مشاكل الشباب قبل الزواج

تصرفات خطيبتي معي على الكام تقلقني

فى البداية انا شاب عايش برة مصر من 7 سنوات وبعد ألحاح من والدتى بخصوص موضوع الزواج فى الاجازة اللى فاتت من تلات شهور اتعرفت على بنت من خلال أختى بنت ناس وأهلها ناس طيبين وفعلا تمت الخطوبة وسافرت تانى على اتفاق ان الجواز يتم بعد سنة لكن المشكلة انها كاى اتنين مخطوبين عايزة نتكلم كتير وفعلا بداً الكلام على الاسكاى بى بس المسكلة ان بدات انها تطلب ان احنا نتكلم ويكون الكام مفتوحة وانا مكنش فى بالنسبة ليا اى مشكلة لكن مع مرور الوقت ودخول الصيف علينا بدأت تظهر أمامى بهدوم البييت وبعد مدة اصغر بهدوم البيت الصيفية وشوية اقل تقريبا بملابس النوم ( قميص خفيف جداً ) لا يخفى الا القليل جداً وانا فى كل الاحول من بداية الامر لا اعلق على اى شىء مشاهد مش اكتر ولا هى حولت تفتح الكلام معى عن شكلها امامى فى الكاميرا وانا متجاهل الامر وبحاول اسبها تتصرف اكتر علشان اعرف احكم عليها بس وصلت لمرحة انى مش عارف افكر بعد موضوع ملابس النوم دة أفيدونى اسبها ولا اتكلم معاها ولا اعمل اية وخصوص ان احنا لسة مخطوبين مش اكتر يعنى مفيش كتب كتاب . شكراً

مشاكل وحلول ذات صلة

اضيف بتاريخ: Saturday, September 7th, 2013 في 13:18

كلمات مشاكل وحلول: , , , ,

24 رد to “تصرفات خطيبتي معي على الكام تقلقني”

  1. خاطب زيك
    07/06/2016 at 17:02

    ورى ليها انك راجل وقول ليها الاحترام حلو برضه وياريت لو سمحتى تلبسى محتشم لاننا لسه اغراب عن بعض ولو والدك يرضى بكده انا مرضاش بكده … لو عجبك الكلام خير وبركة ولو مش عجبك خلاص يا بنت الحلال يادار ما دخلك شر واحنا لسه ع البر وربنا يوفقنى ويوفقك.

  2. ابوبتول
    26/09/2014 at 07:53

    اخي الفاضل انته انصحهابان ده حرام ومايجوز شرعا ولابدان تتقي الله في تصرفاتها واقفل الكام معها نهايا خلي التواصل معهاعبر الكلام بالموبايل صوت بدون صورة واذا مش عاجبها واستمعت لكل لك فافسخ الخطوبةدي نهاية وربي بيكرمك بابنةالحلال الصالحة المتربية التي تخاف الله في نفسها وفيك وفقك الله واسعدك

  3. ابوبتول
    22/08/2014 at 00:02

    البنت التي تعمل كده مش متربية ومتحررة القيود وسوري لوقلت لك انها —— صارحهابالحقيقة ان تصرفاتهادي غير اخلاقيةوانك ماتحبش كده وانصحهاتبطل الاسلوب ده وتذكرهابالله وبالحلال والحرام فان استجابت واقلعت عنها فاكمل معها والا فاتركهاوافسخ الخطوبة دي فورا وربك بيكرمك باحسن منها بابنةالحلال الشريفة المحتربية الخلوقة التي تستاهلك وتقدرتسعدك وتصونك

  4. Mohamed USA
    26/03/2014 at 13:18

    هل تعتبر البنت المخطوبة غير شريفة إذا أقدمت على أي أعمال امام الكاميرا مع خطيبها وإذا تعرت أمامه – هل المفروض أن أظن بها ظن السوء أو أتقي الله وأقول أنها تحبني أنا وحدي ولولا ذلك ما صنعت ما تفعله.

