه ويجعله من الابناءالصالحين الاخيار
ههههههههههههههه طبيعه جميله في الاطفال شوفي اختي
من راي الاطفال اللي زي كذا ماينفع معاهم الضرب لانهم حيزيوا عناد ولا الكلام الطيب ايضا
احسن خوفيهم لانه التخويف يردعهم وكمان حذريهم من الغلط وانتي بتحذريهم كوني جاده ووريهم انك جاده وحيفهمو وكمان اذا ماسمع الكلام عاقبيه عقاب خفيف مثلا يلف وجهه على الجدار ويرفع يدينو فوق ويقيف لمد 10 دقايق وزي كذا او خذي منه لعبه نصيحه عن تجربه