السلام عليكم ورحمة الله وبركاته
لو سمحتو يجماعه ممكن تشفولي حاجه تخلي جسمي طبيعي زي ما بيكون في مصر.
الحكايه: انا شاب عندي 25 سنه .كنت في مصر انسان عادي وجسمي طبيعي عادي زي اي واحد
ولعدم وجود شغل في مصر فحبيت اسافر الي الخارج وفعلا حاولت وسافرت الي السعودية
المهم بئا اني بعد ماجيت هنا السعودية وبعد مرور حوالي شهرين بدا يحصل لجلد جسمي تغيرات ومنها اني لقيت جلدي بيقا عامل زي ما يكون جاف بمعني
اني لما مثلا اجي اميل احس ان جسمي بيتشرخ او احب اجلس بردو احس ان جلدي بيتشرح وحتي لو ضميت ايدي وفردها احس بردو بالتشرخ وبصراحة بتعب نفسيا اووووي لما جسمي بيبقا كده وعند التشطيف يدوب احس بالراحة الجسدية لمدة عشر دقائق فقط ال هيه لسه جسمي عليه ميه او رطب وبعد ما تنشف الميه من علي جسمي بيرجع احس نفس الاحساس ال هو التشرح في الجلد وبخلع هدومي وبص علي جسمي بلقيه مشرخ او عمل زي خطوط كده ( بس علي فكره مش بيخليني اهرش ولا حاجه) بس لو حبيت اهرش في جسمي بيتطلع ماده زي الدقيق ( فبصراحة تعبت اووووي
واستحملت كتير لدرجة اني استحملت مدة سنتين بس بصراحة كانو سنتين سود) مع اني كشفت عند اكتر من دكتور واحد يقولي انتا بتفكر كتير
والتاني يقولي جو السعودية مختلف عن جو مصر وهو ده ال عمل معاك كده عشان جسمك حساس شويه ويعطوني علاج مراهم وبرشام حتي عند المراهم وقت ما احطها بس احس ان جسمي بقا حلو وبعد مرور 20 ساعة الاقي جسمي بيبدا يشد تاني ويجف
المهم استحملت السنتين بالعافية والله.
وقولت والله لروح مصر ومش هرجع تاني السعودية.
المهم لما روحت مصر وبعد مرور 7 ايام حسيت بأن جسمي بيرجع لطبيعتو زي زمان وفعلا رجع لطبيعتو في المدة الي جلستها في مصر لدرجة اني كنت عايز اصورو عشان مكنتش مصدق ان ده جسمي ال كنت بشوفو في السعودية.
المهم ولصعوبة المعيشة في مصر مع اني حاولت بقدر الامكان اني مسافرش بسبب جسمي لاكن للأسف اتريت للسفر لصعوبه المعيشة في مصر
وسفرت تاني وبعد مرور 15 يوم بالضبط بداء يجسمي يرجع للكان فيه تاني وبجد انا اتشئمت من السعودية ومن الرياض بالاخص بسبب ال بيحصل لجسمي ده. وبجد ببقا مش عارف اشتغل ولا عارف اقعد ولا حتي ببقا عارف انام عشان وانا بتحرك بحس بتشقق في جسمي.
فياريت لو دكتور ابن حلال ومتخصص في امراض الجلد وشاف الموضوع يحاول يشوف حل عشان اعرف اعيش في السعودية
عشان مفيش بديل للعمل في مصر عشان حاولت كتير ومحصلش نصيب.
مع العلم اني اعمل محاسب
يعني مش متعرض للجو اوي
بجد اسف عشان طولت عليكم
بس اعذروني بجد تعبان اوووي من ال بيحصل لجسمي ده.
وياريت حد يلقيلي حل في المشكله دي
وبجد اسف كمان مره علي الاطاله.
اخي انت جلدك حساس زيادة عن اللازم وده بيكون عند كثير من الناس مش باسباب واختلاق الجو من بلد عن بلد اخر لا انت فاهم غلط اكثر من شرب المياة والعصائر وابتعد عن تناول المشويات والاكلات المشبعة بالدهون واحرص على ممارسة الرياضة مع زملائك والخروج لاجل التنزه والاستجمام مع اصدقاك وزملاك في العمل وسوف تكون باحسن حال ان شاء الله
الموضوع بسيط ما تقلقش
انت جلدك من النوع الحساس بيتأثر بسرعه من العوامل الخارجيه .. انا كان عندى مشكله زى دى تقريبا بس مع الفرق ان التشققات عندى كانت بسيطه ودا كان بسبب مكان عملى فى الغردقة هناك كنت لما استحمى بستحمى من مياه الحانفيه العاديه وطبعا كان فيها نسبة الاملاح كبيره جدا مع ارتفاع درجة حرارة مدينة الغردقه كنت بحس ان الصابونه مش بترغى على جسمى بسبب المياه لكن لما برجع تانى مدينة جسمى بيرجع تدريجيا وبرده لما ارجع الغردقه الموضوع بتاع التشققات بيرع تدريجيا
يعنى المشكله كله فى نسبة الاملاح فى الميه + درجة حراره الجو اللى بيتعرض ليها جسمك .. والله اعلم
جرب وادهن ايدك اواى مساحه فى جسمك فزلين طبى ممكن يجيب نتيجه
السلام عليكم أخي الفكره انك مبتعرضش للجو ولكنك بتستحما بالمايه وكلها ملح ممكن تستحمه عادي بيها ولكن أخر دش يبقي بمايه حلوه وبعد كده وجسمك مندي يتضع زيت اطفال ياتضع لوشن نضيف وممكن تستخدم صبونة دوف بكريم للبشره الحساسه وبعديه تضع الوشن من دوف وفي شور دوف بدل الصبونه الاريح ليك أستخدمه وبالشفا انشاء الله أختك في الله rehab أسئلك الدعاء
اخى العزيز
انا طبعا مش دكتور بس الحالة دى ممكن تكون مرضية انا عندى نفس المشكلة بس الى عندى داء الصدفية ودة مش مرتبط بجو معين فى الغالب ممكن يكون نظام التغذية هو المشكلة ممكن تجرب الاكثار من شرب الماء والعصائر واللبن لان جو الرياض جاف وتقلل من اكل المشويات لان طبعا كل العذاب هنا مش بيكلو غير المشويا وحاول التكيف مع الزملاء والخروج وعدم التفكير وربنا يوفئك يارب وميكنش فى حاجة وحشة وياريت تستشير طبيب كويس احسن كمان