  5. Mohamed USA
    26/03/2014 at 13:12

    نفس المشكلة أعاني منها مع خطيبتي وهي تحبني جداً وممكن أن تفعل ذلك من منطلق الحب فيزين لها الشيطان اعمالها ولكن المهم أنها لم تفعل ذلك مع أحد وانا أعلم أنها محترمة

  6. خلاص
    09/03/2014 at 15:22

    انصحها يا اخي ولو ملقتش استجابه لكلامك يبقي مفيش غير انك تسيبها والله اعلم

  7. شمس الشموس
    03/03/2014 at 00:17

    صارحها وشوف دماغها وبعدها احكم

  8. ابواميرة
    24/01/2014 at 16:47

    والله يااخي البنت دي فاجرةوقليلةالادب والتربية وماتنفعش تكون لك زوجةوام لاولادك نهايا واللي تستاهل في البداية وتعرض لك جسمهامش بعيد انها تكون على الحال ده مع كل الناس ويصعب عليك السيطرةعليهااذالم تستحي فاصنع ماشئت واتركهاولاخيرفيها وربي يعوضك بالزوجةالصالحةاللي تراعي الله فيك وفي نفسها وتقدرتسعدك

  9. مروة
    07/01/2014 at 18:47

    لازم تنصحها علفكرة وتقلها انك مش بتحب كدة يمكن تكون بتتصرف عادى من وجهة نظرهاا هى بس انت ابتدى غيرها لو بتحبها وعاوزها قبلت اوك مش قبلت تبقى كل واحد من اتجاة وتبقى خلصت ضميرك من ربنا

  10. abo retaaj
    18/12/2013 at 23:25

    حاول تختبرها بأسلوبك الشخصى ومن تقنينك الشخصى حدد طباعها وسلوكها
    وربنا يلهمك الرشد والصواب

  11. هاني
    12/11/2013 at 21:23

    انا مش عارف انت بالنهاية حكمت عليها بايش , بس انا احكم عليك من البداية انك اسوأ منها , يعني هي خطأ وانت ما عليك شيء , ؟؟ كيف خطيبتي معي على الكام ,, لازم المشكلة هذه تحصل ما دام في كاميرا وخلوة , ربما تكون محترمة جدا لكن لديها ثقافة خاطئة او توقعت انه مع خطيبها ويمكن تتصرف هكذا لقلة معلوماتها الدينية او غيره , وكان الواجب عليك بس تنبهها من اول شي وانتهت المشكلة , وما تقدر تحكم على اخلاقها ودينها لهذا السبب ,

  12. ابواميرة
    17/10/2013 at 11:47

    شوف ياابني العزيز انتومخطوبين وتحبوابعض لكن فهم خطيبتك انوالحاجات دي ماتجوز شرعاوحرام تعمليهاوذكرهابالله عزوجل وبالحلال والحرام لاجل ماتخسروابعض واعلمهاانك مش راضي بتصرفاتهادي وخلك حكيم وعاقل اوعك تجرحهااوتهين كرامتهافي الكلام معهاوتاكدانهالوتحبك ويهمهارضاك تعمل المستحيل علشانك وربي يهديهاويسعدكم في حياتكم ويعجل بزواجكم على خير

  13. صل علي النبي :)
    15/10/2013 at 20:55

    أخي اتق ربك وعف نفسك ..
    قد تكون جاهلة وشيطانها أو نفسها الأمارة بالسوء ضحكت عليها وحبها لك جعلها تفعل ذلك ..
    لكن هي لا تصلح زوجة لك .. عليك بذات الدين يحفظ الله لك بيتك وزوجتك وذريتك إن شاء الله

    اتركها فورا وانصحها بأن تتق الله في نفسها وتحافظ علي نفسها ..
    وإن شئت أن ترتبط بها فانصحها ولمها علي ذلك .. واعلم أخي جيدا أنها ما زالت أجنبية عنك لا يجوز لك مصافحتها أو تقبيلها أو الكلام معها .. إن أردت أن تحادثها أو تتعرف عليها فلا بأس بذلك ولكن بضوابط شرعية معينة ..

  14. لاتعليق
    02/10/2013 at 16:21

    انا بنت زيها وبقولك سيبها طبعا منا مخطوبه وعمرى ماعملت حاجه زى دى ملهاش اى علاقه بالحب خاااااااالص دى مساله تربيه

  15. قولا واحدا
    24/09/2013 at 08:31

    سيبها طبعا ، ده ماتنفعش تبقى ام عيالك ، ولا تأمن على عرضك معها ، بالذات وانت بتسافر ، دور على واحدة من عائلة محافظة ، ومافيش حاجة اسمها عفوية وعلى طبيعتها ، ده اللي هي متعودة عليه

