انفصلت عن ابو بنتي من وهي عمرها 6 شهور وتم الطلاق الرسمي بعد 7 سنين ومن يوم انفصالي وانا عايشة مع امي وطبعا لها دور في تربية بنتي ودلوقت بنتي عمرها 9 سنين وفي سنة رابعة والمشكلة انها بتتعامل معايا انا وامي علي انها زينا راسها براسنا وكل كلمة ترد عليها ب100 كلمة وغير كده مش حاسة باي نوع من المسئولية ولا حاسة انها لازم تذاكر عشان تنجح وحاولت معاها بكل الطرق ومافيش فايدة يعني حاولت بالضرب او اخاصمها او امنع عنها المصروف لمدة او اجيب لها هدايا او اكافأها بشئ لما تعمل حاجة كويسة او اديها فلوس زيادة عن مصروفها او اخدها ونخرج لاي مكان هي بتحبه ومافيش ولا اي حاجة نفعت معاها ولكن الحاجة الوحيدة الي دايما بتقف عندها هي اني اقولها انا مخصماكي ورغم كده ممكن تغلط وتضايقني بجد محتاجة لحد متخصص يفدني ويساعدني وخصوصا اني حاولت اروح لدكتور لكن لاقيت ان الكشف عنده غالي جدا رجاااااااااااااء الافادة وشكرا
ياعزيزتي ابنتك محتاجة لابوها ومحرومة من حبه وحنانه فانت ماتقدريش تعويضها عن حب وحنان وعاطفة الاب واسلوبك معاها خاطئ جدا وده يخليها تعاند اكثر ويوثر على حياتها ومستقبلها عمر الضرب والشدة نافع في التربية وهي لاتزال طفلة 9سنوات وعاوزه الحب والحنية والعاطفة حرام عليك تعملي في بنتك كدا اعطيها المزيد من الاهتمام والعناية والرعاية ولماتكبر هتعوضك عن كلهذا بالخير وربنا يبارك لك فيها ويصلح لها
امسك العصا من النص واعرفي ازاي تتعامل مع بنتك مش كل حاجة عاوزتها تلبوها لها ولا تكثري من اعطاها فلوس زيادة عن مصروفها اليومي واذا اساءت الادب تكوني صارمة معها مش متساهلة يكن في ضرب خفيف ملص ودنها او قرصها في يدها اوحبسها في الحمام او الغرفة لمدة من الوقت عشان تتادب وتعرف ايه الشئ اللي عملته وتعتذر لكم عن ده وربنا يهديها ويبارك لك فيها
يااختي الفاضلة بنتك محتاجة للحب والحنان والعاطفة اللي اتحرمت من ابوها بسبب انفصالك عنه هتقولي دي ماتعرفش ابوها لانها كنت طفلة صغيرة 6شهور عندما حصل الطلاق بينكما ارجع واقولك الطفل او الطفلة لما يخرجوا للدنيا ومايلاقوش الاب والام معا بجوارها ده يوثر عليها وحتى تكبر وتروح للمدرسة تلاقي زميلاتها معهم اباءهم وامهاتهم وهي لا وحتى نظرات زميلاتها ومعلماتها لها في المدرسة تاثر عليها جدا فهل ادركت الان فداحة وخطورة الطلاق لمايحصل بين الزوج والزوجة كيف يكون تاثيره الكبير على نفسية الابناء وجود الاب في حياة البنت او الولد لاحد يحل مكانه او يقدر يعوضه ابدا انصحك اختي بالتقرب من بنتك اكثر من اي وقت مضى والاهتمام بها جيدا والرفق بها واعطاها المزيد من الحب والحنان والعاطفة واحتوائها والسوال عنها في المدرسة دائما ومايمنع انك تخليها تروح لابوها وتقضي معه يوم ولا يومين فهذا الشئ يجعل البنت تتحسن للافضل ويفرحها ويسعدها وربنا يحفظها لك ويبارك لك فيها ان شاء الله