  16. روتانا
    12/09/2013 at 05:11

    يمكن تكون عاوزه تلفت نظرك وتعلقك بيها اكتر وشايفه أن طريقة اللبس دي حتخليك تكلمها عن جمالها وموضوعات اكتر جراه لكن انت اللي لازم تفتح معاها موضوع الملابس وانه مش عاجبك لانه حرام في فترة الخطوبه علشان تفهم تفكيرك لكن تجاهلك للبس بيخليها كل مره تخفف اكتر يمكن تلفت انتباهك

  17. TIGER
    11/09/2013 at 20:05

    مش يمكن تكون عفوية وعلي نياتها زيادة عن اللزوم وواخدة الأمر عادي
    شوف طريقة كلامها عاملة ازاي
    وشوف هي بتحاول تخليك تاخد بالك منها وهي لبسة كده ولا لا

    وف الاول والاخر ماتظلمهاش

  18. mohamed
    11/09/2013 at 09:39

    رأيى من رأى اخصائية اجتماعية .. فترة الخطوبة فى نظرى مش فترة اشوف فيها هيا تنفع تكون زوجة او لا .. لكن هى فترة تقدر تشوف فيها انت تقدر تغير الطرف التانى للاحسن وهيتجاوب معاك ولا لا .. هى غلطانة اكيد ودا حرام شرعا .. لكن كل انسان محتاج فرصة عشان كدا اديها فرصة واطلب منها انها تحتشم بكل هدوء وحدد قرارك على ردت فعلها

  19. ايمان ..كيمو
    10/09/2013 at 05:03

    انا عن نفسي لما كنت بكلم خطيبي بهدوم عاديه علي الاسكاي وبلبس لبس البيت كنت بستحقر نفسي اوي واقول لنفسي ايه اللي انا قاعده بيه داكلمته يومين بهدوم البيت بس ماكنتشي مبينه جسمي كانت مغطيه جسمي بنطلون وتيشرت لما كلمته يومين علي الاسكاي ولاقيته بدا يقولي كلام مش مؤدب قفلت وقولت له مش هنتكلم علي الاسكاي تاني وبقيت بكلمه فون فااللي خطيبتك بتعمله دا عيب اوي والله وهقولك حل حلو حاول انت مش تتكلم معاها علي االاسكاي واتكلمو فون بس ولو اتكلمتو اسكاي خليها تقفل الكاميرا قدام هيا بتقعد باللبس دا وخلاص ممكن يكون الموضوع عندها عادي مش في دماغها حاجه وحشه يعني لو فكرت هتلاقي حلول كتير اوي بطريقه حلوه برضو ربنا يكرمك

  20. نصيحة
    08/09/2013 at 23:51

    جرئتها غير مريحة بالمرة
    صلى استخارة وقرر موقفك قبل الندم
    ربنا يهديك للى فى الخير

  21. اخصائية اجتماعية
    08/09/2013 at 22:55

    انا شايفة انك تفتح ليها الموضوع ده وقولها على لبسها لو لقيت رد فعلها عادى ما انت خطيبى وهنتجوز قريب تقولها بس بردو مينفعش احنا مش متجوزين لو لقيتها بتكلمك بردو بطريقة مش اوى فهمهابراحة ولو بردو كلمتك بطريقة بردو مش حلوة انا شايفة انك هتتعب معاها شوية فيما بعد فى التعامل وساعتها تقدر تاخد قرار وتقولها اما بتكلمينى بالطريقة دى ومفيش احترام ما بينا فى التعامل واحنا لسة مخطوبين امال تعاملنا هيبقى ازاى بعد ما نتجوز ياريت يكون التعامل ما بينا احسن من كدة ومن رد فعلها بعد الكلام اللى تقولوا ليها ده هتقدر تحدد هتقدر تكمل معاها ولا لا وربنا يوفق الجميع

  22. ...................
    08/09/2013 at 09:41

    هاي انسانه مش محترمة ابدا اتوكل على ربك وسيبها وفي كتير ناس محترمة ومتدينة غيرها
    اتمنى اكون افدت

  23. شيمو
    07/09/2013 at 21:38

    دي متعتبرش محترمه طلما عملت كده انصحك انك تسبها احسن والله واعلم بتعمل ايه تاني

  24. magdy
    07/09/2013 at 15:28

    اطلب منها ان ترتدى ملابس محتشمه بدون الدخول فى تفاصيل

اترك رداً أو حلاً لهذه المشكلة